براونيز بكريما الخمس دقايق السرية· يسلق العدس بالمرق حتى ينضج تماماً و يمكن استعمال طنجرة الضغط لتخفيف مدة السلق .
· يطحن العدس بخلاط الكوكتيل أو باستعمال الخلاط العامودي حتى يصبح ناعماً و يتبل بالملح و الكمون .
· يضاف حمض الحصرم بالتدريج حتى الوصول لدرجة الحموضة المطلوبة ثم يترك ليغلي لبضع دقائق أخرى .
· يحمى زيت الزيتون على نار متوسطة ثم تقلى فصوص الثوم بالزيت حتى تشقر قليلاً من دون أن يتغير لونها ثم تصب فوق الشوربة و تترك لتغلي لبضع دقائق ثم تسكب في طبق التقديم و تقدم ساخنة مع الخبز المحمص .
فكرة سريعة :
بعض الناس لا تفضل وجود قطع الثوم في الشوربة , لذا يتم التخلص من فصوص الثوم بعد أن يأخذ الزيت نكهته منها .
2 كوب عدس
8 - 10 كوب مرق
نصف كوب حمض الحصرم
6 ملعقة كبيرة زيت زيتون
10 فص ثوم صغير
ملح و كمون
• يسلق العدس بالمرق حتى ينضج تماماً و يمكن استعمال طنجرة الضغط لتخفيف مدة السلق .
• يطحن العدس بخلاط الكوكتيل أو باستعمال الخلاط العامودي حتى يصبح ناعماً و يتبل بالملح و الكمون .
• يضاف حمض الحصرم بالتدريج حتى الوصول لدرجة الحموضة المطلوبة ثم يترك ليغلي لبضع دقائق أخرى .
• يحمى زيت الزيتون على نار متوسطة ثم تقلى فصوص الثوم بالزيت حتى تشقر قليلاً من دون أن يتغير لونها ثم تصب فوق الشوربة و تترك لتغلي لبضع دقائق ثم تسكب في طبق التقديم و تقدم ساخنة مع الخبز المحمص .
فكرة سريعة :
بعض الناس لا تفضل وجود قطع الثوم في الشوربة , لذا يتم التخلص من فصوص الثوم بعد أن يأخذ الزيت نكهته منها .
يا سلام على هالعدس بحامض شي أصولي وتمام التمام ومافي أطيب منه لما بيكون الحمض بالحصرم بيطلع عن جدغير شكل وطعمتوأطيب من أي حمض تاني تسلم دياتك شهيتيني عليه وعم تذكرينا باكلات لذيذه وغاليه علينا يعطيك ألف عافيه
الله يعافي قلبك و بدنك أختي أم عبادة , و الله ما في أطيب من طبخاتنا المنفنفة , كلك زوء
يشبه كتير شوربة العدس المصرية ، باستثناء أننا لا نستخدم حامض الحصرم ، فقط نعصر فص ليمون قبل التقديم .
أخت منى : الله يعينك ع الموقع . :upset .
هلا و مية هلا بنهولة
هدا هو المميز بهل الشوربة , الحصرم بيعطي طعم مختلف عن أي حمض تاني 8)
الله يسلمك نهولة , ادعيلي حبيبتي :roll
بصراحة موقعك عجبني كتير وانا اول مرة بسجل بموقع و بكتب تعليق فيه بس بصراحة باين انه جهودك جبارة و انت فنانة طبخ ما شا الله تبارك الله وانا من المستفيدات من هذا الموقع كتيرا الله يجزيك الخير لانك حلتيلي مشكلة كبيرة و هي تعلم الطبخ بطريقة سهلة و نتائج مضمونة انشاالله بصراحة انا اتزوجت جديد وكنت ببيت اهلي كل اعتمادي ع ماما في الطبخ كنت اساعدها في شغلات بسيطة بس ما كان اللي خلق اني اتابعها لاخر الطبخة و كنت ملتهية بدراستي ومن بعدها بوظيفتي بس الاحلى اني تزوجت و سافرت بعيد عن اهلي وما عندي حدا اساله عن شي فصرت ادخل ع النت منشان اشوف مواقع الطبخ الموجودة و اقرا كل الوصفات حتى اعتمد الوصفة اللي اقتنعت فيها و عجبتني وتكون قريبة من طبخ ماماوهيك كنت تايهة بس مرة ع مرة كنت ع طول تطلعي وصفات من موقعك وما الاقي حالي غير ع طول عجبتني و عملتها و تزبط الحمد لله منشان هيك قررت انه ما دور و اتعب حالي بس بدي اي وصفة بفتح ع موقعك و بدور ع اللي بدي اياه حتى بس كون محتارة شو بدي اطبخ بفتح ع موقعك و بختار حسب ما متوفر عندي وبيزبط معي الحمد لله وكمان عجبني بصراحة طريقة ترتيب و تنظيم الموقع و طريقةتنسيقه كتير حلوة و مريحة للناظر بصراحة انت بستاهلي كل شكرو ثناء ع مجهودك الطيب و اسفة اذا طولت عليك بس هي اقل ما فيني احكيه مشكورة و الله يعطيك العافية و الصحة و تظلي تتحفينا بوصفاتك الطيبة
السلام عليكم
مية اهلا و سهلا فيك هنون
نور الموقع بأخت غالية و جديدة , بتعرفي اختي رد متل ردودك هو الي بيحسسني ان الشغل الي بيصير بالموقع ما بيروح من دون فائدة و بيشجعني نزل كمان وصفات من مطبخنا اللذيذ لان بتعرفي ما في اطيب من المطبخ السوري ..
هنا و الف صحة على قلبك و قلب زوجك على كل وصفة جربتيها و عجبتك و ان شاء الله بترجعي سالمة و غانمة لسوريا ..
يا ترى اختي شو جربتي :zzz
السلام عليكم
الله يعطيكي العافية على العدس بحامض وعلى كل وصفاتك فعلا لذلذة وشرحك يشجع على التجربة
ذكرتيني بالعدس بحامض وبالمخلوطة يا ريت تكتبي لي المخلوطة كيف بتتجهز صار لي في فرنسا عشر سنين ما عملتها ومشتهية عليها كتير كتير
مع جزيل الشكر
هلا ام سيمى
هادا بس من زووءك أختي و ربنا ييسر عليك الغربة و ترجعي سالمة و غانمة
المخلوطة فيك تشوفيها على الرابط [URL=http://www.l2ma.com/content/view/182/2/]هذا [/URL] و ان شاء الله تجربيها و تعجبك
يعطيك الف عافية على هالوصفة انا من زمان حابة اعمل عدس بحامض وقت اللي قريتها اتشجعت كتير . بس سؤال صغير لازم حمض الحصرم بيصير الليمون وشقد بدي لاصل للحم المعقول .. ويسلموا ايديك :zzz
هلا اسماء
بيصير تستبدلي الحصرم بالليمون بس ما رح تعطيكي نفس الطعمة اكيد :roll
اتوقع ممكن تستخدمي عصير ليمونتين او ااقل شوي , بس كمان هي قصة زووء , على كل هل الشوربة لازم تكون شوي حامضة :zzz
السلام عليكم أخت منى
انا كتير حبيت الموقع و خاصة اني عم الاقي وصفات حلبية كمان انا من حلب بس لسوء الحظ اني كمان مغتربة و ما بعرف اطبخ ابداً و كنت دايما ابحث عن وصفات على الانترنت لحتى اكتشفت هاد الموقع كتير ظريف و صرت افوت عليه مباشرة جربت عدة وصفات الكبة الصينية و الكواج و طلعوا كتير طيبين شكرا لالك
و بحب اهنيك لأنو عن جد في شمول بالنسبة للوصفات ما في اي وصفة بحثت عنها ما لاقيتها من كم يوم زوجي مشتهي على العدس بحامض لما لقيتو هون كتير فرحت بس بدي استفسر عن شغلة شو هو المرق يعني ممكن مي عادي
و كمان عيد ميلاد ابني بعد اسبوع و طبعا بدي اعملو حفلة صغيرة بحكم انو نحن بالغربة ما لنا حدا يعني حفلة عالضيق كتير بس مشتهية اعمل قالب كاتو مميز طفولي و بصراحة ما يكون كتير مكلف بليز فيكي تنصحيني بشي
شكرا كتير اخت منى
هلا سيرينا
الف صحة و هنا و عافية يا رب على قلبك بكل لقمة اكلتيها انت و عيلتك الحلوة الصغنونة , كتير انبسطت انك عم تلاقي طلبك هون :zzz
المرق هو مرق سلق لحمة أو دجاج و اذا مو متوفر تحت ايدك ممكن تستعملي مكعبات مرق دجاج عادية , بس بالطبيعي اطيب .
رح نزل وصفة خصوصية لحفلات الاطفال لحتى اعطيكي فكرة سهلة و سريعة و مو مكلفة للكيكات , يا رب تعجبك , و باذن الله رح نزلها بكرة
تسلم يدك منى على الوصفات اللذيذة
بس ايش هوه حمض الحصرم