براونيز بكريما الخمس دقايق السرية
3/4 كوب لوز مسلوق و محمص و مطحون
2 ملعقة كبيرة زبدة
1/3 كوب طحين
1 كوب حليب دافئ
2 1/2أو 3كوب مرق بقر أو خروف
رشة جوزة الطيب
ملح و فلفل
للتزيين:
1ملعقة كبيرة زبدة
1/4 كوب مرق بقر أو خروف
قليل من البقدونس
رمان
• ذوبي الزبدة في طنجرة و أضيفي إليها الطحين و حركي قليلا حتى تمتزج الزبدة بالطحين ( بدون أن يتحمص الطحين ) ثم أضيفي الحليب الفاتر بالتدريج مع التحريك باستمرار ( استخدمي مخفق البيض ) استمري بإضافة الحليب و التحريك حتى يصبح لديك شبه عجينة مائعة .
• أضيفي اللوز المطحون و المرق و جوزة الطيب و الملح و الفلفل و اتركيها على نار هادئة مدة 20 – 25 دقيقة بدون تغطية الوعاء .
• ذوبي ملعقة الزبدة في وعاء صغير ثم أضيفي ربع كوب من المرق و عندما يبدأ بالغليان أضيفي البقدونس و حركي لثواني ثم اسكبيه فوق الشوربة .
• قدمي الشوربة و هي ساخنة و زيينيها بالرمان , بصراحة أنا أفضل أن أزينها ببودرة فليفلة حمراء أكثر من الرمان لكن هذا أمر يعود لذوق كل شخص .
كالعادة سهى ةصفاتك مميزة و منتقاة بعناية و و زووء كبير و محضرة بنفنفة و حب و نفس
منظرها بيشهي , سلم هل الديات يا حق
تسلم ايدك سهى وصفة طيبة ورائعة واكيد باذن الله حجربها اكيد طعمها حلو وغني الف شكر لك اختي الكريمة
يعني اختها لوصفة شوربة الفستق يلي مشتهية جربها بس ماعم اتجرأ ….الله يسلم ايديكي ياسهى وماشالله عليك تألق دائم …بس شو بدي اسألك هلأ كيف بتطلع طعمتها …متل شراب اللوز بس مالح :roll
السلام عليكم ورحمة الله وبركاته. والله اول مرة بسمع فيها غربية شوي بس بتستحق التجريب تسلم ايديك عزيزتي سهى
سلم دياتك سهى ماشالله عنك مبدعة الله يبارك فيكي
أنا بحب اللوز
بس ماني متخيلة طعمته كشوربة.غريبة شوي الفكرة
بلكي بقوي قلبي وبعملها
شكل الصحن حلو ..مشكورة
السلام عليكم
تسلميلي هدا كلو من بعض ما عندكم
هلا منونة
———————-
هلا تورتاية بالكريز شكراً لمرورك الكريم على فكرة اسمك كتير بيعجبني فيو موسيقى
———————
هلا رنا قوي قلبك و جربيها كل وصفة جديدة جرأة أحيانا لما يكون عندي وصفة جديدة بقول لحالي جربي نص الكمية بس ماما بتشجعني و بتقلي جربي كل الكمية أحيانا بتصير فيني مقالب غوار الطوشة :grin بس هالوصفة عن جد ملوكية ما رح تندمي و الطعمة مختلفة عن شراب اللوز لأنو عندك كتيير منكهات مختلفة يعني هل حرام عليك شهيتيني على كاسة شراب اللوز :p
——————-
هلا أم تسنيم مزبوط الفكرة غريبة يلا جربيها و عم استنى رأيك
——————
هلا أم نور تسلمي لقلبي كلماتكن الحلوة هي يلي بتشجع :zzz
—————–
هلا larooo
أنا كمان بالبداية ما كنت متخيلة الطعمة بس قوية قلبي و جربتها و هي الشوربة المفضلة عند والدتي :zzz
سلامي لكل الصبايا
السلام عليكم اختى منى انا كتير بهنيكي على هل الموقع وبدعيلك بلتوفيق اختك ام يوسف من حلب الشهباء مع التمنيات بلتوفيق الدائم وانا معك على طول باءذن الله
فنانة ومبدعة كالعادة وصور اطباقك حلوة الله يسلم ايديك انا كطبيبة لفت نظري بانك قلتي ان اللوز مر وانا اعرف ان تناول 10 حبات لوز مر يؤدي الى الموت بالسيانيد غريبة كيف مستعملينو بالطعام عموما فكرة اللوز الحلو احلى وصحية اكتر وشكرا لك اختي العزيزة
يسلم إيديك يا سهى ، شكلها طيبة كتير و أكيدمغذية
طيب و إذا كان عندي لوز مقشر و خالص ، ضروري إسلقه و لا ع التحميص فورا؟؟؟؟؟؟؟؟؟؟؟؟؟ 
سؤالي : إنتي ذكرت إنو اللوز مسلوق، يعني نسلقه بس مشان نقشره
مرحبا يا سهى تسلم هالايادي يارب كثييييير زاكية راااااااائعة بمعنى الكلمة انا اول مرة بجرب الاكلات التركية بس فعلا هالشوربة لذيذة ومثل ما قلت كل الفوائد فيها شكرا الك وبانتظار وصفات ثانية منك
سهي كنت بدي اسألك سؤال ونسيت هلأ ممكن نستعمل اللوز المحمص المالح ولا لازم يكون ني ونسلقة ونحمصه وسؤال ثاني اذا ممكن انت لما قلت 3/4 كوب لوز بيكون هذا واللوز حب بعده مش هيك لأني انا هيك عملت عيرت مقدار اللوز وهو حب وبعدين سلقت وحمصت وطحنت
انا اسفة معلش اسألتي كثير لكن بحب اتأكد من كل شي بس على العموم هي كثير زاكية ومرة ثانية شكرا الك
تسلمي يا سهى عندي سؤال بالنسبة لا اللوز كيف بتحمصي بعد ما تسلقي بالفرن ولا بالزيت وبتطحني ناعم بودرة ولا ما بياثر شكرا الك
هلا غيث الله يجزيك الخير على هالمعلومة عموما الوصفة الأصلية فيها كمية ربع كوب لوز مر بس بما أني ما بحب أي شي مر و كتيييييير بحب الحلويات و لازم أشكل جمعية عشاق الحلويات :grin ( يا صبايا يلي بحب ينضم ) لهيك استبعدت اللوز المر
هلا ميس
أنا على طول بجيب لوز و بسلقو لحتى ينقشر و بعدين بحتفظ فيه بالفريزر لحين الطلب لذلك أنا أخدت الكمية يلي بتلزمني و طبعا نشفتو بورقة مطبخ و بعدين حمصتو بالفرن و بس برد طحنتو و استعملتو بالوصفة و بالنسبة للوز المحص المالح ما فيكي تستعملي الني أفضل و شو هي أسفة ما أسفة أي سؤال من عيوني
هلا haya
هلأ أنا عم أكتب تعليق لميس جاوبت كمان على سؤالك لأنو خربطت بالأسماء عذروني لأني مكربة و صايرة هيك :upset و كمان هيك
و تكرم عيونك أنا بالخدمة لأي سؤال و بنصحك تجربي أكلات من المطبخ التركي لأنو ذوقون بالطبخ بيشبه ذوقنا و تاني شي من مكونات بسيطة بيطلع عندك طعمات خيال يعني أنا كتيير بحب المطبخ الفرنس و هو مطبخ رفيع المستوى بس كتير أكلات بدها إما مكونات كتيرة أو خطوات طويلة و دقيقة
سلام 8)
هلا اختي ام يوسف
نورتينا و شرفتينا و على راسي حارتك و الله
ولي غيوثة عن جد
, لا بلاها خلينا على الحلو احلى
ام السوس عليك الف عافية يا رب و ان شاء الله معداية , لا تبقي بالي
:cry كيفك مدام منى الله يوفقك قرب عيد الام وعم استنى وصفاتك بليز لاتتاخري علينا
هلا أم النور
أنا بحمص اللوز بالفرن بدون زيت بس بحطو بصحن بايركس و على الفرن و بس يزهر بطالعو و بالنسبة لطحن اللوز قاعدة عامة لكل المكسرات بتطحنيها و بطلي كل شوي تفتحي الطاحونة و تطلعي عليها لأنو إذا بتبالغي بالطحن بتسخن شفرات الطاحونة و بيبلش يطلع زيت المكسرات و هيك بيصير عندك معجون بدال بودرة
-
شكلها يشهي رهيبه اممم بس تعرفي يبغالي اجربها بمرق الخروف يتهيئلي بتطلع الذ