براونيز بكريما الخمس دقايق السرية
· تقطع صدور الدجاج إلى شرائح رقيقة باستخدام سكين حادة . ثم توضع شرحات الدجاج في وعاء غميق و تتبل ببهارات الشاورما و الكاري و الزنجبيل و الخل و الليمون و بشر الليمون و الثوم و الزيت و تقلب ثم يغطى الوعاء و يترك منقوعاً لمدة 24 ساعة في البراد .
· تخرج عجينة الباف باستري من الفريزر قبل بيوم و تترك في البراد طول الليل ثم تخرج من البراد قبل الاستعمال بساعتين . يقطع البصل و الفليلفة الحمراء و الخضراء لشرائح رقيقة .
· يقلب البصل بالسمنة في قدر كبير غير لاصق على نار متوسطة حتى يطرى , تضاف نصف شرائح الدجاج و تقوى النار و تقلب بلطف حتى تشقر من الطرفيين . ترفع ثم يضاف باقي الدجاج و يقلى حتى يشقر و ينضج .
· يوضع كل الدجاج المقلى في القدر ثم تضاف الفليلفة الحمرا و الخضراء و تقلب بلطف لبضع دقائق , يجب ان تبقى الفليلفة مقرمشة . بعد أن تفتر الحشوة تضاف علبة القشطة و يقلب الكل .
· يفرد أول قسم من العجينة في طبق بايركس مدهون اكبر قياس ثم تفرد عليه الحشوة و يوضع القسم الثاني من العجينة , و يمكن ان يقص القسم الثاني لشرائط و يرتب فوق الحشوة بالشكل الظاهر بالصورة .
· يدهن الوجه بمزيج صفار البيض و النسكافييه ثم تخبز على فرن محمى مسبقا على 180 درجة حتى تشقر من فوق و تحت و تقدم فوراً .
تلات ارباع كيلو صدور دجاج
حبة كبيرة بصل
حبة كبيرة فليلفة حمراء
حبة كبيرة فليلفة خضراء
علبة قشطة
ملعقة كبيرة سمنة بلدية او زبدة
عبوة من عجينة الباف باستري أو مقدار من العجينة الموجودة على هذا الرابط
نقعة الدجاج :
ملعقة كبيرة مسطحة بهارات الشاورما
نصف ملعقة صغيرة كاري
نصف ملعقة صغيرة زنجبيل
ربع كوب زيت زيتون
بشر و عصير حبة ليمون كاملة
3 ملعقة كبيرة خل
2 فص ثوم مهروس
للوجه :
صفار بيضة
ربع ملعقة صغيرة نسكافييه
• تقطع صدور الدجاج إلى شرائح رقيقة باستخدام سكين حادة . ثم توضع شرحات الدجاج في وعاء غميق و تتبل ببهارات الشاورما و الكاري و الزنجبيل و الخل و الليمون و بشر الليمون و الثوم و الزيت و تقلب ثم يغطى الوعاء و يترك منقوعاً لمدة 24 ساعة في البراد .
• تخرج عجينة الباف باستري من الفريزر قبل بيوم و تترك في البراد طول الليل ثم تخرج من البراد قبل الاستعمال بساعتين . يقطع البصل و الفليلفة الحمراء و الخضراء لشرائح رقيقة .
• يقلب البصل بالسمنة في قدر كبير غير لاصق على نار متوسطة حتى يطرى , تضاف نصف شرائح الدجاج و تقوى النار و تقلب بلطف حتى تشقر من الطرفيين . ترفع ثم يضاف باقي الدجاج و يقلى حتى يشقر و ينضج .
• يوضع كل الدجاج المقلى في القدر ثم تضاف الفليلفة الحمرا و الخضراء و تقلب بلطف لبضع دقائق , يجب ان تبقى الفليلفة مقرمشة . بعد أن تفتر الحشوة تضاف علبة القشطة و يقلب الكل .
• يفرد أول قسم من العجينة في طبق بايركس مدهون اكبر قياس ثم تفرد عليه الحشوة و يوضع القسم الثاني من العجينة , و يمكن ان يقص القسم الثاني لشرائط و يرتب فوق الحشوة بالشكل الظاهر بالصورة .
• يدهن الوجه بمزيج صفار البيض و النسكافييه ثم تخبز على فرن محمى مسبقا على 180 درجة حتى تشقر من فوق و تحت و تقدم فوراً .
سلامات للعزيزة منى
وسلامات أيضاً لجميع الأخوات المتابعات
وانشالله كل عام وانتو بخير وينعاد ع الجميع يا رب
بالحقيقة عم أستنى أول وصفة تنزليها يا منى بعد العبد منشان تكون كلماتي للمعايدة أولاً
.. وأيضاً منشان أتشكرك يا منى وأتشكر كل الأخوات العظيمات اللواتي تكرمن بالمشاركة بمسابقة وصفات رمضان.
بالحقيقة كانت النتائج مذهلة وأكثر من رائعة
والأخوات ما شالله عليهن .. يا هيك ستات البيوت يا بلا.
بس طبعاً يبقى الشكر والتقدير الأساسي لكِ أنتِ يا منى يللي جمعت هالناس الطيبة وخلقت بين الجميع جواً عائليا أخوياً راقيا.
أكرر الشكر والتقدير
وإلى المزيد من المسابقات والمشاركات وتبادل الخبرات.
ميسون
هلا ميسون
ان شاء الله ينعاد عليك و على كل الغوالي عليك بالخير و البركة و الطاعة .
كتير انبسطت ان المنيو عجبك و عن جد الوصفات كانت مميزة و انا ما فيني الا اشكرهم واحدة واحدة على كرمهم و جودهم
ممم , معناها جربتي منهم شي , الف هنا و صحة على كل شي جربتيه و ان شاء الله تجربي الباقي و يكونوا على زووءك
الشكر الك ميسون على ردك الطيب و مرة تانية كل سنة و انت بالف خير
السلام عليكم و رحمة الله و بركاته
شو هاد شكلها هالقشطة ورايي ورايي كأنه في ثأر بيناتنا :sigh
فرحت كتير لان فينا نستبدل عجينة الباف بايستري بعجينتك بقى هل فينا كمان نساوي بالهجينة فطيرة سيما و فطيرة الدجاج
و اكيد سؤالي المشهور اللي لازم يكون متواجد و سيحدد مصير هذه الوصفة و اذا ما كنت ساجربها او لا و هو هل فينا نستغني عن القشطة و اذا فينا بشو منعوضها او بس منستغني عنها
بالتوفيق
سلام
منوشة الحلوة ,, كل سنة وإنتي وعيلتك وكل حبابك بألف خير يارب وغن شاء الله ينعاد عليكي وتكوني بألف صحةوخير يارب ..
متلي متل ميسون كل شوي عم افتح الموقع وشوف إذا نزلتي شي وصفة ولا لاء :grin , قول لحالي لسى منى ملتهية بالعيد وعجقتو ..
المقدمة قبل الوصفة , أكتر من رائعة .. بتخليكي فعلاً تحسي بإنو لازم تغيري شي .. وغن شاء الله نويت إني غير كتير اشياء بحياتي ومتل ما قلتي لوجه الله ..
أما وصفتك اللذيذة ,, فالطريقة أسهل مما توقعت بكتير , عنجد لذيذة وسهلة وما بتاخد وقت ولا تعب إطلاقاً ..
عالتجربة بعد يومين إن شاء الله لانو عندي كل المكونات ..
بس هالمرة بدل ساورنات أنا , بصير بلا القشطة ؟ :grin
يسلم إيديكي منوشة حبيبتي .. فعلاً مينو العزيمة الخيرة متميز جداً .. 8) متل كل مينو بتعمليه
صحي منونة تذكرت سؤال بيصير بهارات الشاورما الجاهزة , لانو عندي من سوريا بهارات جاهزة من سوق العطارين ؟؟
منى انا كنت بانتظار هذه الوصفه بشوق..
بس بصراحه الكلام اللي كاتبتيه بالاول احلى و اعمق و بيدخل على القلب على طول
هلا سارونات
لا ثار و لا شي بس انتي اخدة منها موقف , حاولوا تتفاهموا بركي بتوصلوا لشي :grin
هل العجينة ممكن تستعمليها للفطيرتين الي ذكرتيهم و كمان فيكي تحشيها بشو ما بدك او بيخطر ببالك .
القشطة اساسية للوصفة , اذا حابة تستبدليها ممكن بالمايونيز و الجبنة الكريم :zzz
هلا بشورة
يا رب يا رب يكون التغير للاحسن و يكون التغير دائم .
متل ما قلتي كنت مشغولة كتير بهل العيد و عزمت كل العيلة يوم الاربعاء على الفطور , بقى كنت بيومها اخر روقان :roll
سارونات ما قصرت , و الجواب نفسه , بس يا ريت لو تجربيها بالقشطة لحتى تدوقيها متل ما ما داقوها ضيوفي و عيلتي
اكيد فيك تستعملي بهارات الشاورما الجاهزة , اذا متوفرة احسن و احسن , هنا و الف صحة مقدما و انا رح استنى رايك بعد التجربة و ياا رب تعجبك
السلام عليكم يا منى تسلم هالايادي يارب وكل عام وانت بألف خير يارب وعقبال ما ينعاد رمضان علينا وعليكم باخير يارب
شكل الاكل يا منى كثير مشهي :p وشجعتيني اني اعملها ان شاءالله نهاية هالاسبوع بعملها واكيد راح تطلع لذيذة
كل سنةوأنتو بألف خير
تجي ستي وتشوف الرز يلي عم ينكب الله يعفوا عنا :cry
آه يامنى ذكرتيني بكتير شغلات عيد زمان يلي مافي أحلى منه وأيام زمان بتمنا ترجع ويرجع معها كل شي حلو وبسيط
جدي الله يرحمه كان مايخلينا ناكل الزيتونة بلقمة واحدة كان يقول هي نعمة لازم تحافظوا عليها
وستي كانت تقول على كل رزة مكتوب قل هوالله أحد ديروا بالكن لاتكبوها
بالنسبة للطبق كل شي من تحت دياتك غير شكل جربت برمضان آكلات لذيذة كتير وان شاء الله رح اكتبهن بالأطباق المجربة
السلام عليكم و كل عام و كل الصبايا بخير و انشالله ينعاد عليكم رمضان و العيد بالخير و المحبة
الله يسلم اديكي عنجد متل ما بيقولوا العين بتاكل قبل التم و انت مطبقة هالمثل بحذافيره هدا عداك عن الطعمة اللي أكيد بتجنن
أنا بتوقع بالنسبة للقشطة فيكي تحطي معلقتين طحين و نص كاسة حليب بدل القشطة بتطلع متل البشاميل التقيل (الطحين مشان يمتص كل شي سوائل بالحشوة و ما تعجن العجينة) أنا وقت اعمل فطيرة الجاج و الفطر هيك بعمل و انشلله صحتين و هنا على قلبكم
السلام عليكم.أولاًًٌُْْ بحب أعايد عالجميع و انشاء الله تبقوا دائما بخير. من وقت ما لاقيت الموقع و أنا طاير عقلي فيه وكل يوم بجرب شي جديد و بيطلع بيجنن.تسلم ايديك عن جد يامنى و الله يجزيكي ألف خير.انبسطت أكتر لأنك من حلب
و الأكلات كلها بنحبها و قريبة ع قلبنا.لازم اتعرف عليك و أشكرك شخصي.شكرا للجميع
هلا نور
و انت بخير و سلام و صحة و تكوني انت و كل عيلتك باحسن حال
ان شاء الله تجربي الوصفة و تعجبك و تخبريني رايك
هلا دكتورتنا الحلوة سوسن
هادا بس من زووءك و الكلام الي بيطلع من القلب بيوصل للقلب , بس القلب الطيب بيفهمه اكتر الشي
يا رب تجربي الوصفة و تطلع طيبة و متل ما بتحبي
هلا هيا
ان شاء الله ينعاد عليك و على كل عيلتك بالخير و الطاعات و البركات
يلا ان شاء الله تجربيها و تكون يممي و انا رح استنى رايك
هلا سمسومة
كمان هي اول مرة اسمع بقصة الزيتون و الرز , يعني من زمان كان عندهم كتير معتقدات فيها خرافة اكتر ما يكون الها صحة , ممكن اول واحد قالها كان قصده لحتى الاولاد يحترموا النعمة و الرز , او لحتى ما يخلص كل الزيتون :grin بس بعدها صارت تنحكى و الكل يعتقد بصحتها
متل الي بياكل جبنة بينقرع , اي هي اكيد شي اب عايف حاله عندي شي عشرتناعش ولد اخترعها لحتى تكفيهم مونة الجبنة لتاني سنة :grin
رح استنى ردك بالوصفات المجربة و ريتو الف الف صحة و هنا و عافية يا رب يا لذيذ يا رايق انتا
السلام عليكم و رحمة الله و بركاته
يخليلي ياكي منوووش ان شاء الله بلكي بالعشر سنوات القادمة نساوي قمة ثنائية انا و القشطة و نتوصل لحل يرضي الطرفين :grin
فكرة الجبن مناسبة طيب قديش بدي حط
بالتوفيق
سلام
ايه سارونات , بس انا ما الك مصلحة كون مشاركة بهذا المؤتمر لان انا من انصار القشطة :grin
يعني حوالي معلقتين او تلاتة و لو تعملي كمان متل ما قالت سوما فكرة حلوة كتير
شو قصتك مع الذكريات عزيزتي …بتعرفي يمكن مو بس انتي كلنا احيانا منعيش لحظات ونحنا سجناء للماضي باي تفاصيل عشناها واثرت فينا ومتل ماقلتي يمكن تكون خرافة بسيطة بس نحنا منفكر فيها لانها انغرست فينا بالصغر ..زمن اول بكل خرافاته احسن من هالدنيا الي عم نعيشها عالاقل كان في بركة …كانوا يحترموا نعمة رب العالمين ومايصير مصيرها سلة المهملات مع جميع القاذورات …يمكن كانوا يخترعوا هالخرافات لحتى يقنعوا تفكير الاولاد البسيط بالشي الي لازم يعملوه وطبعا قصة المحافظة عالنعمة شغلة كتير ايجابية ..انا وحدة من الصغار الي صدقت انه كل رزة عليها قل هو الله احد ومابتذكر يوم خليت بصحة رزة وحدة او اني رميت بقايا صحني بالزبالة لاني كنت كتييير مقتنعة فيها ..بس طبعا مع الكبر عرفت شو القصد منها ..
انا كأم حاليا عم حاول اني ربي بنتي مو عالخرافات …مابحب قلها شي مو حقيقي ابدا حتى اذا بقصة حكيتلها ياها وبالمستقبل القريب يمكن رح فهمها هالشغلات بطريقة منطقية اكتر من دون لاقرعة شعر لا غيره :grin
منجي للوصفة العزيزة ..الشاورما لحالها بتطير العقل بقا كيف اذا باطيب عجينة بالعالم ..خلص لازم جربها بس انا مشكلتي عجينتي مربعات صغيرة …ماعم لاقي باف باستري تكون كبيرة :roll يعني بده يشتغل القص واللصق :grin
السلام عليكم و رحمة الله و بركاته
جازاك الله خيرا على المساعدة منوووش و كمان فكرة سوما حلوة
منوووش انا اول مرة بتعامل مع الفطائر لهيك بدي اسألك كيف بتتقدم يعني مع شو او بس لحالها
بالتوفيق
سلام
السلام عليكم و رحمة الله و بركاته
منوووش راح عذبك معي بدي اذا ممكن طول و عرض الصينية مشان قم بعمليات حسابية 8) لان راح ساوي كمية صغيرة
بالتوفيق
سلام
هلا سوما
هادا بس من زووءك حبيبتي و ان شاء الله كمان تجربيه و يطلع طعمها احلى من منظرها
الف شكر الك للاضافة , فكرة حلوة كتير و المهم الواحدة فينا تعرف تعدل بالوصفة لحتى تناسبها و تكون المقادير متوفر عندها
هلا سوما مرة تانية و يا ريت تجربيها و تخبريني رايك
الله يسلم هاالديات يامنمون والله كل شئ من ايدك طيب
انا ماكتير صحبةمع الدجاج بس الشاورما وقت عملتها على طريقتك كانت غيرشكل وان شاء الله ناوية اجرب هاالطبق واخبرك :zzz
منمون بدي اتشكرك على فتة المقالي كتيرطيبةالله يعطيكي العافية
هلا شيرين
شرفتي الموقع و نورتيه , مية اهلا و سهلا فيكي اختي , كتير انبسطت لان اكتشفتي الموقع و ان شاء الله تبقي دوما معنا و ربي يديم المحبة و المعروف على طول
الي الشرف بهل المعرفة الحلوة و الف صحة و هنا على كل شي جربتيه و كان على زووءك
نورتينا 8)
هلا رنونة
لا قصة و لا شي , هي اشيا دايما بكتبها بدفتري الزهري , هلا صرت عم اكتبها على موقعي الاخضر , هادا الفرق بس
و انا كمان معك , الجيل هلا مختلف عن الجيل الي قبله و صار صعبة تضحكي عليه بشي اذا ما عندك اثباتات و دلائل , اصلا انا اذا شي مرة جربت تش على اولادي اخت هل التشة بيكشفوني فوراً , برمضان كانت كل ما فرح تصوم حطلها تحت صحنها شوية مصاري و قلها هي من عمو رمضان , الله وكيلك مشيت عليها بس اول يوم , باليوم التاني طلعت عليها و استنيتها لوقت ما طلعت من المطبخ لحتى حطلها المعلوم و الا ما لحقت رجع الصحن و بشوفها صارت تصرخ من وراي , و الله عرفت انك انتي يا ماما الي عم تحطي المصاري مو عمو رمضان , شفت جيب بنطلونك منفوخ
ان شاء الله تجربيها و تكون ممي و مستاهلة التعب الي رح تتعبيه بالتلزيق :grin
ههههههههه والله هالجيل مابقى ينضحك عليه بالمرة ..بدن يعرفوا البيضة مين باضها والجاجة مين جابها :grin
مقدمة رائعة والي تعليق طويل بعدين ان شاء الله عالمقدمة
بس بكرة او بعد بكرة رح اعملها بس بدي اسألك سؤال ببهارات الشاورما في 4 حبة بهارحلو شوقصدك بالبهار الحلو هو نفسو الفلفل الابيض؟؟
لان كل المكونات عندي الا هالبهار ماعرفتو
اي و الله رنونة , ما بينضحك عليه ابدا , الله يكون بعونا و نعرف نتعامل معهم منيح :zzz
هلا سمسومة
هو غيرها , و فيكي تشوفي صورة اله على [URL=http://www.l2ma.com/content/view/281]الرابط[/URL]
ايا سؤال تاني من عيوني و اسفة كتير للتاخير :roll
السلام عليكم ورحمة الله
الف شكر لك على هذه الوصفة اللذيذة جدا جدا
لقد جربتها بالامس وكانت النتيجة اكثر من مرضية
ولكن هل يمكن ان تفيديني بفكرة عن تشكيلة بهارات الشاورما لانني لست في حلب ولا احصل عليها هنا في فرنسا بسهولة
ولك جزيل الشكر
هنا و الف عافية ام سيمى يا حق على كل لقمة , كتير انبسطت انك جربتيها و انها عجبتك :zzz
ممكن تبلي الدجاج بايا شي بتحبيه , المهم الهال و المستكة و بشر الليمونة و عصيرها و كمان الخل و الزيت . ايا بهارات تانية ممكن تتحكمي فيها على حسب المتوفر عندك
والله يامنى انتى بتدخلى القلب بسهولة..
انا بحب تعليقاتك وكلامك كتير ودايما باحس انى كان نفسي اتعرف عليكي من قريب او اكون ساكنة جنبك.. يعنى اتعامل معاكى عن قرب
باحس انك فعلا شخصية متميزة
ربنا يبارك لك في حبايبك كلهم ويبارك لهم فيكي
هلا نهولة
هادا بس من زووءك أختي , الي الشرف بهل المعرفة الحلوة من اخت مزوءة متلك
ربي يبارك في صحتك و عافيتك و بدنك كله و يبارك باهل بيتك واحد واحد :zzz
مرحبا عزيزتي منى معلش انا بسأل كثير ويمكن عم ضايقك بس بدي اتأكد من علبة القشطة اللي هي وزنها 170 جم لأنه انا عندي علبة القشطة الكرتون وهي تعادل 125 مل يعني بحط 2 مش هيك انا حبيت بس اتأكد منك لأنو بكرة بدي اعملها
وفي سؤال ثاني عندي انو اول كنت الوصفة اللي بتزبط معي وبيحبوها عيلتي على طول بعمل لها copy وبعدين Paste وبخزنها على الكمبيوتر عندي بس هلأ ما عم تزبط معي ما بعرف ليش ،،،،، وشكرا الك مرة ثانية على سعة صدرك وانك عم تتحمليني من كثر اسئلتي
هلا هيا
القشطة 170 غ بقى ممكن تقدري انت الكمية و ان شاء الله تكون على زووقك .
هيا هل الخاصية تم منعها في الموقع بسبب السرقات الكتيرة الي صارت , بقى هي لحتى نحفظ الحقوق للموقع
هلا منى اليوم جربتها لهالوصفة وطلعت كثير لذيذة تسلم دياتك يارب ويلا عم نستنى منك المزيد ان شاءالله ويارب موقعك من اعلى لأعلى
الله يخليك هيا و الف صحة و عافية و هناااا يا قمر
يعطيك العافية على هالوصفة بس اش هالعجينة لانو انا بكندا ماعنا متلها اش بتنصحيني بدالها اذا مافيها سئلة عليكي وشكرا كتير وانا دائما بستنى جديدك اخت منى
هلا اسما
لا حبيبتي اكيد عندكم منها , ممكن تتواجد باسم عجينة الميل في , المهم انها عجينة مورقة
و ممكن كمان تحضريها بنفس عجينة فطيرة السلق و الطحينة
انا بانتظار رايك بعد التجربة ان شاء الله
يسلمووو
الله يسلمك يا رب
السلام عليكم و رحمة الله و بركاته
منوووش يا الله شو مشتاقتلك و مشتاقة للموقع بتعرفي شو بيحس الشخص لما ما يشوف حدا من افراد العيلة لفترة طويلة هيك انا حاسة
ما جاوبتيني على سؤالي اللي هو اني مو معودة ساوي فطائر فما بعرف هل تعتبر لحالها غذاء او عشاء او بتتقدم مع شي تاني
على فكرة جربت شاورما الدجاج و الحمد لله ضبطت جازاك الله خيرا منوووش
بالتوفيق
سلام
يا سلام يا منى على هالوصفات احتار الواحد شو بدو يعمل عنجد الله يعطيكي العافية وتضلي تحفينا بهلاطباق الرائعة
هلا سارونات
الحمد لله على السلامة و تشتاق الك العافية اختي
هل الفطيرة ممكن تقدميها على الغدا او العشا متل ما بتحبوا , و بتتقدم لحالها او مع سلطة . انا بحسها اكتر الشي مناسبة للبوفيهات
صحتين و الف هنا على الشاورما , اكيد اكلتي عني
هلا ليان
مية السلامة بهل القامة , نورتي الموقع اختي
ان شاء الله تنقي وصفات و تكون على زووءك و تطلع طيبة و من اول مرة
السلام عليكم منى وكل الصبايا كنت عم أحاول أضيف تعليقات من سنة يمكن، وكان في مشكلة.. الله يجبر خاطرك ويعطيك ليرضيك ، شوي حلب كلها إن شاء الله رح تعرف عن منى المبدعةوالفضل لله بإبداعاتك ونفسك الرائع والراديوهات المتنقلة أمثالي اللي بتحكي عنك بكل فرصة ، أكرمك الله وبارك فيك وفي أهلك وأحبابك…
هلا بتول
معناها رح اسلمك قسم الدعاية و الاعلان في الموقع
الله يخليلي ياكي على هل الدعوة الحلوة , بالنسبة الي اغلى دعوة :zzz
السلام عليكم منى بعد نجاح كل الوصفات اللي جربتها من عندك قررت جرب المعجنات جربت هالوصفة بعجينة فطيرة السلق الحشوة كتير طيبة بس العجينة:cry طلعت معي كتير معجنة وطعمتها خميرة وما نفشت ابدا السبب برايك دايما هيك عبتطلع العجينة ياترى شو السبب برايك
شكرا
هلا فيك اختي
مممم , ممكن تكوني ما خمرتي العجينة منيح او الخميرة مو منيحة ؟
يا ترى هل المشكلة عم تصير دوما معك و الا بس بهل العجينة :roll
اي دايما عابتطلع المعجنات بالفرن هيك
الفرن عندي عالكهربا ومروحة بتوزع هوا سخن
العجائن الجاهزة عم تنجح بس حابة كتير انو تنجح العجينة معي بالبيت لانو بالغربة ما منشوف كل انواع العجينة
يعطيك الف عافية
ممممم طيب اديه عم تكون درجة الحرارة ؟
بهالوصفة حطيت الفرن عال (180) متل مو مكتوب بالوصفة وصار جربت اكتر من نوع خميرة
شكرا للسرعة بالرد
ياترى ممكن لانو الجو بارد التخمير ماعم بينجح
كتير ممكن , هلا ما دام الجو عندك بارد معناها لازم نريح العجينة على الاخر , بعد ما تعجني العجينة حطيها بوعاء و غطيها بشكل محكم بورق نايلون لاصق و حطيها بقلب شي خزانة او بقلب الفرن و هو مطفي و اتركيها لوقت ما يتضاعف حجمها , انا دوما بحضر العجينة قبل بيوم بالليل و بتركها تتخمر لتاني يوم , شفتي شتانا بارد
ان شاء الله هل المرة بتزبط معك
السلام عليكم ورحمة الله وبركاته حبيت اتشكرك كتير
امبارحة جربت الفطيرة ونجحت معي العجينة وطلعت كتير طيبة10/10 ابو الشباب لما شافها قلي ان شاء يكون الطعم متل الشكل بس كان الطعم احلى واحلى
الله يحفظك ويحميكي يارب
الف الف صحة و هنا يا رب و الحمد لله انها زبطت معك و عجبت الباشا
عوافي
والله لو اشوفك اعطيكي بوسه من عيونك
عنجد يسلموا ايديكي ونفسي اصر مثلك فنانه بالطبخ :grin
هلا ام منير
, على فكرة اختي اسمها ام منير , نورتينا و شرفتينا و ان شاء الله بتصيري احسن بكتيررر :zzz
السلام عليكم اختي منى
حابة كتير جرب هالوصفة بس عندي سؤالين
اول شي انا جبت لهالوصفة عجينة البف باستري ابو اللبن اللي على شكل رولين طوال فهي بيمشي حالها
وتانيا انا عندي دجاج مقطع قطع اصغر من قطع الشيش فيني استتخدموا ياترى
وشكرا لاهتمامك باسألتنا
هلا كرميلا
هي هي الرقائق الي استعملها, و الدجاج اذا هيك متوفر عندك بيمشي حاله .
ايا سؤال تاني من عيوني اختي
الله يعطيج العافية على هلافكار والنفس الحلوه بالاكل والله جربتها من يومين وكانت روعه
هلا فيك ام عسل
صحتين و الف عافية على قلبك على الفطيرة , الحمد لله انها زبطت معك و عجبتك , شرفتينا اختي
اسمك بيجنن
صراحة ..جربتها مرة وماندمت
وبجد مو مبالغة كلمة روعة قليلة عليها
لذيذة جدا جدا والكل حبها
يعني كنا عاملين سفرة .. بس كانت هي الستار والإقبال عليها كبير
تسلم ايديكِ يا منى اللي مابتعمل غير اللذائذ ما شاء الله
.
.
هلا فيك اختي
و كمان انبسطت انها عجبتك و عجبتهم
الف الف صحة و هنا و مية عافية على البك و الب الضيوف و لو تعرفي كلامك شو فرحني
منورة اختي 8)
الله يعطيك العافية ست منى
الحقيقة انا اليوم شفت الموقع وكتير فرحت فيه
دائما الوحدة منا بالغربة بتحن لكل شي بيذكرها ببلدها واهلها
لا ومو بس من سورية من حلب كمان!!!!!!!!!!
بدي اسألك مشان القشطة انا عايشة بألمانيا ومكا عم اعرف لاقيها
بيصير كريم فريش او اي شي تاني او اذا بتعرفي الاسم الاجنبي
والف شكرا
مية هلا فيك ريم نورتي اختي و شرفتي
القشطة هون فيك تستبدليها بحوالي النص كوب من الكريم فريش , بيعطيها طعم رااائع
هل الوصفة بتجنن , اختيار موفق لتبدي تجربي من مطبخنا
السلام عليكم ست منى و الله يعطيكي الف عافية عهالوصفات الطيبة
ياترى فيني حضر هالوصفة قبل بيوم ؟
جزاكي الله كل خير
فيكي , بس الاحسن انك تحضري الحشوة قبل بيوم و تمديها على العجينة بيوم التقديم لحتى ما تشتش العجينة
السلام عليكم ست منى الرائعة .. هي اول مشاركة لي في الموقع بس بصراحة الموقع اكثر من راااائع وصار جربت اكثر من وصفة وللامانة كتيييير طيبين و نالوا الاعجاب الحمدلله…
ومشكورة وانشاءالله بالنجاح الدائم لك و للموقع الغني عن التعريف ..
عندي سؤال من بعد امرك القشطة اللي عم تستعمليها باكثر من وصفة هي نفسها قشطة النستلة اللي منستعملها بالحلويات ؟؟؟؟
و عليكم السلام و رحمة الله و بركاته , و مية هلا
نورتي الموقع و مبسوطة كتير باول رد و ان شاء الله تبقي معنا دوما
انا كنت استعمل القشطة العادية الي هي قشطة نستلة , بس لما اتوفرت الكريما الفريش ما عدت استعملت غيرها , هي اطيب و كميتها حوالي ثلاث ارباع كوب مقابل علبة قشطة .
بقى انت استعملي المتوفر عندك , اما قشطة عادية او كريم سائل
كل وصفة الها شي , يا ريت تحدديلي الوصفات لان احيانا ما فيكي تبدلي الكريم فريش بالقشطة
كمان هالفطيرة كانت الملكة بعزيمتي اليوم و جوزي وانا عم اعملها قلي ياريت لو بيضل شي قطعة لانو شكلا كتير طيب وزاد بس قطعتين من الصحن البايركس الكبير كلو , ممتاااازة الاكلة يسلم ايديكي يارب والله اليوم كان وجهي ابيض من ورا اكلاتك يا منى وكمان عملت سلطة المعكرونة زعتر رول وحبات الفراولة بالشوكولا وكلو نال الاعجاب ولفت الانظار وكلون كانو مفكرين انو شطارة مني بس ما بيعرفو شو مرجعي …. انا كتير مبسوطة اني عرفت هالموقع وعرفتك منى بس من غير لقاء مع هيك الي الشرف :