براونيز بكريما الخمس دقايق السرية
· يغسل الدجاج و يوضع جانباً , يفرم البصل ناعماً و يدق الثوم .
· يقلب البصل بالزيت حتى يشقر , يضاف الثوم و دبس البندورة و دبس الفليلفة و يقلب الخليط لبضع دقائق .
· تضاف كل البهارات مع الخل أو الليمون , أصبحت الخلطة جاهزة تدعك بها الدجاجة و تترك لمدة ثلاث ساعات على الأقل أو طول الليل .
· تقشر البطاطا ثم تقطع شرائح بسماكة سنتيمتر تقريباً و تقلى بالزيت حتى تشقر .
· ترتب البطاطا في صينية ثم توضع فوقها الدجاجة أو قطع الدجاج مع كل التتبيلة و يضاف الماء و ورقة الغار و عود القرفة .
· تخبز الصينية في الفرن المحمى على درجة حرارة 180 درجة مئوية و تترك حتى تنضج لمدة ساعة و نصف أو أقل ثم يحمى الفرن لبضع دقائق من فوق لتحمير قطع الدجاج إذا دعت الحاجة أما إذا بدأت قطع الدجاج بالاحمرار قبل نضجها تغطى الصينية بورق ألمنيوم , و إذا جف المرق قبل أن ينضج الدجاج يضاف المزيد من الماء المغلي .
· يقدم الفروج بالبطاطا فوراً مع الخبز العربي و بالصحة و الهنا .
دجاجة مقطعة لأربع قطع
3 – 4 جبة بطاطا متوسطة
ورقة غار
عود قرفة
4 كوب ماء
التتبيلة :
فنجان صغير زيت زيتون
2 حبة بصل متوسطة
4 فص ثوم مهروس
2 - 3 ملعقة كبيرة دبس بندورة
2 ملعقة كبيرة دبس فليلفة
ملعقة صغيرة زعتر أخضر أو أوريغانو
ربع ملعقة صغيرة كمون
ملعقة صغيرة كزبرة
ملعقة صغيرة فليلفة حمراء ناعمة
ربع ملعقة صغيرة بهار مشكل
ملح
1 – 2 فنجان صغير خل أو عصير ليمون حامض
• يغسل الدجاج و يوضع جانباً , يفرم البصل ناعماً و يدق الثوم .
• يقلب البصل بالزيت حتى يشقر , يضاف الثوم و دبس البندورة و دبس الفليلفة و يقلب الخليط لبضع دقائق .
• تضاف كل البهارات مع الخل أو الليمون , أصبحت الخلطة جاهزة تدعك بها الدجاجة و تترك لمدة ثلاث ساعات على الأقل أو طول الليل .
• تقشر البطاطا ثم تقطع شرائح بسماكة سنتيمتر تقريباً و تقلى بالزيت حتى تشقر .
• ترتب البطاطا في صينية ثم توضع فوقها الدجاجة أو قطع الدجاج مع كل التتبيلة و يضاف الماء و ورقة الغار و عود القرفة .
• تخبز الصينية في الفرن المحمى على درجة حرارة 180 درجة مئوية و تترك حتى تنضج لمدة ساعة و نصف أو أقل ثم يحمى الفرن لبضع دقائق من فوق لتحمير قطع الدجاج إذا دعت الحاجة أما إذا بدأت قطع الدجاج بالاحمرار قبل نضجها تغطى الصينية بورق ألمنيوم , و إذا جف المرق قبل أن ينضج الدجاج يضاف المزيد من الماء المغلي .
• يقدم الفروج بالبطاطا فوراً مع الخبز العربي و بالصحة و الهنا .
السلام عليكم سلمت دياتك يا حلوة على هالطبخة انا هيك بعملها كنت بس امس جربت وصفتك اللي فيها فروج بالبطاطا والزعتر الاخضرطلعت كتير طيبة كمان الله يجزيك الخير بس والله جربت من اكلاتك كمان البيتزا (عجينة البيتزا)بس ما نجحت ما بعرف مع انني كنت بعملها بطريقةمختلفة قليلا عن طريقتك وكانت تنجح ولما غيرت شكل وجربت وصفتك ما ظبطت معي (ما نفشت وطلعت قاسية) علما ان الخميرة جيدة وكانت مختمرة كويس قبل ما اساويها بس بعد الطهي طلعت معجنة وماكنة ما عرفت ليش ارجو افادتي مع الشكر الك صار جربت عدد من الوصفات كلهم نجحو الحمد لله لانهم قريبين من طريقة طبخي انا بالاصل متل الحبوب و كاتو التفاح و قريبا رح جرب كرات جوز الهند ان شاء الله عفوا على الاطالة وشكرا لك
هلا أختي غيث
بالاول صحة و هنا على الوصفات الي جربتيها و ظبطت معك
أما عجينة البيتزا فأظن ان المشكلة كانت من الخبز من درجة حرارة الفرن :roll
معلش أختي حقك علي , أتمنى تجربيها كمان مرة لان و الله مستاهلة , و ان شاء الله تجربي كرات جوز الهند و تعجبك و عوافي مقدما :zzz
تسلم ايديك على ها الأكلة الطيبة .. بس بدي اطلب منك طلب : بدي طريقة تخلية الدجاجة من العظم مع المحافظة على شكلها لو ما فيها إزعاج ليكي .. ولك كل الشكر
هلا نور
أنا الصراحة مو مجربة , بس رح اسال و ابحث و اذا طلع معي شي مستاهل رح نزل الطريقة أكيد
الله يسلمك ويسلم ايد عمتك رغيدة ترى البنت تطلع على عمتها في الشطاره وهذي الاكله باين عليها مسبكه ولذيذه
السلام عليكم و رحمة الله و بركاته
من زمان عم فكر بالدجاج مع البطاطا كيف بيتساوى بس ما دورت عوصفة و ليكني لقيتها اليوم سبحان الله
كنت اكيد راح جربابرمضان لو ما كان فيها دبس فليفلة لان لساتني ما حضرتو بقى بقدر استبدلو بشي او انطر تحظرو لان حاسة انو كتير راح تفرق طعمتو
تسلميلي اختي منى و ربنا يوفقك و ينجحك قبل ما عم دور عالوصفة عم لاقيها قدامي و جاية عم تقلي جربيني :grin
بالتوفيق
سلام
هلا منونة
الله يسلمك و يحفظك يا قمر , عن جد كتير كتير طيبة , نورتي
هلا سارونات
بتعرفي صاير في تشابه بالافكاربيني و بينك , لما عملت توستسألتيني عنه و لما شلت شوية بانجان للهنكار بغندي سألتيني عنه و هلا الفروج بطاطا 8)
دبس الفليلفة ما فيك تستبدليه و هو رح يعطي طعمة كتيرر طيبة و مميزة بس فيك تحضريها من دونه اذا مو متوفر و تكتري من الفليلفة الحمراء الناعمة
لذيذة وطيبة ،البارحة كانت فطورنا ،وزوجي من أول لقمة لأخر لقمة وهو يقول طيبــة..
هنا على قلبك و قلب أبو الشباب لو تعرفي شو انبسطت انها عجبتكم و خصوصا انه رمضاان و صعبة المغامرة بالوصفات
اليوم بدي أرجع أعملها ، بس برأيك شو ممكن أعمل معها شزربة ،شوربة عدس ولا شعيرية؟؟
هنا و عوافي يا حق , هي شغلة زووء أمونة , أنا مثلاً مستحيل يمر يوم برمضان من دون شوربة العدس , أصلا زوجي بعد التمر و الحليب ما بيشرب الا شوربة العدس حصراً و تحديداً و إذا اشتهينا على شوربة تانية بعملها جنب شوربة العدس :roll ..
رأيي شوربة شعيرية مناسبة أكتر
انا مبارح كان عندي عزيمة على الفطور وعملتها للاكلهة عنجد بضتلي وجي كتير شي موطبيعي بتجنن طيبة كتير وضيوفي طار عقلهون بالاكلة على قد موحلوة وشوطيبة بيضت وج جوزي كتير عنجد شكرا كتير على هالموقه يلي بزحل العقل
مية هلا ام فايز
ريتو هنا و عافية على قلبك و قلب زوجك و كل ضيوفك بكل لقمة يا حق , الف شكر ليك على الرد و الكلام الحلو و ان شاء الله وجك أبيض على طول
السلام عليكم و رحمة الله و بركاته
اي و الله سبحان الله هالشي كتير بيفرحني :zzz
اختي منى لازم صينية تيفال يعني ما ينفع صينية بايركس و الدجاج انادايما بساويه من دون جلد بقى هل هالشي راح ياثر على الوصفة و يخلي الدجاج يحمر بسرعة و شو فيني ساوي
ربنا يجازيك كل خير اختي منى و يجعلو في ميزان حسناتك
بالتوفيق
سلام
لا بالعكس مو ضروري أبداً تيفال , أنا أصلا ما بستعمل التيفال إلا للضرورة ..
إذا استعملت صدرالدجاج من دون جلد مو كتير مشكلة , أنا باستعمل صدر مخلى من الجلد مع فخذات و هنن رح يعطوا نكهة غير لان فيهم شوية دسم , انتي ممكن تستعملي الي بيعجبك بس رح ينقص الوصفة نكهة طيب إذا استخدمتي الصدر فقط , و لازم تغطي الصينية منيح بورق الالمنيوم لحتى ما ينشف الصدر قبل ما يستوي
السلام عليكم و رحمة الله و بركاته
لا انا بدي استعمل الصدر و الفخد مع بعض و راح استعمل صينية بايركس و الصينية بغطيها لما انتبه انو الدجاج بلش يحمر او من الاول
و هل بعد ما تنضج و طلعها من الفرن بقدر خليها مغلفة بالالمنيوم تحتى قدمهالان راح حضرها قبل بشي ساعة تحسبا بما انها اول مرة و بما اننا برمضان
بالتوفيق
سلام
السلام عليكم
عملت الوصفة أول مبارح وطلعت ظريفة كتير ونالت استحسان وإطراء كبيرين.
كنت اعملها من قبل بس بتوم وليمون وزيت زيتون وشوية بهارات.. وهي كمان ظريفة كتير ومشبعة بالنكهات .. وتغيير شكل.
شكرا على وصفاتك يلي كل وحدة أشهى وارتب من يلي قبلها
هلا سارونات
اكيد فيك أختي تحضريها وتخليها شي ساعة مغطاية , ان شاء الله تجربيها و تكون على زوءك
هلا دالو يا أحلى زووء , ريتو عوافي و الف صحة و هنا على كل لقمة بتاكليها من عندنا و من غيره و هل الكلام الحلو كله بس من زووءك و الله , خليلي عينك و الشكر الك لان عم تخبريني شو جربتي و شو عجبك
شي ناهي هالوصفة سهلة وما بتاخد وقت ريحتها بتجنن هيه بالفرن ولسى ما دقتا بس أكيد الطعمة جنان ..
بتخيل اللي بيعطي النكهة القوية والريحة الطيبة هيه تسبيك التبلة عالنار , لانو انا بحطها بدون تسبيك بس هي غير شكل ..
أنا بعمل فروج ببطاطا بس بالخضار , حبيت هالمرة جرب طريقتك لانو متل طريقة ماما اللي يحفظا , وعنجد من باكلها منها لحتى اشبع عالأخير ولسى عيني فيها , يسلم إيدكي يا ست الكل يا منونة
طعمتا بتجنن وحتى جوزي قلي اعتمدي الطريقة الجديدة لانو طيبة كتير كتير التبلة
أنا للأمانة سلقت الفروج بالأول ساعة تقريباً لانو خفت ما تستوي منيح وجوزي كتير مونون بموضوع استوى الفروج ولا لاء , واستعملت مرقة الفروج كمان طبعت طيبة كتير وما أظن بتفرق ..
كريت كتير متل عادتي , بس الله يجزيكي على كل لقمة مليون خير ..
و الله بشورة بتعرفي انك فاجاتيني بالتغيرات الي عملتيها , لان قصة انك سلقتي الفروج و بعدها حطيتيه بالصينية هي الطريقة الاصلية و هيك اتعلمتها انا من عمتي رغيدة , بس بعد التجربة اكتشفت انه ما في داعي , يعني على ضمانتي بيستوي و بينزل نيفه
بكل الاحوال برافو عليك انك عدلتي الوصفة لحتى تصير مناسبة الك اكتر و ان شاء الله الف صحة و هنا على البك و الب الباشا . كتير انبسطت انها عجبتكم :zzz
سلام عليكم منونة كيفك وشو اخبارك والله إشتقتلك كتيير يا ستي انا اليوم عملت هي الطبخة وإن شاء الله تنال إعجاب الجماهير حاليا هي بالفرن بس انا عملت شغلتين اول شغلة سلقت الدجاجة متل ما بقولوا فورت عليها لحتى اضمن ما يكون في زنخة فيها والشغلة التانية ما ضفت البصل لأنو زوجي العزير ما بحبه ابدا إن شاء الله بهل التعديلات ما اكون نزعت الطبخة وببقى بخبرك عن النتائج ورأي الجماهير الجائعة سلام
ان شاء الله يا رب تزبط , هلا هو ما في شي ما بيزبط , بس يا ريت لو ما كنتي شلتي البصل , بتعرفي انا اغلب اهلي ما بيدوقوا البصل , بس بهل الوصفو رح يدوب و ما رح يبين .
عم استنى الراي العام العالمي :zzz
صباح الخير منونة يسلمو ايديك على هل الطريقة عن جد لاقت استحسان الجماهير الجائعة مع انو انا ما اكلتها ما بعرف ما عم احب اي شي لحمة او دجاج مو عم اقلك صايرة نباتية المهم بالنسبة للبصل انا زوجي في عداء طويل بينه وبين البصل من شان هيك بتلاقيني بلغي البصل بكتيير من الاكلات لحتى تناسب ذوقه بس بصراحة كتيير حبيت اضافة الزعتر الاخضر عطت ريحة عطرية روعة يسلموا ايديك على هل الوصفة هلق صايرة كل ما افكر باكلة فورا لعند مطبخك وانا ضامنة انو الاكلة رح تطلع رووعة
هنا و ان شاء الله الف صحة يا رب على قلوب الي اكلوا و الي اشتغلوا و تعبوا :zzz كتير انبسطت انها كانت منيحة و هل الكلام الحلو من زووءك يا جميل انت 8)
تسلم ايديكي أنا كنت مفكرة أن بعرف أعمل فروج بالبطاطا بس لما جربت طريقتك طلعت بتاخد العقل
شكرا كتير ألك
الف الف صحة و هنا على البك , كتير لنبسطت انها كانت متل ما بتحبي
السلام عليكم اختي منى
بارك الله بك على الوصفات الحلوة بس ممكن اعرف ماهو دبس البندورة ؟ هل هو معجون الطماطم؟
تمام اختي هو نفسه
السلام عليكم اخت منى
بدي اشكرك على هالاكلة اللي عن جد بتبيض الوش
عملتا اول شي للزعيم وحبها
قام بعدين عملتا لبيت حماي وكمان حبوها
قام كمان جربتا لاهلي ونفس النتيجة
وهلق على طول بطلب من الزعيم يجبلي دبس فليفلة لانو نحنا بالشام مانو متوفر دبس فليفلة طيب من اي مكان
ويالله شدي الهمة بدنا وصفات جاج كمان
وكل عام وانت ولقمة طيبة بالف خير
هلا كرميلا
الف هنا و صحة . اهم الشي انها عجبت الزعيم و عيلته
الف شكر الك للرد و التواجد الطيب , نور الموقع اختي
السلام عليكم و رحمة الله و بركاته
منوووش انا جربت الوصفة و طلعت كتير طيبة بس انا بفضل تغطيتها من الاول و تحميرها في النهاية اذا بدها تحمير
شو كأنه ما في مسابقات هالصيفية او شو اشتقت كتير لمسابقاتك
بالتوفيق
سلام
السلام عليكم و رحمة الله و بركاته
منوووش انا جربت الوصفة و طلعت كتير طيبة بس انا بفضل تغطيتها من الاول و تحميرها في النهاية اذا بدها تحمير
شو كأنه ما في مسابقات هالصيفية او شو اشتقت كتير لمسابقاتك
بالتوفيق
سلام
صحتين و الف الف عافية
بكل لقمة و كل قضمة 
ما في مسابقات لحتى اليوم و هلا باقي كم يوم لرمضان و ما بدا نروح الوقت :zzz
السلام عليكم ورحمة الله وبركاته
كيفك ست منى اما شو بطاطا يا امي ما اطيبها
بس قلك شغلة بما اني ماني طباخة فالحة والا ما يبقا شي مامستوي غطيت الصينية اول نص ساعة بالقصدير انتو بتسموه سولفان
بعدين فتحت على الصينية كانت البطاطا بدها شوي بتستوي واتحمر الفروج وطلعت غيررررررررر شكل بجد …..
وبالعلامة انو طيبة زوجي نادرا حتى يقللي عن طبخة انها طيبة الا مايطلعلي عذر بس هالمرة
اعترف انو طيبة ومو ناقصها شي ومسقسقة على قولة الحلبية
يسلمو كتيرررررررررر ورح خبرك عن كل طبخة بعملها
باي
هلا اسراء
ان شاء الله صحتين و هنا على البك و البه , يا ستي هل الاكلة بس ما حطينا ايدنا في الصينية ما منشلها الا و كل شي نضيييف :grin
الحمد لله انها كانت على زووءك و زووءه , عوافي حبيبتي
مرحبا منى انارنامن حماه بس ساكنة باميركا وعروس جديدة مشان هيك دائما على النت لاتعلم طبخات جديدة وبالصدفة تعرفت على الموقع وصرلي يومين عم اقرا بالوصفات والتعليقات وبدون ما جرب شي حبيت الموقع وحبيتك وحبيت الاعضاء وسجلت معكون وانشالله قريبا قريبا رح جرب البطاطا والجاج بالفرن لانو انا بعملها بس ما بتطلع الها نكهة ابدا يعني مو متل ما بتعملهاماما او بنت حمايي مع العلم انو بنت حمايي عايشة بحلب مشان هيك طبخاتا بيجننو لهيك بدي جرب طريقتك
اسفة لاني طولت عليكون وانشالله بخبرك شو النتيجة بس اعملها للبطاطا والجاج بالفرن هالكم يوم الجايين
سلام
دي عملتها 3 مرات و طلعت كتير طيبة
هلا شكلس , منورة حبيبة قلبي و ان شاء الله جازة الدهر
يا ريت تجربي من الوصفات و تكون على زووءك حبيبتي , اما قصة ما بيطلعلها طعم فمعلش , لا تقارني حالك بماماتك او بنت احماكي , هنن صار الهن زمان عم يطبخوا و انتي اذا حطيتي براسك رح تصير متلهن و كمان احسن ان شاء الله
رح استنى رايك , مية هلا فيكي , مبسوطة بردك الطويل
صحتين و الف عافية نزيهة على قلبك بكل مرة :zzz
مرحبا. يسلمو إيديكي على الموقع والطبخات اللي بتجنن. بالنسبة لهاي الطبخة، في سؤال: هل من الضروري إنو نقلي البطاطا بالزيت قبل ما نحطا بالفرن؟ عم أسأل من باب إنو دايماً بخفف القلي بالبيت مشان القلي مو منيح متل ما بتعرفي. وشكراً كتير
انا حضرت هالكلة بدون مااقلي البطاطااوانقع الدجاج قبل بيوم تبلتاقبل بساعة وطلعت كتير طيبة وكل عيلتي حبوا والريحة الطيبة عبت كل البيت وصلت لعندالجيران وعالشارع ريحة هالاكلة بتشهي القلب .بس سؤال كأني حسيت الصلصة كتيرة لدجاجة وحدة يمكن نص الكمية بزيادة شورأيك مدام منى بيصير مو ولارح تتغيرالاكلة
يا عيني , الف صحة و الف هنا ع قلبك يا حق ,شهيتيني عليها
طبعا حضري الي بيناسبك انت و عيلتك , نحنا منحب صوصها كتير لهيك منكتره
انا جربت معا الاوريغانو وبماانو الاوريغانومشهور هون بقبرص طلعت الكلة عنكهة يونانية قبرصية كتير طيبة
ممممم , غير شكل
اليوم عملت وصفتك الراائعة كتير بتشكرك على التفاصيــل الموجودة لانو كل مرة بعملها بيكون ناقص شي فيها منى كتير دعيتلك لانو كتير عم بعمل من وصفاتك ولا وخدة خرمت معي….
وع فكرة شكراً كمان ع كتاباتك الرائعة وبالايام اذا الله بعتلي بنوتة مارح سميها غير منى
احبك في الله
يا صحتين و الف الف هنا راما , ما بتتخلي اديخ بنبسط وقت حس هي الثقة الموجودة بيناتنا , ان شا الله يبى وشي ابيض معك دايما , ان شا الله بتجي منى و تكون أميرة صغيرة تنور حياااتك و تسر قلبك و ابوس روحك