براونيز بكريما الخمس دقايق السرية
· يمكن تحضر دبس الرمان من الرمان الحامض أو من الرمان اللفان و هو برأيي يعطينا طعم ألذ , هذه صورة للرمان الذي أستخدمه لتحضير الدبس .
· يفرط الرمان مع ضرورة التأكد من عدم وجود أي قطعة من قشرة الرمان الخارجية و إلا أعطى للدبس طعم مرّ فيما بعد .
· تعصر حبات الرمان و لعصرها لدينا طريقتين , في الطريقة القديمة توضع حبوب الرمان على مصفاة و تفرك و تعصر حتى يستخلص عصيرها , بهذه الطريقة سيكون الدبس صافياً و لا وجود للقطع الصغيرة فيه . في الطريقة الحديثة و هي أسرع و نفس النتيجة في الطعم توضع حبات الرمان في خلاط و تضرب حتى تنعم ثم تصفى و يتم التخلص من البذر . لا يضاف الماء فوق الرمان أبداً .
· يوضع العصير على نار متوسطة و يترك حتى يغلي , تهدى بعدها النار و يترك على نفس رأس الغاز ليغلي و يتحول لونه من الزهر إلى البني الفاتح مع اشتداد قوامه مع التحريك بين كل فترة و أخرى . تحضر 30 كيلو من العصير يحتاج الدبس لمدة 5 – 6 ساعات على النار .
· يصب الدبس في مرطبانات و يمكن أن يغطى وجهه بالقليل من زيت الزيتون .
· يستعمل الدبس في تحضير الفتوش و اليالنجي و اللحم بعجين و اليخنات المختلفة , بالنسبة لي أحب أن أشرب منه بضع ملاعق كل يوم , مممممم لذيذ و مفيد جداً .
رمان من النوع اللفان ( متوسط الحموضة )
• يمكن تحضر دبس الرمان من الرمان الحامض أو من الرمان اللفان و هو برأيي يعطينا طعم ألذ , هذه صورة للرمان الذي أستخدمه لتحضير الدبس .
• يفرط الرمان مع ضرورة التأكد من عدم وجود أي قطعة من قشرة الرمان الخارجية و إلا أعطى للدبس طعم مرّ فيما بعد .
• تعصر حبات الرمان و لعصرها لدينا طريقتين , في الطريقة القديمة توضع حبوب الرمان على مصفاة و تفرك و تعصر حتى يستخلص عصيرها , بهذه الطريقة سيكون الدبس صافياً و لا وجود للقطع الصغيرة فيه . في الطريقة الحديثة و هي أسرع و نفس النتيجة في الطعم توضع حبات الرمان في خلاط و تضرب حتى تنعم ثم تصفى و يتم التخلص من البذر . لا يضاف الماء فوق الرمان أبداً .
• يوضع العصير على نار متوسطة و يترك حتى يغلي , تهدى بعدها النار و يترك على نفس رأس الغاز ليغلي و يتحول لونه من الزهر إلى البني الفاتح مع اشتداد قوامه مع التحريك بين كل فترة و أخرى . تحضر 30 كيلو من العصير يحتاج الدبس لمدة 5 – 6 ساعات على النار .
• يصب الدبس في مرطبانات و يمكن أن يغطى وجهه بالقليل من زيت الزيتون .
• يستعمل الدبس في تحضير الفتوش و اليالنجي و اللحم بعجين و اليخنات المختلفة , بالنسبة لي أحب أن أشرب منه بضع ملاعق كل يوم , مممممم لذيذ و مفيد جداً .
صباح الوردوالياسمين للجميع00 أول مافتح عيوني الصبحيات فورا لازم افتح النت على موقع لقمه طيبه لشوف شو ضايفتيلنا شيئ جديد منى الله يسعدك يارب 00 بالنسبة لدبس الرمان انا بقول الصوره الاولى محضر فيها مزبوط لاني انا مابشتريه جاهز بوصي عمتي الله يخليلي ياها تطبخه بس اللي عندي لونه بني فاتح وفيه بعض القطع التي لاتكاد ترى يعني صافي نوعا ما والله شككتيني رحت عالمطبخ لشوف دبس رماناتي طلعو بيجمعو من الصفات اللي بالبصحنين ماعدا اللون الأحمر
السلام عليكم ورحمة الله وبركاته ….أسعد الله أوقاتكم..بعتقد إنه يللي على اليسارهوالصافي :zzz
صباح الخييير
هيك يا منى يعني ما بتعرفي قديش انا فضولية وبحب اعرف بسرعة مين الدبس الصحيح لاني انا بشتريه جاهز وولا مرة عملته بالبيت 0 بس هلا عم انتظر طريقتك لاعملا وشكرا يا منمن عالحزورة الحلوة
صباح الخير لاحلى منى
ان شاء الله الصحة عال العال انا بقول الصورة الي على اليسار هو دبس الرمان المظبوط يارب يطلع صح 
مساء الخير أنا أتوقع يكون الصورة إلي على اليمين… وفيه لي طلب صغير أختى منى إذا ممكن ياليت تحطين لنا صورة نوع الرمان المستخدم و ياليت تفتحيها من الداخل كمان لأن النوع الموجود عندنا حجمه كبير جدا ولون حباته زهري غامق جدا وطعمه حلو وشكرا .
بالنسبة لي ومن خبرتي بتوقع الصورة يلي على اليمين هي دبس رمان أصلي صنع البيت :zzz
اخيرا لحقت الحزورة هالمرة :zzz
انا بعتقد الصورة اللي عاليمين هو الدبس رمان الصاغ مو المغشوش لإنو لونه فاتح و فيه شوية قطع
مرحبا منى
بعد غياب طويل بسبب ظروف صعبة مريت فيها
كتير اشتقتلك
و حابة اعرف اخبارك
ان شالله تكوني بصحة وعافية انتي و اهل بيتك اجمعين
اشتقت لوصفاتك الحلوة
ما شاء الله زايدين الوصفات شي 100 وصفة بغيابي
ان شالله اكتر واكتر
انا كتير بحب دبس الرمان
و هي عادة جديدة عندي
لما نزلت على سوريا السنة الماضية لقيت اهلي عم يستعملوه كتير و خاصة على الشورما او اللحمة بالصحن و كتير حبيت طعمتو
متشوقة اعرف الطريقة لاني لما اشريت من هون ما طلع طيب ابدا
ما بعرف اي واحد المغشوش و اي الاصلي
بس بعتقد يلي لونه حلو وصافي بيكون مغشوش
يالله ناطرينك على احر من الجمر
سلامات لا احلى منى ولا كل الاخوات
وحدي شغل سوق قارنت بيناتون الاصلي تقيل وفي شوائب التقليد شفاف وخفيف واكيد فرق بالطعمة
انا بعتقد انو الصورة الاولى عليمين هي النوع الاصلي لان عندي قنينة شغل حماتي الله يخليلكون حمواتكون كلكون
بانتظار اجابتك منى
الصراحه انا ماعرف الجواب بس اعتقد ان الصوره بجهه اليسار هو الاصلي
هنا الدبس اشكال متعدده وكل شركه لها طعم مختلف.. يا اما يغلب عليه صعم السكر يا اما يكون ثقيل جدا يا اما يكون حامض.. عجبني هالموضوع وصرت اتمنى اعرف الاجابه وياليت تنزلين مسابقه اخرى عن مواصفات زيت الزيتون الاصلي >> صرت طماعه
بعد ما اجبت على سؤال المسابقة
وحشتووووني كثيييييير صار لي فتره ماكنت فيها اقدر اسجل بالموقع.. لاني كنت ناسيه كلمه السر و ايميلي سرقه هكر الله لا يبارك فيه فماكنت اقدر حتى اضغط على نسيان كلمه السر
والحمدالله ايميلي رجع لي قبل فتره ولما غيرت الباسورد عشان ادش اكتشفت هكر ثاني الله لا يبارك فيه هو الاخر سارق الموقع..
واليوم شفت ان الموقع منور باصحابه
اعترف اني بحب الكلام والسوالف ههههه
لازم تفتحي لنا لوحه محادثات بالموقع :grin
حبيبه قلبي
اعتذر عن الرد السابق لاني مثل ما قلت لك ما كنت بدخل على الانترنت
وان شاء الله اذا الله راد ما انقطع عن الموقع ابدا
وفي كم وصفه عجبوني وان شاء الله بجربهم
تحياتي للكل
منى ما قلتيلنا ايمتا رح تنزلي الوصفة لان رايحة وجاي وبفتح الموقع لا شوف اذا نزلتيا ولا لسا :grin وصرت حابة اعرف الفرق لان ولا مرة خطرلي فكر في
اشتقتلك ياميمو انتي والموقع
ما عم بفضى ابدا ابدا
طمنيني عن اخبارك
انا رأي اللي لونو أغمق هو شغل البيت يعني اللي على اليسار
انا بقول انو اليمين هو الاصلي واليسار مغشوش لاني هنا بالغربة بشتريه جاهز وبيكون متل الصورة اليسار للاسف وواثقة من انه مو طبيعي اي مغشوش
صحيح منى ان شاء الله ما تتاخري علينا بالجواب والافضل بكرة لانني يوم الجمعة سأسافر الى حلب ان شاء الله بلدي الحبيب ورح اعيد اذا راد الله هناك ثم اعود الى هنا بعد العيد لذلك بيجوز ما يصح لي ادخل النت مع رؤية الاهل والاحباب وبودعك على امل اللقاء ان صح لي بحلب رح اتفقد الموقع وان غطيت لما ارجع لهنا اكيد اول صفحة رح افتح النت عليها هي موقعكم ان شاء الله وبكل شوق ولهفة يالله ادعو السلامة يا اخواتي الحبيبات السلام عليكم ورحمة الله وبركاته
السلام عليكم جميعا
مرحبا ست منى شو اخبارك
8) انا بصراحة ولا مرة عملت دبس رمان بالبيت :zzz وهي اول مرة بعرف طريقة صنعو :grin انت بصراحة ست منى بالفعل ست بيت من الطراز الاول :grin كل شي بتعملي بايدك ما شاء الله عليك اولة امبارح بعد ما خلصت شغل المطبخ ركضدت على الكمبيوتر وفتحت الموقع وشفت صورة المناقيش على الطوايةشكلها اغراني كتير وشتهيت عليها :upset
قمت بسرعة على المطبخ وعملتا بس عملتا بعجينةالفطاير وعملت فطاير بالجبنة وطلعت كتير لذيذة وخصوصي مع الشاي الساخن بتعرفي بالمانيا ما عنا فطاير :cry كتير اكلات لازم نعملا بنفسنا
طولت عليك اسفة :zzz اخيرا بقلك من قلبي تسلم ايدك على كل الاكلات الشهية
السلام عليكم منى كيفك بدي أسألك بالنسبة لدبس الرمان نحن هون بالامارات بييجي الرمان لكن ما بعرف اذا مثل ما بتقولي اللفنان او الرمان الحامض ما بعرف كيف بدي افرق بينهم او اعرفهم حتى عشان هيك بدي اسألك بالنسبة للجاهز في نوع معين ممكن لاقيه هون عنا لأن بصراحة مره جبته وكان طعمه حلو وما قدرت حطو على شئ من الاكل وراح خسارة طبعا يا ريت تقدري تفيديني
وشكرا لك والله يخليلنا اياك على الخبرة الحلوة اللي عندي
هلا غيوثة
ان شاء الله بتوصلي بالسلامة و عيدك مبارك مقدماًُ
رح اشتئلك كتير , ما دامها غيبتك و انت مبسوطة مع الاهل و العيلة , رح كون مبسطوة الك كتير
لاتنسي تطلي يا قمر
هلا ام علي
كلك زوء أختي و الف الف صحة و هنا و عافية علىالفطاير , معلش اختي ان شاء الله بترجعي سالمة و غانمة لبلدك
لا طولت و لا شي أنا بحب الردود الطويلة :zzz
مية هلا هيا
اللفان هو النوع الي مو حامض كتير و هو أحسن نوع لتحضير الدبس , اذا مو متوفر استعملي النوع الحامض العادي كمان بيصير ..
بالنسبة للانواع الجاهزة و الله ما عندي فكرة بس ان شاء الله باقي الاخوات بتساعدك
السلام عليكم و رحمة الله وبركاته
جازاك الله خيرا اختي منى ان شاء الله راح ساويه بس في عندي شوية اسئلة اذا ممكن
انا راح حضر كمية قليلة خصوصا كأول مرة انت معودة تساو يكميات صغيرة او بس كميات كبيرة لان بخاف خليه يطول كتير خصوصا ان الرمان اللي عندي و طعمته حامضة لونو وردي فاااتح يعني ما بعرف اذا راح يعطيني اللون اللي بالصورة و هل بينفع ساويه فيه او لا
كمان بالنسبة للحفظ قديش بيضاين و هل بحطو بالبراد او برا و هل لازم يكون مرطبان زجاجي او ممكن بلاستيك
ربنا يجازيك كل خير و يوفقك انا طلبت منك الوصفة من فترة و انت ما قصرني يخليلي ياكي
و سؤال مهم جدا هو طعمته كيف يعني قلتي انك بتشربيه معناتو مو كتير حامض او شو يعني متلا ايهما احمض هو او الليمون
بالتوفيق
سلام
بينفع اختي لان بعد الغلي بيتغير لونه
بيضاين سنة و سنتين اذا اتحضر مزبوط و من دون براد و ممكن تحفظيه بمراطبين بلاستيك بس الاحسن طبعا انك تحفظيه بمراطبين بلور
اختي لازم تحطي بزهنك ان 10 كيلو من الرمان رح يعطيكي 4 كوب تقريبا منم الدبس فمو معقولة تجربي كيلو و الا رح يعطيكي كم ملعقة بس و مو مستاهلة العزاب :roll
حمض الدبس رمان أخف من الليمون بشوي بس انا بحب الحامض :zzz
سلام عليكم اختي منى بدي اسئلك نحن هون في القلمون بنحط ملح مع دبس الرمان حتى تظهر طعمه الحمض اركز شو رايك ياريت تردي بسعه لانو بكره رح ساويه وكمانشغله في بعضهم بيعصروا الرمان على ماكينه الكبه الشفره الخشنه كمان حابه اسمع رايك وجزاك الله خير
هلا منال
نحنا ما منضيف الملح , و اذا ضفناه فبيكون بكية لا تذكر , بس اكيد ما في مانع من اضافته , بس بعد ما يسمك , ماكينة الكبة فكرة ممتازة , نحنا منعمل عصير الحصرمبنفس الطريقة , و اكيد كمان الرمان بيصير , بتعرفي عجبتني الفكرة كتير , ممكن بكرة جرب اعصر شوي بهل الطريقة
مرحبا أخت منى
سعادتي اليوم لا توصف .. لأول مرة بحياتي بعمل دبس رمان وما كنت متخيل أنو طريقته بسيطة بهالشكل .. يعني ما خطر ببالي سابقاً أسأل عنها لأن كل الناس اللي بعرفهم بيشتروه جاهز .. كنت أتعذب دائماً في البحث عن دبس رمان صاغ وبيتوتي
بس الصراحة بدو شغل كتير .. يمكن أكتر وصفة اشتغلت فيها حتى الآن .. بس والله مستاهلة وماني ندمان .. 10 كيلو رمان أخدوا معي شغل يومين بين فرط وبين عصر وبين طبخ .. والكمية يا دوب تكفيني.
من شوي طفيت النار وتركته يبرد .. الطعمة روعة بس لونه طلع فاتح كتير يعني بين الأحمر والبني أو بني فاتح .. استخدمت رمان لفان من النوع (البابي) ولونه فاتح قليلاً بس نصحوني أنه أفضل الأنواع للدبس. الملاحظة التانية استغربت أنك ذكرت وجود قطع صغيرة ناتجة عن القشرة الرقيقة بين الحبات .. أنا ما طلع عندي أي شوائب :roll
ألف شكر إلك أخت منى .. بفضلك مطبخي صار أغنى واللقمة الطيبة صارت متاحة للجميع 8)
هلا ارام
عن جد انا فخورة فيك كتير و بهل الاشياء الي عم تجربها ,الوصفات الي عم تختارها مو سهلة و هي من الوصفات الي ما بتهم الاغلبية.
كلامك مزبوط , بده شغل كتير و تعب كتير بس مستاهل , و اذا كان عندك بالعيلة اطفال , فممكن يساعدوك و يخففوا الشغل كتير و رح ينبسطوا .
اللون الي طلع معك تمام و هو ممكن يختلف باختلاف الرمان , المهم ان الغالب عليه البني مو الاسود , اما الشوائب الي ما طلعت عندك معناها ان المصفاة الي استعملتها ناعمة كتير , و متل ما ذكرت في المقدمة هي ممكن تطلع و ممكن نو .
ان شاء الله الف صحة و هنا اخي على كل لقمة اكلتها او اكلها حدا من عيلتك عنا , مبسوطة كتير بتجاربك و ردودك , هنا مرة تانية
سلام عليكم كيف يا خيتو مو هيك بتقولو والله حاسه بهل الشعور من دون ما شوفك الله يسعدكم ساويت السنه دبس الرمان على يدي وطلع بيجنن لون وطعم تحفه وكنت محظوظه بان الرمان حامض بس على النار اخد وقت طويل حست حالي محبوسه
:grin انشاء الله على طول يجي النشاط وساويه بالبيت ادعيلي ترى الجاهز علمنا الكسل بس شغل البيت لايعلى عليه ودمتم
ايه و الله منولة شغل البت غير , بس بياخد وقت كتير و شغل كتير و خصوصي هل الوصفة
ان شاء الله بصحة على طول و همة و نشاط دايم , نورتي اختي بيتك و مطرحك :zzz
مرحبا أخت منى
دبس الرمان اللي عملته المرة الماضية طلع سميك كتير بعد ما برد .. أعتقد أن الضرب بالخلاط خلى البذور تنطحن وتأثر عالنتيجة .. عملت كمية تانية وعصرت الرمان بإيدي .. طلعت النتيجة أفضل بكتير.
مشالله عليج
بطبق الوصفه لاني اسوي حق بنتي كبده دجاج و احب اضيف فيها نتفه دبس رمان و احس النوع اللي بالسوق مغشوش مثل ما قلتي
مشكوره حبيبتي
مشكووووره ياعسل على الوصفات اللذيذه
الله لايحرمنا منك
كل عام وانتي بألف خير
و انت بالف الف خير حبيبتي
الشكر الك لتواجدك معانا , مية هلا
هلا حبيبتي ام ريم
ان شاء الله تجربيها و تكون على زووءك و تشوفي الفرق بنفسك :zzz
هلا اخي ارام
اي اكيد افضل , بس بقى على اله عنده عافية يعصرهم بايده ..
ممكن تكون غليته زيادة ؟
بكل الاحوال صحتين و الف عافية على المرتين
السلام عليكم أختي منى, أنا عضوة جديدة وكتير معجبة بوصفاتك :zzz
مرة سمعت شيف على التلفزيون سألوا عن طريقة تحضير دبس الرمان قالهم انه بحطوا فيه حامض الليمون وملعقتان طحين
شو رأيك صح طريقته؟
هلا اختي
هلا ممكن في ناس بتستعمل الحامض , بس هادا نوع من انواع الغش , لان دبس الرمان ما فيه غير رمان ..
أما الطحين فهي اول مرة اسمع فيه , و حتى من باب الغش ما فهمت شو الفايدة منه :roll