براونيز بكريما الخمس دقايق السرية
عجينة اللبن :
3 كوب طحين
ملعقة كبيرة لبن
ملعقة كبيرة سكر
ملعقة صغيرة ملح
ملعقة صغيرة خميرة حبيبات
كوب حليب فاتر
6 ملعقة كبيرة زيت عادي
الحشوة :
5 ملعقة كبيرة زيت زيتون
حبة بصل أحمر كبيرة
2 فص ثوم مهروس
3 كوب سلق
نصف ملعقة صغيرة دبس بندورة
نصف ملعقة صغيرة فليلفة حمراء ناعمة
نصف ملعقة صغيرة دبس فليلفة
نصف ملعقة صغيرة بهار مشكل
ربع ملعقة صغيرة قرفة
4 ملعقة كبيرة بقدونس مفروم ناعماً
4 ملعقة كبيرة طحينة
2 ملعقة كبيرة عصير ليمون
2 ملعقة كبيرة صنوبر محمص
للوجه :
بيضة
بضع حبات من النسكافيه
سمسم أبيض
• تدعك مقادير العجينة مع بعضها البعض حتى تتشكل لدينا عجينة طرية و مرنة و لا تلتصق باليد , قد لا نستخدم كل كمية الحليب .
• يجهز السلق و ينظف و يفرم ثم يسلق و يوضع على مصفاة للتخلص من الماء الزائد , للوصفة يلزمنا 3 كوب من السلق المسلوق من دون الضغط عليه أثناء تصفيته من الماء .
• يقلي البصل بالزيت حتى يطرى , يضاف الثوم و يقلب لمدة دقيقة . يضاف السلق و رب البندورة و دبس الفليلفة و البهارات و يقلب الكل لمدة 5 – 10 دقائق على نار متوسطة .
• يبعد القدر عن النار و يضاف البقدونس المفروم ثم تترك الحشوة حتى تبرد .
• تضاف الطحينة و عصير الليمون و الصنوبر , أصبحت الحشوة جاهزة .
• تقسم العجينة لقسميين متساويين . يرق كل قسم بشكل دائرة بقطر 30 سم , يمد أول قسم في صينية دائرية مدهونة بالزبدة . يغطى بالحشوة ثم يمد القسم الثاني من العجينة فوق الحشوة مع الضغط على الأطراف بشكل جيد .
• تخفق البيضة مع بضع حبات من النسكافييه ثم تدهن بها وجه الفطيرة و يرش الوجه بالسمسم الأبيض .
• تخبز العجينة في الفرن المحمى سابقاً على درجة حرارة 180 درجة لمدة 45 دقيقة أو حتى تنضج , يشعل الفرن من فوق لبضع دقائق حتى يحمر الوجه .
• بعد أن تفتر الفطيرة تقطع و تقدم مع المزيد من عصير الليمون و مع كوب من الشاي الساخن .
الله يسلم هالأيدين منى باين عليها لذيذة
ما شاء الله عليكي و على هذه العجينة الممتازة صراحة انك مبدعة. يعني اذا عندك بنت نيالها عليكي لح تطلع ست بيت من بطن امها ههههه. انا اتذكر الماما كانت تعتبر العجينة اصعب وظيفة بالمطبخ و لما كنت جرب قبل الطبخ تقلي بس قاعدة تعبي حالك بكفي شغل . بس هيدا الشي عمل عندي تحدي و ضليت جرب لحد صرت الحمدلله يعني مقبولة :roll .
على العموم يعطيكي الف عافية و الله يزيد همتك العالية و يخليكي لابو الشباب تطبخيلو وتتفننيلو 8)
انا يا ستي عندي منك طلب صغيور. متل ما قلتلك بامركيا بتفقدي للاكل البلدي اللي كنا ناكله تحت الشجرة ايام الربيع و نقطف حشيش من الارض و نحطوا بالخبزة متل ستي الله يطول عمرها :grin
والله انا عمبتوحم على الكعك و ما في هون طبعا و قلت ما الي اللا الله و منى ترشدني لشي وصفة تعلمني اعمل كعك بالبيت. و مشكورة سلفا عزيزتي.
الف شكر يا ميمو على هالطريقة بتعرفي انا كتير بعتل هم فطاير السبانغ بياخدو وقت ولازم كل قطعة تشبه التانية هالفطيرة حسيتا اسرع واكيد طيبة طالما شغلك وتغير شكل
شكلها طيبة .. بس يا ترى ممكن أعمل فطاير سبانخ فيها ؟؟ أو ممكن أستبدل السلق بالسبانخ ؟ حبابة منوشة دبريها :zzz
سبق وجربت عجينة العشر دقائق وفشلت فشل فظيع ونفشت كتير وما بقى عيدها .. قولتك هي بتنجح معي ؟ :roll
الله يسلمك يا سمسومة هادا بس من زووءك أختي
هلا مريومة
الحمد لله انك بقيت تجربي , لان العجائن مو صعبين , ممكن تكون عم تفشل بسبب الخميرة مثلاً أو انك اضفت السائل و هو سخن كتير أو بارد كتير
مريومة الكعك الي بتقصديه هو الكعك الي ناكله مع الشاي و الجبنة ؟ اذا هيك رح قلك اني عم جرب بس لسا ما طلع معي شي مستاهل , بس اكيد رح ابقى جرب و ان شاء الله بفيدك
هلا ام نور حبيبة قلبي
كتير اسرع و سهلة و ممكن انت تحطي فيهم الحشوة الي على زووءك
ان شاء الله تجربيهم و تحبيهم :zzz
هلا أمولة
اكيد بيصير انت ممكن تحشيها شو ما بتحبي ,يا ترى شو الي ما زبط معك بعجينة العشر دقايق
لا استني امولة في مشكلة معناها لان عجينة العشر دقايق كتيرر سهلة و مو مستاهلة ما تنجح معك :roll
على كل هي كمان سهلة و جربيها بركي بتظبط
شكلها كتير مشهيه وطيبه يسلمو ايدكي منى 000 عن جد كل شيئ من تحت ايديكي غير شكل ماشاء الله عليكي ،،، هون عنا السلق بيقطفوه صغير كتير 00 وجاي عبالي محشي السلق قولتك منى الورقه قد ورقة العنب الصغيره خرج ينعمل فيها محشي سلق أو لاء ؟؟
أنا كتير بحب السلق وكل شيئ لونه اخضر طيب
عجبتني فكرة تحطي مع البيض نسكافيه بصير لما ادهن وجه الفطاير حط للبيض نسكافيه ولا لاء ؟؟؟ ومنشان وصفة القرع منى كان عندي ضيوف امبارح وكمان اليوم عالغدا ضيوف بركي هاليومين ببعتها ان شاء الله شكرا مره تانيه منى 00
هلا سلاف
و هي الفكرة تبعة البيض مع النسكافييه شفتها في برنامجح حورية في المطبخ, كتير كتير عجبتني , اصلا انا كنت ادهن كل شي بالحليب خوفا من رائحة البيض
الله يسلمك و يخليك حبيبتي , هادا بس لانك زووء
ممكن تصير سلاف , انت بءى بتقرري و بتشوفي حسب النظر
بس لا صار كل شي بالبيض مع النسكافييه و شفتي كيف اللون بيطلع بيجنن, اكيد ممكن تطبيقي الفكرة على الفطاير
بانتظار الوصفات سلاف و خدي وقتك , الف شكر ليك للمشاركة :zzz
يا عيني عليكي يا منى و على وصفاتك الحلوه و تطبيقاتك الاحلى. شكلا بيشهي و عجبني فيها استعمال النيسكافيه و اعتقد ذلك لاعطاء اللون الجميل اليس كذلك (حولنا لغه فصحه). يسلموا ايديكي . عم اتابع بصمت . شي بيفرح القلب اسمالله عليكي. الله يزيدك همه و صحه و نشاط.
هلا أمونة
يا متابعة يا تقيلة يا عسل 
المهم اني اطنت عليك
و متل ما قلتي اللون الحلو هادا من النسكافييه و كمان اهم شي ما في ريحة البيض المزعجة :zzz
الف شكر ليك على الدعوات الغالية
السلام عليكم
الله يديمك لجماعة الموظفين أمثالي
منونة تسلم إيدكي عال هالوصفة إنا بحب الوصفات السريعة
بس عندي سؤال صغييييييييير :grin إذا بدنا نحشيها بالدجاج أو الطون شو بدنا نحط معهن منكهات
كمان بالنسبة لوصفة الكريب وعدتيني تنزلي طريقة الصوص الأبيض و الأسود و الأشقر يا ترى معقول نزلتيهم و أنا ما شفتن :sigh
من كم يوم عملت الكاتو بالمانجاكتير طلع طيب
كمان قريبتي عملت كاتو شوكولا كولا طعمتو طيبة كتير بس نفش بالفرن و بعدين هبط ٍقلتلها يمكن مكتره خفق قالتلي مزبوط لهيك منى أنا عندي جدول عن أسباب فشل الكاتو بالزبدة و الكاتو بدون زبدة بتحبي أبعتلك ياحتى يستفيدو منو الأخوات
كترت حكي صرلي من الصبح ما كريت مع حدا :grin
هلا سهى
الله يسلمك يا حلو و حقك و الله علي مشان وصفة الصوص , هي من الوصفات الي مصورتها صار الي اكتر من شهر و نص و لسا ما صحلي نزلها , ان شاء الله رح نزلها مع مجموعة تانية من وصفات الصيف قبل مااا تشتي مزبوط 
حشوة الدجاج اوالتون رح نزلها بالتفاصيل بس مبدائيا هي بقدونس و جزر مبشور و هيك قصص 8)
هنا و عافية على كاتو المانجا , و زعلت على كيك الكولا , ممكن يكون القالب صغير كمان ..
اكيد اتمنى تبعتيلي الجدول , لان هي مشكلة بتواجه الكل :roll
بالعكس سهى , انا بحب الردود الطويلة , مية هلا فيك
ماشاء الله وصفة لذيذة ناوية اعملها إن شاء الله .. بس عندي سؤال صغييير
كم مدة اللازمة لسلق أوراق السلق وهل نضع معه ملح وللا لا ؟
وسؤال آخر :grin
ما المقصود بحبات النسكافيه ؟ هل هي النسكافيه العادية ؟ سوري عذبتك معي
ما بعرف ليش الرد مش عم ينبعت.. وهاي محاولة ثالثة وان شاء الله تكون ثابتة هالمرة. هه، بسم الله..
مراحب حبيبتي منى. آسفة للتأخير، هلأ قريت هذا الموضوع. تسلم إيدك على هالوصفة الرائعة والعملية واللي شكلها عن جد بيشهي.
مزبوط كلامك حبيبتي، هاي العجينة اللي بيستعملو فيها الحليب مع اللبن والزيت بيستعملوها بتركيا بعمل أقراص فطير بيسموها Pogaca وبتِنقرا بُغاشة. بس اللبن بيكون أكثر شوي، وحشوتها ممكن تكون جبنة مع بقدونس أو ممكن تكون معجون الزيتون الأسود اللي بينباع هون جاهز أو أي حشوة ثانية. أما فطير السلق اللي بعرفه من خبرتي القليلة جدا فبيعملوه هون بعجينة رقيقة كتير بتشبه خبز الصاج الرقيق. أسمك شوي من ورق الجلاش بيسمّوها يوفكا. بيشترو العجين هذا جاهز وبيعملوها عدة طبقات وبيحطو حشوة السلق بيناتها وبيكون السلق مخلوط بالجبنة الصفرا أو السائلة وبيدهنو وجهها وبيخبزوها بالفرن. :upset :grin
هلا نور
السلق بيكفيه كم دقيقة و من دون ملح , و النسكافييه هي النسكافييه العادية من دون تدويب , خلطيها شوي مع البيض و الا بتلاقيها دابت و عطت لون غامق اله و بعدها رح تعطي لون بيجنن للفطاير
هلا أمولة
يا ستي ما قدرت قاوم و حطيت الوصفات الي بعتيهم بصفحة منفصلة لان شكلهعم بيشهي و حرام يبقوا برد
سبحان الله انا هي العجينة بعملها لحالي و ما اخدتها من كتاب الناهيد , انا كان قصدي ان الحشوة تركية طلعت ما الها علاقة :grin , سلم دياتك على المعلومات و الف شكر مرة تانية على الوصفات
:sigh منى… الله يخليكي..
ارحموا من في الأرض يرحمكم من في السماء…
يمكن أكتر نوع خضرة بحبه بموت عليه هو السلق… وهون مافي سلق.. إلا ألهم شي محل عربي بيجيبه بالغلط مرة كل قرن
وإنتي بتضلي تحطيلنا أكلات سلق.. وكل طبخة منظرها بيشلع القلب ع كتر ما بيشهي :cry
عنجد… لما فتت عالصفحة وشفت الصورة .. ضليت صافنة شي دقيقة ما عم بتحرك وأنا عم قول ما شاء الله عليكي شو فنانة ومبدعة
يالله معلش… زيدينا من وصفات السلق.. بيضلوا بالمخزون المعنوي حتى لو ما حسنت أعملهن هون… بس روح على سوريا بفش خلقي
هلا دالو حبيبتي
ولي على ألبي مشان الله لا تزعلي , فيك تجربي نفس الطريقة بالسبانخ و بتطلع معك كتيرر طيبة
خليلي عينك دالو , كلامك حلو كتير و من زووءك حبيبتي , يلا ان شاء الله بس تجي لسوريا تبقى تعمليهم و تفشي قلبك :zzz
منى أنا جبت سبانخ مفرزة شي كيلو .. وحبيت أعمل عالوصفة لكن شوي خايفة .. والخميرة عندي ظرف معبأ عم يقولوا أنه للمعجنات .. والطحين مكتوب أنه لكل الاستخدامات ..
فما السبب برأيك؟
شو بدي احكيلك يامنى :zzz
امبارح كان عندي عصريه وساويت فطيرة السلق تغيير شكل عن السبانخ طلعت فطيره بتجنن وكلمة بتجنن قليل عليها والله 000 كان فيه تنتين من الموجدات مابحبو السلق أبدا لما داقوها قالولي فطيره طعمتها طيبه كتير بس شو هيه ماعرفنا لما قلتلهم سلق تفاجئوو لان مابياكلوه بس استغربو من الطعمه الرائعه الله وكيلك أكلو صحهن وطلبو كمان 000 عنجد طعمها نغم انا ماتوقعت تكون هيك 000
يسلم ايديكي ياااااارب ويجزاكي ربي كل الخير
وكل اللي عم تعمليه ان شاء الله بميزان حسناتك
شكرا كتير كتير كتير
:zzz
هلا أمولة
لا تخافي أبدا من استبدال السبانخ و السلق لان فيك تستبدليهم عادي .
الطحين الي ذكرتيه ممكن تستعمليه و الخميرة كمان ..
السبب بشو :roll ؟
هلا سلاف
هنا و الف الف عافية على قلبك و قلب ضيوفك , كتير انبسطت انها عجبتك و عجبة ضيوفك
صار فيكي متل بنتي لان هي ما بتاكل سلق و حبتها كتير و قالتلي ماما هي محشية فطر :zzz
الك متل هل الدعوات و أغلى حبيبتي 8)
ربي يوفقك ويسر امورك 8) باين عليها لذيذة ان شاء الله بجربها باقرب وقت
و ان شاء الله انت كمان في الدنيا و الاخرة
بانتظار رايك بعد التجربة دمشقية :zzz
أخيرا جربتها وكسرت حاجز الخوف من المعجنات ..
الحمد لله طلعت ناجحة وطيبة كتير ،، وزوجي طول الوقت ياكل وهو يقول :نجحت معك .. كتيييير نجحانة معك :eek ، وأنا أضحك عليه من كتر مو مستغرب :grin ،وورجيتها لأهلي على المسنجر ،صار يقول لي بابا ابعتيلنا وحدة بالبريد .. قلت له أنا بجي بعمله أسرع من البريد :zzz
حبيت العجينة كتير ،والحشوة أكتر، عن جد هالعجينة أحسن من عجينة العشر دقائق وأسهل وما نفشت بشكل سيء متل هديك بالعكس طلعت مقبولة وحلوة وما أخدت وقت كتير ،رح سميها عجينة الخمس دقائق :grin .. يسلمو دياتك حبيبتي منى والله يحفظلي ياك من كل شر ويجزيك خير الجزاء
الف هنا و عافية و صحة على قلبك و قلب زوجك
و اخيررا ظبطت معك , هي بس اول مرة و هلا ن شاء الله رح تتفنني بقى في المعجنات لان شفتي بعينك ان مو صعبة :zzz
كنت ابعتيلي صورة اتفرج عليها لحتى افرح متل بقية أهلك .
فكرة هي عجينة الخمس دقايق :grin , الف هنا أمولة و الك متل هل الدعوات و أغلى حبيبتي
أهلين منى عزيزتي…
يعني شو بدي قلك اي عزيمة بتصير عندي أو بدي آخذ لاحد شي ببيض الوجه بجرب من وصفاتك.
جربت الكيك البسيط و حطيت في مكسرات و جوز وفستق و زبيب و طلع رهيب و جربت كيك الشوكولا 3 مرات مع التغليفة و ما شاء الله لاقى اعجاب بحمدلله تعالى . و فطاير السبانخ بعد ممتازة طلعت معي.
اليوم عندي عزيمة وعمبتفتل بالموقع و شوف شو بقدر اعمل.
وبالنسبة للكعك عزيزتي ، اي هو الكعك اللي مناكلو مع الشاي أو منغطو بالحليب و بعدين بصير طري. انا هون شفت محل ببيع كعك و كأنه توست محمص فكان ودي اعرف اذا خبزنا التوست لمدة اطول معقولة يصير كعك ولا شو الموضوع. و يعطيكي العافية و انشاءالله محاولاتك كلها ناجحة و انا منتظرة النتيجة .
و يعطيكي الف عافية
هلا مريومة
الف الف هنا و عافية على الكاتويات , و ان شاء الله وجهك أبيض على طول حبيبتي
ان شاء الله عزيمتك تمام مشيت و ان شاء الله الكل انبسط
بالنسبة للكعك , انا كل فترة بجرب وصفات بتطلع بالأخير متل الصمون العادي , ما بعرف اذا خبزنا التوست لفرتة أطول شو ممكن يطلع , اتوقع ما بيصير
:roll , ان شاء الله تزبط معي شي وصفة و اكيد ببقى بنزلها
حبيبتي منى تسلم هالايادي الحرير على هالابداع بس حبيت اسالك ايش بدي بديل عن دبس الفليفله شو بقدر احط بداله ويعطي نكهه طيبه لانه ما بيعملو عنا هون او اعطيني اسم ثاني له معروف بيكون هو نفس دبس الفليفله تسلميلي حبيبتي
هلا ريومة :
دبس الفليلفة ما اله بديل , ممكن تستخدمي الفليلفة الحمراء الناعمة لاضفاء طعم لذيذ بس مو بديل
مكن يسموه معجون الفلفل كمان
منى الغالية مرحبا : مبارح عملت الفطيرة وكان عندي ضيوف وعجبتن كتير وحتارو شو محطوط فيا سلق ولا سبانخ ولما قلتلن سلق ما صدقو بس عدلت عليه حركة صغيرة لأن فيه أطفال وخفت يوسخولي الدنيا إذا عملتها متل ما قلتي يعني الحشوة مبينة ,عملته مغلقة على شكل بقجة وطلعت روعة فيا ترى هالشي بأثر عالطعمة ولا لأومشكورة كتير
الف هنا و عافية وداد على الفطيرة , لو تعرفي شو مبسوطة بردودك :zzz
تغير الشكل ما بياثر على الطعم و المهم انك عدلت الوصفة لحتى تصير تطبق على زوءك و ظرفك , ان شاء الله تكوني اكلتي عني كم لقمة :zzz
ألف شكر عالرد الظريف وبالنسبة للكم لقمة أكلت بس مو كتير لأني عاملة ريجيم بس مع هيك ما قاومت وأكلت كم لقمة والله يسلم هالإيدين لأنك بتعبي حالك منشانا كتير وخاصة بالرد الجميل
الله يسر عليك الريجيم و تستفيدي منه , و اختي الشكر الك لردك و تواجدك الطيب
مرحبا منوش
حابة كتير جرب هالفطيرة ، يوم السبت عندي جماعة جايين عالغدا بس مترددة.. هلأ العجينة مو قريبة كتير على خبز بيدا؟
انشالله تزبط معي ..
برأيك إذا خبزتها قبل بيوم المسا بتضل ظريفة لتاني يوم؟ :roll
لأني مو حابة اعتمدها على سفرتي وما تزبط وتخجلني بآخر لحظة
هلا دالو
ايه قريبة شوي , يا رب تزبط معك و ما تخجلك
هلا هيا اذا بنفس اليوم اكيد ازبط بس ما دامك اول مرة رح تجربيها معناها ما في ادامك غير تخبزيها قبل بيوم و بعد ما تبرد تغلفيها كتير منيح ليوم العزيمة
شو و الله الحبايب ما اكترهم و كل كم يوم عندك عزيمة :zzz
هي “الشغلة” عنجد كتير كتير كتير طيبة.. معه حق حج شريف الله يخليلك ياه.
مبارح قدمتها لضيوفي.. بس أنا حضرتها الجمعة بالليل… كانت كتير طيبة.. وأنا عملتها بس كمالة عدد.. قاموا تركوا الطبق الرئيسي ونزلوا فيها.. صحة على قلوبهن.
لما حضرتها دقت قطعة لحتى اتأكد إنو ما فيها شي.. بس بتعرفي إنها أطيب بكتير لما باتت؟ صار العجين آخد من نكهة الحشوة.. ومو معقول شو طيبة..
حبيتها كتير وبنصح الصبايا بالموقع يجربوها وتحضيرها سهل والعجينة انشالله مضمونة
معلش يامنى انا غلبتك معابيا بجهلى
بس ايه الفرق بين دبس البندورة ورب البندورة؟
هو رب البندورة هو الطماطم مضروبة ناعمة فى الخلاط؟؟ ولا كده انا خرفت؟
وكمان ايه دبس الفليفلة ولو مش موجود استخدم ايه بداله؟؟
هلا دالو
ريتو ان شاء الله الف صحة و هنا و مية الف عافية يا رب على البك و الب الضيوف واحد واحد ..
يمكن كلامك صح , لما بتبرد بتصير اطيب , المهم انها عجبتك :zzz
هلا نهى و لا يهمك
ما في فرق بين دبس البندورة و رب البندورة و معجون البندورة و معجون الطماطم , كله نفس الشي
و هو مركز الطماطم الي ممكن تشتريه بعبوات جاهزة او تعمليه في البيت و هي [URL=http://www.l2ma.com/content/view/469/2/]طريقته [/URL]
و هي كل شي عن دبس [URL=http://www.l2ma.com/content/view/25/25/]الفليلفة[/URL]
يعنى طلعت صلصة طماطم في الآخر :grin
طيب الحمد لله انا عارفاها وباعملها في البيت برضه بنفس طريقتك بس على النار بس تحت اشعة الشمس :zzz
تفتكري لو حطيتها فى الشمس ماتحمض او يتغير طعمها
يسلموا هالايدين عزيزتي موني والله بجد كل وصفاتك رائعه وأفضل دعاء الك هو الله يجزيك الخير يااحلى منى
على فكره دليت رفيقتي الاردنيه على موقعك وعجبها كتييييييييير :grin
جربتا مبارح وطلعت رووووووووووووووووووووعة ياريت اذا في مجال بدي حشوات الدجاج او الطون
اذا طون احسن هههه
جد العجينة تحفة وعملتا وانا مغمضة
شكرا مناي
نهى شايفة اللخبطة في الاسامي بتعمل ايه :grin
لا اختي ما بتتغير طعمتها و بتبقى متل الفل و نحنا دايما نعملها هيك
هلا مزهرة
الف شكر الك للدعوة الغالية الكريمة من اخت كريمة , و ان شاء الله ربي يديم المعروف دوما , على راسي انت و كل رفقاتك :zzz
هلا ضحى القمرة
الف هنا و عافية يا رب , تكرم هل العيون الحلوة , و رح حط الك وصفة بالتون ما دامك بتحبيها
انبسطت كتير انها عجبتك , عوافي :zzz
صباح الخير عندي سؤال الخميرة المستعملة هي خميرة الخبز المتعارف عليها او هي الباكنج باودر يارب تردو علي لاني بدي اعملها
هلا فيك اختي
الخميرة هي خميرة الخبز العادية
رح تعجبك ان شاء الله
جربتا امبارح بحشوة السلق فعلا رااااااائعة واليوم رجعت جربتا بحشوة جبنة حلوم مع نعناع يابس العجينة كتير طيبة يسلمووووووو دياتك منوش ما ننحرم منك
الف الف صحة و هنا هاجر على البك لكل لقمة اكلتيها
كمان شكرا على الايميلات الحلوة