براونيز بكريما الخمس دقايق السرية
كيلو و نصف لبن غنم أو بقر ( زبادي )
ملح حسب الحاجة
حبة بركة ( اختياري )
ملح حسب الحاجة
حبة بركة ( اختياري )
• توضع قماشة بيضاء رقيقةعلى مصفاة ناعمة , يصب اللبن عليها و يغطى بباقي القماش و يوضع في البراد لمدة يوم كامل , بعد بضعة ساعات يغطى القماش بطبق و يوضع عليه ثقل خفيف للتأكد من تصفية اللبن من الماء بشكل جيد .
• يوضع اللبن المصفى في وعاء مسطح و يضاف الملح و حبة البركة حسب الرغبة , تقلب بلطف حتى تتوزع حبة البركة في كل اللبن , الكمية حسب الرغبة , انا أحب أن تكون الكمية كبيرة لذا اضيف حوالي نصف ملعقة كبيرة .
• تغطى صينية مسطحة بقماش قطني رقيق , باستخدام ملعقة كبيرة يؤخذ مقدار من اللبن ويضع على القماشة الرقيقة بحيث تكون القطع جنب بعضها البعض , تكرر العملية حتى انتهاء كل الكمية . يغطى اللبن بقماشة أخرى و توضع في البراد لمدة يوم أو أكثر حتى يجف اللبن تماما و يصبح بقوام جامدجداً . تشكل قطع اللبن لكرات و تغطى بالقماش و تترك لمدة 12 ساعة اخرى .
• يملىء ربع مرطبان زجاجي بزيت الزيتون , تصف كرات اللبن في المرطبان ثم تغمر بزيت الزيتون حتى تتغطى تماماً. هذه الكمية تكفي لمرطبان واحد من الحجم المتوسط الظاهر بالصورة . .
• تترك اللبنة في زيت الزيتون لمدة يوميين تصبح بعدها جاهزة , تقدم على الافطار او العشاء مع الخبز العربي و قطع البندورة و الخيار . .
• يوضع اللبن المصفى في وعاء مسطح و يضاف الملح و حبة البركة حسب الرغبة , تقلب بلطف حتى تتوزع حبة البركة في كل اللبن , الكمية حسب الرغبة , انا أحب أن تكون الكمية كبيرة لذا اضيف حوالي نصف ملعقة كبيرة .
• تغطى صينية مسطحة بقماش قطني رقيق , باستخدام ملعقة كبيرة يؤخذ مقدار من اللبن ويضع على القماشة الرقيقة بحيث تكون القطع جنب بعضها البعض , تكرر العملية حتى انتهاء كل الكمية . يغطى اللبن بقماشة أخرى و توضع في البراد لمدة يوم أو أكثر حتى يجف اللبن تماما و يصبح بقوام جامدجداً . تشكل قطع اللبن لكرات و تغطى بالقماش و تترك لمدة 12 ساعة اخرى .
• يملىء ربع مرطبان زجاجي بزيت الزيتون , تصف كرات اللبن في المرطبان ثم تغمر بزيت الزيتون حتى تتغطى تماماً. هذه الكمية تكفي لمرطبان واحد من الحجم المتوسط الظاهر بالصورة . .
• تترك اللبنة في زيت الزيتون لمدة يوميين تصبح بعدها جاهزة , تقدم على الافطار او العشاء مع الخبز العربي و قطع البندورة و الخيار . .
اخت منى معناها كتير سهلة هاللبنة لان انا كنت جيبة معي من لبنان كانت امي تعمل الكور وتشمسون عالسطح ويصيروا ناشفين تماما ولما اوصل على فرنسا اضعهم بمرطبان واضيف فوقهم الزيت :sigh طريقتك ما بدا تشميس وممكن اعملا هون وفي اي وقت اريد لان اللبن هون ما بيتغير نفس النوعية صيف ولا شتي ونوعية ممتازة فشو رايك بجرب بهذه الاوقات على طريقتك
هلا ام نور
جربيها و على ضمانتي ان شاء الله
من زمان كنا نشفها بالشمس ..
بس كمان من زمان ما عدنا نشفناها غير هيك
جربيها و ان شاء الله تكون من لبنة ماماتك
اخت منى انا عم صفي اللبن وانشالله غدا رح اعملو كرات بدي اسال ممكن استبدل زيت الزيتون بزيت المازولا
وكمان لما بعمل الكور بغطسون بالزعتر وبعدين اضعهم في الزيت ولا عند الاكل بشيلون من الزيت واغطسهم بالزعتر 
عم عذبك باسالتي بس هيدي اول مرة بجربها لان
مية أهلا و سهلا أم نور
أختي أنا و لا مرة ما جربت حضره بغير زيت الزيتون :roll
أكيد الطعمة أطيب بزيت الزيتون ..
مع ان العلب الجاهزة الي ممكن الواحد يلاقيها بالسوق بتكون كلها مغمورة بزيت عادي .
لما بيكون عندي زعتر أخضر , بنقيه و بشيل منه العود و بعدها بغمس كرات اللبنة فيه , بهيك رح يتخلل الزعتر الأخضر بالزيت و رح تاخد اللبنة من طعمته
بس اذا مو متعودة على هل الطعمة بيصير ما تحبيها
الله يخليك ام نور , لا بقى تقولي عم تعزبيني , اختي انت بتامري أمر و أي سؤال أنا بخدمتك أختي
اختي بدي اسالك سؤال انا عملت اللبنة وحطيتون بمرطبان وحطيت علي زيت ولا اروع واسهل شغلا طلع بس لازم خلي المرطبان بالبراد ولا ما بيهم
وبخلي مسكر اقل شي 10 ايام ولا ما بيهم فيني دوء كيف 
هلا ام نور
حبيبتي فيك تدوقي على كيفك و تفتحي المرطبان على كيفك و ما بدهم براد بس بشرط أن تكون الكرات كلها مغمورة بالزيت لحتى ما تعفن ..
بس هي ما بتحمض مضبوط إلا لبعد شي اسبوع
يعني لازم تحمض معناهاوفي حال حمضة طبيعي لان اكلت قطعة بتحسيا لبنة كتير جامدة فيا نكهة الزعتر ما خطرلي لازم تحمض
ما كتير فهمت عليك ام نور :roll
بس المهم هي بدها شي اسبوع لتصير جاهزة , متل المكدوس كيف منتركه شي اسبوع ليصير حامض و جاهز للأكل
الف شكر انا فهمت عليكي خلص صرلون 3 ايام رح انطر اسا 7 ايام وشوفون وبقلك كيف :p
هاك بيسمو عنا ما بعرف شو بتسمو بسوريا
بدي اسالك انتو بحلب بتعملو شي اسمو شنكليش
مسا الخير ام نور
ان شاء الله بيصير و بيكون على زوءك
الشنكليش هيك اسمه عنا بسوريا و هو بيعملوه أطيب الشي بالساحل عنا باللاذقية و مرة بجبلة دقت أطيب شنكليش بحياتي ..
بس أنا ما بعرف اعمله :roll , مرة واحدة من جاراتي ببيتي القديم حكتلي انها بتعرف تعمله , بس لما سالتها عن طريقته صارت تتهرب و بالاخير فهمتني بأسلوب لطيف انها ما فيني تعلمني
مسا النور يا اختي
انا نانتي بتعملوا بس كمان كيف ما بعرف بس كتير شغلو صعب وما بيعملو الا الستات الكبار لان نوعو قديم بس طيب طيب مع زيت زيتون اصلي يممممممممممم
غريب امر جارتك واذا علمتك شو بتخسر
ما بعرف و الله ام نور :roll
على فكرة في كتير ستات هيك , لما بيكون عندهم شي وصفة حلوة ما بيحبو يعلموا لحدا ..
أنا كتير بحبوا لما بيكون على اصوله مع بندورة مفرومة و بصلة و زيت زيتووون كتير , يممم يممي
الله يمسيكي بانوار النبي يا اخت منى بدي اتشكرك على هالوصفة فعلا نجحت معي وطلعت شي بيشهي ورح ضل اعملا عطول انشالله بس المرة اقادمة رح اعمل شي 6 كيلو لبن لان 2 كيلو كتير قلال بدي اسالك ما بيهمون اذا ضلوا بالزيت مغمورين وقت طويل
ولا الاحسن كل مرة اعمل 2 كيلو اضمن 
لا بالعكس ام نور اعملي قد ما بدك
انا كاتبة هون كمية قليلة بس لحتى إذا الواحد جاي على باله يجرب لحتى إذا ما كانت على زوءه ما يتورط بكمية كبيرة
صحتين و هنا يا رب
اعجبتني كثيرا … باذن الله سوف اقوم بتطبيقها لايوم بعد ان اشتري قماش لفعلها
هلا بطبوطة
إن شاء الله تجربيها و تكون متل ما بتحبيها
حبيبة قلبي منى
مابعرف شلون ماشفت هالوصفة من قبل، زعلت كتير لما لقيتهاهلأ بعد فوات الأوان :cry
كنت كتير مشتهية أعمل لبنة على إيدي، وأنا مابعرف شلون بتنعمل ، بس بعرف لما تنشف المي تبعت اللبن بتصير لبنة،بس شلون بتنشف مابعرف.
بلا طولة سيرة،جبت اللبنة وليفتها بشاش وحطيتها بمصفاية بالبراد ،بعدين انتظرت أسبوع ،ماصارت لبنة :sigh ،قام قال لي زوجي لأنها بالبراد، طالعيها لبرا بتصير لبنة بسرعة، ومن شوي وجدت الفاجعة :eek ، اللبن عفن :upset
المهم ،عملتها هلأ بطريقتك ،بس حسيت الملح ظاهر ،مابعرف برأيك بيخف بعدين؟
ولازم حطها بزيت ،ولا بصير أكلها بس صارت لبنة؟
ولا مرة عملنا طريقة غمرها بالزيت ، بس إذا أطيب وأحسن بعملها،شو رأيك؟
هلا أمولة
كله طيب ايمان اذا غمرتيها كتير طيبة و بتبقى معك أكتر من اللبنة العادية شي تلات أو اربع شهور , و اذا ما غمرتيها كتير طيبة ..
الملح ما رح يخف و هي رح تكون شوي صغيرة مالحة لحتى تنحفظ منيح بالزيت
أنا بحبها هيك و بحبها هيك , جربي مرطبان صغير بالزيت مو خسرانة شي , اكيدة رح يعجبك
على فكرة ما فهمت ليش ما ظبطت معك لما حطيتيها بالشاش بالبراد :roll
شكرا لردك أختي .
أعتقد ما ضبطت معي لأنو ماحطيتها بمصفاة ،وما حطيت ثقل فوقها ، والشاش حطيته على وجه اللبن بس ،وماحطيت ملح للبن، مشان هيك ما فقست المي من اللبن ، مو هيك؟ :roll
سويت اللبنه وشلت جزء وخليته بالصحن مع زيت زيتون ونعنع والجزء الاخر كورته ووضعته بزيت الزيتون وناطره السواء
بس حتى وهي بالصحن طعمتها لذييذه… وصار افطاري المفضل مع خبز السمسم
وهنا الصورة
[img]http://www.l2ma.com/images/stories/application/5.jpg[/img]
واشكر الغاليه مس انجيل على تصغير الصور ووضع اسم الموقع فيه
يا كويتية شو هل اللبنة الطيبة هي :zzz شي بيشهي و لا أطيب منظرها..
انا كتير بحب اللبنة متلك مع نعناع و فليلفة حمراء ناعمة و رشة كمون و غمسي بالخبز مع كاسة شاي سخنة … جعت هلأ :grin
صحتين و هنا يا رب , و ان شاء مطرح ما بسري يمري
امولة ما عملتي شي صح بهل اللبنة :grin
الملح مو ضروري من دون ما تحطيه بس ما حطيتي اللبن بمصفاية على مصفاية و فوقه تقل رح يمشي حاله
السلام عليكم و رحمة الله و بركاته
كتير عجبتني الفكرة و بهنيكي على طريقة التقديم بينو كانهم بيض في عش ما احلاهم
بس بتاخذ كمية كتير كبيرة من زيت الزيتون يعني هي راح تتشربو او لا و بس يخلصو اللبنات شو منساوي بالزيت يعني فينا نستعملو للطبخ مثلا
و لكم يوم فينا نحفظها بالبراد من غير زيت و منغطيها او لا لما ما منحطلها زيت
بالتوفيق
سلام
هلا أختي
اللبنة ما رح تشرب الزيت , الزيت رح يغمرها و تعطيها من من نكهتة و كمان اللبنة رح تعطي الزيت من نكهتها .
ما فيك تحضريها بلا زيت , الزيت ضروري لحتى يعطي للبنة طعمة حموضة خفيفة , و الباقي من الزيت فيك تستعمليه للسلطات , ما اطيب السلطة بتصير لمن تبليها فيه
لك يسلموا إيديك يا منى شو هاد انا كتيير بحب اللبنة بالزيت انا دائما بعمل اللبنة بالبيت وبشفها بالشاش بس ما بصفيها كتيير لدرجة إنو تتكور معي وما بحطلها تقلة من شان هيك رح اجرب اعملها على طريقتك بس بلكي بعد ما ارجع من السفر وببقى بقلك شو صار معي يسلموا إيديك يا حلو
ان شاء الله بتجربيها و بتشوفي شو سهلة و ما بدها شي و رح تصير وصفة معتمدة عندك باذن الله
تروحي و ترجعي بالسلامة
ان شاء الله بتجربيها و بتشوفي شو سهلة و ما بدها شي و رح تصير وصفة معتمدة عندك باذن الله
تروحي و ترجعي بالسلامة
السلام عليكم منونة انا من شوي دعبلت هل اللبنات وحطيتن بقلب المطربان وغمرتن بالزيت بس نسيت نسوة ما ضفتلهن حبة البركة مع إنو طلعتها وجهزتها لحتى أضيفها بس ما بعرف ليش نسيتها على كل إن شاء الله تطلع طيبة وتزبط وهلق عم استناها لتستوي هل اللبنات ببقى بخبرك على النتيجة يا قمر 8) :p
السلام عليكم منى انا كتيير متحمسة لحتى اخبرك عن نتيجة اللبنة المكبوسة :zzz يا ستي بعد مرور 10 ايام بالتمام والكمال فتحنالك هل المطربان ودقنا من هل اللبنة ويا الله شو طلعت طيبة عن جد كتيييييير طلعت طيبة بتشبه اللبنة يللي كنا نجيبها مكبوسة بالسوق بس طبعا طلعت معي اطيب لأنو استعملت زيت الزيتون اما اللبنة الكبوسة يللي بتوصلنا اغلب الزيب بكون زيت نباتي بس يسلموا يا ستى على هل الوصفة وصارت من وصفاتي المعتمدة صحيح اكلتلك كم كرة لبنة يعني اكلتن عنك ما تاكلي هم :grin :grin :grin
و عليكم السلام و رحمة الله و بركاته
ان شاء الله الف صحة يا رب , يا ستي شغل البيت غيررر , انظف و اضمن و احلى بكتير , الله يعطيكي العافية و هياته النونو عم ياكل على كل درس لون :zzz
هلا اهم ما في الموضوع انك اكلتي حصتي , و انا عم قول لحالي ليش ما قدرت افطر منيح , تاريني فطرانة عندك :grin
حبة البركة مو مهمة لنجاح الوصففة , بس هي كانت رح تعطي طعمة طيبة لهيك فيكي ترشي شوي على اللبنة بس ما طالعيها .
الف الف صحة اختي على البك و الب كل العيلة الحلوة
الشنكليش نانتي بتسويه بس الماده الرئيبه فيه اسمها شنكليش وهي احد مشتقات الحليب ما بعرف شلون يصنعوه بالساحل بالربيع بس بينزل عالسوق بيشتروه بيضيفوله الزعتر الاخضر الناشف و حبه البركه والفليفله الحمرا و بيدعبلوه وفيه طريقتين الي كان يحطوه بغربال و يعلقوه على شجره بالظل حتى ينشف بعدين يلفوه بورق ويحطوه بقطرميز ويسكروه حتى يعفن و يصير ريحته مقرفه معناتو صار جاهز للاكل او انه يدعبلوه و يحطوه بالزيت متل طريقه اهل حمص يضل تازه و بدون الريحه المعروفه اياها تعرفو من زمان كان خالي بالسعوديه يقول انو يحط الشنكلي اول الاغراض بالطبونه متى ما فتح الجوازات لحتى يفتش يشم الريحه و يدوخ و يبطل تفتيش
مرحبا ست منى يسلم هالايدين على اللبنة بس انا الي عتب عليكي كتير عبحط ردود او اسئلة ومابتردي علي
وبدي اطلب منك طلب ولو بدي عذبك ياريت لو تنزلي طريقة التنشيف للبن بالصور لانو مافهمتا حاولت كتير بس مامشي الحال وكتير انا مشتهيه اعمل اللبنه ههي لانو انا بفرنسا ومافي متل لبنتنا بسوريا ويسلمو ايديكي مرة تانيه على هالوصفات الطيبة
وفي سؤال تاني شو هو نوع القماش مثلا قطن ولا شي نوع تاني عم كتر غلبه بعرف الله يعطيكي الف عافية
هلا فيك اختي
لا تزعلي مني , بتعرفي اديه بقدر كل الاخوات هون و اديه بفرح لردودهم و تواجدهم , بس و الله يا اختي الظروف كلها مخربطة و انا ما عندي نفس لايا شي
المهم بالنسبة للوصفة , تكرم عيونك ان شاء الله بحط الصور قريب لما حضر اللبنة مرة تانية , القماش انا استعمل قماش قطني , ممكن قميص نظيف و عتيق شوي , ممكن شاش ابيض و ما دام حضرتك بفرنسا فاتوقع انو متوفر عندكم شي اسمه…cheesecloth و هادا خصوصي لصناعة الاجبان و الالبان
شكرا ع هل الوصفات الطيبه اخت منى,من شي سنه و انا بتابع وصفاتك و بقول ليوم و بكره بسجل ليوم شديد الهمه,لأنو فعلا اشتقت للبنه لبنان هن بالسعوديه اللبنه مش طيبه ابدا,جربت كتير اشياء من وصفاتك و كانوا طيبين كتير.
الله يسلمك اختي ام هشام و نورتي الموقع بطلتك الحلوة
يا ستي متل خضرة بلادنا ما في الله يديم علينا النعم و لا يحرمنا منها ..
هنا و الف صحة و عافية على قلبك يا حق
شكرآ عالوصفة الطيبة
الشكر الك نسرين
يا هلا فيك
الف حمدلله انو رجع الموقع قبل رمضان كتير كنت اكلة هم حسيت حالي ضايعة بدونو دخيلك يامنوش لا تقطعينا مالنا غيرك
