كاتو لوز و جوز و موز


         وصفة : منى                 2007/06/12                 14 تعليقات
كاتو لوز و جوز و موز

·          ينخل الطحين مع البيكنغ بودر ثم يمزج مع اللوز المطحون , يهرس الموز الناضج بالشوكة ثم يمزج بعصير الليمون , تحتاج الوصفة لكوب من الموز المهرووس , يدهن  قالب الكيك بالزبدة و يحمى الفرن على درجة حرارة 180 درجة مئوية  .

·          يخفق البياض حتى يجمد و يصبح مثل الثلج ثم يوضع في البراد حتى اعداد باقي الوصفة .

·          يخفق الصفار مع السكر حتى يتكون لدينا مزيج كريمي اللون .

·          يضاف البياض المخفوق و يقلب مزيج الكاتو بلطف ثم يضاف الموز و الزيت و يقلب المزيج باتجاه واحد , ثم يضاف الطحين المنخول و اللوز المطحون و أخيراً الجوز .

·          يصب مزيج الكاتو في القالب المدهون و يخبز في الفرن المحمى لمدة 40 دقيقة أو حتى يخرج طرف السكين نظيفاً .

·          بعد أن يبرد الكاتو يرش يالسكر البودرة و يقدم مع الشاي . 

تنويعات و إضافات  :

·          يمكن اضافة ملعقة صغيرة قرفة مع نصف ملعقة صغيرة جوزة الطيب للحصول على نكهة مختلفة .

·          يمكن اضافة ملعقتان من جوز الهند كما يمكن الإستغناء عن الجوز .

 




كوب طحين حلويات
ملعقتان صغيرتان من البيكنغ بودر
ثلاث أرباع لوز مطحون ناعم جدا مثل البودرة
بيضتان كبيرتان مفصول الصفار عن البياض
ثلثين كوب سكر ( أو كوب حسب الذوق )
نصف كوب زيت
موز ناضج
ملعقة كبيرة عصير ليمون
نصف كوب جوز محمص و مفروم ناعم





• ينخل الطحين مع البيكنغ بودر ثم يمزج مع اللوز المطحون , يهرس الموز الناضج بالشوكة ثم يمزج بعصير الليمون , تحتاج الوصفة لكوب من الموز المهرووس , يدهن قالب الكيك بالزبدة و يحمى الفرن على درجة حرارة 180 درجة مئوية .

• يخفق البياض حتى يجمد و يصبح مثل الثلج ثم يوضع في البراد حتى اعداد باقي الوصفة .

• يخفق الصفار مع السكر حتى يتكون لدينا مزيج كريمي اللون .

• يضاف البياض المخفوق و يقلب مزيج الكاتو بلطف ثم يضاف الموز و الزيت و يقلب المزيج باتجاه واحد , ثم يضاف الطحين المنخول و اللوز المطحون و أخيراً الجوز .

• يصب مزيج الكاتو في القالب المدهون و يخبز في الفرن المحمى لمدة 40 دقيقة أو حتى يخرج طرف السكين نظيفاً .

• بعد أن يبرد الكاتو يرش يالسكر البودرة و يقدم مع الشاي .

تنويعات و إضافات :

• يمكن اضافة ملعقة صغيرة قرفة مع نصف ملعقة صغيرة جوزة الطيب للحصول على نكهة مختلفة .

• يمكن اضافة ملعقتان من جوز الهند كما يمكن الإستغناء عن الجوز .
  • وصفات تانية ممكن تعجبك


التعليقات

  1. Rino 21 January 2008

    الله يعطيكي العافية منى
    وصفات دايما تحفة اليوم إن شاء الله رح جرب هالكيكة و آخدها معي لعند أهلي بكرة لأني معزومة عندهم عالغدا بس بدي أتأكد من مسألة اللوز
    أسلق اللوز و أأشروا و بعدين أطحنو؟ و لا أطحنو بقشروا ؟يا ريت تعطيني تفصيل شوي عن هالنقطة لحتى يكون التطبيق دقيق
    جزاكي الله كل خير

  2. منى 21 January 2008

    هلا فيك رينو , عوافي و هنا مقدما :)

    حبيبتي اللوز صعب تعمليه بالبيت لأن قد ما طحنتيه مو ممكن يصير بودرة :roll ..

    قبل ما اعرف انه متوفر مطحون في السوق كنت اطحنه دايما في البيت , هو بحاله من دون سلق و لا شي بتطحنيه , بس رح يعزبك شوي لحتى ينعم تمام ;)

    و فيك تحمصيه شوي بالفرن لحتى يصير طحنه أسهل بس من دون ما يتغير لونه لحتى ما تتغير طعمته

    أنا بيجيبلي ياه خالي مطحون و خالص من عند صاحبه عنده محل حلويات ;)

    إن شاء الله تجربييها و تكون على زووءك

  3. سارونات 22 August 2008

    السلام عليكم و رحمة الله وبركاته
    قريت اسم الوصفة و شفت صورتا من فترة بس لما شفت لوز و جوز قلت بخليها للاخير لان بتكون مكلفة شوي و كنت راح اسالك عن وصفة كاتو بالموز لان ما دقت من قبل كاتو بالموز و قديشو الموز ناعم فقلت اكيد كاتو الموز راح يطلع يجنن و كتير فرحت لما قلتي يمكن الاستغناء عن الجوز هالوصفة راح جربا قريبا اكيدان شاء الله
    قلتي ممكن نضيف ملعقتين جوز هند للعجينة امتى نضيفهم و كمان نستغني عن الجوز فازا استغنينا عنو منخلي المقادير متل ما هي او منغير شي
    من المكونات كان بينلي انو راح يعمل صينية مو كتير كبيرة بس بالصورة شايفة الكاتو ما شاء الله نافش و كانو بيعمل كمية لا باس بها فشو حجم الصينية يا ترى :?

  4. منى 23 August 2008

    هلا أختي , حتى فيك تستعملي طحين عوض عن اللوز المطحون إذا مو متوفر , جوز الهند مع الطحين منضيفه و لما ما منحط جوز ما منغير شي بالوصفة, و الصينية بتوسع لـ 10 – 12 كوب و ما بتفرق شو ما كان يكون شكلها

  5. سارونات 23 August 2008

    السلام عليكم و رحمة الله و بركاته
    تسلميلي اختي منى و ان شاء الله بجربا و تضبط
    بالتوفيق
    سلام

  6. سارونات 30 August 2008

    السلام عليكم و رحمة الله و بركاته
    مبارحة عملتو و متلما قلتلك ما حطيت جوز و كمان لوز يعني صار اسمو كاتو موز من غير جوز و لا لوز و طلع خفيف و طعمتو بتجنن و كمان ريحتو حلوة و ما بينشبع منو يعني بتاكلي و بتحسي بدك كمان و مو تقيل ابدا بالرغم من انو ما نفش كتير يعني طلع قد نص اللي بالصورة كمان يبس من تحت هالشي طبيعي او لا بس بعد ماغلفتو بكيس نايلون طرى من تحت اما من فوق و من داخل فطري كتي رو بيجنن كمان اللوم ما طلع هيك ابدا يا ترى ليش انا اللون طلع عصفار مو عبني
    هو بيطلع سميك شوي صح يعني لما بتصبيه بالصينية لازم تبسطيه شوي مشان يغطيها
    بالنسبة للنفش مابعرف ليش صاير الكاتو ما بينفش معي بالمرة الماضية ساويت كل شي بالحرف الواحد بس كاتوالشوكولا ما ضبط يمكن فرني صايرلو شي
    هالمرة في شي عملتو يمكن اثر على الوصفة و هو اني بعد ما كسرت البيضة التانية وقع الصفار على البياض و جربت شيلو بس ما نفع فقمت شلتن عجنب و كسرت اتنين تانيين بس كان عندي واحدة بس بدرجة حرارة الغرفة و التانية طلعتها عطول من البراد كنت مضطرة لان كنت مجهزة الموز و خلطتو مع الليمون فما كان بدي يروح ضيعان مع اني بعتقد انو حتى لو ما كانت البيضة باردة ما كان راح ينفش عالعموم اكيد راح جربو مرة تانية بالمستقبل
    عفكرة حطييتلو ملعقتين تقريبا جوز هند و ما حطيت سكر من فوق يعني خليتو سادة و عم فكر بشي طريقة للتزيين للمرة الجاية مع انو هو هيك بيجنن و بخاف ازا ضفنالو شي يغطي على الطعمة
    حكيت كتير بعرف ما تواخزيني
    بالتوفيق
    سلام

  7. منى 30 August 2008

    هنا و عوافي أختي , اللون رح يطلع على بني لان انا بضيف قرفة مع الكيك ..

    خطرلي شي , يا ترى صوانيك تيفال ؟ لان التيفال مو منيحة أبدا للكيك و رح تعمل متل ما قلتي , يعني رح تنشفه , و هل الكيك ما في داعي نغلفه بالنايلون و نحطه بالبراد , غير طريقة كاتو الموز و الكراميل ;)

    النفشة عم فكر نوعية الطحين الي عم تستعمليها أو الصينية , انا صوانيني صغيرة كتبير بس حرفها عالي , لهيك بتفش معي كتير , و نفس المقدار لو حطيته بصينية أكبر و حرفها واطي رح تبين النفشة صغيرة ,

    اي سؤال تاني من عيوني أختي و هنا و عوافي على الكيك ;)

  8. سارونات 31 August 2008

    السلام عليكم و رحمة الله و بركاته
    اي اغلبهم نوع تيفال و اللي ساويت فيها كاتو الشوكولا كمان تيفال لهيك يبس الكاتو لكان
    بس هالكاتو ساويتو بصينية مو تيفال و
    لكان راح جربو مرة تانية بالقرفة و اكيد اللون راح يطلع بيجنن
    و اناهيك كمان فكرت يعني حجم الصينية و ارتفاعهابس صوانيي كمان زغار و مو مرتفعين كتير و المشكلة انو الكاتو ما بيرتفع يعني عم تكون الكمية مناسبة و في مكان للكاتو تيرتفع بس ما بيرتفع بس راح ضلني وراه وراه تيصير ينفش منيح :grin
    شايفة انو الموز طعمتو كتير مميزة بالكيك يا ريت لو عندك وصفات تانية لكاتو موز تحطيها بالمستقبل و في انتظار جديدك دائما
    بالتوفيق
    سلام

  9. ملاك عبدالله 17 November 2010

    اهلين ست منى و انشالله تكوني بخير
    انا كتير جديدة بالطبخ
    و عملت قبل مرة كاتو موز و ما زبط معي
    بس غير وصفه
    شفت موقعك و كتير انبسطت
    و حبيت جرب هالمرة شي وصفة من وصفاتك و اجا ع بالي اعمل كاتو الموز بوصفتك
    بس حبيت اسالك نوعية الموز
    لما تقولي موز ناضج شو بتقصدي
    قصدك بيكون أسود؟

  10. منى 19 November 2010

    هلا سارونات :)
    ان شاء الله بيزبط معك متل ما بتحبي , و تكرم عيونك على الوصفات

  11. منى 19 November 2010

    هلا فيك ملاك :)
    نور الموقع , ان شاء الله تجربي شي من الوصفات و يكون متل ما بتحبي

    قصدي يكون طري و مو قاسي , لون القشرة ممكن يكون منقط بالاسود بس الموزة نفسها لونها على حاله ;)

  12. Jassy 7 May 2011

    السلام عليكم ورحمة الله وبركاته

    كيفكن يا صبايا ؟ طمنونا اهم الشي ؟؟
    يا عيني عهالوصفة.. بعد ما كنت مقررة وقف عند كاتو الطبقات الخيالي قبل ولادتي، لقيت حالي بعدني عم بعمل حلويات وبعمل، كلما لقيت معي نص ساعة فاضية. مع أن لازم وققققققف عندي 1عشرااااات الكيلوات زيااااادة خصوصي هلئ بعد الولادة. صحي خبركون :) اجانا عُدي :zzz ان شاء الله عقبال المشتهيات .. لك ليه هيك ما حكيتولي أن الأمومة رائعة لهالدرجة ؟ :cry :) صار عمر عدي شهر ونص بس بضل ما عم سدء حالي عليه، وراح آكلو عن قريب، بس لا حدا يطلب مني الوصفة :grin لأنها سهلة، بتضلي تبوسيه بتضلي تبوسيه لتاكليه !!!
    ايه عذرا … منرجع للوصفة 8) شي فخم والله، كتير كتير ناعمةوبتذوب بالتم هالكيكة، وجوزي كتير كتير عجبتو وصار خلص نص القالب.
    تسلميلنا يا منى هانم، ما ننحرم منك ومن طبخاتك ووصفاتك يا رب.
    المرة الجاية بجرب اعملها بدون المكسرات بس مع جوز الهند (اليوم بعد ما حطيت القالب بالفرن لقريت ان ممكن حط جوز الهند :grin زعلت شوي ههههه).

    يسلمو كتير الله يجزيك الخير

    والسلام عليكم ورحمة الله وبركاته

  13. منى 9 May 2011

    و عليك السلام ياسمين :)
    الحمد لله تمام و انت
    ابوس قلبه عدي , بدي شوفه لقرر كيف بتتحضر وصفته :grin
    الله يقويك و يقدرك على تربياته و تشوفي منه خير كتير و بركة و يتمم عليك باخوة او خوات اله

    لا تزعلي , انا بحبه من دون جوز هند , لحتى تطلع طعمته من دون مؤثرات خارجية ;)

    بتعرفي اديه بستمتع بردودك , دوما حلوة و نعنوشة , ما انحرم من هل الطلة الحلوة و القلب الابيض

  14. Jassy 21 May 2011

    السلام عليكم ورحمة الله

    اليوم رجعت عملتها، كنت بدي ساويها بدون لوز بس عجبتني فكرتو ;) والهشاشة يلي بيعطيها للكيكة، فحطيتو.
    عملت كاتو موز ولوز وجوز (هند)، ممممم هلئ منى انا بوافقك ان الجوز الهندي يعني .. أن .. هيك .. ان …. بس انا شارية كيلو :grin وما عرفانة وين ادحشو.

    طيبة كتير يسلمو كمان مرة :zzz . شوفيلي شو حل لهالولد لما يتاكل ؟
    http://www.flickr.com/photos/jasbs

    ههههههه .. الله يحفظ ولادكم يا رب … ما عم بفهم كييييييييف ممكن الوحدة تصاب باكتئاب ما بعد الولادة (من قبل كنت خاف منو لأن عندي قابلة للاكتئابات) وبين إيديها هيك كنز ؟؟؟ :zzz سبحان الله زينة الحياة الدنيا.

    والسلام عليكم ورحمة الله

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)