براونيز بكريما الخمس دقايق السرية· يحمى الفرن على درجة حرارة 160 درجة مئوية , يدهن القالب بالزبدة بشكل جيد ثم يغلف قاعه و جوانبه بورق الزبدة .
· لتعير السكر البني , يوضع القليل من السكر في الكوب و يضغط عليه السكر ثم يضاف المزيد من السكر ويضغط حتى يصبح السكر بعيار كوب ثم تكرر العملية لعيار الثلث الباقي من كمية السكر .
· الخطوة الأولى : يوضع السكر و الحليب و الزبدة في قدر كبير و ينخل فوقه الكاكاو و بيكربونات الصودا ثم يوضع على نار متوسطة و يقلب بمضرب سلك حتى يصبح ناعماً و يقلب من دون أن يترك ليغلي ثم يرفع عن النار و يترك جانباً لمدة خمس دقائق ليبرد .
· الخطوة الثانية : ينخل الطحين و البيكنغ بودر و الكورن فلاور ثم يضاف نصف المزيج لمزيج الحليب و الكاكاو و يقلب بمضرب السلك , يضاف باقي مزيج الطحين و يقلب , أخيراً يضاف البيض و يقلب المزيج بلطف حتى يتجانس .
· يصب مزيج الكاتو في الصينية المحضرة و تضرب الصينية بضع ضربات خفيفة كي تخرج فقاعات الهواء من المزيج ثم يخبز في الفرن لمدة 45 – 50 دقيقة أو حتى ينضج ثم يخرج من الفرن و يترك لمدة دقيقتين في القالب ثم يقلب على مشبك سلك و يترك حتى يبرد تماماً .
· الخطوة الثالثة : تحضر الكريما , ينخل السكر و الكاكاو في وعاء متوسطة , يضاف الماء و الزبدة و يقلب الكل بملعقة خشبية حتى الحصول على كريما ناعمة و يضاف القليل من الماء إذا دعت الحاجة ثم تمد الكريما فوق الكاتو و تمسد بطرف السكين أو الملعقة و توضع في البراد لمدة ساعة أو حتى تجمد الكريما
تنويعات و إضافات :
· يمكن إضافة نصف كوب من المكسرات عند إضافة البيض .
· للحصول على كاتو موكا يمكن إضافة ملعقة صغيرة و نصف من النسكافيه و استبدال ربع كوب من الحليب بربع كوب من القهوة التركية المحضرة .
كوب و ثلث سكر بني
ثلاث أرباع كوب حليب سائل
125 غرام زبدة
2 ملعقة كبيرة كاكاو بودرة
كوب + ملعقة كبيرة من طحين الحلويات الفاخر
2 ملعقة كبيرة دقيقة الذرة ( كورن فلاور )
ربع ملعقة صغيرة بيكربونات الصودا
ملعقة صغيرة بيكنغ بودر
3 بيض بدرجة حرارة الغرفة مخفوق قليلاً مع الفانيليا
الكريما :
كوب و ربع سكر بودرة
ملعقة صغيرة كاكاو بودرة
2 ملعقة صغيرة زبدة طرية بحرارة الغرفة
ملعقة كبيرة ماء أو حليب مغلي
زبدة لدهن القالب
• يحمى الفرن على درجة حرارة 160 درجة مئوية , يدهن القالب بالزبدة بشكل جيد ثم يغلف قاعه و جوانبه بورق الزبدة .
• لتعير السكر البني , يوضع القليل من السكر في الكوب و يضغط عليه السكر ثم يضاف المزيد من السكر ويضغط حتى يصبح السكر بعيار كوب ثم تكرر العملية لعيار الثلث الباقي من كمية السكر .
• الخطوة الأولى : يوضع السكر و الحليب و الزبدة في قدر كبير و ينخل فوقه الكاكاو و بيكربونات الصودا ثم يوضع على نار متوسطة و يقلب بمضرب سلك حتى يصبح ناعماً و يقلب من دون أن يترك ليغلي ثم يرفع عن النار و يترك جانباً لمدة خمس دقائق ليبرد .
• الخطوة الثانية : ينخل الطحين و البيكنغ بودر و الكورن فلاور ثم يضاف نصف المزيج لمزيج الحليب و الكاكاو و يقلب بمضرب السلك , يضاف باقي مزيج الطحين و يقلب , أخيراً يضاف البيض و يقلب المزيج بلطف حتى يتجانس .
• يصب مزيج الكاتو في الصينية المحضرة و تضرب الصينية بضع ضربات خفيفة كي تخرج فقاعات الهواء من المزيج ثم يخبز في الفرن لمدة 45 – 50 دقيقة أو حتى ينضج ثم يخرج من الفرن و يترك لمدة دقيقتين في القالب ثم يقلب على مشبك سلك و يترك حتى يبرد تماماً .
• الخطوة الثالثة : تحضر الكريما , ينخل السكر و الكاكاو في وعاء متوسطة , يضاف الماء و الزبدة و يقلب الكل بملعقة خشبية حتى الحصول على كريما ناعمة و يضاف القليل من الماء إذا دعت الحاجة ثم تمد الكريما فوق الكاتو و تمسد بطرف السكين أو الملعقة و توضع في البراد لمدة ساعة أو حتى تجمد الكريما
تنويعات و إضافات :
• يمكن إضافة نصف كوب من المكسرات عند إضافة البيض .
• للحصول على كاتو موكا يمكن إضافة ملعقة صغيرة و نصف من النسكافيه و استبدال ربع كوب من الحليب بربع كوب من القهوة التركية المحضرة .
اول شي الحمدلله على رجعة الموقع
كتير اتدايقت لما شفتو مهكر
يعني الله يصلحهون شباب السعودية بدال ما يهكروا مواقع بتسيء لديننا بيجيو بيتشاطروا على مواقع الاكل
بعين الله
تاني شي 8)
انا بدوب بشي اسمو كيك شوكلاتة كتير بحبو
يعني مدمنة تقريبا
شكرا كتير على الوصفة منى
و يالله لا عاد تطولي علينا بالوصفات الحلوة
:sigh شفت ليندا
حسبي الله و نعم الوكيل , الواحد شو بده يحكي ..
بس هدولة أكيد مو مثال عن شباب السعودية , هدولة بيمثلوا حالهم و سوءأخلاقهم و بس
و محضرة كتير وصفات بهل الغيبة , ان شاء الله رح ضيفهم
نورتي يا قمر
بسم الله الرحمن الرحيم شكل هالكاتو بيشهي رح نسمن هالشتوية من تحت هالاكلات الطيبة يعطيك الف عافيةبس لو طولت شو هي بيكربونات الصودا وهل ممكن تبديلها بشي تاني وشكرا لك
هلا فيك ام تسنيم
حبيبتي بيكربونات الصودا هي بودرة شكلها نفس البيكنغ بودر و هي اساسا من مكوناته , ما فيك تستبدليها بشي تاني , بس فيك تحضري الكاتو من دونه
السلام عليكم ور حمة الله و بركاته يسلم دياتك ان شاء الله راح اجربهبس فينا نستبدل السكر البني بالسكر الابيض و ازا فينا فهل نستعمل السكر المبلور او الناعمو هل نستعمل نفس الكمية او بتتغير و هل بيتغير شي تاني بالوصفةازا بدلنا السكر او لا
كمان بدي اسالك عن كيكة الشطرنج ازا مجربتيها لان شكلا كتير حلوو مميز و ازا مجربتيها بدي اعرف بس مقادير الكيك لان محتاجتها بسرعة و بلكي بشي يوم بتحطيها بالموقع مع الشرح مع العلم ان ما عندي القالب الخاص فيها فراح اعملا بقوالب عادية و حطا بكيس الحلواني
جازاك الله كل خير
سلام
هلا حبيبتي
فيك تستبدليه , رح يتغير الطعم بشكل بسيط , بس كمان لذيذ كتير و السكر استعملي السكر العادي بنفس الكمية
و انا ما عندي قوالب ليها , الصراحة ما جربت اعملها , بس لما جربها اكيد رح نزلها اذا الله راد
السلام عليكم و رحمة الله و بركاته
تسلميلي على الرد
كمان بدي اسال ازا فينا نحط بدال الزبدة زيت و ازا فينا شو بنغير و قديش منحط زيت
بالتوفيق
سلام
هلا أختي
لا ما بيصير , الزبدة اساسية في الوصفة
السلام عليكم و رحمة الله و بركاته
جازاك الله خيرا اختي منى و ان شاء الله بجربا بالمستقبل
ازا اضفنا المكسرات عند اضافة البيض هل بتكون مفرومة تماما متل البودرة او مفرومة وسط او شوو ما فينا نستغنا عن النسكافيه و نحط بس قهوة و ازا حطينا نسكافيه امتى منحطو و هل منحطو بودرة او مندوبو
بالتوفيق
سلام
السلام عليكم و رحمة الله و بركاته
قررت جربو بعد بكرا ان شاء الله و اكتر شي عجبني بالكاتو هو شكلو المستطيل اللي طالع كتير حلو مشان هيك بدي ساويه مستطيل بس ما بعرف ازا صينيتي بتنفع او لا فبدي اعرف ازا ممكن طول و عرض صينيتك و كم كوب فيها
بعرف تعبتك معي ما تواخزيني
بالتوفيق
سلام
هلا أختي
و منحط النسكافيه مع الحليب و مندوبو فيه ..
المكسرات تكون مفرومة وسط , فيك تحطي النسكافية او ما تحطيه على مزاجك و زوءك , انا بحب النسكافيه مع كل كيكات الشوكولا بحس أنها بتظهر طعمة الشوكولا
صينيتي هلأ مو عندي مستعيرتها رفيقتي و لسا ما رجعتها , ان شاء الله بس ما رجعت بالسلامة ببقى بقيس الصينية
السلام عليكم و رحمة الله و بركاته
و ان شاء الله رفيقتك تستفيد من الصينية و كل كاتو تساويه فيها او في غيرها يضبط معها
لحظة تروح قيسو طلع 4 سم
تسلميلي اختي منى
راح قلك على حجم صينيتي و انت حاولي تتزكري حجم صينيتك و شوفي ازا بتنفع او لا صينيتي حجما 23*33 سم يعني نفس حجم صينية كاتو الموز بحشوة الكراميل و القرفة بس مو متأكدة من الارتفاع انا صينيتي ارتفاعها
شو قولك اعملا بهالصينية او بصينية دائرية
و كمان التعرجات اللي طالعة كتير حلوة بالشوكولا انت ساويتيها عن قصد لما مسدتي الشوكولا او هيك طلعت لحالها
بالتوفيق
سلام
هادي انا من جديد طار عقلي بالصينية و نسيت خبرك بخطتي الساروناتية و اللي لازمها الموافقة من القيادة المونية العليا تتطبق
بدي بعد ما طلع الكاتو من الفرن اخد منو الثلث و حطو بالفريزر و يمكن خليه قطعى كبيرة او قطعو مربعات زغار
و طلعو بعد فترة و حطلو شوكولا دايبة او ساويلو كريما متل هاي بس قوليلي هالكريما اللي حضرناها بينفع نخليها بالبراد لفترة او لا ازا ينفع قليلي كم المدة و ازا الكاتو ينفع ينحفظ بالفريزر كمان قليلي كم المدة
ما بعرف ليش حاسة انهاما بتنفع و ان القيادة العليا راح تقيلني من منصبي بسببا
في انتظار قرار القيادة المونية :eek
بالتوفيق
سلام
:grin عن جد فقعتيني ضحك
هلا الكيك ممكن ينحفظ بالفريز لمدة شهر طبعا من دون كريما و بيكون مغطى بشكل محكم و الكريما لازم تعمليها قبل ما تدجهنيها على الكيك مباشرة
شو اقالة و ما اقاالة , دا احنا من دونك سلطة يا جميل
السلام عليكم و رحمة الله وبركاته
و لك تسلملي هالضحكة و ان شاء الله تصلا منورة هالوش و القلب عطول :grin و ان شاء الله بخبرك بالنتيجة قريباعلى امل ان لا تكون هناك ضحايا بشرية او مادية بعد هاي العملية
بالتوفيق
سلام
السلام عليكم و رحمة الله وبركاته
:cry جات الحزينة تفرح مالقتلاهاش مطرح :cry كنت راح ساويه اليوم و قال شو رايحة طلع الزبدة و البيض من البراد و فجأة :eek ما في بييييض :sigh و انا بعرف انو ما في بس من كتر ماني حابه جربو نسيت يلا و عسى ان تكرهو شيئا و هو خير لكم ان شاء الله بكرا بساويه
كمان سؤال الكريما بتكون ساخنة و الكاتو بارد لما منحطا عليه او شو
بالتوفيق
سلام
يلا مو مشكلة , خيرها بغيرها و ان شاء الله بكرة تجربيه و يعجبك , الكاتو بارد و الكريما مو سخنة , اصلا هي ما بدها نار على البارد بتصير
اختي انا مو نسيانة وصفات الاجاص بس صار جربت أكتر من وصفة و كلهم
ما خرج نزلهم لااان ……( اتشفر الحكي )
السلام عليكم و رحمة الله و بركاته
يي عليي عهالسؤال شكلي دخت من كتر ما بدي ساويه اي اكيد مكونات الكريمة باردة و الكاتو بيكون بارد او فاتر لمن بنضيفها الكاتو هلأ بالفرن و ظل في 5 دقايق تطلعو — الله يستر و يضبط — راجعة بعدين تخبرك بالنتيجة
بالتوفيق
سلام
يلا عم استناك
السلام عليكم و رحمة الله وبركاته :cry :cry ما ضبط للاسف بس مو مشكلة انا الخطأ اللي ساويتو هو اني ما حطيت ورق زبدة لاني كنت مستعجلة و هالشي خلاه يلزق و ييبس من الجوانب بس بعدين قدرت طلعو من القالب بس هو ما نفش ابدا و ارتفاعو طلع يادوب نص اللي بالصورة و يبس و ما طلع طري مع اني اتبعت الوصفة متل ما هي بس راح فكر و شوف وين ممكن يكون الغلط اكيد بكون مساويتلي شي غلط من دون ما انتبه عن جد كان بدي فرحك بالنتيجة خصوصا بعد تعبك معي بالاجوبة و هلأ بكون ضيقتلك خلقك سامحيني
بس اكيد راح جربو مرة تانية و ما راح استسلم
بالتوفيق
سلام
بالعكس اختي انا زعلت على تعبك :roll و و حتى لو مو حاطة ورق زبدة كان لازم يطلع معك بسهولة , أكيد المشكلة بالسوائل , اتوقع غليتي الصوص كتير أو كانت المواد الي استعملتيها من بيض و طحين و غيره باردة
السلام عليكم و رحمة الله و بركاته
تسلميلي اختي منى و ان شاء الله راح عيدها مرة تانية و فرحك و افرح
بالنسبة للمواد فكانت بدرجة حرارة الغرفة
يعني بقيت الصلصة انا ما تركتها تغلي متل ما قلتي و ظليتني عم حركا حتى قطعت الكهربا لربع ساعة و ظليتني شوي عالعتمة 8) بس اكيد كنت يقدر شوف بس يمكن متل ما قلتي اكون خليتها فترة طويلة مع انه يا دوب تجانست المكونات و حركتها شوي و شلتا
في احتمال كمان قوليلي لما بضيف الطحين المنخول للصوص هل لازم الصوص تكون باردة تماما او ينفع تكون دافية لان خليتها لاكتر من 5 دقايق و ما كانت تبرد
كمان البيض انا بعد ماحطيت كمية الطحين المنخول فوق الصلصة على 3 مرات و مزجتها منيخ خفقت البيض مع الفانيلا و عطول ضفتو شو قولك
بالتوفيق
سلام
هلا أختي
الصوص رح تكون دافية مش باردة , هلا اليوم سويت القالب و نفش و بيجنن و طررررررري متل الخسة , اتفضلي معنا 
حيرتيني , فرنك حرارته مو ثابتة , أو الفرن انضرب ضربة قوية اثناء الخبز :roll
السلام عليكم ور حمة الله وبركاته
صحة على قلوبكم بس ليش هيك اتأخرت بس شوي قمت لقيت حصتي طارت وينا :cry اعترفو هلأ مين اكلا :grin او لتكوني حطيتيها بشي محل تاني لان اكيد من كتر ما الكاتو طيب خلص بسرعة
و الله انا كمان احترت يعني لهلأ كل شي ساويتو صح باقي شي و هو ضرب الصينية ضربات خفيفة يمكن هون كون ضربتا كتير و كمان لما طلعتو من الفرن القسم اللي فوق بدت تطلع فيه فقاعات او حفر زغيرة و بالنسبة للفرن ما بعتقد فيه شي بس يمكن
نحنا هلأ لازم نعرف وين الغلط تحتى المرة التانية يضبط
قوليلي باي قالب عملتيه رجعتلك رفيقتك قالبك او ساويتيه بواحد تاني
بالتوفيق
سلام
عم يخطر ببالي ان تكوني خليتيه قليل بالفرن و طالعتيه من قبل ما يستوي , جربتي تنخزي الكيك بشوكة أو سكينة قبل ما تطالعيه لتتاكدي اته استوى ؟ انا امبارحة اخد معي أكتر من ساعة كاملة بالفرن :roll
رفيقتي ما رجعت القالب فعملته بقالب مدور بقياس 24 سنتيمتر
السلام عليكم و رحمة الله و بركاته
لا اكيد استوى انا نخزنو بعود خشب و طلع نظيف و ما فيه شي و بعدها طالعتو من الفرن و هو اخد 56 دقسقة تقريبا
قوليلي بالنسبة لخطوه اننا نضربو ضربات خفيفة فينا نستغنى عنها لان يمكن هاي الخطوة هي اللي خلتو يفشل
بالتوفيق
سلام
ممكن , بس مو معقول تكون هي السبب :roll
السلام عليكم و رحمة الله و بركاته
طيب لكان بس لازم اعرف شو السبب ممشان جربا مرة تانية و تضبط قوليلي البيض خفقتيه مع الفانيلا بالمضرب الكهربائي صح و متى نخفقه هل في بداية الوصفة اونخفقو و نضيفو
بالتوفيق
سلام
منخفقه قبل ما نضيف الطحين على السائل :roll و فيك تخفقيه على الخفاقة الكهربائية
مساء الخير…عملت الجاتو وطلع مو شيء عادي طلع جنان وكأنه شيف حلويات فرنسي هو يلي عامله مع إني غيرت شوي في حرارة الفرن ووقت الخبز وما استخدمت ورق زبدة وما حطيت الجاتوه في البراد وجمدت الكريمالحالها-والكريما ضفت عليها زيادة حليب وماء لصارت تمام و زي ما قلتي كل وحدة وحسب حالات الطوارئ إلي تصادفها, وبصراحة هذي أول مرة أعمل جاتوه من خلال القسم يلي بالموقع واتحمست كثير إني أعمل باقي الأنواع ولكي خالص شكري وتحياتي.
هلا لارا
مسا الخيرات و الليرات و الردود الي بتبل القلب , أكيد الاشيا الي غيبرتيها هي لحتى تناسب الوصفة مطبخك و معداتك و صحة و هنا و عوافي على قلبكة و ان شاء الله ما تكوني نسيتيني من دوعة حلوة 
إذا بتحبي أقترح عليك تجربي كاتو جوز و لوز و موز حتى لو ما عنك لوز مطون تستبدلي اللوز بالطحين و بيطلع خيلة و كمان في كاتو السبانخ , تحفة و سهل كتير
بدك اليوم تطولي بالك
منين بتشتري طحين حلويات فاخر أنا كتير بساوي أنواع كاتو بس بلاحظ إنو جودة الطحين بتلعب دور كبير بنجاح الكاتو و كمان المعجنات الغربية
تمام سهى , الطحين المنيح هو من اساسيات نجاح الكاتويات , انا كنت اشتري الطحين من عند كنان , و جربت كمان طحين نعمة منيح كتير , و هادا ممكن تشوفيه باي سوبر ماركت كيسه شفاف و مكتوب عليه بالازرق الغامق و الكاشف ..
تسلم ايدك
حبيت اسالك الكوب العادي ولا المعياري
وجزاكي الله كل خير :zzz :zzz :zzz
هلا اختي ام عمر
نور الموقع فيك و مية اهلا و سهلا .
اختي انا استعمل الكوب العادي لتسهيل عملية القياس لجميع الاخوات
تسلمي يا رب زالله يجزيك كل خير
الله يسلمك أم عمر
السلام عليكم و رحمة الله و بركاته
بدي ارجع ساوي الوصفة مرة تانية و ان شاء الله تضبط معي
بدي اسألك اذا فيني استعمل صينية بايركس لهالكيك و اذا استعملتها هل راح تأثر على مذة الطهي و درجة الحرارة
و اذا استعملت صينية مفتوحة من النص بقياس 20 سم هل بينفع او لا لان بخاف تكون كتير صغيرة و يخرب الكيك مع انها مرتفعة
انا بعرف انو المكونات لازم تكون بدرجة حرارة الغرفة بس نحنا هلا بالشتا فاذا كان المطبخ كتير بارد مو متل الغرف اللي هي دافئة فهل عادي حط المكونات بالمطبخ تتاخذ درجة حرارته و استعملها او حطها بمكان دافي تحتى تدفا و بعدين اخذها للمطبخ البارد و استعملها
ما تواخزيني اختي منى على اسئلتي الكتيرة
بالتوفيق
سلام
السلام عليكم و رحمة الله و بركاته
اختي منى شو قلتي ناطرتك خصوصا هالاسئلة كتير مهمة بالنسبة لي لان لما جربت كاتو البرتقال بالصوص الابيض خرب بسبب الزبدة لان كانت بحرارة الغرفة اللي هي باردة و البيض كمان فانتزعت و علق نصها بايدي و بالخفاقة :cry
انا في الانتظار اختي منى بعرف اشغالك كتير لهيك كل مرة راح ذكرك :zzz و ان شاء الله ما تملي مني و من اسئلتي
بالتوفيق
سلام
هلا أختي
اكيد فيك بس انا الصراحة مو مجربتها لهيك ما فيني فيدك بالوقت المناسب لنضج الكيك
صينية بقياس 20 كتير كتير صغيرة و اكيد ما بتنفع
اختي اذا كان المطبخ بارد متل ما عم تقولي ممكن تحطيالنقادير بمكان دافي لحتى ما تحسي بالبرودة لما تمسكيها و تكون حرارتها عادية
و لا يهمك اختي و اسفة كالعادة بالتاخر بالرد , و ان شاء الله تكون الاجابة كافية و تجربيه و يظبط معك
السلام عليكم و رحمة الله و بركاته
يخليلي ياكي اختي منى وضحت الفكرة
بس زعلت لما قلتي ما بتنفع الصينية اللي اشتريتها انا فكرت لان مرتفعة راح تنفع طيب بتنفع لكيك الليمون و هل في اي وصفة بالمنتدى فيني ساويها بهالصينية
بالتوفيق و جازاك الله خيرا
سلام
اختي عي الصينية عندك لو ما كانت مثقوبة من النص كانت تنفع للأغلب الوصفات , بس هيك رح تكون كتير صغيرة , ممكن تشوفي اي وصفة و تقسميها بالنص كتجربة
السلام عليكم و رحمة الله و بركاته
طيب راح اخذ بنصيحتك و قسم شي وصفة و جربها
بس قوليلي الصينية المثقوبة من النص اللي بتنفس للوصفات اللي بالموقع قديش بيكون قطرها مشان المستقبل
بالتوفيق اختي منى
سلام
اختي قطر الصينية الي استعملها 23 أو 24 سم
طيب عندي قاعدة رح تريح بالك بالنسبة للصواني لان بشوف انها مسالة بتقللك كتير
أي كيك لما تعمليه و تسكبيه في الصينية لازم ما يزيد عن نصف الصينية و الا بعدها رح ينفش و يخرب , ممكن الزيادة تحطيها في قوالب الكب كيك أو في قالب كيك صغير :zzz
اختي قطر الصينية الي استعملها 23 أو 24 سم
طيب عندي قاعدة رح تريح بالك بالنسبة للصواني لان بشوف انها مسالة بتقللك كتير
أي كيك لما تعمليه و تسكبيه في الصينية لازم ما يزيد عن نصف الصينية و الا بعدها رح ينفش و يخرب , ممكن الزيادة تحطيها في قوالب الكب كيك أو في قالب كيك صغير :zzz
السلام عليكم و رحمة الله و بركاته
يخليلي ياكي اختي منى
بتعرفي اكتشفت شي يمكن يكون منيح و هو اني لما قست قطر الصينية ما قستو كتير منيح لان الثقب اللي بالنص يمتد طوليا ليتجاوز ارتفاع الصينية فهمتي علي لهيك ما قدرت قيسها بالضبط في النص يعني قست بعيد عن النص و لذلك لما قستها بالنص بالضبط بالرغم من ارتفاع تلك المنطقة لقيت انها وصلت ل 22 سم و تجاوزتها شوي اذا هيك بعتقد انحلت المشكلة ما بعرف اذا هيك صح او انا متفائلة كتير
بالتوفيق
سلام
ان شاء الله تنحل المشكلة و لا تنسي ان القاعدة الاساسية ان ما تزيد كمية مزيج الكيك و هو ني عن نصف قالب الكيك
عملته اليوم لرفيقتي واولادها لما اجو عندي وطلع كتييييييييير طيب مع اني بجربه اول مرة بس حسيته ما نفش كتير بس مو مشكلة المهم طلع كتيييير طيب
وكان عندي كريمة من قبل فزدتا عالكريمة تبعته وطلعت كتييييير طيبة
يسلمو دياتك ياعسل
هلا شفاء
الف صحة و هنا على قلبك و قلب القطط الحلوة و كمان ضيوفك كلهم
ان شاء الله المرة التانية بينفش معك متل ما بتحبي
رح جرب بعد بكرة
لازم ايكون اسمو كاتو التحدي
معقول صعب؟؟
شكرا منى
بخبرك شو رح ايصير معي إن شاء الله
مو صعب ابدا بالعكس سهللللللللل و الله :zzz
رح استنى رايك
السلام عليكم
منى اجا دوري حتى أهلكك بالأسئلة :p
أولا أنا ما عندي و لا قالب كاتو ممكن أعرف منك اذا في محل عنده تشكيلة منوعة من قوالب الكاتو لأن قريب من بيتنا ما شفت غير قوالب تيفال صغيرة…..
و مشان هالكااااااااااااتو الرائع تسلم ايدك الصورة أكتر من رائعة و رح أجربوا بس بعد الإجابة على أسئلتي طبعا(الأولو شرط آخرو شو؟)
طيب
أولا:دقيق الذرة مهم؟
و الزبدة أنا عندي زبدة لونا (تركية)يتزبط؟
ثانيا:السكر أكيد معلش سكر عادي و اذا البني أطيب قوليلي ما في مشكلة
ثالثا:هلأ قلتي انو فينا نستغني عن البيكربونات طيب شو فائدتهم ليقوم يخرب الكاتو بدونه؟
و آسفة كتير عبعذبك معي
هلا اختي
انا باخد قوالبي من المدينة من محل مختص بتجهيزات المطاعم , أتوقعه انه للباتنجكي , في عبارة البلور الي مقابيل خان الوزير , بس مو متاكدة من اسم المحل :roll
دقيق الذرة مهم و اذا متوفر بتكون النتيجة ممتازة , اذا نو بيمشي الحال كمان بس بالكورن فلور النتيجة احسن
زبدة لونا ما بتزبط ابدا , يعني اذا جاي على بالك تنزعي الكاتو استعمليها
السكر البني اطيب بكتير , اذا متوفر استعمليه و رح تعجبك النتيجة كتير ان شاء الله
ما بيخرب الكاتو من دون الكربونات , فائدتهم متل البيكنغ بودر , لنفش الكاتو
ايا سؤال تاني من عيوني 8)
تسلم عيونك يا أحلى منى :zzz
طيب شو الزبدة اللي بتنصحيني فيها؟
و لونا بتصير لباقي الحلويات أو المعجنات ولا نو؟
و السكر البني من وين بتشتري لأني صاحبتك قليلة خبرة :p
و يسلموووووووووووووووو كتير
احسن الشي لورباك و لافاش دو باري , و لونا ما استعملها ابدا , بحس وين ما حطيتها بيصير عدم , بومناتي كنت استعملها بس لدهن القوالب
السكر البني ملايان بالمولات و انا بجيبه من عند كنان جنب قصر المحافظ
ايا سؤال تاني تكرم عيونك
تسلم عيونك يا حلو
طيب آخر سؤال و هو لازم أحطه بصفحة السويسرول بس يلا معلش… :p
هو عن آلة الخفق الكهربائية هي ضرورية لتحضير السويسرول؟؟
و من وين بتنصحيني أشتريها؟
اكيد الة الخفق ضرورية لكل الكيكات .
أنصحك تدوري على ماركة منيحة و معروفة و تكون استطاعتها عالية و دايما بعدي عن الصيني و غني اله :grin
يسلمو يا أحلى منى بس آخر سؤال حول الكيكات و تحضيرن:
هلأ أي وصفة كيك في البداية يفضل خفقها بمضرب كهربائي؟؟؟؟
لأني بستعمل اليدوي؟؟ :zzz
و تانيا بعد اضافة الطحين لازم خفق و لا تقليب بملعقة؟؟
أنا دائما و قت بعمل كيكة السفن أب بتم بخفق و بتنجح بس بدي الطريقة الصح و آسفة على كتر الأسئلة البايخة :p
انا بخفق بالكهربائي , هلا هو باليدوي بتنجح , بس محتمل يصير بعدها معك فقرات :grin
بعد اضافة الطحين ااقلب بالملعقة و ممكن اذا قالب اخلاقه عظيمة اترك الخفاقة الكهربائية بس على اوطى عيار
تحت امرك
ايا سؤال و لو كان فتفوت انا
تسلمي يا أحلى منى
طيب ممكن نرجع للزبدة بس بدون ما تطعميني قتلة :grin
هلأ لونا قلتي مو منيحة طيب زبدة طيبة لأن عندي منها :p
و لا الزبدة النباتي عموما ما منيحة للحلويات؟؟؟؟؟
طيبة احسن من غيرها بس كمان انا افضل الزبدة الحيوانية , كلو طبيعي احسن
امممم
ايه اش هالسرعة باردود يا منى
طيب رح أجيب زبدة بريزدن و أترك اللي عندي للسوكسيه
طيب منى آآآآآآآخر سؤال :p
ولي أكيد اليوم منى رح تلحقني بالعصاية :grin
هههههه
هلأ أنا اشتريت قالب كاتو و بدي أعمل كاتو السفن أب اللي بعملو دائما بس ما بعرف اذا رح يكون القالب مناسب و لا لأ…السؤال هو:لوين لازم يصل خليط الكاتو في القالب للنصف أو أكتر أو أقل؟؟؟؟
للنص احسن الشي , بس اذا اكتر من النص بشوي مو مشكلة
ممكن تتركي الزبدة الي عندك لدهن القوالب , دايما طبق مميز معناه مكونات ممتازة
أنا كتييييييييير فرحانة فيك و بردودك السريعة يا أحلى منوووووووووووووووووووووش
مية السلامة بهل القامة
نورتي
السلام عليكم يلا يا منى اجا وقت الشغل…..
عبستنى ردودك الحلوة في الصفحات الآتية:
كب كيك قوس قزح
مربى الفريز
كيك الليمون
اللحم بعجين
كبة على السيخ
ول السجق
سلطة المعكرونة
و يسلكو ايديك يا أحلى منى
و رح أبعتلك قريبا و صفة الكاتو بالسفن أب
و ماما بتطبخ طبخ طيب كتييييييييييييييير بس المشكلة انوا ما بتعير مشان هيك ما بقدر أنقل شي لحتى جربن أنا بس ما بتعمل حلويات أبدا اللهم غير حلو العيد المعمول و الكرابيج و أقراص بعجوة و بيطلعوا و لا شغل مهروسة
بتعرفي منوووووووووش أنا جعت من كتر ما فتلت بهالموقع الشهي يمي يمييي أنا رايحة آكل هلأ صحة عقلبي(هههههههه)
بتعرفي اتذكرت أنا رح آكل هلأ مرتديلا عالعشا بدك أبعت طريقتها كمان؟؟؟؟؟
لاحقتك من ارنة لارنة :zzz
ماماتك متل كل الامهات , سبحان الله الخبرة الها دور و نحنا شو ما عملنا ما منجي نقطة جنبهن
تبقي كلي عني كم لقمة من المرتديلا , يا ترى طريقتك غير الطريقة الموجودة هون :roll
شكرا يا منوووووش عالردود بس نسيت السجق رول
ايه شو اشارات التعجب و الاستفهام هي؟؟؟
ههههههه
قصدي نسيت صفحة السجقنه رول أكيد فهمتي علي ما؟؟
طيب منوووش بدي أعمل اليوم ماريا أو عرايس بس بدي أسألك اذا بالفرن أغطي السندويش بسلفان و لا لأ لأني أنا بعنل التوشكا و السجق عالكباسة بس بدي أجرب بالفرن هالمرة
انت شو رأيك أي وحدة أطيب بالفرن و لا الكباسة؟؟؟؟؟؟
عبستنى ردك اليوم لأني مستعجلة :p
بالكباسة اسهل , انا بعملهن بالفرن لما بكن عاملة كمية كبيرة ما بيعود الي بالم اوقف على الكباسة شي نص ساعة
اذا بدك تعمليهن بالفرن غطيهن
هههههههه فضيت جرة الغاز يعني رح أعملهن عالكباسة
بس منى ليش منقشر البندورة؟؟؟؟ و ليش منتخلص من بذورها؟؟؟
و آخر سؤال الدبس رمان ضروري لأني حسيت أنو ما رح أحبه بالماريا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و منوووووووووووووش كرمالي لا تقولي اني كرارة و بسأل كتييييييييير :zzz
و الله ما رح قول شي :roll
البندورة منقشرها لان قشرها مو طيب ابدا اذا طلعلنا في السندويشة .
و منشيل البذر لان ما بدنا الخبزة تنبل و تمقمق , يقبرني الحلبي :grin
دبس الرمان رح يعطيها طعم كتير طيب , جربي و ان شاء الله ما بتكوني الا رضيانة
يسلمو كتييييييير يا منى أنا عملت ماريا طلعت طيبة كتييييير بس عملتها قبل ما تحطي الرد فما تشجعت و حطيت دبس رمان و البندورة تركت البذور لأن ما كانت مستوية 8)
يلا يا حلوة روحي عصفحة الآيس كريم بالزبادي لأن بلش وقته و رح أدعيلك كتيرررررررررر اذا نجح معي يا قمر و تسلم ايدك و الله محتارة من وين أبلش..أنا و ماما منعرف نطبخ كتير منيح بس أنا بحب الحلويات و الأكلات الجديدة و شفت طلبي بموقعك الاكتر من رائع :zzz
منووش عصحفة الأورانجيتيه كماااااااان :p
منوووووووووووووووووش :p هلكتك بالأسئلة بس معلش انت الكريمة و نحنا بنستاهل 8)
هلأ منرجع بس لوصفة الكاتو بثلاث خطوات انت كاتبة ملعقة صغيرة بيكينغ باودر طيب أنا دائما بحط الظرف كامل مو قليل ملعقة صغيرة؟؟؟
هنا و الف عافية يا رب على البك
حطي الباكيت كلو , انا بجيب علبة بيكنغ بودر كاملة لهيك استعمل المعالق
و كمان لا تنسي كربونات الصودا
هنا و عوافي على كل شي جربتيه
البيكنغ بودر مو قليل لان رح استعمل معه كربونات الصودا .
اذا ما رح تستعمليها حطي الظرف كله
على قلبك يا حلو
طيب منى أنا فضولية و بحب أعرف كل شي بالتفصيل أول مرة كتبتيلي أحط الظرف كله و بيكربونات الصودا
و تاني مرة قلتي أحط الظرف كله اذا ما رح أحط بيكربونات الصودا
و طيب انتي ليش ما بتكتري بيكينغ باود و بلا بيكربونات الصودا و لا في سر :roll
و آخر شغلة كمان ليش بتشتري البيكينغ علبة مو ظروف مشان أتعلم منك و الفانيليا كيف بتشتريها كمان؟
يا ستي بشتري علب لان الظروف ما بلحق منها , العلبة ابرك
الفانيليا ما بجيبها الا من المدينة , كمان الظروف ما بتمشي معي
حطي الي انتي متعودة عليه و الي بيناسبك , انا كتبت طريقتي فوق متل ما بعملها :zzz
طيب يا منوووش و أنا بدي الأبرك كمان :zzz
فشو مكتوب على علبة الفانيليا و البيكينغ باودر و من وين و السعر كمان
لأني رح أوصي زوجي
البيكنغ بودر من اي محل , رويال بس بالعلب و ما كتير بعرف السعر , كني 50 ليرة .
اما الفانيليا بالمدينة فرط , بشتري ااقل شي بيبيعني ياه عمو البياع , شي بـ 25 ليرة و بتروح معي سنة , لان كتير نكهتها قوية و ربع ملعقة بتكفي و اذا كترنا بيطلع الكيك مر .
اي قبل ما انسى لا تشتري بيكنغ بودر من المدينة لان مو منيح ابدا
يسلمووووووووو يا حلو
و البيكينغ ما قلتي الكمية اللي بتعادل الظرف
منوش نسيتيني بصفحة الكريم تووووووم
انا بحط لكل كاسة طحين ملعقة صغيرة بيكنغ بودر
يسلمو منى
اسعااااااااااااااف اسعااااااااااف يا منى على صفحة أورانجيتيه :cry
منووووووشة يلا على صفحة عدس مدمس
حطي الباشيه و الحقيني انا سابقتك 8)
منوووش أنا جهزت أغراض الكاتو تقريبا بس بدي أسألك عالصينية :p
أنا عندي الصينية المستطيلة طولها33و عرضها23 و ارتفاعها3 بتصير ولا لأ؟
و كمان اذا حطيت ظرف كامل بيكينغ باودر و ملعقة صغير كربونات بصير ولا هيك كتير؟؟؟
و الكربونات هي نفسها اللي بحطوها للسوس؟؟؟؟
و الكورن فلاور شو هو اللي بتشتريه؟؟؟
و ما بصير أحط نشا بداله(آسفة على السؤال البايخ) :roll
و شو الفرق بينهم؟؟؟؟؟؟
منوش نسيت أسألك وصلتك رسالتي و فيها الوصفة؟؟؟؟؟
مرحبا مدام منى أنا صار معي اكتئاب لان ما زبط ابدا اول شي طلع ملدوع رغم أني حطيتو بس 40 دقيقة وما نفش ابدا وطلع السوس مسكر وعم يقرش كتير زعلت لان شكلو بيشهي بليز اولي شو السبب
هلا زينة
ممكن يكون مزيج الزبدة سخن اكتر من اللزوم لما ضفتيه على بقية المقادير ؟
الصوص عم يقرش معناها السكر مو بودرة , معناها استعملتي سكر ناعم مو بودرة و هادا بيفرق كتير
لا تزعلي و لا يصير معك اكتئاب , منتعلم دوما من تجاربنل
هلا ملك
القالب ارتفاعه قليل , هادا قالب سويس رول و ما بيصير لهل الوصفة
استعملي ظرف بيكنغ بودر و ربع معلقة صغيرة كربونات
الكروبنات هي نفسها تبعة سلق الحمص , ما بعرف شو بيحطوا للسوس :roll
الكورن فلور بشتريه الي بالعلبة الصفرة soo good و فيكي تستعملي النشا بداله هون و الفرق بيناتهم انو واحد من القمح و واحد من الذرة
شكرا مدام منى مزبوط يمكن الزبدة كانت اكتر من فاترة بس هي اول مرة بعرف انو في فرق بين السكر البودرة والسكر الناعم :upset يعني هاد بشتىي فرط ولا في نوع معين؟؟؟؟
مرحبا منى … جربت هالكاتو من فترة وكان كتير طيب .. بس ما نفش معي كتير و اشتهيت احشيو من نفي الكريما الفوقانية قولتك بيصير؟؟
يسلموا ايديك فعلا كتير سهل
أمممممم يمي كتيييير بتشهي بس 2 ملاعق صغيرة زيدة كم بالغرام :cry