براونيز بكريما الخمس دقايق السرية
· يقطع الكوسا لشرائح رقيقة نوعا ما مثل الحجم الظاهر بالصورة ثم تقلى بالزيت حتى تشقر , ترفع على ورق ماص .
· تقلى اللحمة و البهار و القرفة بالسمنة على نار متوسطة و تفكك بملعقة خشبية و تقلب حتى تنضج و يجف مرقها .
· يغسل البقدونس جيداً و يترك حتى يجف ثم يضاف للحمة , أصبحت الحشوة جاهزة .
· ترتب نصف شرائح الكوسا في صينية ثم تغطى بالحشوة ثم تغطى بباقي شرائح الكوسا و يمكن ترتيبها بشكل جميل حسب الزووق .
· تغمر الصينة بالمرق ثم تغطى بورق ألمنيوم و تخبز في الفرن لمدة 45 دقيقة أو حتى تنضج .
· تقدم الصينية ساخنة مع الأرز المفلفل و اللبن المثوم و الفجل و النعناع .
2 كيلو كوسا
ملعقة سمنة
نصف كيلو لجمة غنم مفرومة
نصف ملعقة صغيرة بهار مشكل
رشة قرفة
باقة بقدونس مفرومة ناعماً
ملح حسب الحاجة
مرق حسب الحاجة
• يقطع الكوسا لشرائح رقيقة نوعا ما مثل الحجم الظاهر بالصورة ثم تقلى بالزيت حتى تشقر , ترفع على ورق ماص .
• تقلى اللحمة و البهار و القرفة بالسمنة على نار متوسطة و تفكك بملعقة خشبية و تقلب حتى تنضج و يجف مرقها .
• يغسل البقدونس جيداً و يترك حتى يجف ثم يضاف للحمة , أصبحت الحشوة جاهزة .
• ترتب نصف شرائح الكوسا في صينية ثم تغطى بالحشوة ثم تغطى بباقي شرائح الكوسا و يمكن ترتيبها بشكل جميل حسب الزووق .
• تغمر الصينة بالمرق ثم تغطى بورق ألمنيوم و تخبز في الفرن لمدة 45 دقيقة أو حتى تنضج .
• تقدم الصينية ساخنة مع الأرز المفلفل و اللبن المثوم و الفجل و النعناع .
مرحبا يا منى شو اخبارك ان شاء الله كله تمام
الحمدلله على سلامة الموقع ورجوعه
طبخة اليوم مبينة طيبة كثير وسهلة وخفيفة رح اجربهاقريب
تسلم ايديكك والف صحة وهنا
السلام عليكم و رحمة الله و بركاته
اختي منننننننننننننننننننننننننننننننننننننى و اخيرا رجع الموقع كتير فرحت و الله لا يعيدها و الله يهدي اللي عم يساووا هيك
الوصفة مبينتها كتير طيبة و راح اجربها اكيد ان شاء الله قريبا
بدي اسألك عن نوع المرق هل هو مرق خضار او دجاج و يا ريت ازا فيكي تقوليلي طريقتك في اعداد مرقة الخضار
كمان بدي ازا انت حمرتيها من فوق او هي هيك طلعت
بالتوفيق
سلام
أنا كتير بحب هالطبخة
وشكرا على طريقتك السهلة لاني أنا بعملها بالعادة بحفر الكوسا لكن طريقتك سهلة وشهية وإنشالله راح أجربها
مشكورة
الحمد لله على عودة الموقع بالسلامة والله كتير كنت حزينة لما ادخل على الصفحة وما يمشي الحال اعصب وافكر فيك اقول الله يعينها والله لا يوفق اللي كان السبب لا نه فعل اولاد لا يمتون للحلال بصلة المهم يسلمو ايديك يا حق على هالوصفة السهلة وبنصح الاخوات بتجريبها لانها سهلة وطيبة انا بسميها شيخ محشي كازب عفوا حف الزال لا يكتب عندي لزلك عم اكتب كل الكلمات بحرف الزاي وشكرا لكم جميعا نور النت بعودنكم
يسلمو ايديكي منى أكله سهله وطيبه كتير انا عادة بغلي مي ومكعب ماجي وبضيف شوية ملح وبطبخها فيه انتي شو المرق اللي بتستخدميه ؟؟
هلا سمورة
الحمد لله انا باحسن حال و بفضل من الله , الله يسلمك و يخليك و ان شاء الله تجربيها و تكون على زووءك
و عليكم افضل السلام و اتم التسليم سارونات
امين اختي , حسبي الله و نعم الوكيل عليهم
اختي المرق الياستعمله مرق سلق لحمة او دجاج , و باذن الله رح ضيف طريقة مرق الخضار
الصينية ما حمرتها , لون الكوسا طالع حلو من القلي , ان شاء الله تجربيها و تكون متل ما بتحبي
هلا غيوثة
الله يسلمك و يخليك , و انا اشتقت الك كتير يا عسل , الله يخليلي ياكي يا احلى اخت
منور بوجود هل الخوات الغاليات , و ربي لا بقى يعيدها :roll
هلا سلاف
المرق الي استعمله مرق حقيقي من سلق الدجاج أو اللحمة , بعد ما أسلق اللحومات أقسم المرق على أوعية صغيرة و بغطيها منيح و بحخطها في الفريزر حتى وقت ما تلزمني , إذا ما عندي مرقة استخدم ماء و بس لان انا ما كتير بحب استخدام الماجي , ممكن احياناً استخدمها , بس بحالات قليلة كتير
يسلمو إيديكي منى، كل أكلاتك حلوة وبتشهي، خصوصا لما تكون سهلة هيك :roll .. وواضحة بالصور.. بس يا ترى تفتكري بقدر أضيف معجون طماطم للمرق؟ ولاّ بتطلع شي ثاني ما إله علاقة بهاي الطبخة؟
… ويسلمو كتير حبيبتي لذوقك وطولة بالك، الله يسلّم هالإيدين يا رب
هلا منامينو
اكيد بيصير و خصوصا لما ما بيكون عندك عصير بندورة فرش 
و يتطلع طيبة ..
نورتي اختي
شيئ رائع الله يعطيكي ألف عافية ويحفظلك الموقع من الهاكرز جد كنت كتير زعلانه وأنا كل يوم بدخل بس مقصرة بالردود لأنو كنت مضيعة كلمة المرور وإن شاالله الهاكرز ما بيتكرر على الموقع
عندي طلب صغير بدي طريقة السفرجلية على أصولا بالحمة الشقف يمكن موجودة بالموقع وأنا ما شفتا ما بعرف
عل العموم ما بدي أدايئك على مهلك لأنو بدي ياها للعيد وشكراً أختي منى
تكرم عيونك ام جودي
الوصفة الي موجودة بالموقع هي لسفرجلية مع اللحمة الكباب , رح نزل الك الكبة السفرجلية قبل العيد اذ الله راد
السلام عليكم….كيفك يامنى وكيف حال كل الأخوات…أنا كتير مزعوجه …من 15يوم وأنا عم حاول إفتح على المنتدى عم يطلعلي أشياء تانيه..وهل المره حاولت وسميت بالله والحمدلله انفتح معي…إذا صار تاني مره معي هيك كيف بتواصل معكم…يعطيكي العافيه علأكله..شو هيي المرقه يللي بحطها ..مو شيخ المحشي بينعمل باللبن .شو بحط هون
مية هلا أختي
الي صار معك كان عم يصير مع الكل , لان كان في هكر على الموقع , بس هاكر من طراز رفيع متل الي شفتيه
حسبي الله و نعم الوكيل و ان شاء الله لا بقى تنعاد
أختي هل الوصفة تتقدم مع لبن مثوم و تطبخ بمرق عادي , جربيها سهلة و طيبة
السلام عليكم و رحمة الله و بركاته
تسلميلي اختي منى و ناطرة مرقة الدجاج بالمستقبل ان شاء الله
اختي منى عندي سؤال عن المرقة انا صرت معتمدة طريقتك في سلق اللحم و الدجاج و ناجحة مئة بالمئة الحمد لله بالنسبة لمرق الدجاج عم عبيهابقوالب مكعبات الثلج او بعلب الزبادي الفارغة و فرزها و وقت بدي استعملها عطول بطالعها و كل شي تمام اما سلق اللحمة فالوصفة الوحيدة اللي بسلق فيها اللحمة هي المقلوبة و المرقة اللي بتطلع عقد الرز يعني ما بيظل منها شي و عم احتاج مرق لحمةمشان وصفات تانية بقى شو الحل هل فيني ساوي كمية مرق كبيرة من لحمة المقلوبة او راح تنتزع طعمة اللحمة لما كتر المي و كمان كنت كتير فرحانة عبالي بتنعمل مرقة من لحم الغنم و قلت بدي ساوي منها كتير بالعيد بس عرفت انو ما بتنعمل لان بتطلع طعمتها قوية كتير و ازا انعملت بتكون لاشياء معينة بدها هالطعمة القوية هل هالشي صحيح :cry :cry
بالتوفيق
سلام
هلا اختي
لا هل الكلام مو صحيح , ما في اطيب من مرقة سلق اللحمة سواء غنم او بقر , و ممكن تنعمل مرقة طيبة كتير من العظام بس , ان شاء الله بتنزل الطرق كلها
الحمد الله على عودة موقعي المفضل بطبخاته اللذيذة الشهية هالطبخه من فرحتي بعودة الموقع الشغالة في المطبخ قاعدة تقطع الكوسى وانا قاعدة اشكرك عليها مقدما لانهاباينه طيبه كثير والكتاب من عنوانه
ان شاء الله تعجبك , المهم ويها ان ما تكون القطع سميكة , الف شكر ليك على ثقتك في منونة و نور الموقع باحلى اعضاء مرة تانية
السلام عليكم
امممممممممممم
شكلها لذيذة كتير كتير و خصوصا انو ببريطانيا مافي كوسا صغير للحشي وانا بعملها بطريقة مشابهة بس بكمرون بالطنجرة بس على كل الاحوال بدي جربها
يسلمو منى والحمد لله على سلامة الموقع لا تزعلي انشاء الله خير وهاد بياكدلك اديش اشتقنا للموقع و كلنا ناطرين طبخاتك
والله كول الليل مبارح عم اكتب الاكلات خوفا من الانقطاع :cry
السلام عليكم و رحمة الله و بركاته
:zzz :grin هي انا بعد ما قريت ردك من كتر الفرحة الله يفرحك دايما اختي منى و يجازيك الجنة ما عم صدق انو بتنفع لكان راح ساوي كميات كبيييييييييييييرة ان شاء
الله من لحمة العيد و ناطرتك اختي منى تنزلي الطرق كلها و ازا ممكن قبل العيد بكون كتير ممنونة
اختي منى عندي طلب ازا بتقدري بس ازا ما بتقدري راح اتفهم لان عم كتر عليكي بدي ازا فيكي تحطيلنا وصفات للاستفادة من لحم العيد حيث يكون اللحم اساسيا فيها
و الكبدة كمان بدي شي طريقة مميزة ازا فيكي قبل العيد مو ضروري تصوريهم يعني حتى بلا صور و بالمستقبل لما بتساويهم بتحطي الصور ما بعرف ازا بينفع او لا
ناطرة ردك
بالتوفيق
سلام
السلام عليكم ورحمةالله و بركاته
مبروك عودة الموقع اخت منى
تصدقي اني عملت نفس الطريقة لما كنت بسوريا بالمصيف… وصيت على كوسا لشيخ المحشي بس اجتني الحبات كبيرة .. :upset
لكن انا قطعت الكوسا شرائح طولية..سبحان الله
الله يعطيكي الف عافية على افكارك المبتكرة
الله يبارك بعمرك و وقتك أخي الكريم .
أكيد الوصفة معروفة كتير للاحوة الوريين , و كمان فكرة التقسيم بشكل طولي , الله يعطيك العافية لاغناء الوصفة أخي
السلام عليكمتسلم الدي بصراحة انا جربتها اليوم وطلعت طيبة كتيرررررررررررررر اطيب من المنزلة بالبازنجان لاني كتير بحب البازنجان تسلم الديات
هلا سارونات
ما بعرف و الله كيف راح ردي عليك , ان شاء الله ما تكوني زعلت :roll
من عيوني التنتين أختي و لا يهمك , بنزل الوصفات
هلا أختي مغتربة
هنا و الف الف عافية على قلبك و قلب كل العيلة , مية هلا :zzz
احم احم :grin
هالوصفة انا كنت اعملها وئت كنت ادرس بالاردن بس بدل بالفرن كنت اطبخون بالطنجرة وانا كتير كتير بحبها بس انت حاطتيلها قرفة هي جديدة علي واكيد بتعطيها نكهة اطيب..
يسلمو كتير ميمو والله يعطيكي الف عافية يارب :p
:grin الله يسلمك يا قمر
فرطيني ضحك على احم احم , هنا و الف صحة على قلبك
و ان شاء الله تجربيهاهيك و تعجبك , رح تكون نفس الطعمة بس شكلها رح يكون أحلى
السلام عليكم و رحمة الله و بركاته
جازاك الله خيرا اختي منى ساويتها مبارحة و شو طلعت طيبة بس بالاول قطعت الكوسا شرائح رقيقة كتير بس بعدين خليتها اسمك و اكلت الشرائح الرقيقةبالخبز :grin :zzz
الكوسالما بتكون مقلية ريحتها كتير حلوة و بتطلعهالريحةكمان بالاخير لما ينضج الطبق
اما مرق الدجاج اللي حطيتو فكان كتيرلهيك بالاخير فرغتو بس اكيد ما انكب الحمد لله نحنا ما منكب شي لانهانعمة ربنا و انما اتغمس بالخبز عقد مانو طيب هالمرق اللي طلع من تمازج مرق الدجاج و الكوسا و اللحمة المفرومة ان شاء الله المرة الجاية بقلل شوي مرق
و كمان شي انا بعد ما قليت الكوسا و شفتها قديش بتتشرب زيت خفت لتطلع ثقيلة بس الحمد لله طلعت خفيفة كتير و كتير طيبة و بنصح الكل يجربوها
ربنا يوفقك و يسهل دربك اختي منى
سلام
شكلها طيبة بس المشكلة انا بخاف جرب شي جديد وطبق مو متعودين عليه ، رح جرب بكمية قليلة وان شاءالله بيطلع طيب
هلا سارونات
عافية و الف الف صحة بكل لقمة , مقلي و مطبوخ و مغمس , كتير انبسطت انك جربتيها و كمان انها عجبتك و ان شاء الله كمان تجربي غير وصفات و تنول الرضا
هلا حنان
ان شاء الله تجربيها و تحبيها , و مقاديرها متل مو شايفة كلها متعوديين عليها و متل زوءنا العربي لهيك لا تخافي ان شاء الله بتطلع تمام
أنا بعملها وبتطلع طيبه بس من دون تطبيق بحطون بقلب بعضون بس فكرة التطبيق حلوة كتير .. شكرا منى
يمكن نفس الطعمة بس هي شكلها احلى
ان شاء الله تجربيها و تكون على زووءك