براونيز بكريما الخمس دقايق السرية· يحمى الفرن على درجة حرارة 180 درجة , تدهن صينية فرن بالزبدة و تبطن بورق الزبدة .
· توضع الشوكولا و الحليب على نار هادئة و تحرك حتى تذوب ثم تضاف النسكافيه و يحرك الكل و تترك جانباً حتى تبرد .
· ينخل الطحين مع مع البيكنغ بودر و بيكربونات الصودا و الملح ثم يضاف السكر و يقلب الكل , يضاف مزيج الشوكولا و الزبدة الطرية و البتر ميلك و يخفق الكل على سرعة عالية لمدة 5 دقائق .
· يضاف البيض بيضة بيضة مع الاستمرار بالخفق على سرعة عالية بعد كل إضافة .
· يصب مزيج الكاتو في الصينية المحضرة ثم يخبز في الفرن لمدة 45 دقيقة أو حتى ينضج .
تحضير كريما الشوكولا :
· توضع القشطة على النار و تترك حتى تقارب الغليان من دون أن تغلي .
· تبعد القشطة عن النار و تضاف الشوكولا و الفانيليا و تحرك حتى تذوب كل الشوكولا و تصبح ناعمة أصبحت الكريما جاهزة .
تحضير كريما الجوز و جوز الهند :
· تحضر تغطية الجوز و جوز الهند , تكسر البيضة في قدر صغير و تخفق قليلاً .
· يضاف الحليب و السكر و الزبدة و يقلب قليلاً ثم يوضع القدر على نار متوسطة و يحرك المزيج باستمرار حتى يسمك و يصبح لونه أشقر فاتح لمدة 15 دقيقة تقريباً .
· يبعد القدر عن النار ثم يضاف جوز الهند و الجوز و يقلب الكل ثم تترك الكريما حتى تبرد .
· يقسم الكاتو بالنصف , يوضع أول نصف على طبق التقديم و يدهن بكريما الجوز و جوز الهند مع ترك القليل من الكريما لتزيين الوجه ثم يغطى بالقسم الثاني من الكاتو .
· يغطى الكاتو بكريما الشوكولا و يزين بالباقي من كريما جوز الهند و يمكن أن تزيين الأطراف بحبات الجوز الكاملة حسب الذوق .
150 غ شوكولا حلوة غامقة German Sweet Chocolate
ثلث كوب حليب
ملعقة صغيرة نسكافيه
كوب و ثلثي كوب طحين حلويات
كوب و ثلث سكر ناعم
ملعقة صغيرة بيكنغ بودر
نصف ملعقة صغيرة بيكربونات الصودا
رشة ملح
اصبع زبدة طرية
ثلثي كوب بتر ميلك
3 بيض
فانيليا
كريما الشوكولا :
100 غ شوكولا بالحليب ( مكعبان كبيران تقريباً )
نصف كوب قشطة
رشة فانيليا
تغطية جوز الهند و الجوز :
بيضة
ربع كوب زبدة
ثلثي كوب سكر
علبة كبيرة حليب مكثف محلى ( 425 غ )
نصف كوب جوز
كوب و ثلث جوز الهند
• يحمى الفرن على درجة حرارة 180 درجة , تدهن صينية فرن بالزبدة و تبطن بورق الزبدة .
• توضع الشوكولا و الحليب على نار هادئة و تحرك حتى تذوب ثم تضاف النسكافيه و يحرك الكل و تترك جانباً حتى تبرد .
• ينخل الطحين مع مع البيكنغ بودر و بيكربونات الصودا و الملح ثم يضاف السكر و يقلب الكل , يضاف مزيج الشوكولا و الزبدة الطرية و البتر ميلك و يخفق الكل على سرعة عالية لمدة 5 دقائق .
• يضاف البيض بيضة بيضة مع الاستمرار بالخفق على سرعة عالية بعد كل إضافة .
• يصب مزيج الكاتو في الصينية المحضرة ثم يخبز في الفرن لمدة 45 دقيقة أو حتى ينضج .
تحضير كريما الشوكولا :
• توضع القشطة على النار و تترك حتى تقارب الغليان من دون أن تغلي .
• تبعد القشطة عن النار و تضاف الشوكولا و الفانيليا و تحرك حتى تذوب كل الشوكولا و تصبح ناعمة أصبحت الكريما جاهزة .
تحضير كريما الجوز و جوز الهند :
• تحضر تغطية الجوز و جوز الهند , تكسر البيضة في قدر صغير و تخفق قليلاً .
• يضاف الحليب و السكر و الزبدة و يقلب قليلاً ثم يوضع القدر على نار متوسطة و يحرك المزيج باستمرار حتى يسمك و يصبح لونه أشقر فاتح لمدة 15 دقيقة تقريباً .
• يبعد القدر عن النار ثم يضاف جوز الهند و الجوز و يقلب الكل ثم تترك الكريما حتى تبرد .
• يقسم الكاتو بالنصف , يوضع أول نصف على طبق التقديم و يدهن بكريما الجوز و جوز الهند مع ترك القليل من الكريما لتزيين الوجه ثم يغطى بالقسم الثاني من الكاتو .
• يغطى الكاتو بكريما الشوكولا و يزين بالباقي من كريما جوز الهند و يمكن أن تزيين الأطراف بحبات الجوز الكاملة حسب الذوق .
الله يسلم هالايدين على هالوصفات الحلوة مو بس شاطرة بالاكلات و ثقافتك عالية كمان ما شاء الله عليكي شكرا ميمو الحلوة بس لو سمحتي كيف مزينة الكريما الشوكولا هيك بالصورة شكلا كتير حلو :p
اذا حطيت الكريما بكيس و عملت فتحة صغيرة من زاوية الكيس وعصرت الكريما بصير هيك؟ :roll
نشالله كون عرفت أشرحلك ئصدي 8)
هلا بدور
التزيين بالكريما بده كيس خاص أو أداة بتشبه المكبس الصغير و بيكون في معهم عدة رؤوس و كل راس بيعطينا شكل جديد ..
متوافر بالمحلات , اسألي عن كيس التزيين بالكريما
اي سؤال تاني أنا تحت أمرك
شكرا كتير على نصايحك رح اسأل عليه نشالله :zzz
يمكن أنا أكتر وحدة بتسأل مو؟
بيئلولي أهلي بالبيت لما بتحكي منحس عشرة عبيحكو سوا ولما بطلع من البيت بحسو البيت فضي لإنو لساني ما بيدخل لحلئي :grin
:grin
يمكن انت أكتر واحدة حابة تتعلمي مو أكتر واحدة بتسألي
الله يخليكم لبعض و يديم ماماتك و باباتك عليك يا رب
السلام عليكم
تسلم إيدكي منى على هالوصفة بس ياترى أديش كمية الزبدة بالغرام لو سمحتي
125 غ , يعني نص الباكيت العادي
هلا منونة
أنا اليوم ساويت هالكاتو بس مانفش ضل متل ماهو ثابت على موقفو صاحب مبدا يعني :grin
هلأ أنا حطيت مزيج الشوكولا على الطحين مباشرة و كان سخن هي أول شغلة ما بعرف إذا كانت هي السبب
كمان كمية السكر كوب و ثلث مالك كاتبة بأي خطوة منحطها فأنا حطيتها مع الحليب و الشوكولا
ممكن يا ترى يكون السبب من كثرة الخفق بس أنا خفقتو 5 دقائق متل ما هو مكتوب
أنا عم أكتب التعليق أجت أمي ع البيت و قالتلي هادا إشو
كنت ناوية أخدو بكرا لرفقاتي في الوظيفة بس ما في نصيب
مع كل يلي صار معي بدي إلك إنو الطعمة طيبة كتير
سلام
منونة نسيت إسألك عن مقاس الصينية لو سمحتي
سلام
هلا سهى
يا شو زعلت و الله حقك علي الغلط اني نسيانة أذكر الشغلتين الي عملتيهم , اول الشي لازم يكون مزيج الشوكولا بارد و تاني شي السكر مع الطحين و ما مندوبه مع الشوكولا :sigh
الصينية اما صينية الكيك العادي أو صينية مدورة بقطر 22 سم
معلش ازرعيها بدقني و الف شكر الك للتنبيه , و هي قصة صامد علبى مبدا فرطتني ضحك :grin
هلا منونة
معليش بدي كمان استفسر منك
هالكاتو صارت قصتو متل باب الحارة أجزاء :grin هلأ إنتي مساويتي لهلكاتو لأني بدي إرجع جربو بس لحتى خلص ريجيمي ورا ورا لحتى يزبط يا أنا يا هو
:zzz
و لا يهمك مشان قصت زرعيها بدقني لما الواحد بيفشل بأي شي بالحقيقة ما بيكون فشل بتكون خبرتو زادت كأني لتيت و عجنت كتير
سلام
لك له يا سهى
شو مجربتو و ما مجربتو , اكيد مجربتو و الا ما كنت استرجيت و ضفته على الموقع , صح :zzz
و لا يهمك و ان شاء الله تساويه و يعجبك
ووووواو ام السوس , شو شي غير شكل و الله طالع شكله تحفة معاك
اي بس انا ما بسدق لدوء :grin
كتير منيح انك عملتي كم تعديل لحتى يطلع على زووءك و خصوصا ان التعديلات كانت بالسكر لان ممكن كتير ناس ما تحبه حلو , عندي لازم يحون الحلو متل القطر لحتى يعجبهم :zzz
يا ترى قصدك بالقشكة قشطة كريما الشوكولا ؟ اذا هيك اكيد ممكن تستبدليها بالكريم فريش و بنفس الكمية
الكورن سيروب متوفل عندنا بكل السوبرماركات الكبيرة و المولات و انا الصراحة بلاقي كل طلباتي اما عند العقاد أو عند كنان , و ممكن استبداله في بعض الوصفات , مو كله بالقطر العادي السميك بس من دون ماء زهر
الرقائق الي ذكرتيها و لا مرة دورت عليها , بس لازم تكون متوفرة
كمان الساور كريم بتلاقيها بنفس المحلات الي ذكرتها فوق أو عند نيو مول , بس الصراحة اذا كانت وصفة حلويات قليل ما استعملها و استبدلها بكاسة من الحليب مع ملعقة عصير ليمون لكل كلسة من الساور كريم :zzz
رح تاخدي جائزة نوبل بس لاحسن تطبيق الصراحة شي بياخد العقل و بيرفع الراس الف هنا و عافية ام السوس و لااا تنسي تاكلي عني شي كم عشر لقمات :grin
السلام عليكم
يارب بسم الله
منونة شو رأيك بهالصورة
[img]http://www11.0zz0.com/thumbs/2009/02/17/12/745239998.jpg[/img]
قلتلك ورا ورا ليزبط بس تعرفي بالنسبة لكريما الشوكولا حطيت الحليب و الشوكولا مع بعض ع المايكروويف 30 ثانية و هيك صارو مناح و ما بتنطري وقت طويل ليبردو يادوب 4-5 دقائق و بتستعمليهم كمان بالحشوة حذفت كمية السكر و طلعت حلاوتها كويسة من حليب النسلة و بدال ما حط بقلبها جوز عفتو للزينة بس الخلاصة كاتو فاخر للمناسبات الخاصة مع إنو ما كان عندي مناسبة خاصة بس بشجع الأخوات يجربو ما بيندمو
هلأ إلك عندي كومة أسئلة
س1 ممكن نستبدل القشطة بالكريما بكريما فرش و إذا كان ممكن أديش الكمية
س2 في و صفات على قنات فتافيت للشيفات الأجانب سهلة كتير بس المشكلة بيستعملو شي إسمو corn syrup فيا ترى بتعرفي إذا عنا منو أو ممكن نستبدلو بشي تاني عم فكر ببديل متل العسل
س3 في نوع رقائق شوكولا بتنحط للكاتو و البيتي فور إسمها semi-sweet chocolate طبعا هي غير الفر ماسيه بتعرفي إذا بلاقي منها بسورية
س4 مرة حطيتي وصفة فيها ساور كريم يا ترى منين منجيبو
بدي أخد جائزة نوبل لأطول تعليق الله يعينك :grin
سلام
هلأ ياستي انا اول مرة بشوف كاتو من كاتويات بينحط البيض بعد الطحين هو هيك صح ولا انا هيك فهمت ؟؟ :zzz
طيب قديش كمية الزبدة بالغرام :zzz
هلا رنونة
الي بيعيش كتير بيشوف كتير :grin و انت فهمت صح و الزبدة كميتها 100 غ , اي سؤال تاني من عيوني
بدي جربه كل غراضه عندي بس هادا عمو سام جيرمان مااظن رح يعرف جوزي يجيبه بنوووب :upset لذلك رح حط شوكولا غامقة بس تكون حلوة
ماشاء الله وصفة رائعة جداا
هلا رنونة
مو ضرورية الشوكولا , انا ذكرتها بس لحتى تشوفوا الوصفة الاصلية و خلي عمو سام نايم بتخته هلا :grin
ان شاء الله تجربيها و تعجبك و انا بانتظار رايك
هلا جوجو
ان شاء الله تجربيها و تكون على زووءك أختي و اشوف صورة لتطبيقك
صباح الخير منوش
يوم الجمعة كان عندي عزيمة و عملت كاتو الشوكولا الألماني و كتير عجب الجماهير و فكروه كاتو جاهز.
بس أنا حسيت إنو ما نفش كتير و بالنص كان معجن شي بسيط مع إني تقيدت بالوصفة و تفاديت الأخطاء اللي صارت مع سها ، هو أكيد بعد ما قسمته و حشيته بالحشوة الخطيرة اللي أخدت عقل الكل ما بين التعجين بس حابة بالمرة الجاي يكون كل شي تمام و على أصوله ( متل شعار موقعنا).
بقى يا ترى شو ممكن تكون المشكلة ؟؟؟
بس منى بيني و بينك ، ضيوفي كانوا جابين معهن نوعين كاتو جاهز و من كافيه معتبر كتير عندنا بس ما صار عليهن إقبال متل هالكاتو و فطيرة التفاح تبعت سهى اللي عملتها كمان بالعزيمة ( اتذكرت ، لازم روح اتشكرها على هالفطيرة الرائعة)
:zzz
يعنى عنجديا منى ، الله يوفقك و يديم عليك الصحة و العافية و يهنيك بعيلتك وأولادك على قد ما بتفيدينا و بتساعدينا.
ميوسة ممكن تكوني طالعتيه قبل ما يستوي تمام ؟
لان الكيك رح يكون نافش و اخر حلاوة , بكل الاحوال الف هنا و صحة على البك و الب الضيوف واحد واحد و منيح انه عجبهن
خليلي عينك على الدعوات الكريمة , ان شاء الله الك متلها و احسن يا حق :zzz
ما بظن الشغلة بالخبز لإنو ضل بالفرن شي ساعة
الله أعلم الشغلة إلها علاقة بالخبز.
على كل حال الكاتو يعاد جدا لإنو طعمة الشوكولا مع النسكافيه و حشوة جوز الهند كانت سيمفونية.
:zzz
تسلمي لي يا منى .
هنا و الف عافية يا رب , طيب يمكن من طريقة خلط المقادير . يا ترى خليتي مزيج الشوكولا يبرد شوي قبل ما تضيفيه :roll
السلام عليكن اختي منى بتشكرك كتيررررر على هل موقع الاكثر من رائع وتسلم ايديكي …
انا عم تواجهني مشكلة معظم وصفات الكاتو فيون قشطا وانا عايشة بفرانسا ماعرف كيف بدي لاقيا وهون في منتاجات كتيررر بس قشطا مااعتقد انو موجود ف لو سمحتي فيني استبدل القشطة باي شي تاني وشكرا كتيررر الك