كاتو الموزاييك


         وصفة : منى                 2007/04/21                 52 تعليقات
كاتو الموزاييك

·          يذوب الكاكاو بالحليب البارد ثم تضاف السكر و النسكافيه و يوضع المزيج على نار هادئة و يحرك الكل حتى يغلي المزيج و يذوب السكر و الكاكاو  .

·          يبعد المزيج عن النار ثم تضاف الزبدة و تحرك حتى تذوب ثم يترك جانباً حتى يبرد لمدة 5 – 10 دقائق  .

·          يكسر نصف البسكويت داخل الصلصة و يحرك ثم يضاف باقي البسكويت و يقلب حتى يتغطي كل البسكويت بكريما الشوكولا .

·          يغلف قالب كيك صغير بورقة ألمنيوم أو نايلون ثم يسكب المزيج عليها و يضغط بلطف حتى لا يبقى فراغات داخل الكاتو و لكي يأخذ الكاتو شكل القالب .

·          يوضع الكاتو في قسم التجميد م البراد  مدة 6 ساعات حتى يجمد .

·          يخرج الكاتو من القالب و يرشي بحبيبات الشوكولا ثم يقطع لقطع متساوية و يقدم مثلجاً .

·          يمكن تغليف القالب بشوكولا مذوبة , تذوب الشوكولا على حمام مائي ثم تدهن على القالب و بعد أن تبرد يقطع القالب لقطع متساوية و يقدم .

تنويعات و اضافات :

·          يمكن عمل كاتو الموزاييك بنكهة البهارات و ذلك باضافة ملعقة صغيرة قرفة و نصف ملعقة صغيرة قرنفل و ربع ملعقة صغيرة جوزة الطيب .

·          يمكن اضافة بضع قطع من مريى البرتقال لاضقاء نكهة جديدة و لذيذة .     



كوب و ربع حليب
ثلاث أرباع كوب سكر
نصف باكيت زبدة
2 ملعقة كبيرة كاكاو
ملعقة كبيرة نسكافيه ( اختياري )
4 علب بسكويت سادة بوزن 100 غ للعلبة الواحدة

للتزيين :
حبيبات شوكولا ( فارماسيه )




• يذوب الكاكاو بالحليب البارد ثم تضاف السكر و النسكافيه و يوضع المزيج على نار هادئة و يحرك الكل حتى يغلي المزيج و يذوب السكر و الكاكاو .

• يبعد المزيج عن النار ثم تضاف الزبدة و تحرك حتى تذوب ثم يترك جانباً حتى يبرد لمدة 5 - 10 دقائق .

• يكسر نصف البسكويت داخل الصلصة و يحرك ثم يضاف باقي البسكويت و يقلب حتى يتغطي كل البسكويت بكريما الشوكولا .

• يغلف قالب كيك صغير بورقة ألمنيوم أو نايلون ثم يسكب المزيج عليها و يضغط بلطف حتى لا يبقى فراغات داخل الكاتو و لكي يأخذ الكاتو شكل القالب .

• يوضع الكاتو في قسم التجميد م البراد مدة 6 ساعات حتى يجمد .

• يخرج الكاتو من القالب و يرشي بحبيبات الشوكولا ثم يقطع لقطع متساوية و يقدم مثلجاً .

• يمكن تغليف القالب بشوكولا مذوبة , تذوب الشوكولا على حمام مائي ثم تدهن على القالب و بعد أن تبرد يقطع القالب لقطع متساوية و يقدم .


تنويعات و اضافات :

• يمكن عمل كاتو الموزاييك بنكهة البهارات و ذلك باضافة ملعقة صغيرة قرفة و نصف ملعقة صغيرة قرنفل و ربع ملعقة صغيرة جوزة الطيب .

• يمكن اضافة بضع قطع من مريى البرتقال لاضقاء نكهة جديدة و لذيذة .
  • وصفات تانية ممكن تعجبك


التعليقات

  1. نورا 1 December 2007

    سلامات يا منى والله يعطيكي العافية يا رب… على ذكر مربى البرتقال جوزي كتير حكالي على مربى برتقال سته الله يرحمها واللي ما حدا بيقدر يعمل متله ولا حتى حماتي (هي ما بتعرف تعمله اصلاً).. المهم انا كتير مشتهية أعرف اعمله كرمال عينه فالله يخليكي إذا بتعرفي شي عن طريقة صنعه تنوريني بيها ولك جزيل الشكر… كمان شغلة: عندي خلطة جاهزة في ظروفة منفصلة وهي خلطة سويت آند ساور.. جبتها معي من الإمارات لان هونيك كتير بيستعملوها في الاكلات الشرق أسيوية وخصوصاً الدجاج الصيني.. ودورت على النت على طريقة سهلة ولم اجد فإذا عندك معلومات عنه بكون شاكرة (قبل ما تخلص مدتهم وما استفيد منهم)
    وشغلة اخيرة: عندي طرق لاكلات طيبة وحلويات كمان فكيف بقدر اعطيكي ياهم.. أبعث إيميل ولا كيف؟؟؟ وآسفة انه طولت عليكي.. ومشكورة مرة تانية

  2. منى 2 December 2007

    مية اهلا و سهلا نورا :)

    من عيوني التنتين , بس في مربى البرتقال و مربى قشور البرتقال , يا ترى ايا واحد حابة تعرفي ؟

    في وصفة جاهزة في الموقع فيك تشوفيها [URL=http://www.l2ma.com/content/view/145/2/]على هل الرابط[/URL]

    هلا وصفة السويت أند ساور ما عندي فكرة نورا , يعني ممكن أدور لك على وصفة , بس انا مو مجربة :roll

    شفت وصفة باستخدام الصلصات الجاهزة على [URL=http://www.lakii.com/cookportal/index.php?doWhat=showcook&cookid=1984]هل الرابط[/URL]
    ما بعرف إذا ممكن تساعدك

    يا عيني عليك نورا :)
    لو تبعتيلي الوصفات بكون ليك ممنونة , فيك تبعتيهم بأي تعليق و أنا رح اضيفهم باسمك :)

    ألف شكر ليك يا عسل ;)

  3. ام نور 31 December 2007

    سلم هالديات هالوصفة عم دور عليا من زمان وخطرلي ممكن نزيد مع البسكويت مكسرات محمصة وزبيب بيصير مهيك :? اكيد حسب زوء ست البيت وتوفر المواد :)

  4. ام نور 31 December 2007

    الحلو بهل قالب ممكن ينعمل ويبقى بالثلاجة لا وقت التقديم ما بيهمو رح جربو انشالله بس رح ضيف مكسرات محمصة وزبيب وقلكون النتيجة :)

  5. منى 1 January 2008

    أكيد فيك تضيفي أي شي على زوءك و انا كتير بحضره ضعف الكمية منه و بحطه بالفريزر لحتى إذا جى ضيوف فجأة أكون جااهزة

    بس ابني الله يخليه بس ما اكتشفه ما بيخلي منه شي :grin كتير كتير بيحبه

    عم استنى رايك ان نور :)

  6. omtasneem 21 January 2008

    :grin السلام عليكم ورحمةالله وبركاته شو هل الكاتو الموزاييك شي كتيرطيب وخصوصي مع النسكافيه الصبح استفسار لو سمحتي الكاتوهاد مو متل السوكسيه اوغير وشي تاني لما اطالع الكاتو من الفريزا تدوب بسرعة شو السبب ويجزيك الخير

  7. منى 21 January 2008

    تمام أختي هادا الكاتو هو الي نعرفه عندنا بحلب باسم سوكسيه , بس السوكسيه الحقيقي غير شي لهيك ما قدرت سمي الوصفة بهل الاسم ;)

    هو طيابته انك تاكليه من الفريزر على طول متل كاتو جلاس :)

  8. سارونات 19 August 2008

    السلام عليكم و رحمة الله و بركاته
    عقد ما عاجبني اسمو و عاجيني شكلوو مكوناتو بس لانو بيطلع جامدانا مترددة ساويه ما عم اقدر اتخيل طعمتو و هو جامد يعني هو راح يفرط ازا حطيناه بالبراد صح عن جد بدي جربو خصوصا بهالصيف الحار و بدي ياكي تشجعيني :cry و كمان قوليلي انت كيف بتقدميه يعني لحالو او مع عصير او شاي او قهوة لان راح يدوب من حرارة الجو و لازم يتاكل بسرعة
    بالتوفيق
    سلام

  9. منى 20 August 2008

    بتعرفي هل الكيك من حلويات اولادي المفضلة , و من يومميين ابني الي عمره 9 سنين علمته اياه و حضره لحاله من الالف الى الياء بس تحت عيوني طبعاً ;)

    مو محتاج تشجيع , اذا جربتيه و ما عجبك علي اراضيكي

    بتضيفيه متل ما بتحبي , مع شاي أو عصير أو حتى لوحده و خصوصا لعشاق الشوكولا

    إذا تركتيه بالبراد رح يصير طري , كيف الزبدة اما بتخليها برة البراد :zzz

  10. سارونات 20 August 2008

    السلام عليكم و رحمة الله و بركاته
    تسلمي و يسلمولي ولاد اختي ما شاء الله عليهم ربنا يحفظهم لك و يوفقهم يا رب
    ما دام ابن اختي جربافعيب خالتو ما تجربا و الله راح يضحك علي هو و اخواتو مع اني راح افرح لما الضحكة تنور وجوهن بس خليهاتكون لما يضبط الكاتو و يطلع طيب ساعتا كلنا راح نضحك و نفرح ان شاء الله و الله يديم الضحكة على وجوهن يا رب
    سؤالين بس الاول كيف منكسر البسكويت يعني قطع زغيرة او كبيرة يعني حبة البسكويت منقسما لكم قطعة و القالب هل هو قالب التوست و ازا هو فقديش طوله و عرضه و هل لازم قالب توست او بينفع بقالب دائري او مستطيل عريض
    بالتوفيق
    سلام
    و ان شاء الله باول فرصة راح اشتري بسكويت و جربو

  11. souha 26 September 2008

    السلام عليكم
    كيفك منى أنا اشتركت جديد بالمقوقع و حابة شارك معكن بوصفات من عندي حتى تعم الفائدة بس المشكلة يا روحي إنو أنا مو كتير شطورة باللإنترنت و بتمنى إنك تساعديني و خاصةإذا كنت بدي أرسلك صور للوصفات :) بشكرك كتير[EMAIL]null[/EMAIL]

  12. منى 26 September 2008

    مية هلا سها , نورتي و مشكورة على الوصفات مسبقاً , الوصفات ممكن ترسليهم متل ما عملتي بهدا الرد أما الصور ممكن تحمليهم على مواقع تحميل الصور متل
    http://www.0zz0.com/

    بانتظار مشاركتك اختي

  13. summer 5 December 2008

    عزيزتي منى :
    أعجبتني جميع أكلاتك و أحاول تجربتهاكلها
    لكن أنت قلت أن هناك 500 وصفة و أنا لا أجد سوى 241 وصفة , فكيف أتمكن من رؤية ال500 وصفة.
    مع خالص اعجابي و تقديري لك

  14. منى 5 December 2008

    هلا سمر :)
    مية اهلا و سهلا صار الي فترة بشوفك بين المتصفحين بس من دون ردود , مية اهلا و سهلا ;)
    الوصفات هلا صاتروا 535 وصفة و ممكن تشوفيهم عادي بالاقسام المتنوعة تحت السلطة و الشوربة و الحلويات و غيره و غيراته

    مية هلا اختي و ان شاء الله تجربي شي وصفة و تكون على زووءك :)

  15. summer 9 December 2008

    أخت منى : ان شاء الله تكوني بخير
    حبيت أعرف قديش كمية الزبدة بالغرام لوسمحت وشكرا الك كتير
    :grin

  16. منى 9 December 2008

    مية هلا سمر :)
    الزبدة 100 غ , و اي سؤال تاني انا بالخدمة

  17. زين 20 June 2009

    صباح الخير بدي اسال بقدر استعمل الشورتنغ بدل الزبدة والف شكر :?

  18. منى 20 June 2009

    هلا زين :)
    لا اختي ما فيك لان الزبدة مهمة كتير للطعمة وحتى لازم تستعملي زبدة معتبرة ;)

  19. الحنونة 11 July 2009

    اختي منى ،،،،،
    هاي مو رد عالموضوع هاي رسالة لألك
    صح انو انا ما بشارك كتير بالموقع بس بضل عطول متابعة لأنو ما بكون فاضية عطول مشان الدراسة وجربت بعض الاشياء وكتير كتير بشكرك على مواضيعك الحلوة والمتميزة كمان
    وهلا بدي قول على الفكرة اللي خطرت ببالي امبارح
    وهي انو تعملي( بعد إذنك يعني ) قسم في الموقع للبنات الصغار للي هلا دخلوا عالمطبخ
    مثلا تكون الاكلة مافيها استخدام النار أو الاشياء الحادة أو الخطرة علها
    أو تكون موجودة بس مو بشكل اساسي . حتى الجيليه او الحلويات السهلة للي البنوتة الصغيرة بتعملها بسرعة ومن غير ما مامتها تخاف عليها وبنفس الوقت البنوتة الصغيرة بتكون كتير فرحانة او عملت شي وبنعكس عليها لما تكبر انو بتصير تحب المطبخ اكتر واكتر
    تحياتي ،،،،،،،،،،،، سوسن

  20. منى 12 July 2009

    هلا سوسن :)
    يا ستي نورتي و شرفت و الشكر الك لتجربتك وصفاتك و ثقتك في .

    اقتراح ممتاز , ان شاء الله رح ابدا بتنفيذه قريب , و خصوصا ان في قسم كبير من البنوتات بيحبوا يفوتوا المطبخ و يحققوا شي لوحدهم :)

    هلا يا ترى انت قصدك ان ما بدك انشر الرد ؟ اذا هيك خبريني لحتى نفذ طلبك :)

  21. الحنونة 13 July 2009

    لأ بس كان قصدي انو هاي رسالة لإلك مشان تقرئيها ومافي مانع انو تنشريها
    وشكرا :)

  22. منى 13 July 2009

    :)

  23. سارونات 4 October 2009

    السلام عليكم و رحمة الله و بركاته

    منووش جربت الوصفة اليوم و هي هلا بالبراد و شو راح تضحكي على اللي صار معي هلأ انا عندي بسكويت بس مستعملته من قبل و رميت اغلب الغلاف لهيك ما كان فيني قيس قديش الوزن و ما عندي ميزان بقى قمت هيك فكر و خمن و قلت هاي بتكون 100 غرام )) قليل كتير )) بس انا قلت لحالي لن استسلم شو هاد كل ما بدي ساويهايصير شي هالمرة راح ساويها مهما صار :grin بقى ساويتها بس شو طلعت كمية البسكويت اكتر من مئة غرام فصرت قول لو كنت بعرف هيك كنت ساويت كمية اكبر المهم الوصفة بالثلاجة و حطيت فيها نسكافيه و عن جد بتعرف الطعغمة متل ما قلت انا دقت اللي ظل بالملعقة و طعمته كتير طيبة
    حسيت كأن قطعت البسكويت لقطع كتير صغيرة لان لما خلطته مع المزيج صار تقريبا مو مبين هلأ بشوف اذا ما بين راح قطعه لقطع كبيرة المرة الجاية و اكيد ناطرة شوف كيف طلعت تحتى خبرك

    بالتوفيق

    سلام

  24. سارونات 5 October 2009

    السلام عليكم و رحمة الله و بركاته

    شو هاد يا منووووش عن جد شي كتييير طيب انا لان قطعت البسكويت قطع صغيرة اتمزج مع المزيج و طلع بيدوب بالفم و بيجنن و المرة الجاية راحح خليه قطع كبيرة مشان يصير موزاييك و هيك صارو عندي نوعين من نوع واحد يعني فيني حضره بشكلين مختلفين واحد موزاييك و التاني مو موزاييك :grin
    بس بدي قلل كمية الزبدة شوية و راح تكون وصفة مميزة و بتعرف الراس بايام الشوب

    جازاك الله خيرا منووش

    بالتوفيق

    سلام

  25. منى 5 October 2009

    هنا و الف صحة سارونات , و اناصار معي متلك لما حضرتها اول مرة , البسكويت تقريبا ما بين , بس بعدها عرفت السر و صرت كبرها اكتر , للبسكويتة يعني :grin

    كتير انبسطت انها عجبتك سارونات , بالهنا و ان شاء الله ما تكوني نسيتي تاكلي عني كم لقمة , مع كاسة شاي او فنجان قهوة , ما تنسي حصتي :zzz

  26. gsm 6 October 2009

    سلام عليكم منوشة كتيير متحمسة لأعمل هي الوصفة بس يا ترى شو الفرق بينها وبين سوكسيه الشوكولاه ؟

  27. منى 7 October 2009

    ما في فرق :)

    هي الوصفة عروفة عنا بالسوكسيه , بس السوكسية الحقيقي غير وصفة لهيك ما نزلتها بالاسم المعروف عنا بحلب ;)

  28. منال 9 October 2009

    مرحبا منى اليوم عندي نشاط زايد مشان هيك عم علق وشارك على كل وصفه بتعرفي انا بساويها بنفس الطريقه بس بضيف قطع شوكولا ساده بتطلع طعمتها كتير اركز من كاكاو على الحل واحيانا لما بيكون عندي موز ناضج زياده بهرسه واضيفه بيطلع طعمه كتير طيب دوقي وادعيلي وسلام :zzz

  29. منى 9 October 2009

    و الله منولة فكرة بتاخد العقل , اكيد بالشوكولا رح يطلع اطيب منالكاكاو , يعني كيف ما خطرتلي !!

    الف شكر للاضافة و ان شاء الله لما رح اعملها المرة التانية رح الطش فكرتك :grin

  30. مريوم 2 November 2009

    hi mona .
    iam doing this recipe but i feel that the milk is very liquid not thick. is that correct.
    i will not pput the chocolate over the buscuits unitl you answer me.
    thank you. :sigh

  31. منى 2 November 2009

    اي حبيبتي الحليب ما رح يسمك ابدا , و انتي بعدها رح تحطيه بالفريزر مو بالبراد لهيك رح يمسك و يصير يممم :zzz

  32. مريوم 3 November 2009

    i made it and it was verry yummmmy.
    and i taste the chocolate in all the steps: bofore freezing and between and after freezing :grin
    so yummy. i like it.
    thanks ya ahla mona :zzz :zzz

  33. ام جنى عبيدات 5 December 2009

    يعني انا من لما عملت تسجيل لهالموقع ما عم بئدر اوقف كتابه :p
    هاي الكيكه بنسميها بالاردن ليزي كيك .. ومن لما اتزوجت وسافرت وانا بحاول اتزكرها بس ماكانت تطلع معي… بجد يسلمو ايديكي يا منى :)

  34. larooo 24 March 2010

    أنا حزينة كتير منى :sigh
    جربت الوصفة من يومين ..وطعمتها كتير طيبة
    خاصة من النسكافيه غير شكل
    بس كان عندي مشكلة انو لما طلع من الفريزر كان
    كتييييييير قاسي وماخرج ينقص بالسكين  :eek
    تركته شوي قام بلش اللي من برا يدوب ويصير سائل
    واللي جوا لسى يدوووب صار ينقسم معي :cry
    مابعرف وين الغلط ؟؟معقول من الفريزر المعفن اللي عندي ؟؟ :? ..وحاولت حط المقادير متل ماهي
    وانا كتييير بحب هي الاكلة ..أرجو من العزيزة منى تقديم المساعدة للحزينة انا :grin

  35. منى 27 March 2010

    سلام مريوم :)
    الف الف صحة و هنا و عافية يا رب بكل مرحلة بمرحلتهاااا :grin

    يمم جوعتيني

  36. منى 27 March 2010

    هلا ام جنى :)
    اي كتير الها اسما هل الكيكة , منهم كمان بيسموها كاتو التلاجة , المهم كل الطرق بتدوي على الطاحون :zzz

    ان شاء الله تجربيها و تكون على زووءك ;)

  37. منى 27 March 2010

    هلا لارا الحزينة :roll

    اول الشي بدي شوفك عم تبتسمي لحتى ااقدر حاكيكي , ما بقدر احكي معك وانت بهل الحالة

    :)

    اكتر

    :)

    مممم ,
    كمان اكتر

    :grin

    هلا تمام

    ما كتير عم يخطر ببالي اسباب للمشكلة , الشي الوحيد هو انك حطيتيه في الديب فريزر و الاحسن انك تحطيه في الفريزر الي فوق البراد , هادا بيعطيه برودة منيحة كتير من دون ما يجمده ;)

    على كل ممكن تحضري الوصفة المرة التانية بكوب حليب لحتى نحل مشكلتك , ان شاء الله بتزبط احسن هيك

  38. laimuna 16 May 2010

    يسلمو ايديكي منى على هالحلى اللذيذ انا كتيييير بحبه وبضيف حليب نسله بس طبعابخفف السكر .. حليب نسله بيعطيه طعمة طيبة وقوام ظريف يعني ما بيدوب بالسرعة اللي بيدوب فيها من دونه ..يعطيكي الف عافية

  39. منى 16 May 2010

    ان شاء الله بجرب طريقتك المرة التانية :)

    شكرا كتير للاضافة :zzz

  40. hajar 16 May 2010

    يممممممممممم ولا الذ ولا اسهل من هيك كيك كتير طيب جربته كتيررررررررر وكل مرة بتذكرك بقطعة وباكلها عنك :grin ميرسي يا قمر

  41. منى 17 May 2010

    الف هنا و صحة على البك و البي :grin

    انبسطت كتير لان جربتيه و عجبك , عوافي يا حق

  42. نيسو 6 September 2010

    مرحبا
    انا عضوة جديدة
    جربت هالوصفة طلعت طيبة بس معجنة عجب من البسكويت :? مع اني اتبعت الطريقة نفسها…أنا سمعت الحليب بخليها تعجن ولاشلون :?
    شكرا الك

  43. منى 6 September 2010

    معجن لان يمكن ما خليتي الصوص يبرد قبل ما تضيفي البسكويت

    لا الحليب ما بيخليه معجن , بس بكل الاحوال هو مو نافش متل ايا كيك عادي ;)

  44. نيسو 7 September 2010

    لاوالله يامنى خليته يبرد حتى أكتر من عشر دقايق…
    يلا مومشكلة بجربه غير مرة وبشوف بركي بيظبط معي.
    اليوم ساويت الكاسترد بس لسا مادقته بس دقت الي كان بقيان بالطنجرة رووووووعة يسلم هالايدين الحلوين حبيبتي :zzz

  45. منى 7 September 2010

    الله يسلمك , ان شاء الله المرة التانية بيطلع على زوءك
    على فكرة اذا مو مقتنعة بالحليب فيك تحضري الوصفة بالكريم فريش , بس ما تخليها تغلي على النار ;)

    صحتين و الف عافية على الكاسترد , هنا

  46. إسراء 9 January 2011

    السلام عليكم ورحمة الله وبركاته
    هاد الكاتو فظييييييييع بكل معنى الكلمة واول مرتين جربتو ما كنت متشجعة حط ملعقة النسكافيه بس لما صرت حط النسكافيه تندمت على التجارب اللي تخليت عنو فيها بجد كتيررررررر طيب وحلاوته انو ببقا عندك بالفريزر قد مابدك شكرا كتير الك ست منى عن جد انتي رائعة الله يخليكي لاهلك وزوجك وولادك ويحرسك يارب …….اسراء

  47. منى 10 January 2011

    خليلي عينك اسراء على هل الدعوة الكريمة من اخت كريمة , ان شاء الله انت و عيلتك كلها ان شاء الله و كل الغوالي على البك :)

    الف الف صحة و هتا , بتعرفي بحس النسكافيه بتلبق مع كل كاتويات الشوكولا , هيك بتخلي النكهة ااقوى :zzz عوافي ان شاء الله و شكرا كتير لثقتك في

  48. حمودي 19 January 2011

    سلاممممممممم كيف مدام منوش
    ان شاء الله بخير والله الكل اغراني بالتعليقات الحلوه وصممت اجربه
    بس بدي اسئلك كم مقدار نصف باكيت زبده؟ ونقدر نستبدله بالزيت ؟
    ……………
    مع خااااااالص تحياتي
    AHMED

  49. بنت دير عطية 26 June 2011

    السلام عليكم: كيفكم يا صبايا ان شاء الله الجميع يكون بخير .
    وتسلم ايديكي يا ست منى :zzz ما حبيت مرة ع هالوصفة من دون ما اكتب تعليق انا بعملها بس بحط معها جوز هند مشان تبقى فترة اطول بعد ما طلعها من الفريزة وممكن كمان نرش الورق “القالب اللف” بفستق مبشور او جوز هند او اي مكسرات وهيك بكون الداير تبعها مزين كمان .
    والف صحة وعوافي يارب
    :roll :roll :roll :roll :roll :roll :roll :p :roll

  50. lilithia 31 July 2011

    جربت الوصفة و كتير سهلة و طيبة كانت و الكل حبوها و ماشاء الله ما صفي شي منا….

    تسلم ايديك :) :p

  51. ام ريما 21 March 2012

    يمممممييي….كتير طيبه و سريعة ومناسبه للطوارئ

  52. منى 22 March 2012

    هناااا و عوافي :)
    منورة ام ريما

تقييم الوصفة
عاديةقد أحضرهاجيدةممتازةأكثر من رائعة (1 votes, average: 2.00 out of 5)