عجة الباذنجان باللحمة


         وصفة : منى                 2007/07/28                 4 تعليقات
عجة الباذنجان باللحمة



4 حبة كبيرة باذنجان
2 حبة كبيرة بصل
12 – 15 بيض
ملح و بهار حسب الزوق
4 ملعقة كبيرة زيت زيتون
ربع كيلو لحمة غنم مفرومة ( أو أقل حسب الرغبة )

المزيد من زيت الزيتون لقلي أقراص العجة

• يقلى لحم الغنم في مقلاة غير لاصقة على نار متوسطة و يفكك بملعقة خشبية ثم يتبل بالملح و البهار و يترك حتى يجف مرقه تماماً .

• يفرم البصل مكعبات صغيرة , يقشر الباذنجان و يفرم مكعبات صغيرة أيضاً .

• يقلى البصل بزيت الزيتون حتى يطرى ثم تضاف مكعبات الباذنجان و تقلى حتى تنضج لمدة عشر دقائق تقريباً ثم تتبل بالملح و تمزج مع اللحمة و تترك حتى تبرد تماماًُ .

• يخفق البيض مع الملح و البهار في خلاط الكوكتيل لمدة 5 دقائق ثم يقلب مع مزيج الباذنجان و اللحمة .

• يقلى مزيج العجة في الصينية الخاصة بأقراص العجة على مراحل باستخدام زيت الزيتون أو يوضع في صينية مدهونة بزيت الزيتون و تخبز في الفرن الحار حتى تنضج و تقدم ساخنة مع اللبن و المخللات .



  • وصفات تانية ممكن تعجبك


التعليقات

  1. آرام 17 June 2009

    مظلومة هالوصفة .. موجودة بالموقع من سنتين ولا حدا علق عليها بكلمة! مع أنها أكلة جديدة وطيبة كتير .. مبارحة جربتها .. سهلة وسريعة ولذيذة جداً.
    بتعرفي أخت منى .. صرت أحس بتأنيب الضمير على كل وصفة جربتها خلال الشهور الماضية وما علقت عليها .. ما بعرف كيف راحت عن بالي .. كنت أعتبر أنو التعليق بس إذا كان عندي سؤال أو إذا صارت معي مشكلة بالتطبيق .. بس هادا منتهى الأنانية .. يعني من أبسط حقوقك علينا بعد كل جهدك وتفانيك أنو نقول كلمة شكر .. مو نقولها بقلوبنا بس .. لازم تنكتب كتابة كمان.
    الله يعطيك العافية ويحقق لك أغلى أمنياتك يا رب.

  2. منى 18 June 2009

    هلا أخ ارام :) ريتو الف صحة و هنا و اخيرا في حدا جرب هل العجة و هي واحدة من الوصفات المغمورة في الموقع و متل ما قلت هي مظلومة , بس نسبيا لان المظلوم هو الي عم يشوفها و ما عم يجربها :grin

    برافو عليك على هل الضمير , و على فكرة شكرا مهمة بس الاهم ان حدا تاني يقرا ردك و يتشجع يجربها متلك

    الف شكر الك للدعوات و اتمنى الك المتل و اكتر اخي

  3. مزهرة 11 September 2010

    يسلموا ايديكي اخت منى اكله طيبه من مقاديرها واحد بيعرف وشخصيا انا بحب الباتنجان شو ماكانت الطريقهاللي بينعمل فيها والف شكر الك على مجهودك في الموقع

  4. منى 16 September 2010

    هلا فيك اختي :)
    ان شاء الله تجربيها و تكون يممي و على زوءك و رح استنى رايك بعد التجربة :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)