براونيز بكريما الخمس دقايق السرية· تقشر المانجا و تنزع بذورها ثم تفرم ناعماً جداً أو تهرس بالخلاط ,الكمية يجب أن تكون كوب و نصف من المانجا المهروسة .
· ترش المانجا ببيكربونات الصودا و تترك جانباً حتى إعداد مزيج الكيك , يحمى الفرن على 180 درجة مئوية و يدهن قالب كيك بالزبدة .
· تخفق الزبدة و السكر حتى الحصول على مزيج يشبه الكريما , تضاف البيضة و يخفق الكل مع كشط الجوانب عدة مرات أثناء الخفق .
· تضاف بيورييه المانجا و تخفق مع باقي المقادير حتى تمتزج معها جيداً .
· ينخل الطحين مع البهارات و البيكنغ بودر ثم يضاف لمزيج الزبدة و المانجا و يقلب الكل حتى الحصل على مزيج كئيف نوعا ما .
· أخيراً تضاف المكسرات و يقلب الكل بلطف ثم يصب المزيج في القالب المدهون و يخبز في الفرن لمدة ساعة تقريباً أو حتى ينضج .
· للحصول على أفضل طعم يغلف القالب بعد أن يبرد تماماً بورق بلاستيك بشكل محكم و يترك لليوم التالي كي تتمازج نكهات البهارات ثم يقطع لشرائح و يدهن بالزبدة أو بالكريما البيضاء و يزين بشريحة من المانجا ثم يقدم .
4 حبة مانجا طرية و ناضجة ( الفاكهة الظاهرة بالصورة )
نصف ملعقة صغيرة بيكربونات الصودا
نصف باكيت زبدة ( 115 غ )
كوب سكر ناعم
بيضة بدرجة حرارة الغرفة
2 كوب طحين
2 ملعقة صغيرة بيكنغ بودر
ملعقة صغيرة قرفة
نصف ملعقة صغيرة جوزة الطيب
نصف ملعقة صغيرة قرنفل
نصف كوب جوز مكسر أو أي نوع مكسرات أخر حسب الرغبة
للتقديم :
كريما بيضاء مخفوقة مع القليل من الفانيليا أو زبدة طرية
شرائح من المانجا
• تقشر المانجا و تنزع بذورها ثم تفرم ناعماً جداً أو تهرس بالخلاط ,الكمية يجب أن تكون كوب و نصف من المانجا المهروسة .
• ترش المانجا ببيكربونات الصودا و تترك جانباً حتى إعداد مزيج الكيك , يحمى الفرن على 180 درجة مئوية و يدهن قالب كيك بالزبدة .
• تخفق الزبدة و السكر حتى الحصول على مزيج يشبه الكريما , تضاف البيضة و يخفق الكل مع كشط الجوانب عدة مرات أثناء الخفق .
• تضاف بيورييه المانجا و تخفق مع باقي المقادير حتى تمتزج معها جيداً .
• ينخل الطحين مع البهارات و البيكنغ بودر ثم يضاف لمزيج الزبدة و المانجا و يقلب الكل حتى الحصل على مزيج كئيف نوعا ما .
• أخيراً تضاف المكسرات و يقلب الكل بلطف ثم يصب المزيج في القالب المدهون و يخبز في الفرن لمدة ساعة تقريباً أو حتى ينضج .
• للحصول على أفضل طعم يغلف القالب بعد أن يبرد تماماً بورق بلاستيك بشكل محكم و يترك لليوم التالي كي تتمازج نكهات البهارات ثم يقطع لشرائح و يدهن بالزبدة أو بالكريما البيضاء و يزين بشريحة من المانجا ثم يقدم .
ماشالله شي بيشهي .
بالفعل بلبنان منسمي خرمة وكاكي بس مانجا هو نوع تاني .
وصفة جديدة وحلوة أختي منى.
المانجا هو الاسم اللذي يطلق على هذه الفاكهة في سوريا،وفي دول أخرى كدول الخليج يسمونها
(الكاكا)،وإسمها الحقيقي(البرسيمونKaki Persimmon ).
لا تواخذيني إذا تفلسفت كتير،بس من حرقة قلبي لما بيضحكوا علي بسوريا إذا قلتلهن هي اسمها كاكا مو مانجا.
ما شاء الله يا منى كتيرعجبتني الفكرة رح جربو أكيد بإذن الله أنا كمان من عشاق المنغا عا فكرة بالشام منقللا درابزين خرماسي بسبيني وبينك أنا ما بحب المقادير الصغيرة لهيكرح دوبل المقدار و جربو ادعيلي
هلا رينو
معك حق هو المقدار شو صغير , بس انا عكسك بحب أعمل مقدار صغير لحتى اذا ما حبته عيلتي ما اكون اتورطت
هي أول مرة أعرف ان هل المانجا هيك اسمها في الشام
ان شاء الله عم استنى رايك بعد ما تجربيه 8)
هلا ام نور
بالفعل أختي المانجا الحقيقية شي مختلف تماما عن هل المانجا بس هي هيك معروفة عندنا :zzz
هلا إيمان
بالعكس ايمان هي معلومات كتير مفيدة …
صعب انك تقعني الناس و خصوصا الكبارية منهم أن تغير اسم شي بتعرفه طول عمرها
ان شاء الله تجربي الكاتو و يعجبك
سلام عليكم
اخت منى هالكاتو ممكن يطلع طيب بدون جوز الطيب والقرنفل يعني اذا نفذت كل الخطوات المذكورة باستثناء هالنوعاين من البهار لعدم وجودون عندي بيمشي الحال ولا بيصير شي تاني
هلا ام نور
أكيد بيصير اختي , فيك تحضريه حسب المتوفر عندك
السلام عليكم انا ام مجد وعايشة بالصين ومن اصل سوري ومن ضواحي الشام انا انضميت لموقعكم الجميل واللي تعلمت منوا وصفات حلو كتير متل التوفي الدهبي وكاتوا التفاح وكرات جوز الهند وبحب اعمل كل اكلات الحلو بس المشكلة انوا عنا بالصين مافي كل طلبات للوصفة اللي بدك تعمليها بس رغم هيك بغامر سورى طولت عليكم بالحديث وانا بتمنى اني كون ضيفة عزيزة وغالية عليكم واخت منى انا كتير بتعجبني وصفاتك الشهية وشكرا لمجهودك كتير وهي الوصفة انشالله بجربها وبردلك خبر عن قريب تقبلوا تحياتي
مرحبا منوش
بتعرفي أول شي لما وصلت بالقراءة لعند رد الاخت ام المجد وحياة الله إني فرحت.. حسيت إنو موقعك متل شي كافيه زغيرة أو صالون وعم تجمعينا من كل اصقاع الارض متل ما بيقولوا.. شو بدك أكتر من هيك.. واصل صيتك للصين 8)
المهم… أنا كنت ناوية جرب وبعدين رد.. بس ما قدرت ما عبر عن سعادتي بإنو عم تلمينا عندك بكل حميمية
أنا بعرف إنو بالشام منسميها خرمة أو كاكي واصطلاحاً لدى الباعة وخاصة الجوالين مانجا “بسبب عدم توفر المانجا الحقيقية بكثرة في بلدنا.. كما هو الحال مع الاناناس.. لذلك في بعض الاحيان يطلقون على البطيخ الاصفر أو الشمام اسم الاناناس”
شلوني معك بتحليلات علم النفس الاجتماعي؟ :grin
بس حبيت قول أخيرا إنو اسم هي الفاكهة بالانكليزي ٍ Sharon Fruit احتمال هيك تسهل معرفة الفاكهة على الاخوات يلي بأوروبا أو من أصل غير سوري.
سلام يا قمر
هلا دالو حبيبتي
خليلي عينك دالو و الله بحس المحبة بين كلماتك دايما , و الله القلب على القلب
أكيد هادا هو السبب لان بيسمموا اشيا متوفرة عندنا باشيامو متوفر , بس شو رايك لو صار العكس , يعني مرة البنات عندي عم يتصفحوا كتاب الشيف رمزي و وصلوا لوصفة مربى الخرمة و قالولي نيالهم يا ماما بلبنان عندهم خرمة بيعملوا فيها هل المربى الي بيشهي :grin
تعي بقى اقنعيهم ان الخرمة هي المنجا الي عندنا :zzz
الف شكر الك للمعلومة , و كمان في اسم تاني للخرمة بس هلا رااح عن بالي و اتوقع انه بيفرق حسب النوع , قصدي الاسم
يلا بانتظار رايك و ان شاء الله تعجبك دالو حبيبتي
و عليك أفضل السلام وأتم التسليم أختي ام المجد
نور الموقع أختي بانضمام أخت جديدة و غالية , و الحمد لله ان جربت وصفات من الموقع و عجبوك و ان شاء اله تجربي هل الوصفة كمان و تكون على زووءك
هي مشكلة صعبة لما تحبي تجربي الوصفة و ما تقدري تلاقي مقاديرها, كمان بالصين عندك مكونات غريبة ممكن تستفيدي منها و تعلي تجديد لمطبخك
كتير انبسطت بردك أختي و مرة تانية مية أهلا و سهلا فيك
السلام عليكم ورحمة اله وبركاته
ننقل اليكم ما يجري من قلب الاحداث من المطبخ لحد هلق كللو تمام والريحة بالمطبخ بتشهي زكرنتي بريحة الكرابيج والمعمول
عشر دقايق وبطلع القالب من الفرن شكلو كتير حلو وغمق لحالو مابعرف السبب؟؟؟؟
بس حبيت قلك شغلة ست منى انا مرة جربت طريقة كيكة الموز بالمكرويف وحبيت نكهة الزنجبيل فيها
قمت اليوم اجتهاد شخصي مني حطيت شي ربع ملقعة زنجبيل بهالكيكة بقا الله يستر
والمنغا ماقشرتو (قليلة مروة) حطيتو بالخلاط وخفقتو وحطيت منو للكيكة شي كوبين وربع بس عندي الكوب صغير شوي
هلق رح طلع الكيكة وخليها تبرد ولفا بالنايلون لبكرا ان شا الله بردلكن خبر
سلام
8)
مرحبا
اليوم دقنا الكيكة وطلعت كتيرررررررر طيبة ونكهتا كتير ذكية بس المانغا ما كتير واضح متل البهارات بس اجمالا طبية كتير وغيرنا شكل عن السادة والشوكولا
وقريبا ان شا الله رح جرب الكاتو الرخامي
هلا اسراء
لا الخرما ما رح تكون واضحة فيها , بس رح تعطيها طراوة و نداوة غير شكل :zzz
اكيد الزنجبيل بيطلع فيها طيب , الف صحة و هنا يا رب