براونيز بكريما الخمس دقايق السرية
· تحضر الحشوة , يمزج الحليب مع الطحين و السكر ثم يوضع على نار متوسطة و يقلب الكل حتى تسمك الكريما و تغلي لمدة دقيقتان أو ثلاثة .
· تضاف المارس و الزبدة و تحرك حتى تذوب و تمتزج مع الكريما ثم تترك حتى تبرد تماماً .
· تخفق الكريما البودرة مع الحليب البارد جداً حتى تنتفخ و تسمك و نحصل على الكريما الشانتييه .
· نأخذ ثلاث ملاعق كبيرة من الكريما البيضاء و تترك جانباً للتزيين ثم تضاف باقي الكريما الشانتييه بالتدريج لكريما المارس ملعقة ملعقة مع التحريك بعد كل إضافة حتى انتهاء كل المقدار , أصبحت الحشوة جاهزة .
· يغلف قالب على شكل قبة بورق نايلون ثم تغمس أول حبة من أصابع الليدي فنجرز بالحليب ثم تصف أول طبقة على القالب المغلف .
· تمد طبقة من الحشوة فوق البسكويت حتى تغطيه تماماً .
· تكرر العملية حتى انتهاء كل المقادير مع ضرورة أن تكون أخر طبقة من البسكويت , ثم يوضع طبق صغير على البسكويت و يرص بلطف للتخلص من الفجوات بين طبقات الكاتو .
· يوضع القالب في الفريزر لمدة 12 ساعة على الاقل و يفضل اعداده قبل بيوم من وقت التقديم .
· قبل بنصف ساعة من موعد التقديم يقلب القالب في طبق التقديم و ينزع ورق النايلون عنه ثم يدهن بالكريما البيضاء التي تركناها جانباً و يرش بالكاكاو أو بالشوكولا المبشورة و يقدم .
علبة من بسكويت الليدي فنجرز ( أو يمكنك اعداد هذه الوصفة )
حليب لتغميس البسكويت حسب الحاجة
حشوة الأيس كريم :
كوب و نصف حليب
4 قطعة من شوكولا مارس من الحجم الصغير
2 ملعقة كبيرة سكر
3 ملعقة كبيرة طحين
ملعقة كبيرة زبدة
علبة كريما خفق ( متل دريم ويب و انيا و غيره )
ثلاث أرباع كوب حليب بارد جداً لخفق الكريما
للتزيين :
كاكاو بودرة أو شوكولا مبشورة
• تحضر الحشوة , يمزج الحليب مع الطحين و السكر ثم يوضع على نار متوسطة و يقلب الكل حتى تسمك الكريما و تغلي لمدة دقيقتان أو ثلاثة .
• تضاف المارس و الزبدة و تحرك حتى تذوب و تمتزج مع الكريما ثم تترك حتى تبرد تماماً .
• تخفق الكريما البودرة مع الحليب البارد جداً حتى تنتفخ و تسمك و نحصل على الكريما الشانتييه .
• نأخذ ثلاث ملاعق كبيرة من الكريما البيضاء و تترك جانباً للتزيين ثم تضاف باقي الكريما الشانتييه بالتدريج لكريما المارس ملعقة ملعقة مع التحريك بعد كل إضافة حتى انتهاء كل المقدار , أصبحت الحشوة جاهزة .
• يغلف قالب على شكل قبة بورق نايلون ثم تغمس أول حبة من أصابع الليدي فنجرز بالحليب ثم تصف أول طبقة على القالب المغلف .
• تمد طبقة من الحشوة فوق البسكويت حتى تغطيه تماماً .
• تكرر العملية حتى انتهاء كل المقادير مع ضرورة أن تكون أخر طبقة من البسكويت , ثم يوضع طبق صغير على البسكويت و يرص بلطف للتخلص من الفجوات بين طبقات الكاتو .
• يوضع القالب في الفريزر لمدة 12 ساعة على الاقل و يفضل اعداده قبل بيوم من وقت التقديم .
• قبل بنصف ساعة من موعد التقديم يقلب القالب في طبق التقديم و ينزع ورق النايلون عنه ثم يدهن بالكريما البيضاء التي تركناها جانباً و يرش بالكاكاو أو بالشوكولا المبشورة و يقدم .
تسلم ايديك اخت منى وانشاء الله رح جربها هاليومين بتعرفي يوم الجمعة عملت مائدة مفتوحة عندي بالبيت بمناسبة عيد ميلادي وكان فيها عدة اكلات من مطبخكم اضافة لاكلات تانية طبعا ومن اكلاتكم عملت سلطة المعكرونة طلعت بتجنن و فطيرة الخضار (فطيرة سيما اختك)و كرات بطاطا المحشية و سمبوسك باللحمة وكلهم نجحو الله يعطيكم العافية .بدي اقلك الفطيرة عملتها انا على شكل حلو يدعى البقجة بحلب اي انني عملت كل قطعة لوحدها بالبف كتير طيبة طلعت بس بدي اسالك البطاطا طلعت طيبة كتير بس بعضها لزق بمصفاة القلاية لما قليتها ولما سكبتها انخرب شوي شكلها بس طعمتها طيبة وحبها زوجي كتير عموما سوري للاطالة عليكم وشكرا لكم جزيلا
صحيح هلق قايمة اعمل لهم بوظة بالزبادي على طريقتك ورح جربها بالموز وقسم منها بالدراق ورح خبرك النتائج انشاء الله
9
هلا أخت غيث
هنا يا رب على كل لقمة نزلت ببطونكم , ان شاء الله عوافي يا حق ..
فكرة الفطيرة هيك كتيرررر حلو و فكرة جديدة , ان شاء الله ببقى بجربها مرة تانية
كرات البطاطا يا ترى انت قليتيهم بزيت قليل , بتعرفي انا جربتهم بعزيمتي و صارت حديث الطاولة متل ما بيقولوا و انقلوا معي عادي و لا اتخربت منهم واحدة , اتوقع انك زودري الحليب بالبطاطا لحتى صارت معك طرية , انا لما جربتها ما حطيت حليب ابداً
ان شاء الله رح تحبي الايس كريم , لان كتير صار جربوها و عجبتهم , سهلة و خفيفة ..
لا تنسي تجربي هل الوصفة , رح تحبيهاااااااا كتير اذا الله راد :zzz
يا سلاااااااااااااااام :eek
شكلو مغري كتير كتير و لازم جربو بأسرع وئت نشالله :p
يسلمو هالايدين الناعمين على هالوصفة الحلوة كتير..
عنجد يا منى الشطورة انت مافي متلك و كتير ئليل ألائي شخص بلطفك و شطارتك و افكارك العظيمة الله لا يضيعلك تعب يا رب :zzz
والله يا اخت منى انا حطيت ماء للبطاطا ولم استعمل الحليب واستعملت نشاء الذرة مع ذلك بيجوز كترت الماء معي معقول عموما كانت طعمتها طيبة كتير ورح اعيدها انشاء الله اما عن الايسكريم كتير طيبة فعلا وخفيفة انا عملتها بالموز كانت رائعة و عملت كمان من اكلاتك يا فنانة الهيطلية كمان نجحت لسع حاطة قائمةمن اكلاتكم بالدور لحتى اجربها كلها ورح احكيلك شو بيصير معي ان شاء الله
هنااا و عوافي على كل شي جربتيه أخت غيث
هيك شجعتي جرب البوظة على موز , الصراحة ناوية جربها بكل انواع الفواكة :zzz
و انا بانتظار رايك حبيبتي بباقي الليستة
هلا بدورة
ان شاء الله اذا جربتيه ما بتندمي ابدا , و اذا بتحبي فيك تشتري الليدي فنجرز جاهز من عند my bakery للتسهيل
الله يخليلي ياكي بدورة , خجلتيني يا عسل 8)
مين هاد my bakery ؟ ما عرفتو؟
والله يا ريت بتكوني سهلتي علي كتير كتير..
و شكرا عالتشجيع و المساعدة ميمو الأمورة
كاتو بيشهي فعلا سلم دياتك يا منى وما يحرمنا هالوصفات الحلوة بس شكلو بيشبه شارلوت مهاك بس عطريقتك اكيد
هلا بدورة
هادا بجنب باتشي و خضير الي بالموكامبو , ما بيضيع ابدا حطي باتشي بظهرك و خضير على يسارك و خطوتين بتكوني صرتي عنده
من عيوني اي خدمة او سؤال
هلا احلى ام نور
تمام كتير بيشبه الشارلوت , بس مع البوظة .. جربيه ام نور و رح تدعليلي
الله يسلم هالأيدين يأأحلى منى
بقدر استعمل بدل الدريم ويب كريمة خفق( وبينغ كريم)
هلا سمسمة
قصدك الكريما الفريش الي منخفقها مع السكر لحتى تعطينا الكريم شانتيه ؟
اذا كان هيك اكيد فيك , و بتطلع اطيب كمان
كيفك يااغلى صديقةشو هل الاكلات الطيبةوشكرا لانو عطيتنااسم المحل على فكرة اهلي ساكنين قريب منه يعني اذارحتي للمحل لازم تتفضلي وتشربي فنجان قهوة وميت اهلا وسهلا
هلا ام محمد
على راسي أهلك و حارتك كلها و الله 
بتشرف حبيبتي , و اكيد بس ما تفضي رح كون معزومة عندك على فنجان قهوة
وصفة مغرية ومشتهية جربها ،لكن خايفة ما تنجح معي ،لأ،ي جربت من قلب كاتو الاناناس وقدرة قادر وما ضبطوا معي ، كأن الحلو مخاصمني ومو راضي ينجح معي ، برأيك ممكن تنجح معي هالوصفة
؟
هلا أمولة
هيك زعلتيبني و الله , غريب , يا ترى شو الي ما نجح لحتى حاول ساعدك
هي الوصفة ان شاء الله مضمونة , و اذا البسكويت متوفرجربيها و على الغميضة ان شاء الله بتبيض وجهك
أي سؤال من عيوني
سؤالي اليوم عن الكريمة, خصوصا كريمة شانتيه، لمن اخفقها مع سكر بودرة و بتثخن و احطها بالبراد حتى تبرد الاحظ عند الاستعمال سرعان ما تذوب او مثلا اذا اردت التزيين فيها لا تثبت على الشكل الذي رستمه.
فما هي المشكلة.
(للتوضيح: انا استعمل الكريمة السائلة التي تحتاج الى سكر ناعم و اخفقها لمدة دقيقتان )
شكرا جزيلا خالتو منى. 8)
هلا مريومة
أتوقع ان المشكلة عندك بفترة الخفق , لحتى نحضر الكريما الشانتيه لكل علبة كريما سائلة بوزن 200 غ بدنا ملعقة سكر بودرة بتحطيهم كلهم بنفس الوعاء بالفريزر لمدة ربع ساعة بعدها بطالعيهم و بتخفقي , ممكن يكون في شوية تلج على أطراف الكريم , هادا هو المطلوب , و الوعاء لازم يكون مسقع , كمان هادا هو المطلوب .
بتخفقيهم بعدها لحتى تبدى تصير كريما لمدة كم دقيقة لحتى تصير جامدة منيح .
بس ما حصلتي عل الكثافة المطلوبة بتوقفي فورا و الا رح تتحول الكريما لزبدة
ان شاء الله تكون وضحت الفكرة و اسفة للتاخر بالرد
روووووووووووعة تسلم ايدك
انا جربت الحشو وطلع لذيذ ورائع وفكرتى بقا انى وضعتة فى كاسات ورشيت علية مكسرات وجوز هند
واحلى حاجة انة عجب ابنى عمر اصلة مش اى حاجة بتعجبة واللة فضلت ادعيلك لانى كنت مبسوطة بالنتيجة قوى
سلام عزيزتي. يعطيكي الف عافية و انشاءالله اجرب الكريما و اخبرك شو بصير معي. بس الملاحظة اللي عطيتيني ياها انا ما كنت اعمل فيها من الاول و الظاهر هيدا السبب. يعني ما كنت احطها بالثلاجة حتى تبرد و الظاهر هون لمشكلة
انشاءالله تزبط ادعيلي.
هلا أختي zanalook
مممم فكرة لذيذة كتير , ريتو الف هنا و على قلبك و قلب الأمير الصغنون , الله يبراك الك فيه و الف شكر الك للدعوات الغالية اختي
هلا مريومة
ان شاء الله بتزبط معك و تصير متل ما بتحبي , لا تنسي تخبريني اختي
ياستي ساويته وطلع رائع بالفعل وكان الي بقلبه ايس كريم عن جد يسلموا ايديكي بس الغلط الي غلطته انه لما كنت عم ساويه اتصل فيني زوجي وطلب مني البس بسرعة لانه رح يجي ياخدني بعد نص ساعة وهو انا انعبطت العبطة العجيبة ونسيت اخلي ملعقتين كريما بيضا وخلطتها كلها مع الشوكولا قام النتيجة اني اضطريت زينه من برا بكريما الي حشيت فيها من جوا قصدي مزيج الكريمتين :grin يعني طلع سوداني قالبي مو ابيض :grin وهي صورته
[img]http://up3.m5zn.com/photo/2009/5/13/09/9g1ad6upw.jpg/jpg[/img]
مممممم
ممممممممم , يممي شو بيشهي
شو هل الكاتو , يا هيك الغلطات يا بلا طالع حلو كتير و الشوكولا مغطيته كأنها دعوة للغطس فيها , ياااا سلام شي ناهي و غير شكل و الله :zzz
سلم دياتك و ريتو الف الف عافية و صحة
الله يسلمك بس على فكرة اكلت عنك كتيييييييير :zzz
عن جد
و انا عم قول لحالي ليه ما قدرت اتعشى بنهاراتها :grin
جربتووو من ساعة صار بالفريزر بس بيجننننننننن بكرةبخبرك النتيجة :zzz :zzz
مممم , يا ريت لو تبعتيلي مسج بنص القالب ما بقول لأ :grin
ريتو ان شاء الله الف صحة و هنا لارا , بتعرفي في كتير انواع كيك او حلويات بحضرها لضيوفي مرة واحدة , بس هل النوع لازم حضره كل ما اجى لعندي ضيوف و دايما بتكون النتيجة , ووواو . انا كتير مبسوطة انك جربتيه , و هي خلينا القالبين مع بعض , عن اذنكم نخليهم يتعارفوا براحتهم :grin
حبيت أرسل صورة الجاتوه تبعي علشان مايظل الجاتوه تبع رنا وحيد :grin ويونسوا بعض ويتسلوا في أوقات الفراغ.
[img]http://up4.m5zn.com/9bjndthcm6y53q1w0kvpz47xgs82rf/2009/9/2/01/rr2mw7dfc.jpg[/img]
ألف شكر أخت منى ونصيحة لاتفوتوا هذا القالب :p
السلام عليكم و رحمة الله و بركاته
اولا مبروك للي ساوو الوصفة و نجحت معهم و الصور بتجنن ما شاء الله
ان شاء الله بدي جرب هالوصفة لهيك عندي سؤالين
اولا كم حجم علبة اللايدي فنجرز او كم حبة فيها لان الانواع تختلف
كمان بعد ما نقصها كيف فينا نرجع نحتفظ فيها بالمجمد يعني منغطيها او لا
بالتوفيق
سلام
كمان شي قديش وزن علبة الكريما هل هو اربعين او ستين
بالتوفيق
سلام
تقريبا فيها 40 حبة و على كل انتي فيكي تتحكمي بالكمية حسب ما تخلص عندك الكريما , بس ما زاد , اذا زاد يعني . بتغطيها و ترجعيها للفريزر , اما سؤال الكريما ما فهمته , هيا علبة بودر بقى شو فصدك ؟
السلام عليكم و رحمة الله و بركاته
يخليلي ياكي اختي منى انا قصدي اني ما راح استعمل لا دانيا و لا دريم ويب لهيك بدي اعرف كم غرام فيها العلبة اللي منستعملها
بالتوفيق
سلام
السلام عليكم و رحمة الله و بركاته
انا ناطرتك اختي منى و المكونات عندي جاهزة بس بدي اعرف كم غرام في علبة الكريما و هل طبق زجاجي راح ينكسر او لا لان عندي بس طبق زجاجي بالحجم اللي بالصورة اذا فيكي تخبريني قديش قطر القالب المستعمل بكون كتير شاكرة
بالتوفيق
سلام
مساء الخير أخت سارونات ..أنا رح أجاوبك بما إني عملت الوصفة ولحد ماتفضى الأخت منى وتجاوبك وطبعا من بعد إذنها أكيد … بالنسبة للطبق الزجاجي الي نعمل فيه الوصفة ممكن تستخدمي أي طبق دائري عميق وكله رح يزبط لا تخافي زي إلي نعجن فيه أو نخفق فيه تقريبا قطره 30 سم _ السكويت تقريبا استخدمت 45 قطعة بس أنا عملت البسكويت حسب طريقة منى وكان تحفة .. والكريمة أضفتها كلها للقالب لأن مارح يأثر لو كانت كميتها زيادة شوي عن عدد القطع لا تخافي وخليكي شجاعة _ والكريمة أنا ماستخدمت البودرة استخدمت الطازجة يلي بتنخفق على طول من دون حليب لذا ماستخدمت 3/4 كوب الحليب البارد المكتوب في الوصفة بس أضفت لها تقريبا 3 ملاعق كبيرة سكر بودرة لأنها مافيها سكر أصلا مثل دريم ويب _ ووزن العلبة 400 غم بالزبط .
وزي ماقالت منى بعض الحلويات حلوة بس نسويها مرة وحدة بس وما بنعود نكررها ليه ماأدري , أما هذا الجاتوه مستحييييييييييل مانعمله على طول سواء عندنا مناسبة أو من دون مناسبة,, جربيه ونبغى نشوف صورة الجاتوه تبعك علشان نعمل شبكة تعارف للجاتوه جلاس في الشرق الأوسط :grin
وعلى فكرة نسيت حاجتين …أنا لما حطيت شوي كريما بيضاء على جنب لنغطيهاحطيت تقريبا 4 ملاعق كبار ومليانة لأن حبيت تكون الكريمة على الوجه أكثر من يلي في الصورة_ أما القالب إذا بقى منه شيئ غطيته بوعاء معدني أو بلاستيكي من الأنواع الخفيفة وحجمهم نفس القالب الزجاجي إلي عملت فيه الوصفة طبعا تغطيه وهو على شكله قبة يعني,, وممكن تغطيه بالطبق الزجاجي إلي عملتي فيه كمان بس ممكن يكون ثقيل شوي لما ترفعيه وخذي كل وقت منه على قد حاجتك ورجعي الباقي في الفريزر.
عفوا وزن الكريمة السائلة 400 مل وليس غم لخبطت شوي .
كفيتي و وفيتي لارا , انا رح نزل صورة القالب الجديد الي عملته بمناسبة عزيمة السحور عندي في رمضان و نخليهم يحكوا براحتهم :grin
و هي كاتو الجلاس النجمة احتفالا برمضان
[img]http://farm3.static.flickr.com/2578/3921778843_ec54d39cdd.jpg[/img]
السلام عليكم و رحمة الله و بركاته
يخليلي ياكي لاروووش انا بس هلأ قريت الرد لان النت عندي كان مقطوع و شو فرحت بردك لان بعرف ان منووش كتير مشغولة و ان شاء الله راح جرب الوصفة قريبا و نعمل حفلة تعارف للكاتويات
منووش شو هالابداع بسم الله ما شاء الله طالع شكل القالب بيجنن
يخليلي ياكي الحقيني اذا فيكي على وصفة داجا محشي شرقي ضرووووووووووري
بالتوفيق
سلام
السلام عليكم و رحمة الله و بركاته
منوووش ساويت الوصفة و هي هلأ بالثلاجة و كل شي كان تمام و انا ساويتها كلها على شوكولا يعني ما خليت كريما بيضاء و انما خليت ثلاثة ملاعق من الكريما اللي عملتها متل ما عملت اختي رنا مشان حطها عند التقديم بس يا فرحة ما تمت لو تشوفي التعبير على وجهي لما اكتشفت اني ما حطيت نايلون :eek بقى هلأ بعد ما يجمد راح قطعو لقطع و حط الكريما فوقه لان ما فيني اقلبه :cry بس في فكرة شفتها بالتلفزيون يمكن جربها و هي اني بلل فوطة بمية سخنة و اعضرها و بعدين غطي فيها الاناء مشان يدوب شوي من الجوانب و هيك راح يصير فيني اقلبه الله يستر
راح خبرك بالنتيجة
بالتوفيق
سلام
يييي يلا معلش خيرها بغيرها ان شاء الله هلا ان شاء الله تطلع الطعمة تمام و على زووءك
بانتظار النتيجة
السلام عليكم و رحمة الله و بركاته
لساتني مطالعتو من الفريزر و ما قدرت اقلبو لهيك راح قطعو لقطع و كل واحد اله قطعة و طلع كتير طيب و مختلف انا على فكرة حطيت بس نص ملعقة زبدة و عم فكر قلل اكتر بالمرة الجاية و يمكن ما حط زبدة كمان يمكن قلل كمية الكريم شانتييه لان بدي ياه يكلع اخف هو طلع طيب و طلع لا ثقيل و لا خفيف يعني وسط بس مع هيك بدي خففو اكتر
جازاك الله خيرا منوووش على هالوصفة و ان شاء الله بالمستقبل ارجع جربها و ما انسى النايلون مشان اقلبها :zzz
بالتوفيق
سلام
منى يا منى
عملتو و طلع تححححححححححححححححفه
تسلم ايديكي يا رب و الله يجزيكي كل الخير
طعمه مختلف و لذيييييييييذ عن الوصفات المعتاده بالليدي فنجر و انا لقيته كتير اخف من الوصفات اللي كلها قشطه و جبنه كريمي وووو
عن جد كتييير طيب
يسلموا دياتك
هنا و الف عافية يا احلى سوسنة
كتير انبسطت انه عجبك , انا هل القالب بالذات من الوصفات المفضلة عندي 
اكلتي عني كم لقمة و الا لاااا :roll
هنا و مية صحة على البك و الب كل مين دااقه
كتير كتير بتشهي هي الوصفة و فعلا مبين انها طيبة بس كنت بدي اسأل انو اذا في شي تاني ممكن استخدمو عوضا عن اليدي فنجرز لانو انا عايشة بألمانيا و لا مرة شفت هيك شي عنا هون.
فهل في اي بسكويت تاني عادي ممكن استخدامو علما اني جديدة بالطبخ و النفخ و يمكن كتير يكون صعب علي اساوي الليدي فنجرز لحالي مع اني كتير جربت وصفات و كتير نجحو و يسلمو ايديكي على هالموقع و اكتر الشي عجبني انو حلبي لانو انا حلبية.
شكرا
يسلم هالايدين ست منى بس اذا مالقيت بسكويت الليدي فنجر …بشو بقدر ابدله
هلا رانو , فيك تستبدليه بشرايح كيك ابيض سادة , تقطعيها رقيق و تسقيها بشوية حليب محلى بسكر خفيف
ايا سؤال تاني من عيوني
ان شاء الله اذا جربتيه بيعجبك كتير , و اذا مو متوفر الليدي فنجرز ممكن تجربي الوصفة بكيك عادي سادة تقسميه شرايح
الف صحة و هنا على كل شي جربتيه , و نور الموقع باحلى حلبية
وليييييي شو طيب بجنن اهلي كتير حبوه وانا عملتوا ببسكويت اللدي فنجرز الفاشل اللي انا عملتو ههههههه بس مومشكلة لما يصير عندي خفاقة رح ارجع جرب اعمل البسكويت وان شا الله بنجح معي …. المهم الكاتو طلع طيب كتير وصورتو بس كيف بدي ابعتلك الصورة ست منى ؟ عندي صور كتيرة لاكلات مجربتا من الموقع بس مابعرف كيف بدي ابعتلك ياهون ؟
مرحبا منى انا ما عرفت شو هوهالبسكويت لانو بتعرفي انا مو عايشة بحلب وصورته مو واضحة لو سمحتي تفرجيني ياه او تشرحيلي شلون شكله حابه كتير جربه ولكي جزيل الشكر
صحتين و الف الف عافية اسراء:)
لا تقولي فاشل عن شي انت عملتيه بايدك ابدا , ما دام تعبتي فيه و قدمتيه بحب فهو اطيب من ايا شي تاني :zzz
الصور فيك تحمليها على جروب لقمة طيبة في الفيس بوك
هلا لينا
حبيبتي الوصفة بتلاقيها على هل الرابط http://www.l2ma.com/content/view/233/2/
بتشوفي الصورة لحتى تقدري تشتريه او حتى ممكن تحضريه على ايدك
اتوقع اسمه بالفرنسي biscuit au cuillère , هيك على ما اذكر
ايا سؤال تاني من عيوني:)
كتير طيب يسلموا ايديك
جربتوا مبارح وطلع بيجنن يسلموا يسلموا يسلموا
كيفك ست منى
مشان الصديقة roroo51
كانت عم تسأل مشان بسكويت ليديز فينجر
هون بألمانيا اسمو lضffelbescuits
وبتلاقي بأي محل متل lidl او kaufland
lضffelbescuits
مرحبا ست منى يسلمو أيديكي عالهلاكلات الطيبة
الله بجزيكي الخير
عندي سؤال من فضلك
فيني ساوي الكاتو كلاس قبل بويمين؟؟
هلا ريم
شكرا حبيبتي كتير للمساعدة و ان شاء الله بتكون لقتهم
هلا نور
اي اكيد فيك , بتحطيه بالفريزر لوقت اللزوم و بعغدها بتطالعه قبل شي نص ساعة و بتجهزيه و تقدميه
شكرا كتير ريم . اخيرا لاقيتهم من فترة :grin
يسلمو ايديكي و الله يجزيكي كل خير
مرحبا ست منى يسلم ايديكي على كلشي …انا طبعا من المتابعين بشكل دائم هون وعالفيس وبشارك بالكروب …بس عندي سؤال الليدي فنجر ماعرفت الاقيه…بشو ممكن استبدله …او اذا في وصفة اقدر اساويه
هلا رانو , الله يسلمك يا قمر منورة
ممكن تستبدليه بشرايح كاتو عادي سادة , و اذا حابة تحضيره بنفسك هي وصفتي
http://l2ma.com/?p=727
ايا سؤال تاني من عيوني
يسلم هالايدين مدام منى …انا كنت مفكرة انه بسكويت ..بس طلع متل الكيك تقريبا..عكل حال تسلم ايديكي …ان شاء الله بجربه معمشان الكاتو كلاس
تسلم ايديكي ست مني، حبيت اسال عن المارس حاكم في عدة مقاسات ،كم غرام الي استعملتيها لو سمحتي؟
وشكرا