ألف شكر أخت منى على الوصفة .. أنا كمان من محبي الشوكي .. ولقمة طيبة علمني وصفات جديدة ورائعة إله .. رح جرب الوصفة بأقرب وقت وخبرك النتيجة.

ما شاء الله تبارك الحمن و الله م ا قصرتي يا منى حطيتي هالوصفة يعني على قولتك الشوكي بيحير ما بتلاقي وصفة بتزبط معو ,انا لما بجيب شوكي يا بعملو محشي باللحمة على طريقتك او بطبخ فيه طاجين الشوكي مع الفول و اللحمة على الطريقة المغربية..الا ما اجرب هالطريقة ان شاء الله الله يعطيكي العافية و يسلم هالديات ..
اما على قولة النق والاولاد انا عندي مبدا ما بتزحزح عنو التجوييييييييييييع :grin
مع بنتي جاب نتيجة ومع اخي الصغير كمان جاب نتيجة انو ما يحبو نوع اكل نوعين يالله الواحد بيتساهل اما ما بدي هي و ما بدي هي ايه بالصرماي على راسن هههههه :grin
بس لا تحسبيني شريرة انا صارمة و بس على كل حال الواحد لازم ينتبه ما يعطي الولاد اكلات و هالشغلات لانها خطرة اولا و بتسد شهيتن ثانيا وبتكرهن باكل ماما الطيب :sigh
على كل حال الام لازم تنوع باكل الولاد و بطريقة التقديم هيك بينبسطو و بحب اكل ماماتن اللي تعبت فيه 8)
الله يخليلك كتاكيتك و ما يحرمك منن يا رب ,,انتي ايش موقفك بهالحالات ؟؟؟

والله طلعت روعة بكل معنى الكلمة…
جربتها البارحة وكنت ناوية أعمل كمية صغيرة كتجربة خوفاً انه ما تعجب العيلة بس كترت الكمية بالغلط ويا ريت كترت اكتر لانها لاقت استحسان الكل وطارت طيران وبعد ما خلصت غدا وقبل ما أقوم من السفرة حتى عممت الوصفة على ماما اولاً وبعدين أخواتي وأصدقائي…
يسلموا دياتك يا منى على هالوصفة الروعة…

اليوم جربت الوضفة كتيييييير طيبة و جوزي كتير حبا عن حد تغيير شكل و انا كتير بحب تغير الشكل ههه :grin
الله يعطيكي الف عافية و يسلم ايديكي و ان شاء الله كل يوم بتتحفينا بالجديد و المفيد,بتصدقي بطلت اطلع على كتب الطبخ اللي عندي بس ما احترت بدور بلقومة و بشوف ايش في ما في و غالبا بلاقي يعني تقريبا جربت نص و صفاتك من الحلو للمالح للمعجنات ,,الله يبارك فيكي و يباركلك بجوزك وولادك واهلك عنجد خيرك هذا صدقة جارية بميزان حسناتك

لأ هيك صايرة عم تزوغلي أخت منى
من سنتين نصحتيني أنو الشوكي مو منيح يتفرز، وأنك بتفرزي بس حوالي 60 حبة وبيكون الاستهلاك خلال شهرين أو تلاتة بالكتير، وأنا سمعت نصيحتك وألغيت تفريز الشوكي :sigh
شو عدا ما بدا :roll

هههه يا حبيبي و الله زعلت عليه الله يخليلك ياه ,والله هالولاد ما بمشو غير بالحيلة الله معين :cry
ولك انا مو بس بكتبلك و صفة الطاجين كل شي بعرفو بكتبلك ياه بس ما بعرف شلون ابعتلك لانو صارلي يمكن شي مرتين عم ابعتلك على اسمك بالموقع بس كانو ما عم يوصلك شي .. ابعتلك الوصفة بالرد؟؟

الوصفه كتيررررررر شكلها طيب تسلم اديكي حبيبتي على هالوصفات الاكتر من رائعه انا جربت وصفات كتير من هووون وكانت ناجحه وطيبه يعطيكي الف عافيه ياااقمر
عندي سؤال بصير استعمل بهاي الوصفه الارضي شوكي المجمد ولا بيختلف الطعم انا ولا مرة جربت الارضي شوكي وكتير حابه اجربه بس بطريقتك لنحبه هههههه واذا مابصير المجمد بكون شاكرة الك اذا وضحتيلي كيف طريقة تقشيره وتنضيفه وكيف اختاره لما اشتريه ولا مابيفرق ؟؟؟
وشكرااااااا كتير الك يااامنى