براونيز بكريما الخمس دقايق السرية
من كم يوم كنت بجمعة صغيرة و منمنمة و التقيت فيها بواحدة من رفقات نانا فدوى , الست غالية , و هي من الاشخاص الي بيأثروا فيك من اول مرة و كلامها ما بينشبع منه و عندها شي تضيفه شو ما كان مسار الحديث , انا هون بحب ااقعد و اسمع و اشرب بكل روحي و عقلي ..
من حديث لحديث وصلنا بالاخير للطبخ و النفخ , و حكت الست غالية عن الكبة النية و كيف بتحضرها , طريقتها كانت مختلفة و لفت نظري انو اول ست بيت حلبية بقابلها و بتستعمل الريحان الفريش لطبخها , من طريقة حكيها و وصفها , كنت رح موت من جوعي , كنت رح ااقرط شي كاسة او معلقة حاف 
لهيك اول ما رجعت على البيت نقعت البرغلات مع البندورة و اخر ورقات ريحان كانوا بالشتلة مع رشة قرفة , البرغل اتشرب من كل هل النكهات الطيبة و صارت ططعمته بتجنن , و انا ضفت من عندي بهارات الكبة النية , ريحان مجفف و مردقوش مجفف و رشة بهار , بعدها نعمتها على ماكينة الكبة و دعكتها بزيت الزيتون , قطعتها و رتبتها بالصحة … ريحتها و لونها و طعمتها , اغراء باغراء باغراء .
تسلم دياتك ست غالية
بالصحة و الهنا
3 كوب برغل ناعم
3 – 4 حبة كبيرة بندورة , مفرومة
1 حبة بصل , مقطعة ارباع
ملعقة كبيرة معجون الطماطم
3 ملعقة كبيرة دبس فليفلة
ملح
رشة قرفة
نصف ملعقة صغيرة ريحان مجفف
رشة بهارات الكبة النية , و اذا لم تتوفر يمكن استبدالها برشة فلفل اسود و مردقوش , رشة صغيرة
6 – 7 ورق ريحان طازج
• نغسل البرغل و نضيف عليه كل المقادير ما عدا الريحان الطازج و يترك حتى تمتص حبات البرغل مرق البندورة و يطرى , لمدة 30 – 45 دقيقة .
• يطحن البرغل و الريحان الطازج على ماكينة فرم اللحمة ثلاثة مرات ثم تبلل اليدان بالماء البارد و تدعك الكبة لمدة عشر دقائق , يمكن إضافة المزيد من دبس الفليفلة و معجون الطماطم حتى نحصل على اللون المطلوب .
• تقطع الكبة النية لقطع صغيرة و يضغط عليها لتاخذ شكل اصابع اليد و تصف في طبق التقديم و تقدم و بجانبها طبق زيت زيتون للتغميس فيه لمن يرغب .
السلام عليكم ورحمة الله وبركاته. يسلمو ايديك وايدين ست غالية ببقوا ستات زمان الن نفس طيب عل الاكل بس بصراحة مالي صحبة مع الريحان مع اني الالمان بيحطوا بكتير اكلات هون سبحان الله لكل شخص ذوق معين شكرا الك
مرحبا أحلى ميمو
يا ستي هالكبة بتعملها حماتي وخاصة أيام مونة دبس الفليفلة والله بتاخد العقل كتير كتير طيبة الله يسلم دياتك الحلوة اللي بتنلف بحرير :zzz
و عليكم السلام ام تسنيم )
ايه و الله هنن الخير و البركة , و اد ما تعلمنا بيبقى بدنا فت خبز كتير ادامهن :zzz
مممم , اذا ما بتحبي الريحان ممكن تجربيها من دونه اذا جاي على بالك .
نورتي يا قمر
هلا ميوسة
الله يسلم دياتك و ديات حماتك , عن جد طيبة كتير و مستاهلة , على كل لما بتعمليها مرة تانية لازم تاكلي عني شوي :zzz
مشكورة منى انت وست غالية الله يطول بعمركون ويبارك فيكون لون هالكبة كتير طالع حلو وبيشهي انشالله رح جربا بس على فكرة منى نحن كتير منستعمل الريحان منسمي الحبق بالكبة النية مع اللحمة وبالسلطات وهو واخضر طعمتو اطيب من اليابس بس اذا مش متوفر اخضر منحط يابس
و انا البهارات الي اشتريتها للكبة اسمها بهارات كبة لبنانية :zzz , ام نور بتبقوا انتو اهل البة النية , و انا اد ما دقت ما رح دوق اطيب من الكبة الي دقتها ببيروت
الله يسلم ايديكي يا منى وايدين الست غاليه. وصفه جديره بالتجريب. صارلي فتره و نفسي اجرب كبه البندوره و كبه العدس. بس هلاء خلاص بعد وصفتك لازم بكره تكون عالغدا باذن الله.
السلام عليكم هل وصفه كتير ظريفه الله يخلليلنا هل الكباريه هن البركه في حياتنا انا بساويها ايضا بدون لحمه يا منى بس بحط حبه بطاطا مسلوقه معهم وبتلطع كتير طيبه
ممممممممممممم شكلها بيشهي كتيير :zzz زكرتيني بكبة عمتي الله يزكرها بالخير لمى كانت تعملها نجتمع حوليها انا واخواتي ونستنا لحتى تخلص وناكلها :p تسلم ايدك يااحلى فنانة
يا عيني
منظر هالكبة بيشهى
لازم و لابد جربها بس يخلص هالأكل اللي بالبراد.
صحيح منى بدي إسألك سؤال
أنا كان عندي عزيمة و كان فيها مشاوي ، و للأسف زاد عندي كتير بيواظ ، يمكن شي خمس باقات بقدونس :eek
شو برأيك ممكن إهمل فيه ، أحسن ما أكبه ، حرام :sigh
السلام عليكم ورحمة الله وبركاته عنجد تسلم ايديكي ياست منى شكلها بيشهي واناكتير بحب الكبة نية وطريقتك متل طريقة الماما الله يخليلنا ياهابس المامابتعمل جنبها صوص للتغميس فيه بدل الزيت وطبعا تعلمنا منها ودائما بساويها مع الصوص تبعهاوكتيير طيبة بتطلع
هلا امون
ان شاء الله تجربيها و تكون طيبة , انا النوعين الي ذكرتيهن من انواعي المفضلة و لان بحب الاشيا الخفيفة و النضيفة :zzz
عم استنى رايك
هلا منال
ايه و الله و نحنا من دونهن ما النا بركة .
بتعرفي منال مرة حماتي علمتني كبة نية و بطاطا معها و قالتلي انها كتير طيبة , ذكرتيني فيها , ان شاء الله بقى بجربها
هلا ام علي
بعد زمان و تعيشي و تتذكري و تكوني دوما باحسن حال
الله يسلمك و يخليك و الف شكر للمرور
هلا رامو
و انا متلك بحبها كتير كتير و هلا من دون هبرة صار فيني اكلها و انا مرتاحة :zzz
ممم , يا ترى شو هو الصوص ؟
هلا ميوس
ان شاء الله تجربيها و تطلع يممي
حيف على البيواظ :sigh , يا ترى انت محمضته بدبس رمان و الا شو , اذا لا فيك تعمليه عجه :zzz
حبيتي منووش
شو هالتوارد الأفكار الخطير هاد
أنا فعلا عملته عجة ، كانت حاطة عليه رشة سماق خفيفة و ما كتير أثرت ع الطعمة.
طلعت عجة مفتخرة.
:grin هو انتي ما تعرفيش اني انا ااقدر اقرا افكاري , و من ردودك ااقدر اعرف كل اسرارك :zzz
هنا و الف عافية , ما في احلى من ست البيت المدارية و الي بتحفظ النعمة , الف صحة يا رب
الله يعافي قلبك يارب
ياستي شكراَ، و هذا بعض مما عندكم.
حبيبتي ست منى لاتواخذيني تاخرت بالرد عليكي بس بتعرفي اختبارات الاولاد ولوشتها والحمد لله هلق خلصو وعنا راحة ل10 ايام 8) المهم منرجع للصوص تبع الكبة نيةهو عبارة عن بندورة وبصلة وفليفلة خضراءوزيت زيتون وكمون ودبس الرمان وملح وخل واللي بيحب الحراق بيحطلها شوية دبس فليفلةوبتطلع كتييييييير طيبة مع الكبة نية وبتمنى انك تجربيها وتعطيني رايك فيها وصحتين وهنا سلفا لاتواخذيني طولت عليكي
ممم , هياتها بتجنن , اكيد رح جربها , و الله لو مو الساعة هلا 9 بالليل كنت قمت و ساويتها , يممم .. بحب الكبة النية 8)
الله يوفق الاولاد و ان شاء الله تكون النتائج منيحة
حبيبتي منى يعطيك الف عافية ويديم عليك الصحة انت وامك الغالية ست الحبايب، انا امي سورية بس اول مرة بعرف انه في كبة نية من غير لحمة ، انا لسه ما سويتها بس لما اسويها راح اعطيك راي بس شكلها حتطلع حلوة كثير من مكوناتها وبعدين ما شاء الله حولك كل اكلاتك بجربها بتطلع طيبة . يعطيك العافية ويسلموا هالايدين واللي علمهم.
هلا ام ضحى
هلا كتير ناس ما عم ياكلوا الكبة النية العادية , اما لان ما عم يتقبلوا اكل لحمة نيةو اما بسبب امراض و غيره لهيك كتير في ناس بتحضر كبة نية من دون هبرة , الطعمة مو نفسها بس طيبة كتير , اعتبريها وصفة تانية
رح استنى رايك بعد التجربة
السلام عليكم يسلمو ايديكي منه كبه نيه بتجنن تعرفي مشتهيه عليها من رمضان لانو اجيب الهبره معي منسوريه شي يكفيني طول شهر رمضان بالسعوديه لانو اللحمه هون مو مضمونه تتاكل ني
بس مع هالطريقه مافي مشكله ايمت الواحد مااشتهى احلى كبه نيه بيعمل الله لا يحرمنا افكارك
ان شاء الله تساويها و تطلع متل ما بتحبي
انا عني بمووووووت عليها :zzz
الله لا يحرمني من هل الاخوات الحلوات الكريمات , نورتي اختي
اهلين حبيبتي منى تسلميلي على الرد انا لسه ما جربت الكبة بس ان شاء الله عن قريب عندي عزيمة بدي اعملها، بس في سؤال شو هوه البيواظ اول مرة بسمع فيه ممكن اعرفه لو سمحت
مع جزيل الشكر
يسلمو إيديك منوش شكلها طيبة بس بتصير من غير ريحان طازج للأني عندي عقدة منو ما عم اعرف أشتريه ونفسي أعمل اكلات كتير فيه وخصوصا البستو
المهم شو الفرق بين الريحان والحبق أنا بعرف الريحان ورقته عريضة واللي بشوفو في السوق ورقته نحيفة وطويلة وصغيرةمو كتيير
وش أسمه بلانجليزي مو هو ال
basil
يعني فعلا هالكبة غير شكل :p انا كتير حبيتها
بس لسا حاسة في مشكلة بلونها ، يمكن دبس البندورة اللي عندي مو تمام ، و ما بدي كتر منه حتى ما تنزع الطعمة
بس فعلا رائعة ، شوفوا صورتها الحلوة:
http://www.facebook.com/photo.php?pid=3903139&l=466e93ce69&id=700637010
مرحبا منى
أنا ترددت أسجل في الموقع بس توكلت على الله وقلت زي ما تجي تجي
البارحة بس اللي اكتشفت الموقع
وحسيت بإحباط واكتئاب لسببين
1) لأن طبيخي تعباااااان وما شاء الله الله يحميكم
2) لأني اكتشفته مرررة متأخر
طلب وياريت ما تكسفوني
ياريت تشرحوا لي طريقة الكبة العادية
أسوأ شيء في الدنيا اللي تتزوج وما بتكون شاطرة بالمطبخ :cry :cry :cry
ليش هيك ما طلعت الصورة
راح أجرب مرة تانية[img]http://www.facebook.com/photo.php?pid=3903139&l=466e93ce69&id=700637010[/img]
هلا ام ضحى
ان شاء الله تجربيها و تطلع طيبة متل ما بتحبي
البيواظ هو سلطة بتتقدم مع المشاوي , موجودة بقسم السلطات و هي عبارة عن بقدونس كتير و بصلة و بندورة شوي و بعدها بتحمضيها بدبس رمان و زيت . بتجننننن :zzz
هلا ميوسة
الف الف رصحة و هنا يا رب , الصور ما طلعت عندي , رح اطلع عليها بالفايس بوك و ظبطها ان شاء الله
اللون معناها اكيد من دبس البندورة , انا الدبس الي استعمله توصاية من الضيعة , لهيك بيكون ممتاز :zzz
الف الف هنا مرة تانية و ان شاء الله تكوني اكلتي عني كم قطعة
هلا لولو
ليش التردد , انت وصلتي لبيتك النتي , مية اهلا و سهلا فيك , و ان شاء لله تبقي معانا دوما و تجربي من الوصفات و يكون يممي
رح نزل صور تفصيلية لتحضير الكبة لعيونك ان شاء الله .
اما قصة طبخك تعبان فهادا شي عادي و خصوصا اذا كنت جديدة على المطبخ , لازم تجربي و تجربي و تجربي لحتى تظبط الاكلة بالاخير على كيفك
شرفتينا اختي و ايا سؤال لايا وصفة انا تحت امرك
هلا نعومة
اكيد بتصير من دون الريحان , مع ان طعمته بالاكل بتطلع بتشهي و مميزة .
هلا الريحان و الحبق نفس الشي و الاسم بالانكليزي Basil , بس في اله نوعين , نوع ناعم كتير و هادا استعماله للزينة و نوع ورقته عريضة و هادا الي استخدمته لهل الوصفة .
على كل اذا كنت بسوريا فالنوعين متوفرين بشتلات بتناع و بتتركيها عندك في محل مشمس و كل ما بتلزمك بتاخدي كم ورقة
م بالصورة كتير شكلها مغري..بس سبحان الله..أنا هيك الأكلات الأصلية بحبها متل ما هيي..يعني مرة دقت الكبة بزيت عند جماعة.زحرام طيبة وفيها نفس..بس بضل الحب الأول وبالاخير لإم الهبرة..تسلم أناملك ويعطيكي العافية..
صح رغود , بس الي ممنوع من اللحمة الهبرة وين يروح بحاله
انا عني بحب هي بما لا يقل عن الاصلية لان كل شي اله لذته و اله وقته
مرحبا مدام منى حاسة حالي كثير متاخرة عن العالم اخر تعليق ب 2011:) 8) بس كنت حابة اسال فيني استخدم دبس فليفلة جاهز ما بعرف اذا ممكن لاقي بسوق منو بس رح حاول اذا بيصير انا ساكنة بالامارات وبحب اللكبة النية بس هون لحمة مو مضمونة فالافضل طريقتك بس صفى مشكلة دبس الفليفلة اذا فيكي تفيديني واذا بتعرفي انواع معينة معلبة
ما بعرف اذا وصلك تعليقي الاول بس فيني استخدم مع هالوصفة جوز
هلا اختي
اكيد اكيد في منو , هلا انا ما عندي خبرة بالانواع المتوفرة بالامارت , بس من زمان قالتلي رفيقتي انو في الدرة , و هي انا جربتها من زمان و كانت طيبة