كاتو الموز بحشوة الكراميل و القرفة


         وصفة : منى                 2007/06/19                 14 تعليقات
كاتو الموز  بحشوة الكراميل و القرفة




مقادير كاتو الموز :

كوب و نصف موز مهروس ( 3 – 4 حبة موز ناضج جداً )
2 ملعقة صغيرة عصير الليمون
3 كوب طحين حلويات
3 ملعقة صغيرة بيكنغ بودر
ملعقة صغيرة قرفة
ملعقة صغيرة جوزة الطيب مبشورة طازج
رشة ملح
3 بيض
2 كوب سكر
فانيليا
ثلاث أرباع كوب زيت أو زبدة طرية
كوب حليب دافئ
نصف كوب بتر ميلك

مقادير حشوة الكاسترد بالبهارات :

بيضة كبيرة
2 ملعقة كبيرة كورن فلور
كوب و ثلث حليب
ثلثي كوب سكر
4 ملعقة كبيرة ماء
نصف ملعقة كبيرة زبدة
ملعقة صغيرة قرفة
نصف ملعقة صغيرة جوزة الطيب مبشورة طازج
نصف ملعقة صغيرة قرنفل
فانيليا
رشة ملح
علبة كريما دريم ويب
كوب حليب لخفق الكريما

مقادير شوكولا التزيين ( الغناش ) :

250 غ شوكولا
نصف كوب كريم فريش أو علبة قشطة

صلصة التوفي كريم
لوز مقشر





تحضير الكاتو :


• يحمى الفرن على درجة حرارة 135 درجة مئوية , تدهن صينية فرن مستطيلة 23 * 33 سم بالزبدة و تغطى بورق زبدة .

• يهرس الموز و يمزج مباشرة بعصير الليمون كي يحافظ على لونه , ينخل الطحين مع القرفة و جوزة الطيب و البيكنغ بودر و الملح .

• يخفق البيض مع الفانيليا حتى يصبح هشاً , يضاف السكر مع الاستمرار بالخفق حتى يسمك المزيج و يبيض .

• يضاف الزيت و الحليب و البتر ميلك و مزيج الموز بالتناوب مع الطحين المنخول و يقلب المزيج بلطف باتجاه واحد حتى يتجانس .

• يصب مزيج الكاتو في الصينية المدهونة و يخبز في الفرن المحمى لمدة ساعة تقريباً أو حتى ينضج ثم يوضع مباشرة في الفريزر و يترك حتى يبرد تماماً .

• يخرج القالب من الفريزر ثم يتم التخلص من الأطراف و يقطع باقي القالب إلى نصفين باستخدام سكين طويلة .

تحضير الحشوة :

• في وعاء صغير يمزج ثلث كوب من الحليب و البيض و الكورن فلور حتى تتجانس المواد و تختفي كل الكتل .

• يغلى باقي الحليب استعداداً لاضافته للكراميل .

• يوضع السكر و الماء على نار متوسطة في قدر سميك القاع و يحرك باستمرار حتى يذوب السكر ثم يشقر , و يستمر بالتحريك حتى الحصول على كراميل ذهبي .

• يبعد القدر عن النار ثم تضاف الزبدة و يحرك المزيج بسرعة كي لا تتشكل كتل و يمتزج السكر مع الزبدة ثم يضاف الحليب المغلي و يحرك الكل ثم يعاد القدر للنار و تترك لمدة دقيقة أو دقيقتان حتى يصبح المزيج ناعماً .

• يمزج جزء من مزيج الكراميل مع مزيج البيض و يقلب جيداً ثم يضاف مزيج البيض على القدر و يوضع على نار متوسطة الحرارة و يقلب الكل بمضرب سلك حتى يسمك المزيج و يغلي .

• تضاف البهارات و الفانيليا و رشة الملح و يقلب الكاسترد ثم يترك حتى يبرد تماماً .

• تخفق الكريما و الحليب حتى تسمك و تشتد ثم تؤخذ منها ملعقة و تمزج مع الكاسترد البارد و تقلب حتى تمتزج تماماً , و تعاد العملية مرتان أو ثلاثة ثم تضاف كل الكريما و يقلب الكل حتى تتجانس , أصبحت حشوة الكاسترد بالبهارات جاهزة .


تطبيق الوصفة :

• يخرج القالب من الفريزر ثم يتم التخلص من الأطراف و يقطع باقي القالب إلى نصفين باستخدام سكين طويلة .

• توضع الحشوة على أول نصف ثم تغطى بالنصف الثاني من الكاتو , يغطى القالب بورق بلاستيك بشكل محكم الإغلاق ثم يرجع للفريزر حتى تتماسك الكريما لمدة ساعتين تقريباً أو طول الليل .

• يخرج القالب من الفريزر ثم يقطع باستخدام سكين حادة إلى مربعات صغيرة و توضع على مشبك سلك .



تحضير شوكولا التزيين :


• توضع الكريما فريش أو القشطة على نار هادئة , تقطع الشوكولا لقطع صغيرة ثم تضاف الكريما و يقلب الغناش حتى يصبح ناعماً ثم تغطى قطع الكاتو به , و يجب العمل بسرعة قبل أن تجمد الشوكولا .



• يحضر التوفي كريم , ثم يمرر خط متعرج ( زكزاك ) منه على وجه القطع و تزين باللوز المقشر و تعاد القطع للفريز حتى وقت التقديم .




  • وصفات تانية ممكن تعجبك


التعليقات

  1. بدور 13 March 2009

    فعلاً شي بجنن و مشهي كنير :p شكرا كتير على هالموقع والأكلات الطيبة كل يوم رح جرّب أكلة وبخبرك النتائج :zzz

  2. بدور 13 March 2009

    يسلمو كتير على هالموقع الحلو والمفيد كتير كتير.
    الأكلات كلون مشهيات كلما بقرأ عن وحدة بقول هي رح جربا بالأول :grin
    نشالله كل يوم بجرب شغلة و بخبرك عن النتائج :p

  3. منى 13 March 2009

    مية أهلا و سهلا فيك بدور :)

    نور الموقع بطلتك ;)

    ان شاء الله ..

    و أنا بانتظار رأيك , و ريتو مية صحة و هنا على قلبك و قلب كل العيلة مقدما 8)

  4. بدور 13 March 2009

    اذا عندي سؤال وين بئدر أبعتلك؟
    حاولت أدخل عن طريق أسئلة و أجوبة بس ما ئدرت.
    أبعت رسالة عن طريق اتصل بنا؟
    و شكراً جزيلاً على المساعدة :?

  5. منى 13 March 2009

    هلا فيك بدور :)

    معك حق أختي , هل الأقسام لسه بدها شوية شغل لحتى تصير مظبوطة تمام …

    حبيبتي فيك تسألي سؤالك عن طريقة كتابة السؤال مع التعليق …

    أنا بانتظار استفساراتك ;)

    نورتي :)

  6. بدور 13 March 2009

    بدي أسألك عن سلطة الجرجير إذا ممكن :zzz
    لإني ما لئيتها بقسم السلطات يمكن أنا مستعجلة شوي لأ مو شوي و كتير كمان
    إذا بتئدري تفيديني فيها؟
    يسلمو كتير خدي وئتك و أنا بانتظارك كل يوم :grin

  7. نادين 21 September 2009

    ولي شو هاد ؟؟؟؟؟
    شي كتير بشهي المشكله انو انا ما بعمل كتير حلويات و خصوصا هلق الحمل
    ممكن تقليلي عن اسهل نوع حلو ؟؟؟
    شكرا

  8. شيرين 2 November 2009

    كاتو بيجنن.تسلم ايدك يا منى. عملته البارحة مع جارتي اللي كانت مستضيفة 30 شخص (بعد ما ضاعفنا الكمية طبعا)والكل حبه و أبدى اعجابه.بس القطع عندي ما تغطت بالكامل بالشوكولا متل الصورة و الشوكولا كانت شوي سميكة .يمكن من نوع الشوكولا؟ كان لازم ضيف زبدة؟بس و الله بتستاهل التعب و الشغل؟شكرا

  9. منى 2 January 2010

    ندوشة الله يقومك بالسلامة :)
    اسهل الشي التيراميسو الكذال , بعشر دقايق بيصير جاهز :zzz

  10. منى 2 January 2010

    هلا شيرين :)
    الف صحة و هنا على البك و الب ضيوف جارتك , الحمد لله انه زبط و بيض وج :zzz

    كمية الزبدة مناسبة لكمية الصوص , كان ممكن تضاعفي كمية الصوص لحتى تتغطى كل القطع ;)

    هنا و عافية مرة تانية و كتير انبسطت انه طلع على زووءكم

  11. violet 25 July 2010

    شكلا بشهي وفتح النفس
    بس ماعبتخيل كيف ممكن تطلع طعمة الموز بالكاتو
    هلأ القرنفل أنا عندي ياه عود , يعني هنن العود نفسن بنطحنن ولا كيف
    بصير مثلا شوكولا لي السائلة نفسها نحطها أنا ولا مرة ظبطت معي شو كولا عادية اسيحها يعني شو كولا لي بحطها شوي بالمكروويف بتصير سائلة أكتر شو رأيك

  12. منى 27 July 2010

    الموز بالكاتو خيلة , جربي و احكمي بنفسك

    اذا استعملتي شوكولا منيحة رح يزبط معك تدويب الشوكولا , و انا مو مجربة الشوكولا السائلة لهيك ما فيني جاوبك :)

  13. violet 7 August 2010

    فعلا خيلة
    كنت عبعملا وقلبي بكفي خايفة ماتنجح بس فعلا طلعت رائعة وحبا الجميع بس ماعدا وحدة ليش الكذب قال فيه نوع بهارات بقلبا مابتحبو
    بس الباقي عجبتن
    حتى الكاتو لوحدو بدون كريما كتير طيب
    زينتا بالشوكولا السائلة ظبطت وطلعت أسهل بكتير يمكن لأنو فيها قشطة كمان ولأنو شوب
    بس أخدت معي كمية شوكولا كتير لأنو أطعتن لقطع صغيرة
    وبتستاهل التعب
    يسلمو كتير على هالوصفات

  14. violet 27 November 2011

    السلام عليكم
    يمكن حسدت حالي لأنو بس مرتين صار معي وبعدا ماعاد يصير أبدا
    ماعمينفش وعبيعجن من قلبو صار ساويت شي 6 قوالب وماظبطو
    وعلى قد ماحبيتو كنت مصرة دايما أرجع أجربو بس بالأخير قلت خلص يئست مع اني عمأعملو بنفس الطريقة بس مابعرف شو الغلط ؟؟؟؟؟ :cry

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)