براونيز بكريما الخمس دقايق السرية
كوب سكر
ربع باكيت زبدة , 50 غ
ثلاث ارباع كوب كريما سائلة خاصة بالطبخ أو علبة قشطة بحرارة الغرفة
• يوضع السكر على نار متوسطة في قدر سميك القاع و يحرك باستمرار حتى يذوب السكر ثم يشقر , و يستمر بالتحريك حتى الحصول على كراميل ذهبي .
• يبعد القدر عن النار ثم تضاف الزبدة و يحرك المزيج بسرعة كي لا تتشكل كتل و يمتزج السكر مع الزبدة .
• يضاف الكريم فريش أو القشطة و تحرك الصلصة ثم يعاد القدر للنار و تترك لمدة دقيقة أو دقيقتان حتى تسمك الصلصة قليلاً و تصبح ناعمة .
• تحفظ الصلصة في مرطبان صغير داخل البراد , و حين الاستخدام تسخن قليلاً في الميكروويف أو بوضع المرطبان في ماء ساخن .
أفكار و تنويعات :
يمكن تحضير الصوص بطريقة أسهل بدون استعمال الزبدة , توضع علبة القشطة في ماء ساخن جداً لمدة نصف ساعة , يذوب السكر حتى يصبح كراميل ثم تضاف علبة القشطة الدافئة و تقلب بسرعة مع السكر ثم توضع على النار و تترك لتغلي قليلاً حتى تصبح ناعمة و تذوب كل الكتل .
فكرة بسيطة لحل مشكلة التكتل من نهى :
لحل مشكلة التكتل أو الكلكعة ترفع القطع المتكتلة لإناء آخر و يضاف ملعقة كبيرة ماء - واحدة بس – و تترك قليلا حتى تفك و تنحل ثم تضاف مرة اخرى لبقية الصوص .
فكرة من نوارة لأسهل صلصة توفي :
توضع علبة حليب مركز محلى من دون فتح في طنجرة فيها ماء ساخن و تترك على النار ساعتين على نار هادية و تزاد كمية الماء كلما نقص , ثم تترك العلبة حتى تبرد قليلاً ثم تفتح , أصبحت صلصة التوفي جاهزة .
ربع باكيت زبدة , 50 غ
ثلاث ارباع كوب كريما سائلة خاصة بالطبخ أو علبة قشطة بحرارة الغرفة
• يوضع السكر على نار متوسطة في قدر سميك القاع و يحرك باستمرار حتى يذوب السكر ثم يشقر , و يستمر بالتحريك حتى الحصول على كراميل ذهبي .
• يبعد القدر عن النار ثم تضاف الزبدة و يحرك المزيج بسرعة كي لا تتشكل كتل و يمتزج السكر مع الزبدة .
• يضاف الكريم فريش أو القشطة و تحرك الصلصة ثم يعاد القدر للنار و تترك لمدة دقيقة أو دقيقتان حتى تسمك الصلصة قليلاً و تصبح ناعمة .
• تحفظ الصلصة في مرطبان صغير داخل البراد , و حين الاستخدام تسخن قليلاً في الميكروويف أو بوضع المرطبان في ماء ساخن .
أفكار و تنويعات :
يمكن تحضير الصوص بطريقة أسهل بدون استعمال الزبدة , توضع علبة القشطة في ماء ساخن جداً لمدة نصف ساعة , يذوب السكر حتى يصبح كراميل ثم تضاف علبة القشطة الدافئة و تقلب بسرعة مع السكر ثم توضع على النار و تترك لتغلي قليلاً حتى تصبح ناعمة و تذوب كل الكتل .
فكرة بسيطة لحل مشكلة التكتل من نهى :
لحل مشكلة التكتل أو الكلكعة ترفع القطع المتكتلة لإناء آخر و يضاف ملعقة كبيرة ماء - واحدة بس – و تترك قليلا حتى تفك و تنحل ثم تضاف مرة اخرى لبقية الصوص .
فكرة من نوارة لأسهل صلصة توفي :
توضع علبة حليب مركز محلى من دون فتح في طنجرة فيها ماء ساخن و تترك على النار ساعتين على نار هادية و تزاد كمية الماء كلما نقص , ثم تترك العلبة حتى تبرد قليلاً ثم تفتح , أصبحت صلصة التوفي جاهزة .
يعني اليوم كنت صايمة و دخلت عالموقع الظهر بس الله لطف وصار عطل بالنت و انقطع الخط و إلا كان ظلم بحئي اتفرج على هالأكلات الطيبة بدون ما أئدر أعمل أو آكل شي 8)
يسلمو ايديكي على هالافكار الرائعة :p
كللك زووء , و كلامك متل العسل
الله يتقبل صيامك بدور ..
زكرتيني برمضان 8)
مية هلا فيك
بدي خبرك مأساتي العظيمة
جربتا مرتين وماظبتت معي:
أول مرة صار لونو بني وطعمتو مرة يعني حترئ السكر بس قوامو ظبط, كبيتو و عدتا تاني مرة آم صار متل الحجر أول ما حطيت القشطة و بطّل يدوب و كمان كبيتو اش أعمل
وشكرا كتير ميمو الشطورة :zzz
و لا يهمك بدورة
هل الصلصة فيها ملاحظات صغيرة و لازم تنتبهي عليها لحتى تطلع معك تمام التمام ان شاء الله ..
أول الشي الطنجرة الي استعملتيهالازم تكون دبل ستانليس , و مش اي طنجري عادية .
تاني الشي لازم تبقي عم تحركي السكر لحتى يدوب كله بس من دون ما يحترق , بس اشقر و داب كل السكر بعيده عن النار و حطي الزبدة كلها مرة واحدة و حركي و حركي لحتى تمتزج الزبدة بالسكر ..
بعد ما تمتزج السكر و الزبدة رح بصير معك شي بيشبه التوفي الي بتمط و بتشط معك لما بتاكلي المارس .. عرفتيها
هدا دليل على نجاح الصلصة معك ..
و بالاخير حطي القشطة و رجعيها على النار و خليها لحتى تسمك شوي , و بس ..
لساامبارحة عملتها كان كتب كتاب رفيقتي و أخذت لها كاتو التفاح الي مزين بالتوفي كريم ..
صار عليه مظااهرة و الله :grin
جربيها مرة تانية و خبريني شو بيصير معك
يسلمو كتير ميمو الحلوة على هالنصايح خلص رح عيدو مرة تالتة نشالله متل ما ئلتيلي و بخبرك النتائج عن ئريب
إذا الله راد
رح استنى التجربة الثانية
مية أهلا و سهلا نداء
ان شاء الله ريتو عوافي و هنا و صحة يا رب ..
لو تعرفي شو انبسطت لان ظبطت معك و عجبتك
و إذا بتحبي جربي كاتو التفاح , و أنا أكيدة ان رح تصير وصفتك المفضلة و على مسؤوليتي
والله يسلم ايديك على هل وصفةوصفة التوفى كريم حاولت احط التعليق تحت الوصفة بس مامشى الحال من يومين جربتها وطلعت بتجنن والضيوف كتير حبوها حطيت منها فوق ليالى لبنان بدال القطر طلعت بتجنن الف الف الف شكر
الصراحة اشتهيت جربها شكلا مميزة وفينا نستعملا على ايا شي حلو مهاك
هلا ام نور
فيك تستعمليها بكتير كتير اشياء , أنت و خيالك و زوءك
أنا بعمل فيها تارت التوفي و بزين فيها البوظة و أنواع الكاتويات المختلفة و كتير كتير بحبها
دايما في عندي مرطبان صغير منها في البراد للأستعمالات الطارئة
واخيرا جربت التوفي كريم كنت كتير مستصعبة بالاول خفت ما تظبط ,ولكن الحمدالله ولا اسهل ولا اروع ومن اول مرة طلعت ناجحة ومع اني عملت بطنجرة عادية اهم شي تنفيذا خطوة خطوة والان عم دور على وصفات ميشان استعملا فيون غير الكاتو لان فعلا بتبيض الوج
الله يبارك فيكي اخت منى
مية اهلا و سهلا ام نور
الحمد الله انها ظبطت معك من أول مرة ..
فيك تستعمليها مع كتير اشيا متل التارتات العادية او تارت الشوكولا و كاتو التمر و مع البوظة ,, يمممي
انا بصراحه جربتها بس غلبتني كتير لانو السكر كبتل معي ما بعرف ليش مع اني كنت احرك باستمرار بس بالنهايه زبطت معي وطلعت زاكيه بس احكيلي ليش السكر كبتل ويسلمو كتير على هاي الوصفه
هلا فيك أختي
الحمد لله انها ظبطت معاك , و السكر ممكن يكبتل بس مو لدرجة انها تغلبك :roll و الله اختي ما عرفت شو سبب الي صار معك
نورتي اختي
بس عاوزة أسأل عن نوع القشطة:
يعنى ممكن قيمر أو بوك ولا لازم القشطة اللى بتطلع على وش اللبن؟؟
هلا فيك أخت نهى
أختي أكيد فيك تستخدمي القيمر أو البوك , بس البوك أحسن من القيمر لهل الوصفة لأنها حتكون بالقيمر ثقيلة شوية
لسة عاملاه دلوقتى طعمه حلو كتير بس كلكع بشكل فظيع.. مش عارفة ممكن أضربه فى الخلاط يبقي كويس ولا اعمل واحد تانى أحسن؟؟
ياريت تفيديني اوام علشان اكمل جاتوه التفاح
هو لازم أضيفه على الجاتوه ساخن او الجاتوه ساخن ولا ازاى بالظبط؟؟
هي المشكلة الي عم تواجه كل الاخوات :roll , اختي في ادامك حلين , اما انك تصفي الصوص و تتخلصي من كل القطع أو تعيدي تحضيره من أول و جديد و ان شاء الله المرة التانية بيصير معاك متل ما بتحبي
الصوص بتحضريه و بتضيفيه على الكاتو و الصوص لسا ساخن بس بعد ما يبرد الكاتو تماماً
هذا الموقع المفضل عندي للطبخ ما شاء الله عليك يا منى وعلى فنك وترتيبك الله يحميك ويبارك فيك كل شي منك حلو
هلا بأحلى بتول و أحلى حلبية و الله
نور الموقع فيك و ألف شكر ليك على الكلام و الرد الحلو الي بيفتح النفس من على هل الصبح
يا ريت يا بتول لو جربتي من الموقع وصفات تخبريني 8)
ياريت تحددى علبة قشطة حجمها اد ايه بالظبط؟؟ :roll
هلا نهولة
القشطة هي العلبة العادية بوزن 170 غرام 
شكرا يامنى وآسفة تعبتك معايا
من عيوني و لو , انت بتامري
السلام عليكم ورحمة الله وبركاته
انا مش عارفة في ايه؟؟ الموقع من يومين وهو مش عاوز يفتح خالص.. مش عارفة ليه بيقع كل شوية؟!! :roll
عموما الحمدلله على عودتكم..
انا جربت حل بسيط لفك الكلكعة.. رفعت القطع المكلكعة فى اناء آخر واضفت ملعقة كبيرة ماء – واحدة بس – وتركتها قليلا ففكت سريعا واضفتها مرة اخرى لبقية الصوص وكانت رائعة
ياريت اعرف ايميلك يامنى علشان لما الموقع يقع اعرف اسالك على اللى عاوزاه
الله يعطيكي الف عافية على هل الفكرة
لو سمحتي اضفتها للوصفة فوق لمساعدة الاخوات لحل المشكلة اذا صارت معهم لا سمح الله
الموقع صارت فيه مشكلة ان شاء الله لا بقى تنعاد , الله يسلمك اختي , ان شاء الله أسأل الأخت المسؤولة عن الأعضاء عن ايميلك و ابعت لك رسالة
فعلا روعهانا بستخدمها بمعظم حلوياتي وكحشوة للكاتوة طيبه كتير :p بنصح الجميع يجربها ويعتمدها كمان
هنا و عوافي ام مالك , الله يسلمك أختي و بتمنى الاخوات يجربوها و تعجبهم متلك
هلا ميمو انا عملت صلصة التوفي بطريقة سهلة كتير بس مختلفة
جبت علبة حليب مركز محلى وبدون ما افتحهاحطيتها بطنجرة فيها ماء ساخن وتركتها على النار ساعتين والماء عم يغلي وكل ما نقص الماء ارجع ازود
بعدين تركت العلبة تبرد شوي وفتحتهاطلعت صلصة التوفي وحطيتها فوق كاتو التمر
طلعت يممممي
نممممي نمممي , كتير سهلة و اكيد ما في اطيب منها ..
خليلي عينك نوارة , لو سمحت رح ضيف الفكرة للوصفة فوق لحتى تستفاد كل الاخوات الي رح تجرب التوفي على طريقتك
السلام عليكم و رحمة الله و بركاته
اختي منى على قد ما بدي
اعملها للصلصة على قد ماني
خايفة ما تضبط
اناعملت كراميل من قبل و كمان جربت الجاهز اللي بيجي مع الكريم كاراميل و لاحظت انه بييبس بسرعة فكيف هون ما راح ييبس و احنا نعمل كراميل كامل يعني بلون بني او اشقر لان الواحد ما بيعرف ايمتين بيوقف
و يضيف الزيدة
و كمان انا اول مرة راح
استعمل القشطة راح ساوي
القشطة اللي قلتي عنها فأديش
بدي استعمل يعني 3 ملاعق كبار
او اديش
في شي كمان اليوم بحلقة منال
العالم على ابوظبي عملة صلصة
التوفي بالسكر البني الفاتح و
حطت كل المكونات مع بعض مرة
واحدة و بعدين حطتهم على النار
و حركتهم
و هاي الوصفة نصف كوب زبدة +
نصف كوب كريمة + كوب و و ربع
سكر بني فاتح يا ريت تجربوها
وتعطوني خبر لان انا ما فيني
دبر سكر بني
فهل في طريقة نعمل سكر
بني فاتح بالبيت اختي منى
السلام عليكم و رحمة الله و بركاته
جربتها بس صار اللي كنت خايفة منو فبعد ما شلتها من على النار و قعدت عم قلب فيها و فرحانة لانها سائلة و على وشك اني حطا بالمرطبان الزجاجي بدات تجمدو جمدت كتير و من كتر ما جمدت لزقت بالطنجرة و ليكا هلأ بالبراد ازا صار هيك يعني لما راح استعملا و حطا فوق الكاتو راح تجمد و تنزع الكاتو يا ترى شو صار يمكن المشكلة بالقشطة اللي في البيت قوليلي فينا نساويها بحليب و كمان القشطة ساويتها بالبيت و ما جمدت يعني ظلت سائلة بالرغم من اني ظليت معها فترة طويلة بس ظلت سائلة و استعملتها هيك
بالتوفيق
سلام
هلا أختي سارونات
الطريقة الي عملتها منال هي الطريقة الاميركية و هي سهلة كتير متل ما شفت بس بتحطي كل شي مع بعض , و انا مجربتها و طلعت لذيذة بس نزلت وصفة السكر الابيض لان متل ما شفتي السكر البني مو متوفررعند الكل :roll , و السكر البني مستحيل نعمله بالبيت .
بتبعدي الكراميل عن النار أول ما يدوب السكر كله و صار لونه ذهبي أشقر و بتبعديها عن النار و تضيفي الزبدة
هلا بعد ما جربتيها , إلي صار معك هو الي لازم يصير لان هل الصوص بس ما برد رح يجمد لهيك إذا حابة تستعمليها مرة تانية بتحطي المرطبان و هو مغطى بقلب مي مغلية و بتخليه على نار هااادية تقريباً 5 دقايق أو أكتر شوي و رح تشوفيها رجعت سائلة , بتستخدميها للتزويين و هي رح تجمد مرة تانية على وجه الكيك , أما إذا كانت مشكلتك أن الصلصة فيها حبيبات سكر معناها ان السكر ما دوبتيه منيح قبل اضافة الزبدة ..
شو كمان , القشطة ما جمدت يا ترى اتبعتي طريقة تحضيرها تمام و الا غيرتي شي ؟ ممكن تستعملي الحليب عوض عن القشطة و انا كتير احيان بحضرها للبيت بالحليب لان أخف
السلام عليكم و رحمة الله و بركاته
كتير حلو اننا منقدر نستخدم الحليب انا راح صير ساويها بالحليب اكيد بس شو هي كمية الحليب و هل بيكون بارد او دافئ او شو
بالنسبة للقشطة ساويت متل ما قلتي حتى باول مرة كانت كمية كنير زغيرة و ماضبطت و بعدين صرت كل ما اغلي حليب شيل الطبقة اللي فوق بعد ما يردو صرت خبيها بالبراد لحتى صارت عندي كمية كبيرة و بعدين ساويتها قولك هيدا هو السبب ما بعرف
هلأ السكر منضيفلو الزبدة بس يشقر يعني ما مننطرو حتى يدوب تماما
بالتوفيق
سلام
كمية الحليب ثلاث أرباع كوب للصلصة , و بيكون دافي أحسن ..
تجميع القشطة بيصير بس بتحفظيها بالفريزر لان بالبراد ممكن تخرب , و السكر لما بيشقر و بيدوب كله منضيف الزبدة , و تدويب السكر على نار واااطية كتير
السلام عليكم و رحمة الله و بركاته
كتير منيح هيك لكان راح صير استعمل حليب وراح جربا مرة تانية
بس اللي عندي هلا شو ساوي فيها ما في شي كاتو بقدر احشيه بالتوفي او اشيا تانية ساويها فيها
راح ساوي كيكة التمر بصلصة التوفي بتنصحيني استعمل التوفي اللي عملتو من قبل او انطر لحتى ساوي توفي جديد
بالتوفيق
سلام
ممكن تحشي فيهم تارت عادي أو كيك تمر و لا تساوي توفي جديد استعملي الي عندك
السلام عليكم و رحمة الله و بركاته
جازاك الله خيرااختي منى
بالتوفيق
سلام
و لو اختي مية هلا
ياستي انا جربت التوفي اول مرة وعينك تشوف شو صار اول شي السكر ماداب منيح لانه كانت النار عالية قام خلطته بخلاط الايد قام انتزع الخلاط من حرارة السكر المهم طلع طيب بس حسيت برغم الخلط انه لسه حبيبات السكر مادابت والصلصة ماطلعت هيك ناعمة وصارت مريقة ..صرت استعملها على البوظة وكتير كانت طيبة
وشكرا يامنوشة 
ياام الافكار
مبارح رجعت جربتها بس تقيدت بالتعليمات وطلعت تماما متل ماعم توصفيها بس صارت بالمرطبان كتير ماكنة ومتل الحجر هادا شي عادي متل ماذكرتي بس لما سخنتها وحطيت عالبوظة صارت الزينة صلبة كتير ومو متل حشوة المارس اللينة يعني بتعلق بالاسنان :grin ياريت تقوليلي اذا فيني اضيف شي حتى تصير اطرى شوي مع العلم انه شكلها الحالي رائع للزينة بس متل ماقلتلك عم تعلق بالاسنان بشكل فظيع بقا ياريت تفيدني …والشعغلة التانية لاتقولي علي كرارة بس حبيت اوصفلك شو عم بيصير معي :grin
ووواخ رنونة , شو زعلت على الخلاط , عوضك على الله ان شاء الله :roll
سبب حبيبات السكر باول مرة عملتي التوفي ان النار عاليةفما لحق السكر يدوب و انه مريق ان ما خليته يعقد منيح على النار
تاني مرة العكس , خليتيها زيادة على النار و الحل انك ترجعيها على نار خفيفة مع شوية كريما أو حليب و تخليها تغلي بس لحتى يدوب التوفي في بقية الكريما و ان شاء الله رح تعجبك كتير , على فكرة هي رح تعلق بالسنان بس مو بطريقة فظيعة بطريقة لذيذة :grin
يلا خبريني شو بيصير معك , و انا بفرح كتير بالردود الطويلة , مو العكس :zzz
شكرا يامنوشة عالرد الله يمضي خطبة اخوكي على خير وتنبسطوا فيها لترجعيلنا بنشاطك الاكتر من رائع
بس هي علقت بالاسنان بطريقة فظيعة حتى لزقت بصحن البوظة :grin احلى شي عمي قلي حطيلي بوظة قام جيت بيض وش وحطيتله توفي اول ماحط اول لقمة بتمه مابقا يقدر يحكي كانه تلزق بالصمغ ولو كان حاطط بدلة اسنان كانت انقلعت ههههههه
بس رح جرب عدلها والحل تماما متل مااتوقعت شكرا كتير عالمتابعة …موووفقة
هههههههههههههههههههههههه ,متت من الضحك على قصة الصمغ , على فكرة ممكن يكون التوفي مو من الزينة المفضلة عندك , مثلا ماما الله يخليها اذا شافت الكيك و عليها التوفي بتولول و ما بتبقى بتدوقه , يعني كمان شغلة زووء
ااامين , شو متحمسة للخطبة , الله يسعدهم و يخليهم احلى عروسين بالدنيا كلها :zzz
هنا و الف عافية على قلبك
لوسمحت اضفت وصفتك لحتى كل الأخوات تستفيد و الف شكر ليك عليها
شكرا يا اخت منى على هالوصفة انا عملتها وطلعت كثير زاكية ونالت اعجاب الجميع والحمدلله انها زبطت معي من اول مرة
هلا منى
عذبتك معي و أنا نازلة حكي
أنا كنت سمعانة من رفيقتي عن علبة النسلة يلي منحطها بمي مغلية و منعيفها ساعتين ع النار هي تعلمتها من دورة طبخ عند الراهبات بس ولا مرة جربتها لحد إمبارح و لما فتحت العلبة الصلصة سميكة بس ممكن تدهنيها على الكاتو أنا حطيتها بالبراد بعد ما غلفت العلبة منيح بس يا ترى لما بدي أستعملها حطها بالميكروويف شوي مشان تسيح لأنو بدي ياها تشر على جوانب الكاتو متل صورة كاتو التمر هلأ أنا طلعت معي لونها كاشف يعني مو متل الصورة هون و طعمتها حلوة كتير يا ترى هاد المزبوط
كمان سؤال و النبي منين بتشتري شوكولا بيضاء و شقراء و سوداء من نوع فاخر و شو الماركة تبعيتهن
هلأ متل ما فهمت من الردود إنو في مشرفة على الأعضاء منت فاكرة إنو إنتي بس بتقري الردود و بتنزليهم ع النت
انا هي الفكرة شفتها بحلقة من منال العالم و جربتها و طلع لونها كريم ..
و هي رح تكون حلوة لان الحليب المكثف هو حلو كتير :upset
ممكن تسخنيها شوي قبل ما تزيني فيها الكيك بس بحمام مائي احسن :zzz
الردود انا كلها بقراها بس مو بالضرورة انا الي نزلها, في مساعدة خارجية اكيد
هلا منى أنا بعتلك إيميل بالجدول إنشاء الله يكون وصل
منونة بس لو سمحتي ما جاوبتيني على سؤال الشوكولا
معلش سها العتب على الكبر :grin
انا بجيب شوكولا من لي , من المعمل تبعهم , و الصراحة كتير احيان ما بيصحلي جيب من لي فبجرب نوع جديد , بشوفه اما عند كنان أو عند البنان :zzz
شو هاد كبر ما كبر ما بحب هالسيرة أبدا خاصة إنو كنا بالمدرية سوا يعني نفس العمر أنا و إنت لسانا صبايا :zzz
سلام
سوري منونة نسيت اسألك وصلك الإيميل إنشاء الله يكون مزبوط و مو طالع مخربط
ووواو سها :eek
وصل الجدول و بيجنن , بقي بس اعرف نزله انا متل ما انت باعتيه لان مرتب كتير
الله يعطيك الف عافية
عم امزح على قصة الكبر :zzz نحنا لسا قطط و منغرف القلب :grin
كيفك شو اخبارك شو عامله اكلات جديده
:grin منيحة كتير انا رنونة و مو ناقصني الا هل الطلة الحلوة , و الالكلات الجديدة بتشوفيها على الصفحة الرئيسية , يلا الحقيني :zzz
السلام عليكم
انا جديده بالموقع .. أهنيكي عالموقع الرائع
عندي سؤال بكثير من وصفات الحلى
أجد من ضمن المقادير كلمة (كريمه)
ماالقصد بالكريمه هل هو دريم ويب أم كريمة الخفق ام ماذا؟؟
السلام عليكم
انا جديده بالموقع .. أهنيكي عالموقع الرائع
عندي سؤال بكثير من وصفات الحلى
أجد من ضمن المقادير كلمة (كريمه)
ماالقصد بالكريمه هل هو دريم ويب أم كريمة الخفق ام ماذا؟؟
هلا جوري
نورتي اختي في الموقع و اتمنى ان تجربي شي من الوصفات و يكون على زووءك
أختي كل وصفة الها كريما خاصة , لما تكون كريما فريش او طازجة هي نفسها كريمة الخفق أما كريما الدريم ويب هي الكريما البودرةالي نخفقها مع المي او الحليب
الوصفة هي يلزمها الكريم فريش او كريم الخفق
تسلم اديكي حبيبتي منى على هالتوفي الرائع انا اول مرة بعمله وطلع رااااااااااائع وما كبتل ولا بعلك ومتماسك بطريقه رائعه والطعم مممممممم مشيت على شرحك بحذاااااافيرها ههههه وعملته بالحليب ماكان عندي قشطه هههههههه بس روووووعه ترى انا عضوة جديدة عندكم وطبقت اكتر من وصفه من عندكم وطلعو رووووووووووعه تسلميلي :roll :zzz
هلا ريم
نورتي و شرفتي ومية هلا فيك أختي
الف الف صحة و هنا على التوفي , كتيررر انبسطت ان زبط معك , ريتو عافية يا رب :zzz
حبيبتي منى هاي اول مرة اشارك بهالموقع ومن فترة بس شفتو وبجد صار موقعي المفضل تعرفي ليش
:sigh :sigh :sigh
لان كل الوصفات فيه مجربة وهادا احلى شي
سؤالي حبيبتي لما اعمل الصلصة واحطها عالكيك طيب لما تبرد هل راح تجمد عالكيك ولا تظلها محافظة على قوامها بصراحرة انا بدي ياها تكون زي مابلاقيها بالمارس تظل طرية
والف شكر ليك والله يعطيك العافية
وان شاء الله بميزان حسناتك
الله يسلمك ام سما , ربي يحفظلك سما و سارة و يكونوا من الصالحات الطاهرات النقيات الحافظات المسعدات في الدنيا و الاخرة
اسفة للتاخر بالرد لن من يوميين كاملات ما فتت النت , كنت شوي مشغولة , نورتي و نور الموقع و مية اهلا و سهلا فيك
الصلصة رح تبقى طرية و متل ما بتكون بالمارس , المهم ان لمن تغليها ما تزيدي عليها بالغلي و الا رح تسمك و تصير شوي قاسية
نورتي اختي واي سؤال تاني من عيوني
تسلم عيونك يا قمر وتسلمي عالدعوات الحلوة اللي زيك والله احلى دعوة سمعتها بارك الله فيك
وربي يعطيك الف عافية على تعبك ومجهودك الاكثر من روعة ومن نجاح الى نجاح ياااااارب
مية هلا اختي و الف شكر الك للدعوات كمان :zzz
تسلم ايديكي يامنى جزاك الله خيرا
عندي مشكله مع التوفي
بيطلع حلو معي ومثل توفي المارس
مشكلتي بعد لما يبرد بيصبح قاسي جدا ويكسر
ليه تفتكري ايه الغلط اللي انا عملته؟
انا بضيف ملعقه ماء ونقطة عصير ليمون للسكر في البداية لتبقيه سايل لكن باقي الطريقه نفس طريقتك تمام وبيطلع رائع وهو سخن ودافئ
لكن لما بتركه يبرد تماما بيقسى
تفتكري فين الغلط ياحبيبتي؟
هلا اختي
المشكلة انك بتغلي التوفي كتير و بتخلي السوائل تتبخر منه اكتر من الازم لهيك بس ما برد بيقسى .
الحل انك ما تخليه يغلي كتير و اذا هلا عندك توفي جامد ممكن تجربي تحطيه على نار هادية مع نتفة حليب و تخليه يغلي لحتى يرجع صوص ناعم , اتوقع هيك بيمشي الحال
لا بقى تطولي الغيبة يا عسل :zzz
ان شاء الله اجربه واقولك على النتيجه انا فعلا بطول التوفي على النار
جزاك الله خيرا حبيبتي منى وان شاء الله مش بطول الغيبات :roll
تكرم عيونك و بدنا خدمة تحرز
مساء الخير والعسل لاحلى منى
بدي اشكرك من كل قلبي على هالوصفة السريعة و السهلة و بتبيض الوجه. اليوم استعملتها باكلة حلو روعة طلعت معي و عمبطلع على جوزي بياكلها و بشوف بعيونو بريق الامل بنجاح الوصفة.
فقلت ضروري شارك الموقع بخبرتي المتواضعة، بس ما عرفت وين حط المشاركة.
يا ريت لو تدليني على المكان المناسب حتى اكتبها.يعطيكي الف عافية
هلا مريومة
هنا و الف عافية على البك و البه يا حق :zzz
فيكي تبعتي الوصفة كرد على ايا موضوع و انا رح انشرها باسمك ان شاء الله
شكرا الله يعافيكي :zzz
و يعافي قلبك و بدنك
نورتي اختي
انا جربتا صار مية مرة يمكن
اول مرة شفت صعوبة شوي بس هلئ وانا نايمة بعملا وصرت اعمل مقدارين
اهم شي تكون الطتجرة سمكية شوي وبس
شكرا متى :zzz
برافو عليك ضحى
متل ما قلتي بيصير بالاول الواحدة تلاقي صعبوبة بس بعدها بتصير ما في اسهل منها 
الف صحة يا رب
تسلم يدك
شهية جدا جدا
حبيبتي ليه مينفعش اعمل كوبي من الاكلات بتاعتك لاني عايزه اسيفها عندي ومش عارفه وربنا يكرمك على الوصفات الجميله
هلا فيك اختي تواقة للخير
نورتي الموقع و اتمنى تجربيها وتعجبك
هلا فيك اختي جلاكسي
النسخ و اللصق ممنوع في الموقع بسبب السرقات الي بتصير عن الموقع , لهيك لحفظ الحقوق منعنا خاصة النسخ و اللصق . و حقك علي لان بعرف
مية هلا فيك بالموقع نورتينا و شرفتينا و اتمنى تبقي منورة معنا على طول :zzz
مرحبا اخت منى بتمنى انك تقبليني صديقة لهالموقع الحلو والله انك شهتيني ادخل ع المطبخ واعمل كل هالاكلات الطيبة اللي بتدل على زوءك وعلى فكرة انا حلبيه كمان
وحابه اتعلم التشيز كيك بس بطريقه اسهل اذا بتقدري لانو في مقادير غير متوفرة بالاسواق عندي
السلام عليكم
انا عملت كيكة بالتمر اليوم و عملت لها صلصة التوفي جربت كمية بسيطة و جاءت مناسبة للكيكة و ماشاء الله تحفة طلعت
انا استعملت الحليب لانه ما عندي الكرام فراش و اضفت قليل من الفانيليا لانه لم يعجبني رائحة الزبدة لكنها طلعت تحفة
الواقع تلكعت او ما اضفت الحليب لكن رجعتها على النار لدقائق مع التحريك الشديد و محاولة ثرد القطع التي تجمدت على حافة الاناء و الحمد لله تلاشت من غير تغيير الاناء ولا شيء
بارك الله فيك يا منى و اتمنى اكون صديقة لك انا من هواة الطبخ
تقبلي مروري
مية هلا فيك احتي ام ابراهيم
ما بتعرفي اديه انبسطت انها زبطت معك , بتعرفي انا متلك كتير احيان بحضرها بالحليب و بتطلع يم يم
الف شكر الك للرد المفصل , ان شاء الله تستفاد منه بقية الاخوات
نورتي 8)
هلا غرام
من زووؤك اختي الف شكر الك للرد الحلو و الكلامات الي احلى
في وصفة في الموقع لمكعبات تشيز كيك بمقادير بسيطة و متوفرة , اذا جربتيها رح تعجبك كتير ان شاء الله
هلا جالاكسي:)
اختي هل الميزة موقفة حالياً لحفظ حقوق الموقع
نورتي و مية هلا فيك
هلا فيك اختي التواقة للخير
نورتي و مية هلا فيك , ان شاء الله تجربيها و كون طيبة و على زووءك
هلا نوسنور
الله يسلمك و يحفظك , نورتي و شرفتي
الف شكر على الصلصة المميزة
شكرا صلصة أكثر من مميزة تقبلي مروري
مية هلا فيك و انا مبسوطة كتير بتواجدك الطيب معنا
مشكورة منى انا جرت الحليب المكثف وخليتو ساعتين وماصار شيي بنوب طلع طعمتو عادي كتييير بتعرفي ليش وياترى وممكن اعرف كم عمرك يامنى وكيف ضيف موضوع؟؟ ومشكورة حبيبتي :roll :roll
لئيتااااااااااا
لئيتااااااااااااااااا
لئيتااااااااااااااااااااااا
يسلمو كنت عم دور ع هالوصفة يسسسسلمو
منى منى منى
ئربي شوي لوشوشك شغلة بدانك “ما بدي حدا يسمعا ” كانو انا واياكي من جيل بعض انا موديل ال77
ان شاء الله تجربيها و تكون يمممي و مستاهل البحث
لا خيتو انا من موديل 92 :grin
الوصفة بدها كريم فريش او قشطة و هي يا دوب كم دقيقة و بتصير متل العسل , اذا بتحبي المرة التانية استعمليها و رح تعجبك ..
فيك تبعتي وصفتك بمتل رد هون و انا بضيفهم باسمك اذا رب العالمين راد
منوشة رح نطلك هون كمان و حط كم سؤال من بعد إذنك ^_^
أول سؤال بالمقادير مذكور كريمة او قشطة و بالتعليقات مذكور حليب ، معناها بيصير الحليب بدل الكريمة و بيعطيني نفس النتيجة ؟
و الزبدة لازم تكون غير مملحة ؟
و السكر ان كان خشن ممكن أو لأ ؟
و بس
اهليين ملوك , بتنوري وين ما رحتي
لا هي الوصفة بالكريما حصرا , وين مذكور حليب ؟ ممكن يكون غلط مطبعي أو سؤال
الزبدة حيوانية حصراً لان طيبة جربتها بتصير تفصل و تعزل و ما بتزبط ابدا , و الافضل تكون غير مملحة
السكر ما بتفرق نوعيته , انا بحضرها بالسكر العادي
مية هلا حبيبتي بايا سؤال