براونيز بكريما الخمس دقايق السرية
مو كل شي نتعلمه من أهالينا بيكون صح ! و هل الشي ممكن نكتشفه بكير و ممكن نكتشفه متأخريين و ممكن ما نكتشفه أبداً . و كمان هل الشي بينطبق على العادات و على الأخلاق و حتى على الوصفات .
البازلاء من الخضرة الي بمون منها كتير , و انا ما بحب أحفظ كتير اشياء بالفريزر , بس البازلاء لا غنى عنها , لان بتلزمني كتير و ممكن أستعملها لكتير وصفات .
بالأول كنت فرزها على طريقة أمي , و هي اني بغليها مع مي و ملح و شوية سكر و ملح ليمون , و كانت الطريقة ماشي حالها , بس اللون ما يبقى أخضر و حلو بيصير على أخضر مصفر .
مرة شفت بازلاء مفرزة عند بيت حماي و كان لونها بيجنن , و كأنها تازة و بعد السؤال و الاستفسار خبرتني أم زوجي أنها بتشيلها للفريزر من دون أيا شي , بس تغسلها و تعبيها باكياس و على الفريزر , جربت طريقتها و صار لون البازلاء حلو كتير بس كانت تعزبني لتستوي , تاخد ساعة او أكتر بطنجرة الضغط و تصير طعمتها مو كتير طيبة .
أخيراً اكتشفت هل الطريقة و فيها بتصير البازلاء طرية و بنفس الوقت لونها بيجنن , و هي الطريقة الي معتمدتها من كم سنة و ان شاء الله تجربيها و تعجبك .
بالصحة و الهنا
كيلو بازلاء
1 – 2 ملعقة كبيرة ملح صخري
رشة صغيرة سكر
• يوضع مقدار ثلاثة أو أربعة لتر ماء على النار و يترك حتى يغلي .
• يضاف الملح و السكر و بعد أن يغلي الماء مجدداً تضاف حبات البازلاء و تترك لتغلي لمدة 8 – 10 دقائق أو حتى تطرى من دون أن يتغير لونها .
• ترفع البازلاء من الماء المغلي و توضع مباشرة في الماء المثلج لتحافظ على لونها الجميل ثم تترك حتى تبرد .
• تصفى البازلاء و تعبأ في أكياس ثم تحفظ في الفريزر حتى وقت الحاجة .
ملاحظة سريعة :
عند حفظ كميات كبيرة من البازلاء يراعى أن لا تغلى كمية كبيرة في كل مرة و الا فإن بعض الحبات ستنضج و بعضها سيبقى الأخر غير ناضج .
بصراحة أنا بعملها بنفس الطريقة بس بحب أطلع على شغلك لأنو دايما عندك جديد وإبداع
انا بعلها بنفس الطريقة بس بحب شوف طريقتك لأنك مبدعة
يسلم ايديكي
بس نحنا هون بالسعودية ما بتجينا بازاليا فريش
بتجبنا مفرزنة جاهزة وكتير طيبة
بس الوحد بيتعلم
سبحان الله يا منى اليوم اشتريت كمية بازيلا طبخت شوي و بدي جلد الباقي فتحت الموقع ولقيت البازيلا قدامي كتير انبسطت
الله اعلم حتى باقي الخضرا دغري بيستوا بدون ضغط
بس بالعادة بنقيون وبغسلون وبالاكياس عالفريزر ولا مرة واجهت مشكلة الاستواء الطويل لا البازيلا لا المجمدة ولا الخضرا
يمكن لان نوعية البازيلا بتختلف بين منطقة والتانية
ايه والله يا منى صدقتي احيانا بكون متعلمة شغلة من امي او حماتي وبكون مستعجلة قام بعملها بطريقة اسهل للسرعة وبتكون النتيجة نفس الطعمة او اطيب عندها بقول لزوجي يا حرام امهاتنا ما بغيرو من طريقتهم ولو فيها لبكة وشغل زيادة خلص هيك الاصول على حسابهم والله يجزيك الخير على هالطريقة لان البازلاء كتير مهمة لكل الاوقات شكرا منى من القلب على افادتنا بخبراتك اللي تعبت عليها كتير شكرا لك يا صاحبة اطيب قلب واروع منى يالدنيا والله يخليك لزوجك ولاولادك ويفرحك بهم يا رب طولت عليك مو اسفة
السلام عليكم انا من زمان حابه اتعلم طرق التفريز للبازيلا وغيرها شكرا كتير الك منى وسلم دياتك يا عسل
تسلم ايدك ياقمر على الوصفةى اللي ان شاء الله مية بالمية سليمة وصحيحة لانو السخن بعديها بارد او متلج بيحفظ اللون والنضارة للخضار تسلمي والله على الوصفة المضبوطة البازلا شكل ولون وطعم بتغني وتميز الكتير من الوصفات زي الرز والسلطات وخضرة مطبوخة وانواع جراتان مختلفة يعني صديقة الكل مش بتزعل حد
مشكورة أخت منى على الوصفة .. وعلى التطبيق فوراً إن شاء الله.
هلا وداد
هادا بس من زووءك أختي و مية اهلا و سهبلا فيك بالموقع شرفتينا و انستينا اختي :zzz
هلا سيمو
و نحنا عنا جاهز , بس مو مفرز بيكون معلبات و طعمتها مو طيبة ابداً :sigh . بيصير بيوم تلزمك الطريقة ما بتعرفي شو بيمرق الواحد على راسه
هلا ام نور
اظن نوعية البازلا الها دور , و انا هلا ما بقى بعزب حالي , بسلقها و بشيلها و هيك بتكون جاهزة ايمتى ما بدي
هلا غيوثة حبيبة قلبي
كلامك مزبوط , لهيك التجربة اساس التعلم بالمطبخ برأيي , الف شكر الك للدعوات الغالية و الكلام الطيب , الك متل هل الدعوات و اغلى حبيبتي لكل اولادك و زوجك و عيلتك الحلوة واحد واحد
هلا نور
كتير انبسطت انك شفتي الطريقة و ان شاء الله تستفادي منها أو تلزمك شي يوم
هلا ام ياسمين
و الله تشبيهك حلو كتير , بالفعل البازلا صديقة الكل و رفققيتهم ووين ما كانت بتجي على القلب :grin
الف شكر الك للرد و التواجد الطيب و نورتي يا قمر
هلا اخ ارام
ان شاء الله تجربها و تكون متل ما بتحب و الذ
تسلميلي منى والله يخليكي اكيد هالوصفه وغيرها من الوصفات رح استفيد منها الانو انشاء الله رح انتقل لبيت جديد ولازم اكون اعرف كتير شغلات استفيد منها الي ولبيتي واسرتي واكون ست بيت شاطره 8) واكيد انتي قدوتي ادعيلي الله يتمم على خير :zzz
انا فعلا زى ام نور باشيلها من غير ماء مغلى او اي شئ ولا بتتعب في السوا ولا اى حاجة!! :roll
جزاكى الله خيرا
هلا نور
شو هل الخبرية الحلوة , ربي يتم عليك بيسر و سهولة و يكون بيت السعد و الهنا كله حب و مودة و رحمة باذن الله ..
ربي الف مبروك و اي خدمة او سؤال انا تحت امرك نور
هلا نهى
بيجوز البازلا الي متوفرة عندنا تعبانة لحتى صار معي هيك , المهم انت وجدتي الطريقة الي بتريحك و هادا المطلوب
مية هلا فيكي نهى
تسلم ايدك يا قمر :zzz
الله يسلمك أختي ام عمر
فعلاصر حبيبتي منى ونحن كمان هيك منفرز البزاليا بدون ما نعمل فيها أي شي أبداً
تسلم ايدك يا غالية
مرحبا اخت منى انا بشكرك كتير على هاد الموقع اللي سهرني لين الصبح وانا بس عم بطلع على وصفاته اللي اكتر من حلوة انا مشيركه جديده وحابه ترحبوا فيني واتمنى انكم تقبلوني لانه كل المشتركين دمهم عسل وبجننوا :upset
مية اهلا و سهلا شادو:)
نورتي الموقع و شرفتيه و اتمنى انك تجربي شي كمان من الوصفات و يكون على زووءك .
اسمك حلو كتير
السلام عليكم . انا بدي قول الحمد لله يلي رجع الموقع .والله شو انزعجت لما صار بلوك للموقع .الله لايحرمنا هالطله الحلوه .كل عام والجميع بخير
و عليكم السلام و رحمة الله و بركاته , الله يسلمك و يحفظك و يخليك اختي و الله لا يحرمني من هيك اخوات :zzz
مرحبا مدام منى انا دايما بعزبك معي بس ممكن تنصحيني جوزي جايبلي فطر طازج وكمية كبيرة عندك شي فكرة عن طريقة حفظه الله يوفقك تردي علي بسرعة لانو من يومين جابهم وخايفي يخربو
بتنظفي الفطر بمنشفة مبللة و بعدها ممكن تسلقيه حبة كاملة و تحفظيه بالفريزر أو تقطعيه شرايح و تسلقيه و كمان تحفظيه بالفريزر , انا بفضل التقطيع و بعدها السلق
ممكن كمان تقلبيهم بشوية زبدة و تخليهم بالفريزر لوقت الاستعمال بس مش اكتر من 10 ايام