صينية شاورما مريوم


         وصفة : منى                 2011/02/26                 13 تعليقات
صينية شاورما مريوم

حابة شارك معك بالموقع الحلو بهاالوصفة يلي كتير طيبة وبتمنى اللكل يجربها لاني واثقة بتزبط مع اللكل وهي حصرية لالي مو من النت من اختراعي اسم الوصفة صينية شاورما مريوم . هالوصفة بتفيدكم بوصفتين فيها مقادير الشاورماوتتبيلتها ممكن تساويها وتدهني رغيف خبز مايونيزوتحطي بطاطا مقليةودجاج وتحشيها وتلفيها وتقمريها بصينية تيفال عالغاز وفيكي كمان انك تقطعي بطاطا مقلية مكعبات وتخلطيهم مع شوية مايونيز وحشوة شاورماوتحشي فيهم فطاير القمع كتتتتتتير بتطلع طيبة





بطاطا مكعبات
جبنة موزاريلا

تتبيلة الشاورما :

صدر دجاج نصف كيلو تقريبا
عصير نصف ليمونة
عصير نصف برتقالة , بيعطيها نكهة ولا اروع
برش برتقالة كاملة
برش ليمونة كاملة
2ملعقة زيت زيتون
3 ملاعق كبار لبن عادي
نصف ملعقة كبيرة معجون بندورة
1سن ثوم كبير مهروس
نصف ملعقة صغير ة من زنجبيل مطحون
نصف ملعقة صغيرةقرفة
نصف ملعقة صغيرة هيل
تلات ارباع غطاء قنينة خل تفاح

خلطة الوجه :

علبة قشطة صغيرة
3 ملاعق جبن سائل او جبن مثلثات







• يقطع الدجاج شرحات رفيعة وبغسل بالماء و القليل من الخل.

• تجهز التتبيلة بخلط كل المقادير ويوضع الدجاج فيها .

• نضع 4ورق غار و3حبات هيل حب و نحمصهم على النار حتى تفوح رائحتهم ثم نضعهم فوق الدجاج ويقلب وتنقع بالخلطة لمدة ساعتين و ممكن تجهيزها ووضعها في البراد من قبل بيوم .

• نخرجها من البراد , نضع التتبيلة مع نقعتها في قدر فيه القليل من الزيت وتقلب على نار قوية مع مراعاة الغطاء حتى تستوي

• نقطع مكعبات بطاطا و تقلى مثل البطاطا المقلية ثم توضع في جاط بايريكس قياس وسط ونضع فوقها الدجاج ثم نخلط بالمضرب خلطة الوجه و تسكب فوق الدجاج و نرش رشة صغير جبنة مزاريلا و تدخل الفرن عشر دقايق و يكون محمى من الشواية اللي فوق و اللي تحت و تقدم مع الخبز .

• ممكن وضع قطع مخلل خيار صغيرة مع الدجاج و انا احضرها مع خبز المشاوي على طريقة المدام منى بس بدون بقدونس كتير طيب معها جربوها وادعولي وبتمنى تجربيها
  • وصفات تانية ممكن تعجبك


التعليقات

  1. منى 26 February 2011

    سلم ايديكي يا مريومة على هل الوصفة و انا اكيدة رح تطلع طيبة كتيررر كتير , لان فكرتها قريبة على لقمة تشكن و هي من الوصفات المفضلة :)

    تشجيع كبير الك و بانتظار وصفات كمان منك ;)

  2. marim 27 February 2011

    :rollشكرا كتير الك مدام منى على التشجيع بانتظار انك تجربيها بتعرفي تتبيلة الشاورمة بتطلع طعمتها قريبة كتير لشاورما السوق ونسيت اكتب ممكن نضع بالتتبيلة دبس فليفلة على حسب الرغبة 8) :zzz

  3. رنا 27 February 2011

    كتير قريبة على لقمة تشيكن بس بينقصها المايونيز …يسلم ايديكي يامريومة شي ظريف …بس شو مشان عصير البرتقال بالتتبيلة ؟؟مابيعطيها طعم حلو او طعم برتقال نفسه ؟؟انا بحط ليمون وخل متل طريقة منى بس بجرب
    ومشان لقمة تشيكن والله رجعت جربتها يامنى وصورتها ورح نزل الصورة عن قريب بس حسيت المايونيز خلاها تقيلة كتير كتير ….وهيك ضل عامل طبقة تحت الجبنة ؟؟مابعرف اذا هيك صح ؟؟تاني مرة رح حط ملعقة صغيرة وضيف بشاميل قولتك بيمشي الحال؟؟

  4. مريومة 27 February 2011

    :grin مية اهلا وسهلا يا رنا مشان عصير البرتقال لاتاكلي هم بالعكس بيعطي طعمة كتير طيبة اصلا من وقت بتضيفيه للمكونات بتشمي ريحة شاورما فاحت جربيها ومارح تندمي على مسؤليتي

  5. أم المنذر 28 February 2011

    شكرا مريومة وصفة حلوة بس انا ما بحب الجبنةالمكعبات او السائلة كلشي الا هيك جبن ما بقدر دوقا ما باكل الا الجبنة الحلبية المعروفة وغيرا لا بصير اعملا بدون جبن شكرا الك اختي والسلام دائمآ لمنى الحبيبة احبك في الله منى

  6. أم نوران 28 February 2011

    يا سلاااااام ماشاء الله تبراك الرحمن
    كتييير مبتكرة و مبينتا كتير بتشهي ان شاء الله بجربا عن قريب
    بتعرفي اني كمان بستعمل عصير البرتقال بالطبخ كتير بيطلع طيب و ازا كان حلو علة حامض بيطلع اطيب … الله يعطيكي الف عافية ويباركلك بجوزك وولادك يا رب ..

  7. مريومة 1 March 2011

    اهلين اختي ام نوران وشكرا كتير لالك عى الدعواتعم استنى تجربيها وتقوليلي شورايك

  8. مريومة 1 March 2011

    اهلين اختي ام المنزر بشكرك لردك بس مشان الجبنة والله مابعرف بس مابتحسي فيها ممكن تجربي متل طريقة المدام منى لقمة تشيكن وفيكي تعملي شاورما عادية وتجربيه

  9. marim 1 March 2011

    كيفك مدام منى بدي منك طريقة الكليجة يلي بتجي باليانسون والشمر ممكن تساعديني ازا عندك فكرة

  10. منى 1 March 2011

    و الله مريومة ما عندي فكرة ابدا :roll

  11. منى 1 March 2011

    هلا رنونة :)
    هلا الاكلة مو خفيفة , بس كمان مو تقيلة كتير كتير , كلهن معلقتين , بس من وصفك حسيت انه في شي مو مزبوط لان اصلا الدجاج و البطاطا رح يمتص المرق و ما رح يبقى شي ظاهر ;)
    بيمشي الحال بالبيشاميل , انا مجربتها مرة هيك:)

  12. رنا 2 March 2011

    قلك شو الغلطة ؟؟بس مابتقتليني ؟؟؟احلفي اول هههههههههههههه :grin ياستي هالمرة عملت كيلو دجاج اوكيه وزدت كل المكونات بس بقا المايونيز ساويته على ايدي ومو هون المشكلة …المشكلة انه ممابقا اعرف كم معلقة حطيت لانه ساويت بيضتين للمايونيز شلت منهن شوي للفتوش التركي وقال الي ضلووا بالخلاط لويتات :grin بقا ابصر شقد كمية الليويتات لانه متل مابتعرفي المايونيز بصير سميك بالاخير ….معناها انا كتر الكمية
    [img]null[/img][img]http://http://www.7ammil.com/index.php/files/guest/DSC00443JPG[/img]

  13. لوكا 28 May 2011

    والله يا مريمومه من يومك واكلاتك تشهي بجد وبتعملي اكل ما في منو وانا بثق كتير في اختيارك للوصفات وبعملها على العميان من غير اي خوف تسلمي يا قمريتي ان شاء الله بتسلميلي على طول

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)