صلصة البيتزا بالطريقة الإيطالية الأصلية


         وصفة : منى                 2007/07/01                 17 تعليقات
صلصة البيتزا بالطريقة الإيطالية الأصلية

·          تقشر البندورة و يتم التخلص من بذورها ثم تهرس في الخلاط حتى تصبح ناعمة , أو تفرم ناعماً  .

·          يسخن زيت الزيتون على نار متوسطة و يقلى فيه الثوم حتى تظهر رائحته اللذيذة  ثم تضاف البندورة المهروسة مع الأوريغانو و الفلفل الأسود و الفليلفة الحمراء البودرة و الملح ثم تهدى النار و تترك الصلصة لتسمك و تحرك من وقت لأخر بملعقة خشبية .

·          قبل أن تجهز الصلصة تماماً , تذاق للتأكد من حموضتها , يضاف السكر حسب الحاجة  و تترك حتى تصبح بالسمك المطلوب .

·          بعد أن تبرد الصلصة تعبأ في مرطبان زجاجي و تحفظ في البراد حتى وقت الاستعمال . 
 



2 ملعقة كبيرة زيت زيتون
2 - 3 فص ثوم
كيلو بندورة
ثلاث أرباع ملعقة صغيرة بهارات ايطالية أو أوريغانو
ملعقة صغيرة فليلفة حمراء ناعمة
رشة فلفل أسود مطحون طازج
ملح
ملعقة كبيرة سكر ( بعد التذوق )






• تقشر البندورة و يتم التخلص من بذورها ثم تهرس في الخلاط حتى تصبح ناعمة , أو تفرم ناعماً .

• يسخن زيت الزيتون على نار متوسطة و يقلى فيه الثوم حتى تظهر رائحته اللذيذة ثم تضاف البندورة المهروسة مع الأوريغانو و الفلفل الأسود و الفليلفة الحمراء البودرة و الملح ثم تهدى النار و تترك الصلصة لتسمك و تحرك من وقت لأخر بملعقة خشبية .

• قبل أن تجهز الصلصة تماماً , تذاق للتأكد من حموضتها , يضاف السكر حسب الحاجة و تترك حتى تصبح بالسمك المطلوب .

• بعد أن تبرد الصلصة تعبأ في مرطبان زجاجي و تحفظ في البراد حتى وقت الاستعمال .
  • وصفات تانية ممكن تعجبك


التعليقات

  1. linda 3 July 2007

    بنت عم زوجي بتعمل بيتزا
    يعني كلمة بتجنن قليلة عليها
    و انا مو كتير البيتزا تبعي طيبة
    رح جرب طريقتك و ان شالله تزبط معي

    انا كمان مشكلتي بالعجين
    بشتهي يطلع منفوخ و مستوي
    دائما بحسو مو مستوي من نص قرص البيتزا و ما بينتفخ

    رح روح شوف الطريقة تبعك ازا حاطيتيها

    يعطيكي العافية

    على فكرة انا يوم الاحد ان الله راد بدي انزل عل الشام صرلي 3 سنين ما شفت اهلي
    ادعيلي بالتييسير اختي امانة عليكي :cry

  2. منى 3 July 2007

    هلا ليندا :)

    رح أفتقد طلتك الحلوة :sigh

    ان شاء الله بالتيسير يا رب و الله يوصلك لسوريا سالمة و غانمة :)

    أختي باذن الله رح يعجبك الصوص إذا جربتي …

    و عجينة البيتزا نزلتها في قسم الخبز و المعجنات بأدق التفااصيل , انت بس جربيها و أكيد رح تعجبك و تبيض وجهك إن شاء الله ..

    مشكلتك بالعجين يا اما بحرارة الفرن مو عالية بشكل كافي أو ما تركتيه يتخمر منيح ..

    الله يعافي قلبك يا رب , و ابقى طلي علي بعد ما بترجعي إذا الله راد ;)

    تصبحي على خير هلأ 8)

  3. سارونات 19 July 2008

    السلام عليكم و رحمة الله و بركاته جازاك الله خيرا اختي منى انا ما بخاف بس من العجينة بخاف من الصلصة كمان ان شاء الله راح اعمل صلصتك مع عجينتك و يا رب تضبط معي بس الكمية مو كانها كبيرة انا بدي اعمل كمية صغيرة و بخاف ما تضبط لما بزغراو قديش بتضاين بالبراد و هل فينا نحطابالفريزر ازا اي فيا ريت نقيليلي كيف منحطا و كيف منطلعها و سامحيني اسئلتي صايرة كتيرة بس و الله مالي غيرك تساعدني :cry و ربنا يجعله في ميزان حسناتك
    سلام

  4. منى 21 July 2008

    هلا سارونات :)
    اذا حسيت ان الكمية كتيرة , ممكن تعملي نصها , بس هي مو كتيرة , انا بعمل 5 كيلو بندورة كل مرة ;)

    ممكن تحطيها بالفريز أكيد بتقسميها على مراطبين صغيرة أو أكياس نايلون و بتحفظيها بالفريزر لوقت الحاجة , و لما بتلزمك بتطلعيها و بتتركيها لحتى يدوب عنها البوظ و بس :)

    انا هون تحت أمرك و بخدمتك و اي سؤال تاني من عيوني التنتين

  5. رنا 31 July 2008

    السلام عليكم يااخت منى كيفك انشالله تكوني بخير انا انشغلت اخر فترة لانه كنت عند اهلي بس هلأ رجعت لقواعد يورجعنا عالامارات والوقت الطوووووويل ..مشان هيك صرت ادخل الموقع ….طيب مشان الصوص ليش بتنزعي بذور البندورة ؟؟وسؤال تاني بس مو على هالوصفة شو الفرق بين السكر البني والعادي وفيني استبدل السكر البني بالابيض بوصفة كاتو شوكولا بتلات خطوات ؟

  6. منى 31 July 2008

    هلا رنونة :)
    الحمد على السلامة , ان شاء الله انبسطي بشوفة أهلك ;)

    أنا بشيل البذر و العصير و بستعمل بس اللحم تبع البندورة لحتى تطلع معي ناعمة من دون الحاجة لتصفيتها و كمان بتاخد وقت ااقل على النار لهيك رح تبقى طعمة البندورة أطيب , و على فكرة انا ما برمي العصير و البذر , بتبله بكمون و ملح و زيت و فليلفة حمرا ناعمة و عصير حامض أو حصرم و بحطه على الطاولة كصوص مع الأكل , لو تشوفي كيف بيتقاتلوا عليه 8)

    السكر البني اله نفس شكل السكر الابيض تقريبا بس بيكون لونه بني و بتحسيه ملزق على بعضه , أما بالطعم فهو بيعطي طعم كراميل خفيف و كتير طيب للوصفان الي منستعمله فيها , ممكن تستبدليه في وصفة الشوكولا بثلاث خطوات , بس لما يتوفر عندك يا ريت تجربيها فيه لان رح يطلع أطيب ;)

  7. سارونات 15 August 2008

    السلام عليكم و رحمة الله و بركاته

    ساويته و ضبطت و الحمد لله و صحيح متل ما قلتي كيلو بندورة يادوب بيساويلك مرطبان متوسط الحجم
    بدي اسالك انا حاطتها بالبراد من ايام هل هالشي راح ياثر عليها و اديش بتضاين بالبراد قصدي البراد مو الفريزر
    جازاك الله خيرا على الوصفة و ريحة الزعتر فيها كتير طيبة بما ان الاوريغانو من عائلة الزعتر يعني ابن عمو و ما عندي اوريغانو فحسب علمي يستبدل بالزعتر و هيك ساويت
    و ان شاء الله راح ساوي البيتزا و حط هالصلصة عليها و ان شاء الله تضبط
    و سؤال كمان ازا سمحتي فيني حطا بقوالب مكعبات الثلج و جمدها و بعدين حطها بكيس بالفريزر او ما بينفع لان هيك بتكسب مي
    بالتوفيق
    سلام

  8. سارونات 17 August 2008

    السلام عليكم و رحمة الله و بركاته
    وينك اختي منى ناطره اجابتك
    :cry :cry

  9. منى 17 August 2008

    هلا أختي :)
    ان شاء الله ما بيأثر , بس إذا حطيتيها بالفريز بيكون أحسن ;) و ممكن تتأكدي و تذوقي الصلصة لحتى تشوفي اذا في الصوص شي , و ممكن تبقى بالبراد حسب الجو , في الشتا ممكن تحفظيها لعشر ايام أما في الصيف ثلاثة أيام بالكثير

    فيك تجمديها بالطريقة الي بتريحك , انا بجمدها بأكياس صغيرة و طريقتك كمان فكرة ممتازة لحتى تاخدي حاجتك منها :)

  10. آرام 8 July 2009

    من الوصفات الذهبية في الموقع .. مع أنها بسيطة جداً بمكوناتها وطريقة تحضيرها .. جربتها أخيراً وطلعت لذيذة جداً .. أكلت نصها بالملعقة لوقت ما عملت البيتزا! ألف شكر إلك أخت منى على الوصفة الرائعة.
    بس باعتبار أن خبرتي بالمعجنات صفر وهي أول مرة بحياتي بعمل بيتزا اشتريت عجينة بيتزا جاهزة (أقراص ميني بيتزا) .. للأسف احترقت أول وجبة بسرعة بدون ما أنتبه عليها! قلت يمكن لأن الصينية على الرف السفلي .. عملت وجبة ثانية وحطيتها بالرف الأوسط .. استوت العجينة بسرعة ولسه ما دابت الجبنة! .. عملت شوية اتصالات وعرفت أن هالعجينة بتكون مخبوزة سابقاً أو نصف مخبوزة .. عملت وجبة ثالثة وشعلت الفرن من فوق بس لحتى دابت الجبنة .. طلعت أحسن شوي بس بعيدة كتير عن البيتزا الجاهزة في السوق وما بتشبهها لا بالشكل ولا بالطعم .. وبالنهاية ما أكلتها وصارت من نصيب العصافير :)
    من حسن حظي أنو في وصفة بالموقع اسمها معكرونة بصلصة البيتزا وإلا كنت نمت بدون عشا :grin

  11. منى 8 July 2009

    :roll يلا معلش و ان شاء الله هل الافلام كرتون لا بقى ينعاد لان شي بيحرق الاعصاب و على كل كمان العصافير الهم حق علينا و لازم نطعميهم كل فترة شي من مطبخنا :grin

    ارام لو حابب تجرب تحضر عجينة لاول مرة انصحك بعجينة العشر دقايق لانها ممتازة و لو اعرف اكتب فيها شعر ما كنت قصرت , ممتازة و خصوصا لاول تجربة , اما اذا ناوي تجيب شي جاهز فأكيد مو هنن الاقراص الي اخترتهم , احسن الشي انك تجيب عجينة حقيقية جاهزة و تريح راسك . فيك تروح لعند اي محل فطاير بتثق فيه و تشتري منه نص كيلو عجين و تعمل بيتزا على حلب و الخبز بيكون على الرف السفلي و بحرارة عالية اذا بتحبها رقيقة و مقرمشة و على الرف الوسط و بدرجة حرارة 180 إذا بتحبها أسمك شوي و طرية . جرب و ما بتندم ابدا ان شاء الله

  12. آرام 9 July 2009

    مشكورة أخت منى والله خجلتيني بكرمك ..
    أنا ما بفضل أشتري أي شي جاهز وحلم كبير بالنسبة إلي أني أعمل بيتزا أو سمبوسك أو فطاير بالبيت .. بيطلع بإيدي أطبخ كل شي ما عدا المعجنات والكبب والمحاشي .. عندي رهبة منهم وما جربتهم بحياتي .. وما كنت أحلم أني ممكن بيوم من الأيام أجرب هالأصناف :sigh
    بس بعد ما تعرفت على لقمة طيبة تشجعت وصار عندي أمل أتعلم كل شي خصوصاً أنو كل الوصفات مشروحة بدقة وأمانة وأهم شي المقادير الدقيقة .. ولذلك اشتريت خلال الأيام الماضية بعض الأدوات الي بحياتي ما خطر ببالي أشتريها متل الشوبك وأداة حفر المحشي والقرص الفخاري المثقب تبع المحشي .. وناوي أبدأ قريباً بتجريب الوصفات الأسهل، الكوسا بلبن من المحاشي، والكبة بالصينية من الكبب، ومن المعجنات أكيد رح جرب عجينة العشر دقائق .. وأنا متفائل كتير ورح خبرك أول بأول بكل تجربة جديدة 8)

  13. منى 9 July 2009

    اخي الاطباق الي اخترتها كلها موفقة و هي بتنجح ان شاء الله معك بسهولة ..
    السمبوسك عجينتة في الموقع ممتازة كمان , ممكن تجرب نصها مرة اولى و كتير سهلة و رح تخليك تتشجع تمد ايديك على الطحين
    يلا انا عم استنى و اي سؤال او استفسار من عيوني

  14. gsm 27 October 2009

    السلام عليكم منونة انا هلق بيتزاياتي بالفرن
    انا بعمل بالعادة كل مرة البيتزا بعجينة ال10 دقائق بس اليوم حبيت اجرب هي الطريقة لأنو بحب تكون العجينة رقيقة ومقرمشة وكمان زوجي بحبها هيك من شان هيك انا رقيتها كتيير منيح وإستعملت صينية مثقوبة من الأسفل هي خاصة للبيتزا بقى لنشوف شو رح يطلع معي
    ببقى بخبرك على النتائج يا قمر :zzz

  15. iamprettymemo 7 April 2011

    الوصفة ظريفة يعطيكي العافية يا رب
    بس انا بعملها مع تعديل بسيط كتير ازا بتسمحيلي ضيفو ..
    بفرم البندورة قطع صغيرة
    بقليها مع البصل والتوم والبهارات… بس بطحنها بعدين بالخلاط وبرجعها شوي عالنار لتتكثف..
    هيك بتطلع متل الوصفات الجاهزة قوامها متل المربى واسهل بالفرد عالعجين ما بتلاقي قطع البصل بقلبها
    ومشكوووووووووووووووووورة اخت منى

  16. لينا 26 October 2013

    مرحبا منى كيفك شو اخبارك انشالله انت والاهل بألف خير بدي ئلك انا اليوم عملت هي الصلصة وحطيتا بمرطبان بس راح عن بالي احط السكر نسيت ماحطيت ابدا بهالحاله شو فيني اعمل يعني بيأثر اذا ماحطيت واذا بقدر هلأ ارجع طالعن وحط سكر ياريت تجاوبيني اذا بتسمحي لأنو بدي اعمل بيتزا ومو عرفانه شو اعمل شكرا كتير الك منى والله يعطيكي الف عافيه

    • منى 28 October 2013

      اهلا لينا
      اي فيك ترجعي الصلصة ع النار و تضيفي السكر و تخليها تغلي شي 5 دقايق و ان شا الله بتزبط تماام

      مية هلا فيك دوما حبيبتي

تقييم الوصفة
عاديةقد أحضرهاجيدةممتازةأكثر من رائعة (1 votes, average: 3.00 out of 5)