هي الوصفة من أكتر وصفات الكبة الي بحضرها , سهلة و نجاحها مضمون و لبكتها خفيفة و طيبة كتير , و مع المحمرة و الحمص و المخلل أكلة ملوكية بتطلع .
هلا أصولها تنشوى على الفحم , و هيك بتطلع أطيب الشي , بس أحيانا بيكون جاي على بالي كبة بس ما جاي على بالي التاص بالمطبخ , بعود بحضرها بالفرن و بربع ساعة بتكون جاهزة , يم يمممم
بالصحة و الهنا
![شو لازمنا ؟](http://l2ma.com/wp-content/uploads/2013/04/ingredients.jpg)
كيلو لحمة غنم مفرومة
2 كوب برغل ناعم جداَ ( برغل التبولة أو البرغل السميسمي )
بصلة متوسطة
ملعقة صغيرة نعناع
1 – 2 ملعقة صغيرة فليلفة حمراء ناعمة
نصف ملعقة صغيرة بهار مشكل
ملح
قطعة صغيرة من الدهنة
2 – 3 ملعقة كبيرة صنوبر
ملعقة كبيرة سمنة بلدية أو عادية ( اختياري )
![طريقة التحضير](http://l2ma.com/wp-content/uploads/2013/04/direction.jpg)
• يغسل البرغل و ينقع مع البصل و القليل من الملح بالقليل من الماء البارد مدة 10 إلى 15 دقيقة ثم يصفى من الماء الزائد .
• يفرم البرغل بماكينة فرم اللحمة مرتان مع البصلة ثم يوضع مع اللحمة المفرومة و الدهنة و البهارات في وعاء مسطح كبير ( و يفضل وعاء فخاري إن وجد ) و يوضع صحن ماء صغير على طاولة العمل لتبليل اليدان به أثناء العجن .
• تدعك الكبة لمدة 10 دقائق و يضاف القليل من الماء إذا دعت الحاجة حتى الحصول على عجينة رطبة و طرية و متماسكة , يضاف الصنوبر و تدعك مجدداً حتى يمتزج الصنوبر مع الكبة , أصبحت الكبة جاهزة .
• تقسم الكبة إلى كرات كبيرة نوعا ما ثم تشك في أسياخ الشوي و تشوى على الفحم و تقلب حتى تنضج الكبة من جميع الأطراف .
• تذوب السمنة على نار متوسطة ثم تقلب فيها ك%D
والله الله يسلم ايديك انشالله انا بكرا بدى اعملها بس بدى اشويها بالفرن بدى اسالك بحسن احط الشحمة مع الكبة وادهكهم مع بعض والشحمة اطيب ولا الدهنه شو بتنصحينى لانه بده يجى لعندى جماعة حلبيه وبدى ابيض وجه والف شكر
هلا نداء
اكيد اختي فيك تحطي معهم شحمة حتى لو رح تشويهم بالفرن ..
أنا ما بحط معها لحتى تطلع اخف 8)
الشحمة رح تطلع أطيب من الدهنة
و ان شاء الله رح يبيض وجهك و خصوصا اذا عملتي معها المحمرة
الله يسلم هالديات
بتشهي القلب و الله أنا مغرمة بها الأكلة بس بيني و بينك ألذ شي أنها تنشوى عالفحم النكهة بتطلع فظيعة و أنا لما بنسفها بسلي دهنة و بنسفها فيها بعرف أنها دسمة و بترفع الضغط و الكليسترول و بتسمن و كل البلاوي هاي بس مو بايدي بحب الأكل الدسم و عالطريقة القديمة :roll
عندي سؤال ومستحية منه :roll ،بس بعرف قلبك كبير ورح تتحمليني
.
شو الفرق بين الشحمة والدهنة؟
يعني ممكن ضيف للكبة المشوية دهنة،ولا هي غير هديك؟
آسفة حبيبتي عم كتر غلبة،بس صدقا بعتبرك أختي الكبيرة 8) ،(للعلم ما عندي غير أخت وحدة صغيرة بعيدة عني :cry ).
في أمان الله.
هلا فيك يا عسل:) ..
بليز ايمان لا بقى تحكي هيك , اي سؤال انت بتامري امر…
حبيبتي الشحمة هي عبارة عن المادة الي بتغلف قلب و رئة الخاروف , اكيد رح يعرفها اللحام لو طلبتيها منو ..
و احيانا بيسموها الشبكة
أما الدهنة فهو باقي الدهن الموجود في جسم الغنم و الشحمة ما فيك تستبدليها بالدهنة , غير شي و غير طعم..
خلص من هلأ انت اختي الانترنتية الصغيرة شو رايك 8)
اي خدمة من عيوني و الله يرجعك لاهل بخير و سلام يا رب
أختي العزيزة مني
يسلمو كتير على قلبك الكبير.
الله يخليلي اباك حبيبتي
و انت يا عسل و لا أنحرم من هل الطلة الحلوة
و الله باينتك حلبية يا رينو
هي الدهنة المسلية شغل حلب
و كلامك مضبوط , أطيب الشي انها تنشوى على الفحم , بس أنا ما بقدر نسفها بالدهنة ..
و الا بعدها ما بقدر اكلها و انا مغرمة فيها :roll
شهيتيني عليها
أسئلة من بعد إذنك
هل اللحمة هبرة ومفرومة عادي وبكون فيها دهنة
وهل ممكن نطحن اللحمة مع البرغل على الماكينة وإذا بصير شو الفرق من العجن بلإيد أو الماكينة
وشكرا كتير لهل الموقع اللي صار دليلي
(جنيت امبارح لطالع الوصفات بعد ما وقف بس الأخير لقيت طريقة اليوم الحمد لله اشتغل الموقع تمام
سلام
نعوم
كيفك منوش
والله اشتقنالك من زمان ما حطيتي شي وصفة والكبة الحميس أول مرة بسمع فيها
المهم من رمضان حطيت كم سؤال على الكبة هون ويمكن ما شفتيهم إن شاء الله تفضي وتجاوبيني عليهم الله يعطيك العافية
كيف بردات حلب هالكم يوم
مشان الله لا تزعلي مني , ايه ضعت :roll
صار كم يوم مروا بووووظ رسمي , يعني مطر الحمد لله رب العالمين ما عم يهدى و الدنيا نقف على قولة اخي :grin
اللحمة مو هبرة , هي لحمة الكباب العادية الي نستعملها للطبخ , انا مو مجربة أفرم اللحمة لان هي اصلا مفرومة , بقى هي ما رح ااقدر فيدك فيها
الف صحة و هنا على كل الوصفات الي جربتيها و كلك زووء عى هل الرد الحلو
منى حبابة لا تزعلي لأني عبكتر أسئلة مو :roll
هلأ هي نفس الكبة القصيبية و لا لأ؟
و اذا شويتها بالفرن بتطلع طيبة؟؟؟؟؟
نفسها
اذا شويتيها في الفرن بتطلع طيبة بس مو متل تبعة شوي الفحم
يسلموووووووووووووووووووووووو
منوووووش أنا ما عندي سيااخ الشوي بشو أثقب الكبة؟؟؟
ملك ممكن تستخدمي سيخ الخشب
مرحبا انا مبتدئ بالكبة و عفوا اذا سؤالي غريب، بس ما فهمت الدهنة لازم تنطحن مع البرغم ولا منكون اشتريناها مطحونة مع اللحمة الغنم؟ شكرا
ممكن تطحنيها مع البرغل , او تجيبيها مطحونة و خالصة ..
مية هلا
يسلم ايديكي يارب بس يعني لو برغل سميسمي بدها دوران عالماكينة بقصد البرغل مع البصل
الله يسلمك يا رب منورتينا , بس ما كتير فهمت سؤالك