براونيز بكريما الخمس دقايق السرية
احيانا ما بيكون جاي على بالي فوت للمطبخ أو ما عندي وقت كتير لتحضير الغدا , بهيك اوقات بلاقي هل الصلصة جاهزة بالفريزر لتساعدني , بعمل فيها كتير كتير اشيا , و هي واحدة من اطيب الصلصات الي ممكن تحضريها بالمطبخ و اسهلها كمان . ما بقدر اوصفلك الطعم , لازم تجربيها لحتى تعرفي ..
اذا كان عندك مرطبان بيستو بالفريزر , و مطربان بندورة محفوظة بالزيت في الخزانة , فهل الوصفة الك لان مقاديرها كلها متوفرة عندك . ممكن تستخدميها مع السباغيتي , و النيوكي , و الكانيلوني , مع الازانيا , مع البتنجان , مع اي اشي لازمه صلصة بندورة .
بالصحة و الهنا
ملعقة كبيرة زبدة
3 فص ثوم , مهروس
6 – 7 شرحة بندورة مجففة , مفرومة ناعمة جداً
5 كوب بندورة , مقشرة و مفرومة
2 كوب مرق دجاج
ملعقة كبيرة سكر
1 – 2 ملعقة كبيرة بيستو
ملح و فلفل أسود
• يقلب الثوم بالزبدة على نار هادئة لمدة دقيقة تقريباً حتى تظهر رائحته اللذيذة مع الانتباه حتى لا يتغير لونه . تضاف البندورة المجففة و تقلب لمدة دقيقة أخرى .
• يضاف المرق و البندورة و الفلفل و الملح و السكر و تترك الشوربة لتغلي لمدة 10 – 15 دقيقة .
• يضاف البيستو و تترك الصلصة لتغلي بضع دقائق إضافية , تذاق و يضاف المزيد من السكر إذا دعت الحاجة .
• تحفظ الصلصة في مرطبان في الفريزر او تستخدم حسب الرغبة .
[B]مرحبا منى مشان الله لا بقى اتطولي علينا والله فرفح قلبي عند شفت هالوصفتين الله يسلم ايديكي بس عندي سؤال بيصير استعمل البندورة المجففة اللي مو محفوظة بالزيت ويسلمو كتير كتير[/B]
الله يسلم ايديك والله منظرها بيشهي وباين انو طعمتها اشهى الله يعطيك الف عافيةو ان شاء الله رح اجربلها قريبا بس ليفضى راسي
هلا jenna
شكرا حبيبة قلبي , ان شاء الله مبسوطة دوما و قلب مفرفح و منعنش
اي اكيد فيك لهل الوصفة , بس انت كيف بتستعملي البندورة المجففة اذا ما نقعتيها بالزيت ؟
اتمنى تجربيها و تكون نمممم
هلا غيوثة:)
الله يعافي قلبك و بدنك و الله يهدي بالك و بالي و بالنا كلنا
رح استنى رايك بعد التجربة
حقيقي رائعة يعني مطعمة بكل النكهات اللي تخليها رائعة وجديد استخدام بيستو كمان طعمة غنيه خاصة باضافة الشوربة وكمان الطماطم المجففة كنت استخدمها للبيتزا فقط بس فعلا اكيد ممكن تكون لاكتر من طبق لون الصلصة غني وزاهي وكما يبدو محتفظ ببعض القطع تسلم الايادي منمون والله يكتبلي بيوم ادوق اكلاتك الطيبين يااااااااارب على هنا وخير ليك ولاهل بيتك ياقمر
امين حبيبة قلبي ام ياسمين , و الله اتمنى اكتر ما بتتخيلي :zzz
ملاحظاتك كلها بمحلها , الوصفة مميزة بالبندورة المجففة و و المرق و البيستو و كمان بالقطع الظاهرة فيها
مرحبا انا عضو جديد بالمنتدى ومهتمة كتير بالطبخ والأكلات السورية التراثية القديمة , اول شي لأني بحب اتعلم الشغلات الجديدة وخاصة اللي بتكتبها الكاتبة منى وثانيا لأني سورية مغتربة ماعشت بسوريا ابدا لحتى اتعلم الكلاتنا الشعبية وثاللا والأهم انا متزوجة جديد يعني انا محتاجة كون مميزة بعيون زوجي :zzz