براونيز بكريما الخمس دقايق السرية
· تحضر الحشوة , يقلى البصل بالزيت حتى يطرى ثم تضاف اللحمة و تتبل بالبهارات و تقلب و تفكك بالملعقة حتى يجف مرق اللحمة و تنضج .
· تضاف الفليلفة الحمراء و الجزر و الفطر و صلصة الصويا و يقلب الكل مع اللحمة حتى تطرى الخضار و تنضج .
· تبعد المقلاة عن النار و تضاف الذرة ثم تترك الحشوة حتى تبرد , بعدها يضاف المايونيز و الكتشاب , أصبحت الحشوة جاهزة .
· تمزج مقادير خلطة التغميس بالخلاط العامودي حتى تصبح ناعمة و تسكب في طبق متوسط . تدهن صينية بايركس أكبر قياس بالزبدة .
· يقطع الصمون لدوائر بسماكة نصف سم باستخدام سكين حاد ثم تغمس الدوائر بخفة في الخلطة و تصف في الصينية حتى تشكل أول طبقة .
· توزع الحشوة على الصمون المقطع ثم تغطى بطبقة أخرى من الصمون المغمس .
· تمزج مقادير طبقة الوجه ثم توزع على الصمون كأخر طبقة و تخبز الصينية في فرن محمى على درجة حرارة 180 درجة مئوية حتى تحمر من الأسفل و تشعل مشواة الفرن لمدة دقيقة أو دقيقتين حتى يحمر وجه الغيوم ثم تقدم فوراً .
4 – 5 صمون متوسط الحجم , أو شرائح توست حسب الحاجة
الحشوة :
2 ملعقة كبيرة زبدة
حبة بصل مفروم ناعماً
نصف كيلو لحمة غنم مفرومة
رشة زنجبيل
نصف ملعقة صغيرة كاري
نصف ملعقة بهار مشكل
حبة صغيرة جزر مفروم مكعبات
حبة فليلفة خضراء مفرومة مكعبات
نصف كوب فطر
نصف كوب ذرة
2 ملعقة كبيرة صويا صوص
1 ملعقة كبيرة مايونيز
2 ملعقة كبيرة كتشاب
خلطة التغميس :
2 كوب حليب
3 ملعقة كبيرة مايونيز
2 ملعقة كبيرة جبنة كريم ( أو 2 مكعب من أي نوع متوفر عندك )
ملح و فلفل أبيض
لدهن الوجه :
1 علبة قشطة
3 ملعقة كبيرة جبنة قشقوان أو مزتزاريلا مبشورة
• تحضر الحشوة , يقلى البصل بالزيت حتى يطرى ثم تضاف اللحمة و تتبل بالبهارات و تقلب و تفكك بالملعقة حتى يجف مرق اللحمة و تنضج .
• تضاف الفليلفة الحمراء و الجزر و الفطر و صلصة الصويا و يقلب الكل مع اللحمة حتى تطرى الخضار و تنضج .
• تبعد المقلاة عن النار و تضاف الذرة ثم تترك الحشوة حتى تبرد , بعدها يضاف المايونيز و الكتشاب , أصبحت الحشوة جاهزة .
• تمزج مقادير خلطة التغميس بالخلاط العامودي حتى تصبح ناعمة و تسكب في طبق متوسط . تدهن صينية بايركس أكبر قياس بالزبدة .
• يقطع الصمون لدوائر بسماكة نصف سم باستخدام سكين حاد ثم تغمس الدوائر بخفة في الخلطة و تصف في الصينية حتى تشكل أول طبقة .
• توزع الحشوة على الصمون المقطع ثم تغطى بطبقة أخرى من الصمون المغمس .
• تمزج مقادير طبقة الوجه ثم توزع على الصمون كأخر طبقة و تخبز الصينية في فرن محمى على درجة حرارة 180 درجة مئوية حتى تحمر من الأسفل و تشعل مشواة الفرن لمدة دقيقة أو دقيقتين حتى يحمر وجه الغيوم ثم تقدم فوراً .
:zzz مرحبا منى انا عضوة جديدة بالكتابه معكم بس صرلي اكتر من سنه عضوة معكم بس كنت ما علق مع اني كتير حبيتكم دلتني على الموقع اختي اسمها متلك منى متجوزة حلبي وعايشه بالسعوديه دخلت وقرات كتير وجربت وصفات كتير وكلها طلعت تمام يا ستي بس اكتر شي عجبني الجو العائلي والمرح بالموقع الله يعطيكم العافيه وعندي كتير وصفات انشاء الله بنبقى نحكي فيها من الوصفات الي جربتها عجينة السمبوسك طلعت بتعقد على قول اللبنانين وعجينة العشر دقايق والعوامه وحفظالذرةومارياوالسلام يتبع في العدد القادم حسيت كتبت جريدة
رووووووووووووووووعة تسلم الايادي اللي تتلف بحرير بكرا جاي ابن عم زوجي يتغدا معنا وان شاء الله راح اعملها .. وبخبرك النتيجة .. 8)
اول شي هلا بمنى الجديدة نورتي الموقع كتير شي حلوو اننا كلنا صبايا وعلى قلب واحد والحمد لله الشغلة الحلوة اننا نفس الزوء بالاكل
كتير فرحيتني اني الوصفات يلي موجودة نالت رضاكي
حاسة حالي منى ههههههههههههه
رح الك شي احلى شي بالموقع هون هو الثقة بيلي موجود يعني انا بطبق الوصفة وانا عارفة اني رح تنجح واذا ما نجحت بيكون انا ناسية شي او ……….. الخ
:p
منى هلئ هي الوصفة يلي انا ما اكلتا؟؟؟ الله يسامحني على هل الغلطة بئا اسما بين غمتين وعم ئول ليه عيوني عم تدمع طلعت عم تمطر من الزعل لاني ما اكلتا هههه
ستي شكرا لانك نزلتيا
هلئ عندي شوية اقترحات مو ضروري هلئ تصير طبعا
مثلا موضوع عن: هلئ في صبايا من السعودية وصبايا من كافة الدول العربية والاوربية هلئ اكيد كل وحدة عندا بالمطبخ شكل صحن مو تقليدي نوع اكسورات للمطبخ او للسفرة او نوع طنجرة غريبة معالق صحون كاسات اي شي مميز فينا نحطوا بصفحة خاصة من صفحات لقمة احيانا بنشوف بالسوبر ماركت اشيء ما منعرف ليه بجوز اذا حدا حطا وشكر منا نشتريا
صفحة تانية خبرات
هلئ كتير منسمع اذا شفتي الطبخة مالحة حطي بندورة لانا رح تسحب الملح
يعني تجاربنا وخبراتنا :zzz
شغلة اخيرة هلئ منى انتي حطيتي وصفة صوص السلطة بموضوع الجمعية هلئ بجوز بعد فترة ننسا وين كانت المطلوب مني ومن الصبايا اذا وافقتي على الفكرة اي اضافة لوصفة او لخبرة موجودة بين الوصفات نعطكي الرابط كرمال تنسخي المحتوى بصفحة الوصفات بس مو انتي يلي رح تقراي طبعا كل وصفات الموقع نحنا بالصدفة اذا شفتا شي رح نبلغك
حاليا خلصت ههههههههههههه
شكرا كتير
هلا منال
شرفتي و نورتي الموقع , مية اهلا و سهلا فيك
الف صحة و هنا و عافية على الوصفات الي جربتيهم , اختياراتك موفقة كلها , الف هنا يا رب
و انا رح استنى الوصفات التانية الي جربتيها و كانت على زووءك أو الي حابة تحكي فيها .
سلامي لمنى الحلوة و يا ريت لو تشارك هيا كمان , و بكل الاحوال نورتي انتي و ياها
هلا ام سما
يا رب تعجبك و تعجب ضيوفك و هي كتير مناسبة للعزايم , يلا عم استنى رايك
هلا ضحى
و لا يهمك , انا ناوية حضرها بجمعية رفقاتي التانيين غير الجمعية الي حضرتيها بتبقى بتدوقيها اذا ربنا يسر :zzz
الله يديم المحبة دوما و الثقة و ان شاء الله بتزيد كمان و كمان يا قمر
أفكارك التانية كل واحدة أحلى من التانية , هيأتي يا ضحى صار لازم نعمل منتدى لان عيلتا كبرت و الكل نشيط و عنده شي مهم و جديد , رح اطرح الفكرة على محمد و ان شاء الله ربي بيسر الخير
هلا رح اعمل موضوع للخبرات و بنفس الموضوع ممكن الواحدة تضيف أفكارها و كلنا نستفيد
يا ستي الصمونات جاهزات عندي وبايتات وما عم اعرف شو سوي فيهم يالله مباشرة على التطبيق بكرة اذا راد الله الله يجزيك الخير يا ام الافكار والذوق بتعرفي صار مصورة عندي بالكاميرا 3 اكلات منشان رمضان والصور جاهزة بس العترة على كتابة الوصفات الهيئة اني كسلانة :sigh لا والله بس الوقت كتير ضيق صار لي شي 10 ايام مجهزة الصور وما صار لي اقعد بهدوء منشان ابعتهم اذا في نصيب رح تتيسر الامور قبل رمضان وعذرا على قلة مشاركاتنا بس اعتقد انا بالذات بتقدري وضعي وشكرا لذوقك منى
مرحبا يا منى شو هالافكار اللي بتجنن هذه ما شاءالله عليك يعطيك الف الف عافية يارب شكلها كثير مشهي ولذيذ ان شاءالله راح اجربها
هلا غيوثة
يلا على فضاوتك و مهلك كتبيهم , لسا بقيان اسبوع ان شاء الله , بدنا ياهم كلهم :zzz
الله يكون بالعون و ييسر عليك و يبارك بوقتك و يومك كله . و انا رح استنى رايك بعد التجربة و يا رب يكون يممي
هلا هيا
ان شاء الله تجربيها و تحبيها و تعجب العيلة و اكيد رح تخبريني :zzz
السلام عليكم منى واخيرا عرفت الوصفة السرية :grin بس عن جد كتيير شكلها ظريف وطيبة لأ وكتيير سهلة يعني دائما بزيد عندي توست وما بعرف شو اعمل فيه بقوم بعمله بقصمات بس كان بدي اسالك سؤالين اول شي بصبر استعمل التوست تبع القمح الكامل لأنو هاا على طول متوفر عندي والسؤال التاني يا ترى فيني استغني عن المايونيز لأنو ما بحبه ابدا وما بحب استعمله الا إذا رح تفرق الطعمة كتيير
ما تواخذيني حاسة حالي كتبت جريدة
شكرا كتييييييييييييير منونة
عم اغلبك معي كتيير
هلا فيك
و لا يهمك يا عسل .. هلا التوست الكامل اتوقع بيصير , بس انا مو مجربة , اما المايونيز رح تتغير الطعمة من دونه , ما بعرف , بخاف تجربي و ما تطلع تمام , بعدها تزعلي .. بس بكل الاحوال كل شي تجربة و هل الوصفة من اولها لاخرها تجريب بتجريب , فشو خسرانة
هاي منوش
ظريفة كتير هالفكرة لحتى ما ينرمى الخبز البايت وتغيير شكل عن فكرة الفطيرة المصنوعة من عجين.
أنا عادة بعمل طبق حلو لما بيزيد عندي خبز.. بغمس شرحات الخبز بالحليب المغلي مع السكر وماء الزهر وبخلطها مع مكسرات وزبيب وبحط على الوجه قشطة وبدخلها على الفرن.
عالتجريب القريب ان شاء الله
شكرا منوش..
هلا اخت منى ان شاءالله راح اجربها واكيد بخبرك بس بدي اعرف منك اذا عندي صور لوصفات كيف بدي ابعثهم لك ياريت تخبريني وبكون شاكرة الك لأنه في وصفة انا بعثت لك اياها قبل هيك اللي هي لحمة بالبرتقال فكثير حابة اني ابعث لك صورتها بس مو عارفة كيف
صباح القشطه والعسل والنور والأنوار لاغلى منى بالدنياولكل اهل الموقع
اشتقتلكن كتير مع العلم اني كل كم يوم بفوت من موبايلي وبشوف شو فيه شيئ جديد عالسريع بس مافي وقت لا اكتب تعليق ولا سجل دخول بتعرفي الصيف وعجقته والحمل والتعب
يسلم اديكي منى حبيبتي منظر الاكله شيئ بجنن مبدعه من يوم يومك الله يحميكي يارب
لساتي بسوريا لسه لبعد العيد لارجع من اجازتي بصير فوت كل يوم ان شاء الله وكون مع العيله اللي بحبها كتير
:zzz :zzz
ما شاء الله عليكي من وين بتلمع براسك هالافكار السحرية وبتخترعي هالاكلات المحروفة الله يحميكي يارب و يكتر هالاختراعات هدول و تغنينا فيون يارب :zzz
والله شكلها كتير مشهي و مكوناتها بتجنن يسلمو كتير ميمو الحلوة :p
السلام عليكم
الله يعطيكم العافية الموقع بيجنن عنجد وخاصة الحوار
أنا صار لي شي سنتين بفوت علموقع بس اليوم صرت عضو
حابة قول الله يجزيكم الخير على هلموقع
أنا تزوجت على أمريكا من شي سنتين وأنايادوب بعرف أقلي بيضة وكان موقع لقمة هو الدليل كنت دائما ألجألو لما كنت عمأتعلم الطبخ أو لما بدي فكرة جديدة وخاصة أنو بلفعل كل أكلة على أصولهامتل مابحب …
والأحلى “تعالو نحفظ حديث” بلفعل الله يجزيكم كل خير آمين
وهلأ عم قول لكل رفقاتي علموقع وبتمنى شارك إنشاء الله..
هلا دالو
ان شاء الله تجربيها و تكون نممي و على زووءك
و هي فكرة الفطيرة بتشهي , اكيد طيبة كتير :zzz
هلا هيا
ان شاء الله تجربي الوصفة و تكون يمم .
الصور بتحمليها على ايا موقع و بعدها بتبعتيلي رابطها
مرحبا منى جربت الوصفة اليوم وكانت رااااائعة جدا بكل معنى الكلمة بجد الكل عندي حبوها كثير تسلم هالايادي يارب والله يبارك لك ويبارك فيك وان شاءالله بتشوفي هالموقع يكبر ويكبر يارب
انا كنت كثير حابة شارك بالمسابقة بس سبحان الله ما الي نصيب لأني كنت مسافرة ولما رجعت لقيت المسابقة بدأت فزعلت كثير لكن قلت مش مشكلة خيرها بغيرها ان شاءالله وشكل الوصفات اللي منزليها الاخوات كثير طيبة اكيد راح ابدأ اجرب منهم واحدة واحدة والله يبارك بالجميع يارب وشكرا الك علي هالموقع الحلو اللي جمعنا كلنا مع بعض وعمل روح المنافسة بينناوشجعنا على انو نعمل وصفات جديدة مرة ثانية بقول لك يامنى شكرا الك والله يبارك لك يارب
السلام عليكم ورحمة الله وبركاته
اليوم جربت الوصفة ..وطلعت فخمممممة جدا:)
يسلمو ايديكي منى .. ورمضان مبارك عالجميع
ولو متأخرة شوي
هلا سلاف
اي شو هل الصباح الحلو , ريتك تسلميلي يا قمر
الحمد لله اطمنت عليكي و ان شاء الله دايما بصحة و عافية , سلميلي على الاهل و ربي يديم عليكم اللمة الحلوة و الناس الطيبة و ديري بالك على حالك و البيبي الجديد :zzz
هلا بدورة
ان شاء الله تجربيها و اكيد بتعجبك باذن الله , بتخطر ببالي على اد ما بهدس بالطبخ
اذا جربتيها خبريني , رح استنى رايك
هلا فيك اختي nsz
شرفتي اختي و نورتي الموقع , مية هلا فيك
و الف شكر لكل كلامك المزوء و الحلو و ان شاء الله جازة الدهر و كمان ان شاء الله مية صحة و عافية على كل لقمة اكلتوها من الموقع و كانت على زووءك و زوء ابو الشباب :zzz
اتمنى تبقي معانا على طول اختي , يا هلا فيك
لسلام عليكم و رحمة الله و بركاته
منووش الوصفة شكلها كتير حلو ما شاء الله و استعمال حكيم للخبز انا ما فيني حط لا صويا صوص و لا قشطة فهل بتنفع او لا و اذا ما حطيتهم هل بستبدلهم بشي تاني و هل بتعرفي شي حشوات تانية للوصفة
— منووش بدي اسالك اذا بتعرفي طريقة عمل موس الشوكولا
— كمان في عندي كمية مخلل خيار صغير كيف فيني احتفظ فيها لاطول مذة و هل ممكن فرزها مع العلم انه مصفى من مائه
بالتوفيق
سلام
هلا هيا
الف صحة و هنا اختي , على البك و الب كل مين داقها و كتير انبسطت انها عجبتك و عجبت العيلة و كانت على زووءكم
و لا يهمك هيا الجايات اكتر من الرايحات ان شاء الله , و يا رب تكون الوصفات الي عم تجربيها عم تعجبك
هلا لارو
الف الف صحة و هنا على كل لقمة و بكل فرفوطة
الله يسلمك اختي , مية اهلا و سهلا فيكي
هلا سارونات
انا هيك جربت الوصفة و هيك طلعت طيبة , بتعرفي بهيك وصفات ما فينا نغير كتير شي و الا رح تبطل الوصفة طيبة , اذا مو متوفرة القشطة فما انصحك تجربيها :roll
بعرف طريقة موس الشوكولا و ان شاء الله بنزلها بس ما بعرف ايمتى , الخيار المخلل ممكن تعمليله نقعة من خل و ملح و مي و تحفظيه في البراد , ما بينفع من دون مي و لا بينفع بالفريزر
منامينو يسعد أوقاتك
بدي إسألك حبيبتي المرة الماضية أنا جربت هالأكلة وكانت روعة وكتير طيبة وما أخدت وقت أبداً بس بوقتا ما كان عندي ولا نوع قشطة وساويتها بدون القشطة
هلأ بكرا ان شاء الله رح ساويها بس عندي قشطة معلبة ” قشطة نستله ” بينفع استخدمها ولا لازم القشطة الفريش ؟ ما عرفت أنو قشطة لازم نستخدم :roll ويسلمو ايديكي يا عسل على هالأطباق الرائعة
منون أنا خايفة يكون التعليقات ما عم تظهر عندك ؟ آسفة عالنق :sigh
يسلموا ايديكي يا منى انا طبعا معكن بقروب الفيس بوك ومشتركة بهاد الجروب من فترة بس عنجد بجنن لانو صاحبتو بتجنن والبنات الي فيه كلكن حبابين وما شاء الله عليكن
يعطيكي العافية ميمي
والله باينتا بتجنن يا منى عنجد يسلموا ايدكي
انا جربتها و طلعت روووووووووووووعه
كتير كتير طيبه و عجبت كل البيت
الله يا رب يجزيكي كل الخير يا منى
هلا بشورة
اسفة للتاخر بالرد , معلش ازرعيها بدقني
انا لهل الوصفة استخدمت القشطة المعلبة , ما بعرف اذا ممكن تصير بالفريش :roll
هنا و الف الف صحة و عافية يا رب بكل لقمة
هلا ام سوسو
من زووءك اختي و نورتي هون و بالفيس بوك .
ان شاء الله تجربيها و تحبيها و تكون مستاهلة
اهلا و سهلا سوسن
ان شاء الله صحتين و عوافي على البك و الب كل العيلة الحلوة واحد واحد
خليلي عينك على هل الدعوة , ان شاء الله انتي كمان يجزيك كل الخير و يوفقك وين ما مشيتي
Halaaa bel jami3. 3anjad ekht Mona Allah yjaziki kel kher 3a kel shi 7elo bet2admilna yah, o aham shi 3a toulet balek 3alena :zzz Allah ysallem ideki o ya3tiki el 3afyeh.
Kent bedi as2alek 3al khabez.. momken asta3mel el baguet o a7adra abel byom?? ana 3ayshe bi Espania o 3adatan huwe elli bashteri menno o bsara7a bizid 3andi!! Shokran ktir o 3abastana jawabek bi faregh el saberrr la2ano farat ri2i 3a hal wasfeh :cry
جربتها وطلعت لذيذة وشكلها كتير حلو
يسلمو ايديكي
الله يسلمك و يحفظك بصحتك و عافيتك و ممنونةثقتك في
هلا ام جلال
الله يعافي البك حبيبتي , شكرا كتير على تواجدك الطيب معنا , منورة يا جميل
فيكي تستعملي الباغيت اكيد , بس مهم انو تقطعيه ليكون سماكته بسماكة التوست المقطع لان رح يسمك بعد ما تحطيه مع بقية المقادير. فيكي تحضري الحشوة قبل بيوم بس التطبيق بنفس اليوم
ان شاء الله تجربيها و تكن نممممم
عملتها اليييييييييوم وكنت مستعجلة بدي طبخة سريعة ما بعرف شو خطرلي جربها طلعت بتجنننن , عن جد ما خطرلي انو هيك رح تطلع الطعمة المايونيز مع التوست وكلو بجننن , وطعمة الحشوة رهيبة بلمسة الصويا صوص والكاتشب , الله يسلم ايديكي يااارب ويجزيكي كل خير , وصفة بتستحق التجربة
الف صحة و الف الف هنا , كتبير انبسطت انك جربتيها و كانت على زووءك
عوافي حبيبتي و شكرا لتعليقك
لحد الآن ما عرفت شو هوه الجبن كريم ؟ وما لقيت منه ولامرة ؟؟ بدي المساعدة فيه