براونيز بكريما الخمس دقايق السرية
· يغسل الأرز ثم ينقع لمدة ساعة بالماء و الملح ثم يغسل و يجفف من الماء .
· يغسل البصل الأخضر جيداً ثم يفرم مع الجزء الأخضر منه .
· يقلب البصل بالزيت حتى يطرى , يضاف الرز و يقلب لمدة 3 -4 دقائق على نار هادئة .
· يضاف الماء المغلي أو المرق المغلي مع القليل من الملح و البهار ثم تغطى الطنجرة و تترك حتى ينضج الرز و يمتص كل الماء .
· يخفق الحليب و البيض و بيكربونات الصودا جيداً . تضاف الجبنة و الرز المطبوخ و يقلب بلطف باستعمال شوكة .
· يصب مزيج الرز في صينية بايركس مدهونة و يرش بالجبنة الصفراء المبشورة مع الفليلفة الحمراء الناعمة .
· تخبز الصينية في الرن المحمى على 180 درجة لمدة 15 – 20 دقيقة أو حتى يحمر الوجه ثم تقدم ساخنة أو فاترة .
3 – 4 حبة بصل أخضر
كوب رز
كوب و ربع كوب مرق أو ماء
كوب حليب
بيضة كبيرة
رشة بيكربونات الصوديم
جبنة مبشورة ( ممكن استعمال جبنة بيضة أو صفراء و الأطيب مزيج من النوعيين )
3 ملعقة كبيرة زيت زيتون
ملح و رشة بهار
للوجه :
المزيد من الجبنة الصفراء
فليلفة حمراء ناعمة
• يغسل الأرز ثم ينقع لمدة ساعة بالماء و الملح ثم يغسل و يجفف من الماء .
• يغسل البصل الأخضر جيداً ثم يفرم مع الجزء الأخضر منه .
• يقلب البصل بالزيت حتى يطرى , يضاف الرز و يقلب لمدة 3 -4 دقائق على نار هادئة .
• يضاف الماء المغلي أو المرق المغلي مع القليل من الملح و البهار ثم تغطى الطنجرة و تترك حتى ينضج الرز و يمتص كل الماء .
• يخفق الحليب و البيض و بيكربونات الصودا جيداً . تضاف الجبنة و الرز المطبوخ و يقلب بلطف باستعمال شوكة .
• يصب مزيج الرز في صينية بايركس مدهونة و يرش بالجبنة الصفراء المبشورة مع الفليلفة الحمراء الناعمة .
• تخبز الصينية في الرن المحمى على 180 درجة لمدة 15 – 20 دقيقة أو حتى يحمر الوجه ثم تقدم ساخنة أو فاترة .
روعه احنا السعودين نتفنن بالرز واكل الرزمستحيل يمر يوم ما ناكل فيه رز ممكن مرتين في اليوم وهذه الوصفه اختي مني مميزه الحين عالمطبخ جري واو رز وحليب وجبن ومحمره ومقمره ما خليتي شئ
هلا منونة حبيبتي
يلا عم استنى رايك و يا رب تكون على زووءك و تعجبك :zzz
السلام عليكم و رحمة الله و بركاته
شو هالوصفة اللي بتجنن كتير بحب هيك وصفات بتكون خفيفة و ما فيها لحوم و سهلة و سريعة التحضير خصوصا للصيف
راح حطها على قائمة التجربة السريعة و راح جربها قريبا ان شاء الله
بالتوفيق
سلام
اختي منى انتبهت انك قلتي اننا نغسل الرز بعد ما ننقعه و نصفيه انا عادة بس بصفيه من ماء النقع و ما بغسله يا ترى بشو بتأثر هالخطوة هل بتأثر على كمية الملح او على نضج الرز
بالتوفيق
سلام
هلا سارونات
ان شاء الله تجربيها و تعجبك و تكون متل ما بتحبي و اكيد رح تخبريني
اختي ما في فرق ابدا و الصراحة اذهلتيني من كتر ما عم تنتبهي على التفاصيل , يعني انا كتير كتير باخد بالي من الاشياء الصغيرة بس انتي سيقتيني باشواط :grin
اختي منى جربتها وما بقي بالصحن حبة رز واحده وايش اخبرك بعد كل اهل بيتنا طالبينها بكرة :c
الف هنا و عافية و رزق على كل حبة رز
كتير انبسطت انها عجبتكم منونة , عوافي يا قمر
السلام عليكم و رحمة الله و بركاته
طيب اختي منى بينفع تسخن يعني تتحضر للغدا و تسخن في الفرن للعشاء و لما نسخنها هل في طريقةمعينة يعني نغطيها بورق المنيوم و درجة الحرارة بتكون 180 او اقل عند اعادة التسخين
بالتوفيق
سلام
أختي سخنيها بالطريقة الي تناسبك و انت متعوديتها , بس انا هل الطبق بحسه مو طيب الا تازة , يعني بس ما اتسخن ما عم حبوا كتير
باين عليها وصفة طيبة إن شاء الله بجربها يوم الجمعة على الغدا لأن بنكون كلنا مجتمعين بغذن الله :zzz
بس عذراً حبيبتي منونة شو هي فائدة بيكربونات الصوديوم بهالوصفة
هلا دمدومة
ان شاء الله تجربيها و تعجبك و تكون متل ما بتحبي , و البيكربونات لحتى تعطي البيض خفة و هشاشة :zzz
السلام عليكم و رحمة الله و بركاته
مو معقول هالوصفة شو طيبة و خفيييييييييفة كأنك عم تاكلي سحابة مو رز كتيييييير طيبة و خفيفة و ما بينشبع منها انا ساويت نص الكمية و بعد ما كنا نحكي عن الموساكا اتحولت السيرة لغراتان الرز انا كتير بحب هيك وصفات خفيفة و ساويتها بس بمي و طلعت طيبة كتييير فمابالك لو ساويتها بمرق كمان نسيت حط فلفل احمر مع اني كنت حاطته جنبي :grin و كمان الوصفة اخذت معي وقت اطول بالفرن اكيد لان الافران تختلف
و شو كمان انا دقت الرز بعد ما انطبخ مع البصل و طلع كتير طيب يعني ممكن حتى هيك يتاكل لحاله
جازاك الله خيرا اختي منى
بالتوفيق
سلام
شهوني الاخوات جرب هالوصفة عندي سؤال منى الرز كيف بيطلع بالاخير مهروس ولا محافظ على شكله
هلا سارونات
الف الف عافية يا رب على كل لقمة و عجبتني كتير كلمة سحااابة :eek
الشكر الك سارونات و عافية و هنا يا رب
هلا ام نور
الرز رح يبقى شكله عادي بس اطرى شوي , و ان شاء الله تجربيه و يعجبك
شكلها بتجنن
و احلى ما فيها انها سهلو و جديدة
انا على اعتبار اني موظفة :upset فبشجع كل وصفة
سهلة
هلا كنودة
و الله معك حق , الواحدة فينا كتير احيانا بتكون ملحوقة من شغل البيت ,كيف كمان اذا كانت موظفة .
ان شاء الله تجربيها و تعجبك و تعتمديها
سلم دياتك يا منى على هالوصفة جربتا عالغدا كتير طيبة وسهلة بس المشكلة الوحيدة اني عملت الكمية كلا فطلعت عندي صينية كبيرة :sigh خطرلي كوب قليل تاري مع باقى المقادير بيكتر يالله خير مرة تانية رح اعمل نصف كوب مشكورة حبيبة قلبي
هنا و عوافي ام نور على قلبك و قلب الكتاكيت الحلوة
يلا ان شاء الله المرة التانية تعمليها على قدر عيلتك
السلام عليكم و رحمة الله و بركاته
اختي منى هلأ ما عم يتوفر البصل الاخضر فهل فيني ساوي الوصفة بالبصل العادي او ما بينفع لان طعمته قوية
بالتوفيق
سلام
يمكن بالبصل الاخضر اطيب بس اذا مو متوفر اكيد فيك تستبدليها و خصوصا ان رح ينطبخ , بس ما تكتري كتير الكمية , ممكن بصلة صغيرة تكفي
شو هالاكلة الطيبة يامنوشة ماتوقعتا هيك أبدا
بتعرفي من شي شهرين حكت معي اختي وقالتلي شوفي صينية الرز شو رأيكك جربها ؟؟ لما شفت حليب وبيض ورز وجبنة قلتلا انا مستحيل جرب هيك وصفة
ومن باب التنويع قررت أعملها وعملت أكلة تانية جنبا وقلت لجوزي قبل ما يدوق مو مجبور تاكلها اذا ماعجبتك حتى ما اسمع شي كلمة
بس لما دقناها قلي كتير طيبة وتكرر بشدة
الله يرضى عليكي ويحرم وجهك عن النار
خليلي عيونك على هل الدعوة الي بتبل القلب , ان شاء الله انتي كمان و كل واحد عزيز على البك
الف الف هنا و صحة و عافية , كتير مبسوطة انك تشجعتي و جربتيها و وصفة طيببة كتير :zzz