عجينة البيتزا ( تحضيرها و تخميرها و طريقة فردها و خبزها )


         وصفة : منى                 2007/06/27                 88 تعليقات
عجينة البيتزا ( تحضيرها و تخميرها و طريقة فردها و خبزها )


2 ملعقة صغيرة و نصف خميرة حبيبات
كوب و نصف ماء ساخن (بدرجة حراررة يتحملها طرف الاصبع )
رشة سكر
4 كوب طحين عادي
2 ملعقة كبيرة زيت زيتون
2 ملعقة صغيرة ملح

المزيد من زيت الزيتون و الطحين لفرد العجينة




تحضير العجينة :

• في وعاء كبير يمزج كوبان من الطحين و الخميرة و الملح ثم يضاف الماء الحار و الزيت و يقلب المزيج بملعقة حتى يصبح المزيج ناعماً .

• يضاف باقي الطحين بالتدريج و يعجن قليلاً ثم يوضع المزيج على طاولة العمل المرشوشة بالقليل من الطحين و تعجن لمدة 10 دقائق حتى تصبح العجينة ناعمة و طرية و مطاطة أصبحت العجينة جاهزة , تقطع إلى أربع قطع متساوية.

تخمير و تجميد العجينة :

• بعد تحضير العجينة و تقطيعها , يدهن وعاء كبير بالقليل من زيت الزيتون و توضع فيه كرات العجينة و تغطى بشكل محكم بورق نايلون لاصق ثم يوضع الوعاء في مكان دافئ و تترك العجينة حتى يتضاعف حجمها , المدة اللازمة تعتمد على حرارة الجو , ففي فصل الصيف تحتاج العجينة إلى 45 – 60 دقيقة حتى تتخمر و تصبح جاهزة , و تأخذ وقت أطول في فصل الشتاء .

• يمكن تحضير عجينة البيتزا قبل بيوم من تقديمها , بعد أن يتضاعف حجم العجينة توضع في البراد و هي مغطاة كي لا يجف وجهها , و عند الاستخدام تخرج من البراد و تترك في حرارة الغرفة لمدة ربع ساعة تقريباً قبل البدء بتشكيلها .

• يمكن تجميد العجينة و الاحتفاظ بها في الفريزر لمدة شهر تقريباً , بعد تخمير العجينة , ترش بالطحين ثم تحفظ كل كرة بكيس محكم الإغلاق أو في وعاء محكم الإغلاق , في وقت الاستخدام تخرج من الفريزر قبل بيوم و توضع في البراد طول الليل ثم تخرج في اليوم التالي من البراد و تستخدم في إعداد البيتزا .


فرد البيتزا و تحضيرها للخبز :

• يحمى الفرن على درجة حرارة عالية , توضع كرة العجين المختمرة على سطح مرشوش بالقليل من الدقيق و تغطى باقي كرات العجين , تمرغ اليدين بالطحين أو بزيت الزيتون ثم يضغط على العجينة بأطراف بلطف بحيث يبدأ الضغط من منتصف العجينة و حتى الأطراف حتى تصبح لديك دائرة بسمك سنتيمتر واحد .

• باستخدام الشوبك تفرد العجينة حتى تصبح بالسماكة المطلوبة , إذا أردت أن تكون البيتزا ذات سماكة متوسطة و أن تكون طرية بعض الشي تفرد العجينة حتى سماكة سنتيمتر ثم تنقل لصينية الخبز و تغطى بمنشفة المطبخ و تترك العجينة لترتاح لمدة 5 – 10 دقائق ثم تغطى بصوص البندورة و تخبز , أما إذا أردت أن تكون البيتزا مقرمشة فتفرد العجينة لسماكة نصف سنتيمتر أو أقل و تغطى بالصلصة ثم تخبز مباشرة .
• إذا لم يصبح شكل البيتزا النهائي عندك بشكل دائرة متناسقة فلا تهتمي ,, المهم هو الطعم و كلما أعددت البيتزا أكثر كلما أصبحت يدك مرنة أكثر في إعدادها و تشكيلها .

• إذا أحسست أن العجينة تتقلص بعد كل فرد , غطيها و دعيها ترتاح لمدة ربع ساعة أخرى .

• تنقل العجينة بلطف إلى صينية خبز و تختلف نوعية الصينية أيضاً حسب رغبتك بنوعية البيتزا , إذا أردت أن تكون البيتزا سميكة و طرية بعض الشي , تستخدم أي صينية غير لاصقة مرشوشة بالقليل من الطحين , أما إذا أردت أن تكون الببتزا رقيقة و مقرمشة فتخبز البيتزا في صينية خاصة تحتوي على ثقوب لضمان توزع الحرارة بشكل كامل و متساوي .


خبز البيتزا :

• يجب أن يكون الفرن حامي بشكل جيد قبل خبز البيتزا و يختلف خبز البيتزا حسب أيضاً تبعاً لنوعية البيتزا المفضلة عندك .

• إذا أردت أن تكون البيتزا ذات سماكة متوسطة و طرية بعض الشي تخبز على الرف المتوسط حتى يحمر أسفلها ثم تخرج من الفرن و ترش الجبنة على الوجه ثم تعاد للفرن و تترك حتى تذوب الجبنة ثم تقدم فوراً .

• أما إذا أردت أن تكون البيتزا مقرمشة يجب أن تكون درجة حرارة الفرن عالية جداً و تخبز على الرف السفلي القريب من النار و بعد أن يحمر أسفلها و أطرافها تخرج من الفرن و ترش الجبنة على الوجه ثم تعاد للفن على الرف المتوسط و تترك حتى تذوب الجبنة ثم تقدم فوراً .

• لا ترش الجبنة على وجه البيتزا منذ بداية خبز البيتزا لأن الجبنة ستجف قبل أن تنضج العجينة .

ملاحظات مهمة :


• تشترى الخميرة الحبيبات في عبوات صغيرة , و بعد فتح العبوة تحفظ في البراد في مرطبان بلوري صغير محكم الإغلاق , و إذا كنت غير متأكدة من فعالية الخميرة فيجب إجراء اختبار الخميرة قبل المباشرة بإعداد العجينة و ذلك بوضع الخميرة و السكر و الماء الحار ( بحيث تتحمله إصبع اليد عند وضعه في الماء لمدة 10 ثواني ) في كوب كبير دافئ و يغطى الكوب و يترك لمدة 10 – 15 دقيقة , إذا كانت الخميرة لا تزال صالحة فستظهر رغوة كثيفة على وجه الكوب و ستنطلق رائحة الخميرة و إلا فيجب استبدال الخميرة بخميرة جديدة .


أفكار أخرى :
• البيتزا الإيطالية الأصلية تخبز في أفران قرميدية حارة تشتعل بإحراق الخشب , و هذه صورة لأحد هذه الأفران..




  • وصفات تانية ممكن تعجبك


التعليقات

  1. Fatema 1 July 2007

    :zzz مشكورة يا اختي على الطبق بس انا كل ما اسوي اي عجينة ما تظبط
    معاي ما عدا عجينة لقمة القاضي اللي اظبطها وانا من عاشقات الطبخ

  2. منى 1 July 2007

    هلا أختي فاطمة :)
    أختي شو هو إلي ما يظبط معاك ؟؟

    خبريني و أنا أمشي معك خطوة بخطوة لحتى تظبط عجينتك إن شاء الله ;)

    ما شاء الله عليك أختي , عجينة لقمة القاضي مش من العجائن الهينة , و ما دامها بتنجح معاك فأنا أأقلك ان عجينة البيتزا أسهل منها بكتير, و رح تظبط معاك إذا الله راد 8)

    نورتي

  3. رندوش 29 July 2007

    مشكوره عزيزتي منى وفقك الله :)

  4. منى 29 July 2007

    هلا رندوشة :)

    نور الموقع بطلة أخت غالية و عزيزة مثلك ..

    تسلمي على الدعوة الحلوة . ;)

  5. انـ ستازياـا 18 September 2007

    السلام عليكم ورحمة الله وبركاته
    رمضان كريم
    حبيت أهنيك أختي على هالموقع الرائع
    وفيه عندي مشكلة اني كل مابغيت الطبخة تصير على شكل كتاب pdf اذا ضغطت على الزر (تصدير لهيئة pdf)
    يطلع لي الكتاب ولكن بلغة غريبة :)

  6. منى 18 September 2007

    هلا أختي :)

    نور الموقع بطلة أخت جديدة , مية أهلا و سهلا فيك ..

    أختي لتحلي المشكلة بتروحي على view من القائمة الظاهرة عندك فوق و منها على encoding و بعدها تختاري اللغة العربية ..

    ان شاء الله تنحل المشكلة و اي سؤال تاني انا بالخدمة أختي :)

  7. nidaa84 30 October 2007

    والله الله يسلم ايديك على هل طريقة ويجزيك كل خير اليوم جربت هل عجينة والله العظيم تقولى الان جايبينها من المطعم انا من زمان بطلت اعمل بيتزا لانه العجينة ماعم تظبت بس اليوم قلت بدى اجرب هل طريقة بتاخد العقل الف الف شكر

  8. منى 30 October 2007

    عوافي يا رب نداء :)

    و أخيرا واحدة من الأخوات جربت عجينة البيتزا ;)

    كتير انبسطت انها عجبتك , و كمان انبسطت بتجربتك

    صحتين و هنا يارب

  9. ام نور 13 February 2008

    اداش الي بشوف هلعجينة ومشتهية عليا اليوم لا جربتا بس انشالله تنجح لان حطيت كل المقادير بالعجانة وتركتون ينعجنوا 15 دقيقة وبعدان انتبهت انو انت حاطا كوبين مخمرتيون وراجعة ضايفة كوبين ولما شلتون من العجانة رجعت عجنتون وتركتون عا جنب اختمروا غير شكل والان راح قوم جرب قطعة اذا ظبطت بيكون منيح واذا لاء اعادة مرة تانية فانشالله تنجح :)

  10. منى 14 February 2008

    لا بتظبط ان شاء الله , لان حطينا الطحين بهل الطريقة بس لان أنواع الطحين ممكن تختلف و كل طحين بياخد كمية من المي مختلفة ;)

    غداي اليوم عندكم , اناا بموت على البيتزا , و ان شاءالله إذا ضبطت تبقي تاكلي عني كم لقمة :grin

  11. ام نور 14 February 2008

    بالفعل العجينة ظبطت شو طلعت عجينة يا منى بتاخود العقل طرية وشهية مع اني كتير استغربت تظبط لان ما فيا لا بيض ولا حليب ومكوناتا بسيطة والاحلى جربت قرصان صغار بشكل الرغيف وشويتون وظبطو وطلع رغيف عربي فشو رايك ممكن نستعملا لا الخبز العربي ولا الو طريقة خاصة يمكن تستغربي عم اسال عن الخبز العربي لان نحن هون محرومين منو ومنمل من الباغيت وهالانواع ;)

  12. منى 16 February 2008

    ممم عوافي و هنا يا رب ام نور :) وو بتوقع ان يضبط لأن مقادير الخبز نفس مقادير العجينة تمام :)

    ان شاء الله بحاول حط طريقة للخبز العربي , و تساويه على مزاجك ;)

  13. مؤمنة 12 July 2008

    السلام عليكم:جزاك الله خيرا أختي منى على وصفة عجينة البيتزا, كانت رائعة, طرية و رقيقة. في المرة القادمة انشاء الله سوف أستبدل الطحين الذي نرشه أسفل العجينة عند خبزها بسميد لأن طعمته سوف تكون أطيب من الطحين, و لا يحترق. ما رأيك؟.

  14. سارونات 19 July 2008

    السلام عليكم و رحمة الله و بركاته جازاك الله خيرا اختي منى شو هالحلا ما شاء الله الشرح مضبوط و بالتفصيل و الصور بدي اسال عن درجة الحرارة كم بتكون بالضبط و قبل بقديش منسخن الفرن لان بدي ياها تضبط تمام و ان شاء الله تضبط معي
    ربنا يوفقك و يسهل دربك
    سلام

  15. منى 21 July 2008

    هلا فيك مؤمنة :)
    عوافي و هنا يا حق و مطرح ما يسري يوزع صحة و قوة

    الحقيقة ما جربت و لا فكرت ن استعمل السميد , ممكن يكون منيح , اذا جربتي يا ريت تخبريني و هيك بستفيد بفكرة جديدة منك :)

  16. منى 21 July 2008

    هلا سارونات :)
    كلك زووء اختي , ان شاء الله تجربيها و تعجبك ;)

    الحرارة إذا حابة تكون البيتزا متوسطة السمك فالحرارة تقريباً 180 درجة , أما اذا حابة تحضري البيتزا الايطالية الرقيقة فالحرارة لازم تكون 220 درجة

    الله يسلمك و يخليك على هل الدعوات الحلوة و ان شاء الله الك متلها و اكتر

  17. مؤمنة 26 July 2008

    السلام عليكم أختي منى:
    عملت بييزا على نفس هذه الطريقة للمرة الثانية, و أكلت أصابيعي وراها أن و زوجي, و أعتقد أنني صرت من المحترفات بالبيتزا بعد ما جربت هل وصفة, و الله يجزيك عنا كل خير لأنك نعم الأستاذة. و على فكرة لقد جربت أن أضع سميد بدلا من الطحين في آخر خطوة قبل شويها, و لم يحترق السميد أبدا , لأن الطحين قد احترق قليلا المرة الماضية, و اليوم انشاء الله سوف أعمل كبة بالصينية, انشاء الله تعالى تركز معي. جزاكم الله خيرا و السلام عليكم :) :) :zzz :grin

  18. سارونات 27 July 2008

    السلام عليكمو رحمةالله و بركاته
    يعطيك العافية اختي منى على جوابك الله يخليلي ياكي بس بدي اعرف هل ازا حميت الفرن ربع ساعة قبل الخبز هيدا كافي او لازمفترة اطزل تيصير جاهز و حط البيتزا فيه
    مبروك اختي مؤمنة كتير فرحتلك و ان شاء الله اللي بتجربها تضبط معاها و ان شاء الله تضبط معي انا كمان و ربنا يوفقك و تنجح الكبة بالصينية بس زعلت على اصابيعكم شو راح تعملو هلأ بعد ما اكلتوهم ورا البيتزا :grin
    اختي منى انا كتبت الوصفة مع وصفات الصلصةعلى ورقة الاسبوع الماضي و اليوم قعدت عم راجعا تحتى اعملا بكرا بس شو بتعملي ما بعرف من وين بتيجيني الاسئلة و بقعد موسوسة سؤالي الاخير ان شاء الله هو عن الخميرةهل دوبها بماي دافية و اتركا تتخمر قبل او حطا متل ماهي يعني بودرة :? ان شاء الله تقري ردي باسرع وقت لان عن جد بدي اعملا و يا ريت اختي مؤمنة او اللي مجربين الوصفة و نجحت معاهم و قرو ردي قبل اختي منى يجاوبوني بخصوص الخميرة و الله يوفقكم و يجعلو بميزان حسناتكم

  19. منى 29 July 2008

    هلا سارونات :)

    و الله اختي لو تعرفي قدييه خجلانة منك لان أسئلتك عم اتاخر بالرد عليها , عنا مشاكل كتير بالنت هل الفترة و الصفحة لحتى تفتح معي انجاااز

    هلا للأسئلة , الربع ساعة بيكفي تمام لحتى يحمى الفرن , و الخميرة بتحطيها متل ما هي ;)

    حقك على و رح جااوب على أسئلتك عن الوصفات التانية باقرب وقت ان شاء الله ..

    ان شاء الله بتجربيها و تعجبك و لا تنسي تخبريني شو بيصير معك

  20. سارونات 30 July 2008

    السلام عليكم و رحمةالله و بركاته
    اهلا و سهلا اختي منى تسلميلي الله يخليلي ياكي والله ما في شيبيخليكي تخجلي اختي بالعكس انا اللي لازم اخجل لان كتير تقلت عليكي و اسئلتي صايرة ما عم تخلص ان شاء الله يكون النجاح ثمرة تعبك و الله يجازيكي كل خير و يجعله بميزان حسناتك ما بعرف من دون مساعدتك شو كنت بعمل
    و ان شاء الله تتحسن احوال النت اي و الله بعرف اديشو مزعج لمن يكون تقيل صارتلي قصص و حكايات مع النت الثقيل
    شكرا على الجواب و ان شاء الله بجرباو بخبرك بالنتيجة

  21. منى 31 July 2008

    يلا عم استنى تجربيها و اكيدة رح تشوفي شو سهلة و لذيذة ;)

    انا هون بالخدمة و اي سؤال من عيوني سارونات :) و ان شاء الله الك متل هل الدعوات و اكتر يا حق

    يا ترى شو معنى اسمك ؟ :zzz

  22. رندوش 4 August 2008

    مشكوره عزيزتي منى كل وصفاتك
    اشهي من الثانيه شي بيحير
    جزاك الله كل خير

  23. منى 4 August 2008

    هلا رندوشة:)هادا بس من زووءك , شكرا ليك على الطلطلة الحلوة منك , نورتي حبيبتي ;)

  24. نور الأسلام 8 March 2009

    السلام عليكم ماشاء الله تبارك الله عليكي منى انا اليوم قرات هالوصفه وحابه اعمل البيتزاوخايفه ما تزبط معي بس الوصفه وتعليق الاخوات الي جربنها تشجعت لاعملها رح جربها اليوم انشاء الله وبخبرك شو بصير معي تحياتي

  25. منى 8 March 2009

    هلا نور :)
    ان شاء الله تجربيها و تشوفي شو سهلة و طيبة و ما بدها شي , المهم ان تكون خميرتك منيحة و بس ;)

  26. نور الأسلام 8 March 2009

    مرحبا منى عملت البيتزا اليوم بالبندوره والفطر والزيتون كتجربه لكن قرمشت اطرافها ما طلعت طريه يمكن طولت عليها بالفرن بدي اسالك اذاكان للجبنه دورلتطلع طريه وكمان لازم حمرها من فوق اولا وكم المده الي لازم خليها من تحت لتستوي انااسفه طولت عليكي تحياتي الك :)

  27. منى 9 March 2009

    اختي الجبنة ما الها علاقة بالقرمشة , القصة كلها بسماكة العجينة و طريقة خبزها اذا حابة تكون البيتزا طري بتكون حرارة الفرن على 180 على الرف الوسط و بتكون سماكتها متوسطة , و ما دام بس الاطراف طلعت معك مقرمشة أتوقع ان زدتي عليها بفترة الخبز , تقريبا بتحتاج من 10 – 15 دقيقة و انا ما بشعلها من فقوق , ما في داعي :)

  28. بشرى 1 May 2009

    يسلم إيديكي يارب .. دعيتلك كتير اليوم والله .. طلعت أطيب من محل الفطاير العجينة ..

    سؤالي بقدر استخدم العجينة للفطاير بجبنة كمان ؟
    :zzz

  29. منى 1 May 2009

    الف الف هنا و عافية و مية صحة بشرى :)

    ممكن تحضري فيها الفطاير بجبنة , بس الاطيب اكيد انك اما تحضريهم بعجينة القطنة أو عجينة أمي أو عجينة العشر دقايق , بحس هدوك العجاين اظبط و اطيب للفطاير ;)

  30. سارونات 2 August 2009

    السلام عليكم ورحمة الله وبركاته

    :cry :cry للاسف ما ضبطت معي انا العجينة كانت تضبط معي من قبل بوصفة تانية و العجينة و انا عم اعجنها كانت كتير طرية و بتجنن بس لما خبزتها طلعت قاسية خصوصا من الجوانب بعتقد لان طولت بالفرن بس هي ما كانت تستوي لهيك خليتها بالفرن
    كمان قصدك حتى بعد ما نحط الجبنة ما منشغل الشواية :?

    زعلت بس مو كتير و ان شاء برجع جربها و تضبط و اذا في عندك اي نصائح انا كلي اذان صاغية

    اختي منى كمان شي تاني بدي اعرف بالضبط المدة اللي بتخلي فيها الفرن تاحتى يحمى و درجة الحرارة يعني مثلا هل هي 180 لمدة ربع ساعة او نص ساعة او شو

    بالتوفيق
    سلام

  31. منى 6 August 2009

    المشكلة الي ذكرتيها مشكلة تخمير و خبز , ما دامها صارت قاسية و ما استوت لسا فكان لازم تستني عليها لحتى تختمر مرة تانية و يكون الخبز وفقا للطريقة الي ذاكرتها اذا حاببتيها تكون طرية

    ممكن بعد ما ترشي الجبنة تشعلي الشواية و هل الكلام حسب فرنك , انا ما بشعلها , بتلاقي الجبنة من حرارة البيتزا و الفرن سخسخت لوحدها

    اختي انا بخلي الفرن ممكن حوالي 10 د الى 15 دقيقة

  32. nsreen 8 August 2009

    السلام عليكم ..
    كيفك مدام منى ..
    آنا بتشكرك على هالموقع وعلى هالأكلات الطيبة وأنا بصراحة صرت مجربة أكثر من وصفة وكتيير استفدت بس هالوصفة تبع عجينة البيتزا رح تجنني رسمي لأني صرت عاملتها شي ست مرات وما عم تظبت …عم أعمل كل الخطوات وعم وصل لمرحلة العجينة المطاطة لكن لما بنتظرها لتتخمر أكتر من 4 ساعات بالصيف مابيتضاعف حجمها ولما بشويها بالفرن مابتظبط أبدا ولا بتنضج ولا بتنفش ..

    ولأني كتير واثقة من وصفاتك فكنت كل مرة أعزي فشل العجينة لسبب ما مرة بغير الخميرة بركي خالصة مدتها .. مرة بسخن المي كتيير ..مرة بذوب الخميرة مع المي ..بس للأسف ماعم تظبط ولا عم يتضاعف حجمها ..أرجوك خبريني وين الغلط لأني رح أيأس وأعتمد عالعجينة الجاهزة..
    أرجوك مدام منى عطيني السر ..

    الطحين : طحين أبيض تبع الكاتو
    الخميرة : حبيبات

    وشكرا جزيلا..

  33. منى 12 August 2009

    اسفة للتاخير نسرين , كنت مشغولة شوي بعزيمتي , الف صحة و هنا على كل شي جربتيه و ظبط معك , و هلا خلينا نوصل لعجينة البيتزا ..
    ما دام ما تضاعف حجم العجينة معناها المشكلة بشغلتين , اما خميرتك قديمة لهيك ما بقى تسوى , او انك عم تضيفي المي و هي سخنة زيادة عن اللزوم فعم تقتل الخميرة و اذا لا هي و لا هي معناها بدها وقت اكتر من اربع ساعات .. بتعرفي انا من كم يوم لسا عملت البتزا و جهزت عجينتي الساعة 10 و لحتى نفشت متل ما بدي كانت الساعة 4 تقريباً

    الطحين الي استعمله احيانا طحين عادي و احيانا طحين كاتو , مو مشكلة و الخميرة هي الخميرة الحبيبات و اذا انت بسوريا فأحسن الشي هي الخميرة التركية ..

    معناها السر هو انك تتاكدي ان خميرتك مزبوطة و هي بتاكدي منها بانك تسخني مي و تحطي معه شوية سكر و شي معلقة من خميرتك و تغطيها و تتركيها جوا الفرن أو الميكرويف او بش خزانة من خزن المطبخ , بعد ربع ساعة بترفعي الطبق , اذا كان في رغوة على وج الخميرة متل رغوة الكابتشينو و في ريحة مميزة معناها خميرتك شغالة و هل المي ما بترميها بتعجني فيها الطحين , إذا كان المزيج متل ما هو بترمي الخميرة و بتجيبي واحدة جديدة ..

    هلا بعد ما قرات ردك عندي احساس ان المشكلة ممكن تكون بدرجة حرارة المي , المي بتسخنيه لحتى تقدر تتحمله ايدك , لو كان سخن اكتر رح يقتل الخميرة و لو كان ااقل فممكن تنجح العجينة بس بدها وقت أطول للتخمير ..

    شو كمان :roll هادا كل شي خطر ببالي ان يكون سبب المشكلة و انا معك هون و ايا سؤال انا تحت امرك و خلينا نبقى وراها وراها لهل العجينة لحتى تزبط متل ما بدك و حتى احسن ان شاء الله ;)

  34. Amar 19 September 2009

    تحية عطرة وكل عام وأنتم جميعا بخير بمناسبة قدوم عيد الفطر السعيد.
    عندي مقياس من الستانلس بمقدار ربع كوب، السؤال اللي شاغل بالي دائما هل لازم يكون ممسوح أو طافح بالنسبة للسكر والطحين.
    السؤال نفسه بالنسبة للملاعق ، لأن ذلك يؤثر على العجينة بالتأكيد،وشكراً.

  35. محبوبة 30 September 2009

    السلام عليكم أخت منى
    أنا بحبك في الله وما بعرف ليش حبيتك كتير بس من خلال متابعتي للموقع وبدون ما شوفك بجوز لأنو بيقولو كلإ إناء بما فيه ينضح وأنتي من خلال ردودك على الأخوات بيظهر معاملتك الحلوة وأخلاقك الأحلى والله يديم المحبة
    حابة جرب اليوم عجينة البيتزا وهلأعجنت العجينة طلعت بتجنن في العجن وإن شاء الله تنجح معي بعد الخبز بخبرك شو بيصير معي
    :zzz :upset

  36. محبوبة 2 October 2009

    روووووووووووووووعة وأكثر من روعة هالعجينةوإن شاء الله راح تكون العجينة المعتمدة عندي للبيتزا رغم أنو مكوناتها بسيطة جدا بس نجحت معي أكثر من العجائن التانية اللي جربتها
    تسلم دياتك منو

  37. منى 6 October 2009

    هلا اختي محبوبة :)
    مية السلامة بهل القامة شرفتي و نوري بيتك و هادا الكلام الطيب و الرد المزوء م اصلك اختي :zzz

    كتير انبسطت ان العجينة عجبتك و انك جربتيها ريتو مية الف صحة و هنا و عافية

    يا ريت تبقي معنا على طول , شرفتينا اختي 8)

  38. noradham 18 October 2009

    ;) تسلم ايديكى يا منى

  39. اماني 28 October 2009

    تسلم ايديكي يا منى الوصفة فعلا سهلة كتير وطيبة

  40. نهى 14 November 2009

    يا سبحان الله لسة واخدة طريقة بيتزا من أختى وطلعت ممتازة وبعدين قلت اعدى أبص على طريقتك الاقيها هى؟!!
    اتاريها هى كانت واخداها من الموقع هنا..
    نسيت خالص انى اديتها الموقع وكتير شكرت لها فيه لانه فعلا متميز
    تسلم ايدك يامنى.. دى تالت نوع من المعجنات ينفع معايا بعد الشباتى وعجينة الكنز
    جزاكى الله خيرا :zzz

  41. أمون 17 January 2010

    الحقيقة يا منى وصفاتك رااااااائعة أنا أطالع اسمك واجرب الوصفة أنا واثقة جدا بوصفاتك الطيبة و ميرسي كتيييير :grin [B]null[/B][B]null[/B]

  42. منى 21 January 2010

    هلا نورا :)
    الله يسلم ايديك و يخلييك يا رب , نورتي اختي

  43. منى 21 January 2010

    هلا اماني :)
    الف هنا و صحة يا حق على البك , نورتي اختي

  44. منى 21 January 2010

    الف صحة و هنا يا نهى :)
    انا مبسوطة كتير ان الموقع عجب اختك متل ما عجبك , و الف هنا و شفا على البيتزا . ان شاء الله تكون حصتي محفوظة :grin
    الف شكر الك للدعوة الكريمة و كان الف الف شكر الك للثقة الغالية , ربي يديم المعروف دوما اختي

  45. منى 21 January 2010

    هلا امونة :)
    الله يخليك و يحفظك اختي , شرفتينا و نورتينا و ربي يديم المعروف دوما

    اذا جربتي البيتزا حبريني برايك :zzz

  46. الشف علي 10 February 2010

    يسلمو عالعجينه كتير طيبه
    طيب ماينفع اظافة الحليب البودره

  47. منى 11 February 2010

    أكيد بينفع , بس اذا حابب تعملها على الطريقة الايطالية الاصلية ما بدها .

    شرفت اخي , مية اهلا و سهلا فيك :)

  48. ام همام 6 April 2010

    مرحبا هي العجينه نفسها اللي اسويها بس انا اضيف زيت ذرة بدل الزيتون
    بالنسبه للوجه شو بتوضعي صلصه انا احضر صلصه خاصه توم فلفل وورقتين بقدونس ونقليهم شويه ونضيف صلصه بندورة وزعتر ورق وزعتر عادي ودقيقتين على النار وندهن وجه الرغيف وبعدها الخضار المرغوبه (فليفلة+بصل+بندورةوكله شرائح رقيقه جدا ورشه زعتر والجبنه وياسلاااااام شوطيبه

  49. لوولو 7 April 2010

    مرحبا منى
    ان شاء الله يكون موقعك فاتحة خير عليا يااارب
    اشعر باحباااااط لاني متزوجة وانا ما اعرف اطبخ
    عملت كذا طبخة ومشي الحال بس زوجي محسسني بالنقص لان مامته واخته شطااااار
    وعجينة البيتزا اللي كنت اعملها يا ناااشفة او فيها ريحة تخمير
    ان شاء الله اجرب طريقتك :roll

  50. ميس الريم 18 April 2010

    السلام عليكم أخت منى كيفك أنا متابعه الموقع من فترة بس هي أول مرة بشارك
    من يومين جربت عجينة البيتزا بس عملت نص المقادير اللي ذكرتيها تركت العجينة ساعة و نفشت بس لما مسكتها بايدي كل الهوا اللي فيها طلع و رجعت لحجمها الأول ما بعرف ليش؟؟
    بس الحمد لله عملت فيها بيتزا و طلعت طيبة
    على كل حال الله يسلم ايدك

  51. منى 19 April 2010

    هلا ام همام :)
    ممممم , اضافات طيبة كتير الف شكر لطريقة الصوص , بتعرفي , كتير احيان بيكون الشي الجديد طيب لان تغير شكل ;)

    سلم ايديكي و نورتينا و شرفتينا

  52. منى 19 April 2010

    هلا لولو:)
    الله يبعد الاحباط و الزعل , ماماته و اخته اكيد مو من اول دقيقة كانو شطار , الواحد بده شوي شوي ليتعلم و كمان بالتجربة و الصبر و بعدها بتصيري اشطر ان شاء الله :zzz

    ان شاء الله تجربي الوصفة و تظبط و ايا سؤال من عيوني 8)

  53. منى 20 April 2010

    هلا ميس :)
    مية اهلا و سهلا , نورتي و شرفتي الموقع .

    لما رح تمسكي العجينة رح يطلع منها الهوا و هادا المطلوب , بعد ما تمديها بتتركيها ترتاح و بهل القت بترجع تنفش ;)

    مية هلا فيك اختك , اتمنى تبقي معنا على طول

  54. lina20 29 April 2010

    ahleen okhti mona
    ana jdida houn jaza2eria moghtariba momkin t3elmini akl irani
    jazakom allah 3ena kol khyr

  55. منى 30 April 2010

    هلا فيك اختي :)
    نورتينا و شرفتينا و ان شاء الله ترجعي سالمة و غانمة من الغربة

    اختي انا عندي وصفات ايرانية قليلة , ان شاء الله بنزلهم لعيونك و ان شاء الله يعجبوكي :zzz

  56. lina20 30 April 2010

    machkoura ya ahla Mona
    :zzz
    iza badek tabkha jaza2eria aw magharibia 3ala 3ini w rassi :)
    chokran 3ala almawki3 almomtaz
    rbna ybarek fiki

  57. lina20 30 April 2010

    nssit achkorek 3ala da3awatek bhal alyoum almobarek
    inti insana machallah hababa mitl ma bet2oulou 8)

  58. أطمح أكون أ/ منى 2 ! 25 May 2010

    ماشاء الله آحسها أكثر وصفة عليها تعليقات :zzz ,
    آبشرك يا أستاذتي جربتهاا من شهر تقريبا وعدت التجربه اليووم من جد عجيييييينة وربي ولا احلى واحلى من بيتزا هت والشلة :grin الله يسعد قلبك ياغاليه ويزيدك من خيري الدنيا والآخرة .. اول تتطبيق لي من موقعك ونجح نجاحا ذريع :p وجاري تتطبيق المزيد :)

  59. منى 3 June 2010

    هلا فيك اختي :)
    عوافي ان شاء الله على البك لو تعرفي شو انبسطت انها عجبتك و كانت يممي و على زوءكو اهم الشي انها عجبت الشلة :zzz

    الف الف شكر الك على الدعوة الكريمة الغالية من اخت غالية و ان شاء الله اشوفك في وصفة تانية و تطبيق ناجح تاني ;)

  60. مهندس 6 September 2010

    بدي اسال سؤال ممكن استبدل جبنة الموزاريلا بجبنة مشللةيعني هي العادية بس خيوط ارجو الرد والله يسلم ايديك على الاكلاات الطيبة :upset

  61. ريتات 12 October 2010

    very nice thank for u
    ekter nice el akla ana ekter ba7eb el pezza
    nice food
    xiexie mean thank

  62. منى 12 October 2010

    لا ابدا ما فيك تستعمل المشلشلة , كل شي اله شي :)

    الله يسلمك و يحفظك اخي , مية هلا

  63. منى 12 October 2010

    هلا فيك ريتات :)
    مية هلا فيك و شكرا كتير الك لهل الرد الطيب , مية هلا فيك

  64. Jassy 1 January 2011

    السلام عليكم :)

    اليوم عملت العجينة بس نص الكمية لأن نحنا شخصين بس، وبعدين عم بقرأ بكتاب التحضير الخاص بالمايكرويف تبعي مشان اعرف عأنو نظام بتنعمل البيتزا، لقيت المقادير والعجينة نفس تبعيتك.

    أول قطعت طلعت كتييييير رقيقة لأن كمان حشيت طرافها بأصابيع الجبنة، وما طلعت مقرمشة فتمزقت شوي، وأصلا أنا ما طولت فيها بالفرن كان لازم تضل أكتر شوي. بس التانية طلعت بتجنن.

    يسلمو منوشة :) وأنا عم بعملها ما كان عندي شك ولا واحد بالمية أن ما حتظبط .. الله يعطيكي العافية.

  65. منى 1 January 2011

    الف صحة و هنا على البك حبيبتي بكل لقمة , انا بمووت على البيتزا بكل اشكالها و الوانها و انواعها , لك حتى صورها من الصور المفضلة عندي :grin

    عوافي

  66. نجمة 3 January 2011

    السلام عليكم اول شي مابعرف كيف بدي اشكرك على هذا الموقع الأكثر من رائع والله لساني يعجز عن شكرك وما لي غير ان اقول الله يجزيك عنا كل خير بصراحة تعرفت على الموقع من موقع لك ودائما بتصفح هالموقع اللي صار موقعي المفضل وقلت لازم اسجل واشكرك لان من لا يشكر الناس لا يشكر الله ومن يومين جربت البيتزا وطلعت فرجة وعلى فكرة انا من حلب لا تؤاخذيني طولت كتييير بالكلام

  67. منى 3 January 2011

    مية اهلا و سهلا فيك نجمة , على راسي حلب و اهلها :zzz

    شكرا الك انت لانك شاركتي معنا و كمان على ردك و كلامك , ربي يديم المعروف دوما

    الف الف صحة و هنا على قلبك بكل لقمة , نورتي اختي

  68. مريومة 26 March 2011

    بدي اسالك مدام منى بتطلع العجينة بعد الخبز مقرمشة ولا طرية انا بحب البيتزة الطرية

  69. منى 26 March 2011

    اذا سمكتيها بتطلع طرية و اذا رققتيها بتطلع مقرمشة:)

  70. مرجانة البحور 24 April 2011

    تسلم هالايادى اختى منى وربى ما يحرمنا من اكلاتك الطيبة

  71. ورد 5 May 2011

    يسلمو ايديكي على هالعجينه امبيرحه جربتها وطلعت ولا اروع من هيك الله يعطيكي العافيه انا عملتهن على شكل ميني بيتزا لاقيت هيك اسهل مشان التقديم وحتى الحفظ بالتلاجه وبد اسالك انا عجنت اول مرة بنوع طحين وكان متل المقادير يلي حطيتيون ورجعت عجنت بغر نوع طحين زدت كتر عليه جطين لحتى مش الحال تطلع معي مريقة فشو السبب ياترى

  72. esaadrw 4 July 2011

    السلام عليكم انا حابة جرب عجينة البيتزا وممكن بس طريقة خاصة لصنع صوص البيتزا وماذا يمكن انا اضع على وجه البيتزا وشكرا كتير على هالموقع الحلو

  73. lilithia 28 July 2011

    أنا عضوة جديدة بالموقع و ماشالله يعني اول مرة بقتنع أو بحب موقع طبخ يمكن لأن كللو بالبيت عبتساويه فما بتحسي انو المهمة مستحيلة.
    أنا مبارح جربت عجينة البيتزا و جد تسلم ايديكي عهالوصفة لأن طلعت العجينة كتير رائعة و أول مرة بتظبط معي العجينة. فبهنيكي عهالموقع الظريف اللي من وراه صرت كليوم بدي جرب منو أكلة و خلاني يفقس كيفي عالطبخ غير شكل :)

  74. منى 28 July 2011

    اهلا و سهلا فيك , منورة
    صحتين و الف عافية يا ستي بكل لقمة و الله يديم المودةعلى طول , مع الموقع و مع الطبخ ;)

  75. Zubaida 3 August 2011

    السلام عليكم.
    أول شي بحب أشكرك كتييييييييير على الموقع الرائع واللي صار رفيقي من وقت عرفته.
    عندي سؤال لو سمحت. شو المقصودبملعقة صغيرة أو ملعقة كبيرة بجميع الوصفات الموجودة بهالموقع؟
    اللي بفهمه إنو ملعقة صغيرة=ملعقة شاي، ملعقة كبيرة=ملعقة طعام. مزبوط؟
    وشكرا

  76. منى 4 August 2011

    هلا زبيدة :)
    منورة و مشرفة و ان شاء الله تجربي شي وصفة و تكون نممم

    تمام , و للدقة اكتر المعلقة الصغيرة 5 غ و الكبيرة 15 غ ;)

    ايا سؤال تاني من عيوني

  77. sasa 20 September 2011

    مشكورة كتير فنانة ما شا الله

  78. منى 21 September 2011

    منورة اختي :)

  79. نتالي 17 November 2011

    بصراحةانااول مرةادخل هيدالمنتدى وبصراحةكتيرعجبني يارب الله يلبسك توب العافيةوالحلواللي فيه انواذاشي طبخةماظبطت فينا نرجعلك هلا اناحابةاسالك مشان البيتزا احيانا بتبقى بالفرن كتيروبتبقى العجينةرطبةياترى بسبب شرائح البندورةولالسبب تاني وبدي اسالك حبيبتي بالنسبةللفرن بيصيريكون النار فقط من تحت لانوقالولي انومابيصيرلازم يشتغل فوق وتحت وجزاك الله كل خير :grin

  80. منى 17 November 2011

    هلا انا بحب اني اخبزها مع الصوص بس و باخر دقايق برش الجبنة و ايا خضرا تانية على الوج , و خلي الشرايح رقيقة و ان شاء الله بتزبط

    لا مو ضروري فوق و تحت , انا بشعل الفرن بس من فوق و بتطلع نممم ;)

    مية هلا فيك اختي , نورتي الموقع و شرفتيه

  81. tamader 12 January 2012

    شكرا اخت منى وليكني انا عند وصفة عجينة البتزاااا

  82. tamader 12 January 2012

    اخت منى انا يصفحة العجيبنة شكرااا

  83. قمر28 21 July 2012

    :)

  84. rawantk 7 September 2012

    مرحبا, انا عندي سؤال عن الخميرة,هل هي الخميرة الفورية؟ ام نوع اخر من الخميرة؟ ارجوا الاجابة عن سؤالي لاني اريد ان اجرب طريقتك بعد ان تعبت في البحث عن طرق ناجحة

    • منى 22 December 2013

      هلا روان
      ان شا الله تجربيها و يكون الي في بالك و تسرك

      ممكن تستخدمي خميرة حبيبات فورية لهي الوصفة

  85. منه 25 February 2013

    مشكورة كتير اختي على الموضوع
    انا بس عندي سؤال اشغل الفرن من فوق بس او من تحت بس ولا من فوق وتحت؟

    وانا ما اعرف كام الدرجات في الفرن بس عندي المؤشر …درجة منخفضة ودرجه متوسطه ودرجه عاليه …فاختار شو منهم؟

    وينفع اخلي العجينه تخمر يوم كامل ولا تخرب؟…يعني اعجن العجينه في يوم واعملها ثاني يوم؟

  86. جنى الروح 6 December 2013

    لوسمحتي انا بس اعمل بيتزا بتزبط معي تمام بس في مشكلة انو الجبن بيطلع قاسي عليها انا بشتري جبن مبشور لازملو نقع بمي شي قبل وشكرا

    • منى 22 December 2013

      هلا جنى , اكيد من نوعية الجبنة , جربي استخدام غير نوع , او جربي ضيفي الجبنة باخر دقيقة من وقت خبز البيتزا

تقييم الوصفة
عاديةقد أحضرهاجيدةممتازةأكثر من رائعة (7 votes, average: 3.43 out of 5)