كعك العيد


         وصفة : منى                 2008/07/23                 54 تعليقات
كعك العيد

·          توضع البهارات الصحيحة في هاون و تدق حتى تصبح ناعمة .

·          يخلط الطحين مع الملح و السكر و البيكنغ بودر و باقي البهارات ثم يدعك بالزيت و الزبد حتى يتشكل لدينا مزيج يشبه الرمل .
·          يضاف الماء بالتدريج حتى الحصول على عجينة ناعمة و يراعى عدم العجن الزائد , تعجن المقادير فقط حتى تصبح لدينا عجينة متجانسة و قابلة للتشكيل .
·          تترك العجينة ترتاح لمدة نصف ساعة ثم تقطع و تبرم بين الأصابع لتشكيل أصابع طويلة , تقطع الأصابع و تلف بهيئة كعكات , و الحجم حسب الرغبة .
·          يصف الكعك على صينية مغطاة بورق الزبدة و تخبز في الفرن المحمى مسبقاً على درجة 180 مئوية لمدة ربع ساعة على الرف الأوسط ثم تشعل لبضع ثواني من فوق حتى تحمّر .
·          يرفع الكعك عن الصينية و يترك حتى يبرد ثم يحفظ في وعاء محكم الإغلاق .

·          يقدم الكعك مع كوب من الشاي الساخن و الجبنة البيضاء .

   





4 كوب طحين كاتو
باكيت زبدة من نوعية ممتازة
كوب صغير زيت
ملعقة صغيرة ملح
ملعقة صغيرة سكر
2 ملعقة صغيرة بيكنغ بودر ( باكيت )
نصف إلى كوب ماء بارد
ملعقة كبيرة حبة بركة ( أو أقل )
ملعقة صغيرة سمسم أبيض

دقة الكعك :

ملعقة كبيرة محلب
نصف ملعقة صغيرة كمون
نصف ملعقة صغيرة شمرة
نصف ملعقة صغيرة يانسون





• توضع البهارات الصحيحة في هاون و تدق حتى تصبح ناعمة .

• يخلط الطحين مع الملح و السكر و البيكنغ بودر و باقي البهارات ثم يدعك بالزيت و الزبد حتى يتشكل لدينا مزيج يشبه الرمل .
• يضاف الماء بالتدريج حتى الحصول على عجينة ناعمة و يراعى عدم العجن الزائد , تعجن المقادير فقط حتى تصبح لدينا عجينة متجانسة و قابلة للتشكيل .
• تترك العجينة ترتاح لمدة نصف ساعة ثم تقطع و تبرم بين الأصابع لتشكيل أصابع طويلة , تقطع الأصابع و تلف بهيئة كعكات , و الحجم حسب الرغبة .
• يصف الكعك على صينية مغطاة بورق الزبدة و تخبز في الفرن المحمى مسبقاً على درجة 180 مئوية لمدة ربع ساعة على الرف الأوسط ثم تشعل لبضع ثواني من فوق حتى تحمّر .
• يرفع الكعك عن الصينية و يترك حتى يبرد ثم يحفظ في وعاء محكم الإغلاق .

• يقدم الكعك مع كوب من الشاي الساخن و الجبنة البيضاء .


  • وصفات تانية ممكن تعجبك


التعليقات

  1. تورتاية بالكريز 24 July 2008

    الله يعطيكي العافية اخت منى وذكرك بما ينفعك يارب والله حديثك ذو شجون ذكرتيني باخت ياما اهديتها وصفاتي المجربة بادق تفاصيلها وتفاجئت بيها مرة تحضر طبق اعجبني وترفض منا اصدقائها عدم متابعتها لانهوصفتها التي تتميز بها ولاتعطي اسرارها لاحد عدا عن ذلك فانها تحضر وصفاتي ولاتشير لي بحرف جبر خاطر الانسان طيب يرتجي رضا المولى عز وجل لكن ايضا تاسره الكلمة الطيبة والتقدير ولو بحرف
    المهم كعكاتك بياخدوا العقل ياقمر ومدونة وصفاتك وسردك اليوم غير شكل حقيقي من زمان شفت وصفة مشابهة لاناهيد سمتها كعك بحليب بس كعكاتك فيهم نسبة دسم وبهار منوع اكتر شوي وشكلهم اكتر من رائع ياقمر كل الشكر لك غاليتي وتقديري القلبي والشخصي لمجهودك الكبير

  2. منى 26 July 2008

    هلا ام ياسمين :)

    أنا كتير بعرف ناس هيك , و سبحان الله بنفس الوقت بتلاقي ناس بتحب تعلمك من جوى قلبها ..

    المهم و لا يهمك , إذا ضاعت مع هل الرفيقة ما بيضيع مع غيرها , انا واحدة من قريباتي بنفس الطبع , كل ما حدا بيسألها عن وصفة بتغير الموضوع أو بتعمل حالها مشغولة أو جاها ضيووف أو أو ..

    ان شاء الله تجربي هل الكعك و يعجبك , احنا منضيفه في العيد مع الكرابيج و المعمول ..

    و انا كمان حابة أشكرك للمحبة الي بحسها بين كلماتك و الله يشهد انك الك بقلبي متل هل المعزة ;)

  3. Iman 27 July 2008

    يسلموا منى وصفه كشلا طيب كتير عندي سوءال حبيبتي باكيت الزبده اللي في الوصفه كام كوب بيطلع لانو عنا يوجد باكيت فيه كوب و باكيت فيه كوبان و ثاني سوءال كيف بيطلعوا الكعكات هل بيفتو فت والا بيقرشوا مثل القرشله? و مره ثانيه يسلموا ايديكي على هالوصفات الرائعه

  4. منى 27 July 2008

    هلا أمونة :)

    حبيبتي الزبدة 200 غ تقريبا كوب كامل و الكعكات بيطلعوا مقرمشيين ;)

    ان شاء الله تجربيهم و يعجبوك:)

  5. ام نور 30 July 2008

    بتعرفي منى هالكعك اكلتو عند كتير ناس وسبحان الله ولا مرة لفتلي نظري وحبيت جربو لان ولا مرة اكلتو وعجبني شي مالح كتير
    شي بلا نكهة وهيك
    لما شغت هالصورة الي منزلتيا ما فيني قاومت وبالفعل جربت طريقتك شو طلعوا طيبين يا هيك الكعك يا بلا :p

  6. منى 31 July 2008

    هنا و عوافي ام نور :)

    ريتو ألف صحة ربي , كتير انبسطت انهم عجبوك ;) بوسيلي القطط الحلوة و خصوصا القطة الكبيرة الشقرا

  7. بدور 29 August 2008

    لك تسلميلي الهي على هالمقدمة البتجنن و على هالطريئة بشرح الوصفة :)

    والله انت مافي متلك و انت نعمة من الله لكل شخص بيتعرف عليكي والله مو مجاملة عبحكي من كل كل ألبي..

    الله يحميكي و يباركلك يا رب..

    وئت شفت وصفة الأقراص بعجوة كتير حبيتها بس ئلت لحالي لسا بكير علي جربها هلأ لإنو مبينتا صعبة وبدها خبرة :roll

    بس هي نشالله رح جربها بأسرع وئت و يارب تظبط معي.. :zzz

    عنجد الله يسلم دياتك النواعم يا رب.

  8. أم جودي 11 November 2008

    روعة ان شاء الله هالعيد رح طيق طريقتك وتسلم ايدك وأيد نهلة وأيد أم هبة :)

  9. منى 11 November 2008

    مية هلا ام جودي :)
    ان شاء الله تجربيهن و يكونوا على زووءك , و لا تنسي تخبريني شو بيصير معك

  10. adfd2006 13 November 2008

    انا أسمي رنا من الأسكندرية, وأنا مش بس معجبة بموقعك لأة دة أنا أدمنتة, بجد الف شكر علية, و أنا جربت الوصفة دي (كعك العيد) و طلعت تحفة ,أحسن كمان من المحلات و اللة العظيم, ألف ألف شكر, بس لية طلب صغير, لو بس تذودي في الطبخات المصرية,لأني متزوجة لمدة سنتين و لسة مابعرفش أطبخ,وانا بحب المطبخ أوي بس ماليت من الأكلات التقليدية

  11. منى 14 November 2008

    مية هلا رنا :)
    نور الموقع فيك أختي و انبسطت كتير ان الموقع عاجبك و كمان انك جربت هل الوصفة و حبيتيها ..

    الوصفات المصرية انا أعرف منها قليل بس ان شاء الله أضيف كل الوصفات الي أعرفها , نورتي مرة تانية ;)

  12. منامينو 16 November 2008

    فعلا يا منى، كلامك كله حكم والله. بالفعل فيه ناس بتعطيكي الوصفة بصدق وممكن تعرض عليكي إنها تعملها قدامك زيادة بالحرص. وفيه منهن بدون ما تطلبي بيتبرعو بإعطائك وصفة أكلوها وعجبتهن ومرات ما بتلاقي ولاّ هن باعتينلك موقع كامل للطبخ عالإنترنت. بس الحقيقة بالمقابل فيه ناس خبراء بالتهرب من الإجابة على أي سؤال عن شي وصفة عملوها، أو بيعطوكي الوصفة رايح نصّها أو غلط. والأنكى إنه لما يعرفو إنك عمبتطالعي وصفات من الإنترنت صار حتى (اسم) الوصفة اللي عملوها سرّ خطير عشان ما تقدري توخديها من الإنترنت. لا والأحلى كمان هي حماية بنت بعرفها واللي ما بتقبل تعطي وصفة بيحبهاابنها لكنّتها، بدها تحتكرها لنفسها وتخص حالها بشرف تقديم هالوصفة لإبنها، قال خليه ييجي لعندنا كل ما إجا عباله يوكلها..

    أيييييييه.. شو بدك؟ هذا موضوع إله قصص وحكايات أشكال وألوان مارة مع كل اللي بعرفهن :sigh :cry

    المهم حبيبتي وصفتك حلوة كتير، ومن زمان عمبدوّر على هيك وصفة لكعك مالح ومش عمبلاقي.. يالله، هاي دخلت جدولي للتجربة وان شاء الله تزبط. ويعيشو هالديات يا رب

  13. منى 17 November 2008

    :x حسبي الله و نعم الوكيل , كله كوووم و هل الحماية كوم , هي اول مرة اسمع هيك قصة , انا حماتي الله يخليلي ياها بتعلمني بقلب و رب متل ما بيقولوا و مرات بسالها عن شي بتكون ما بتعرفه بقول لي استنى اسال و ارجع خبرك :zzz

    و كمان جديدة هي قصة النت , بتعرفي يمكن لان عندنا لسا مو كتيبر منتشرة قصة النت بس مع هيك في ناااس ما بتبل القلبو ما بتحكي , يلا معلش الله بيعوض .

    اذا جربتيها اتمنى تعجبك و لا تنسي تخبريني :)

  14. منامينو 17 November 2008

    تسلميلي حبيبتي. إنت طيوبة وأكيد حماتك طيوبة مثلك. يا هيك الحموات يا بلا. ما شاء الله عليكو، الله يهنّيكو ويبارك لكو ببعض يا رب.

    وان شاء الله هاليومين بجرب هالوصفة وبخبرك بالنتيجة ;)

  15. منى 17 November 2008

    ااامين :) يلا عم استنى النتيجة منك

  16. قهوه مُره 25 November 2008

    السلام عليكم ورحمة الله..إذا بدي إحشي الكعك بالتمر إشلون إعمل الحشوه..مشكوره

  17. منى 25 November 2008

    حشوة التمر موجودة بالتفصيل في وصفة الاقراص بعحوة في قسم الحلويات العربية و هي عبارة عن تمر معجون مع السمنة و رشة محلب و قرفة و تفرميه على ماكينة فرم اللحمة :)

    اي سؤال تاني انا تحت امرك

  18. dado 26 November 2008

    السلام عليكم منى
    بدي منك نصيحة.. انشالله رح روح عالمغرب على عيد الأضحى – ينعاد عليكي وعلى كل الأخوات بالصحة والسلامة – ورح تكون هي أول زيارة لبيت حمايي بعد العرس، وناوية آخد معي شي.. بتعرفي لازم يكون ما بيخرب بسرعة وبيضل طيب لمدة شي أسبوع.
    فكرت أعمل معمول وأعمل كعك العيد.
    السؤال: 1- بتعتقدي إنو الوصفات مناسبين؟
    2- هل بقدر استخدم عجينة قراص العجوة وإحشيها بجوز أو فستق حلبي؟ (مشان التنويع)
    وشكرا… جداً… جزيلاً

  19. قهوه مُره 26 November 2008

    شكرا عزيزتي ..الله لايأمر عليكي ظالم :)

  20. منى 26 November 2008

    هلا دالو :)
    كل سنة و انت بخير و انت سالمة مقدماً و تروحي و ترجعي بالسلامة ان شاء الله
    الوصفات مناسبات كتير كتير , اصلاً لو طلبتي رأيي ما كان رح يطلع معي أحسن من هيك
    عجينة الأقراص بعجوة هي نفسها عجينة الكرابيج و المعمول يعني ممكن تحشيها بالتمر أو الجوز أو الفستق و حتلا القشطة بس القشطة ما بتنفع مشان السفر ..

    في طريقة حشوة الفستق موجودة في وصفة الكرابيج , بنفس الطريقة بتعملي حشوة من الجوز ;)

    ان شاء الله بتروحي و بترجعي بالسلامة و لا تنسي تخبريني شو بيصير معك

  21. منى 26 November 2008

    هلا قهوة :)
    نسيت شي , انك اذا حابة تحشيه بالتمر لازم تستغني عن الكمون و الشمرة في العجينة , ان شاء الله تقرأي ردي قبل ما تجربي الوصفة , سبحان الله راح عن بالي تماماً :roll

  22. dado 1 December 2008

    مرحبا مرة تانية
    شكرا على ردك السريع منى
    خلص قررت إني رح ساوي قراص بعجوة وكعك العيد.. بس ناطرة جيب شمرة.. انشالله بكرة وأنا راجعة من الشغل رح مر على محل بيبيع غراض عربية.. وانشالله لاقيها.
    أنا جربت قراص العجوة برمضان وطلعوا كتير ظراف.. ادعيلي يزبط كعك العيد كمان هي المرة وما انخجل فيهن :zzz

  23. منى 1 December 2008

    هدولة اسهل كتير و ان شاء اله بينجحوا معك على الغميضة:)

    الف هنا و عافية على الاقراص بعجوة و لا تنسي تخبريني شو بيصير معك على الكعكات

  24. dado 5 December 2008

    السلام عليكم منى
    مبارح بالليل عملت كعك العيد.. وشو بدي قلك.. طلعوا تحفة.. طعمتن وريحتن ولونن.. عنجد غير شكل
    ما بعرف كيف بدي اشكرك.. أكيدة إنو رح يبيضوا وجهي (هي إذا ضل منهن شي ليوم الأحد :grin )
    وصفة مرتبة ومتقّنة وواضحة. يسلّم إيديكي :)

    اليوم المسا انشالله رح حضر قراص العجوة… بس عملت غلطة ما بعرف إذا رح تنزع الوصفة.. لما جهزت العجينة الصبح حطيت حبة البركة والمحلب والمي من الأول مع كل المكونات.. نسيت إنو المي بعدين وحبة البركة بعد ما حط العجينة بماكينة اللحمة.. انشالله ما تأثر كتير .. لأنو ما ضل عندي وقت إرجع عيدها :cry

  25. منى 5 December 2008

    هنا و الف الف عافية على الكعكات دالو :) عن جد الف شكر الك لثقتك في و تجربتك وصفاتي و كمان ان عم تخبريني :zzz

    اما الاقراص بعجوة المحلب مو مشكلة بس المشكلة المي , ما بعرف كيف رح يطلعوا , يمكن ما يقرشوا :roll هلا ما دام ما بقى عندك وقت اتوكلي على الله و كملي و لنشوف شو بيصير 8)

  26. ام عمر 22 January 2009

    رائعة تسلم ايدك
    ممكن اعرف كم مقدار الزبدة بالغرام لاني ببلد غربي ولا اعرف مقدار الباكيت
    دمتي سالمة :zzz

  27. منى 23 January 2009

    الباكيت حوالي 200 غ :)

    اي سؤال تاني من عيوني التنتين ام عمر :zzz

  28. أم الهدى 1 April 2009

    حبيبتي منون يااااااااااي أديش بحب هالكعك وأنا مدمنتو وكتير بحبو تسلم دياتك شكلو بيفتح النفس
    بس عندي سؤال بينفع أستبدل الزبدة بالزيت ولا لأ
    وشكرا كتير إلك

  29. منى 2 April 2009

    هلا ام هدى :)
    ان شاء الله بتعمليه و يطلع متل الي بتحبيه , اما عن استبدال الزبدة بالزيت فنو ! ما رح يطلع بنفس الطعم و النكهة ;)

  30. JoJo 9 June 2009

    ما شاء لله شكله بيشهي كثير
    عندي سؤال
    هل من الممكن ان نحشي هاي الكعك بالتمر مثل المعتاد عنا بفلسطين؟؟؟

  31. منى 10 June 2009

    هلا جوجو :)
    و الله اختي ما عندي فكرة , هادا الكعك بيطلع مالح و مقرمش , بقى ما بعرف اذا بينفع او نو :roll

  32. أم الهدى 29 June 2009

    حبيبة قلبي بدي أسألك بوكرا حابة جربو بإذن الله بس دقة الكعك عندي ياها مطحونة وانت ذاكرتيها حب
    في حال استعملت مطحونة أحط نفس المقدار المذكور ولا أعدل فيه
    وألف شكر

  33. منى 30 June 2009

    هلا ام هدى :)
    المطحونة رح تكون ااقل بشوي يعني يمكن كل ملعقة حب بتقابل تلات ارباع مطحونة , تقريباً :roll

  34. سموره 1 July 2009

    السلام عليكم ورحمه الله وبركاته
    ازيك اخت منى
    بجد تسلم ايديكى على الاكلات الحلوه دى
    الكعك اول حاجه عملتها بطريقتك
    كان كتير حلو
    وعجبهم هنا اوى
    ومن ساعتها كل ما اعمله ادعيلك
    ما شاء الله عليكى
    ربنا يحفظك ويوفقك
    وسامحينى طولت عليكى :)

  35. منى 1 July 2009

    هنا و الف الف صحة بكل لقمة و كل كعكة اكلتيها و عجبتك
    و ربي الك متل هل الدعوات الغالية و اكتر و يا رب يجمعنا بالفردوس الاعلى , ااامين اختي

  36. أم الهدى 2 July 2009

    حبيبتي منوش تسلم دياتك اليوم عملتو طلع روعة وكتير ناهي مقرمش وهش مفخر تفخير
    الله يعطيك ألف عافية

    طلعو متل يلي بحبهم بابا كان يجبلنا منهم من عند واحد في باب النسرين والله طلعو كعكاتي لا يقلو عن كعكاتو أبدا
    طبعا هاد بفضلك
    بس بقى إذا زاد وزني بدك ادبريني بطريقة أنزلو
    ههههههههه :p
    الله يجزيك كل خير

  37. منى 8 July 2009

    هلا ام هدى :)
    يمم , الف صحة و هنا و عافية يا حق على كل كعكة
    يا ستي تبقى بس نزلتي على حلب منعمل تمشاية كل يوم ساعة لتخفيف الوزن و منشلي بهل الساعة على كل البلد :grin

  38. أم الهدى 9 July 2009

    والله إذا هيك ما عندي مانع شو بدي أحلى من هيك صحبة
    لك أبوس روحك شو لذيذة الله يحيمك ويخليك لأهلك وأهل بيتك

  39. شفاء 17 September 2009

    يسلمو دياتك يامنى على هالاكلات اللي بتجنن

    بتعرفي جوزي بعد اول لقمة شو قلي؟ اعملي كمان

    مع اني عاملة مقدارين مو واحد

    بس طلع كتيير كتيير طيب = ) ^ * ^

    يعني هالوصفة من الوصفات اللي رح ينعاد تجربتها كتير
    الله يتقبل منك صيامك ويباركلك باولادك وينولك مرادك
    نفسي اقدملك شي(بس لو انك قريبة) لكن حاليا لا املك الا الدعاء
    وكل عام وانت بالف خير

  40. منى 17 September 2009

    هلا ام هدى :)
    انتي الي لذيذة و بتجنني , الله لا يحرمني هل الطلة الحلوة و الغالية ;)

  41. منى 17 September 2009

    ريتو الف عافية و الف صحة شفا علىالبك و الب الباشا و انا كتير مبسوطة لانك جربتي الوصفة , و لما قرات انك عملتي مقداريين حسيت انا الي لازم اشكرك لثقتك في :) انا بالعادة لما بجرب وصفة اول مرة بعمل نص المقدار و ممكن ربعه احيانا :roll

    الله يخليلي ياكي كفيتي و وفتي و ان شاء الله الك متل الدعوات الي دعيتيها و اغلى يا حق :) بوسات كتيرة للقطط الحلوة

  42. ميساء 1 December 2009

    عزيزتي منى انشا الله كل عام وأنت بألف خير وكل أحبابك وأهل بيتك بخير وصحة وعافية أنا عملت يوم الوقفة هالكعك وما بقدر قللك غير الله يسلم أناملك السحرية على هالوصفة اللي أكتر من رائعة متل كل وصفاتك بدون مجاملة الله يجزيكي كل الخير وألف شكر حبيبتي

  43. Mays 8 December 2009

    هاي هي الوصفة اللي عرفتني على الموقع.
    كنت عم دور على طريقة كعك العيد بالنت و طلعلي لينك لموقع لقمة طيبة و طبعا علقت فيه شي 3 ساعات و أنا عم دور من أكلة لأكلة.
    أنا بالعادة بجيب الكعك معي من حلب جاهز بس إجازتنا هالسنة كانت قصيرة و مقطوشة قطش ، مشان هيك حبيت إعمله بالبيت.
    العجينة عذبتني شوي باللف لإنها كانت تتشقق لما بدي إتنيها و بالآخر بعد عدة محاولات فاشلة إنو يكون شكلها كعك رقيتها بالشوبك و قطعتها بقطاعات البسكويت الضغار و خبزتها.
    النتيجة كانت رائعة ريحة و طعمة بتجنن حتى ضيوفي بالعيد جنوا عليها و كلهن بدهن الطريقة و لولا إنو شكلهن ما بيشبه الكعك كان ما صدقوا إنوا أنا عاملتهن.

    الله يعطيكي العافية و يحميكي و يخليلك أولادك و عيلتك كلها.

  44. منى 8 December 2009

    هلا ميسا :)
    كل سنة و انت بالف الف خير و ان شاء الله صحة و هنا على البك و الب كل مين داقهم , كتير انبسطت انك جربتيهن و عجبوكي و ان شاء الله ما تكوني نسيتي تاكلي حصتي :grin

  45. منى 8 December 2009

    هلا ميوسة :)
    انا كنت حب هل الوصفة و هلا صرت حبها اكتر ..

    بس استغربت انها اتشقشقت معك , ممكن تكون كمية المي كبيرة أو الزبدة كانت طرية زيادة عن اللزوم لان هي لازم تتشكل معك متل مو طالع بالصور

    اسفة لان اتعزبت بتشكيلها و منيح ان الطعمة طلعت طيب 8)

    الله يخليلي ياكي للدعوات الغالية و الكريمة و ربي يحفظك لاهل بيتك كلهن

  46. hend kurabi 12 February 2010

    hi madam mona,can I use salted butter instead of the regular one?I got salted one by mistake :x
    btw I love u fi allah, ur so sweet and kind hearted.I m hend 23 ,syrian but married and live in canada for the last 5 years ,and I have tow cute kids 8
    heheheh I told u my life story oh Im from ariha close to halab so the food almost the same) :) but I born and lived in sham :p ;)

  47. rela 11 December 2010

    الست العزيزة منى
    الأخوة الأعضاء العزيزات
    بصراحة الموقع بجنن والاكلات الموجودة بتخليكي دايماً تتذكري طعم أكل الأم والجدة اللذيذين . وبصراحة كل ما بفتح عالموقع بحس اني بصبحية حلوة وعم دردش مع أصحاب غاليين على قلبي ، وخصوصاً الواحد بالغربة بيفتقد لهيك لمة وجمعة. وكتير بمبسط لما بشوف وصفة مكتوب إنها وصفة أمي أو جدتي …الخ .
    شكراً يا أخت منى
    أنا جربت الوصفة ( كعك العيد ) وطبعاً طيبة كتير وأخذتها لصاحباتي بالشغل ،ودايماً بيسألوني عن المصدر بقلهم في موقع لقمة طيبة ( منى ) كتي حلو جربوه ومارح تندمو .
    كمان لما عملت وصفة كريم الثوم صاحباتي انبسطوا كتير وقالواي من زمان كان بدنا هالوصفة وبالفعل أخذوها وما عم يعملوا غيرها .
    بالإضافة إلى وصفات أخرى ، شكراً كتير كتير لجهود الجميع والله يحفظكم .

  48. نجمة 2 February 2011

    السلام عليكم كيفك اخت منى الرسول صلى الله عليه وسلم قال اذا احب احدكم اخاه فليخبره انه يحبه -بمعنى الحديث -فحبيت اخبرك اني احبك في الله من غير ان اراك سبحن الله بهالزمان قليلين الناس ياللي متلك يعني ماشاء الله كرم وذوق وحسن خلق وست بيت ماشاء الله -الله يحميك ويخليكي لزوجك واولادك -اليوم جربت هالكعكات وعملت مقدارين لانو اذا شي من عندك بعمل عشر مقادير وانا مأمنة انو ان شاالله بينجحو وبيطلعو تمام-وهالكعكات طلعو فررررررررررررررجة يسلمو ايديك ويعطيك الف عافية :zzz :zzz

  49. om nabeel 21 May 2011

    حبيبتي منون
    معلش بدي اتثاقل عليكي
    انا عملت الكعك اكتر من مرة
    الطعمة طلعت جنان
    بس ديما وشوه عم يتششقق بعد الخبز
    يعني الطعمة واو بس الشكل مو كتير ياريت تفيدني جزاك الله خيرا

  50. مسك الايمان1 25 July 2011

    السلام عليكم يا منى لو سمحت انا بدي اسألك بس قديش عيار الكوب وشو قصدك بالنسبة للزيت ربع كوب صغير قديش يعني صغير بالنسبة للكوب للكبير
    انا جربت الوصفة يسلمو ايديك بس حسيت انه الطحين كتير ولما خبزتها طلعت مقرمشه مش طرية يا ترى هي هك بطلع حسيت انه الي بالصورة الذ عيار الكوب الي انا استعملته تقريبا 250 مل صح ولا لاء ازا ما فيها غلبه تردي علي

  51. شهد الشام 18 February 2013

    تسلم ايديكي ست منى
    انا من اشد المعجبات بوصفاتك الرائعة
    بس حبيت الموقع القديم اكتر .
    لو سمحتى وين مقادير الوصفات؟؟؟؟
    اتصفحت اكتر من وصفة ما في الا الطريقة
    شو السبب؟؟

    • Mona 19 February 2013

      هلا شهد , الله يسلمك و يخليك حبيبتي
      معك حق هلا الموقع لسى ما جهز و في كتير تفاصيل ناقصة , ان شاء الله بس كمل التصميم رح يكون كلو اسهل و احلى من التصميم القديم

      المقادير موجودة تحت الصورة , شفتيها و الا مو طالعة عندك ؟

  52. نورطعمة 23 December 2013

    ممكن يكون هالكعك حلو بدل مايكون مالح,وشكراالك على الوصفات الرائعة

    • منى 23 December 2013

      لا فيك تحضري العجينة الي موجودة على هل الرابط و تعملي فيها كعك حلو
      http://l2ma.com/?p=1333

      ايا سؤال من عيوني :)

تقييم الوصفة
عاديةقد أحضرهاجيدةممتازةأكثر من رائعة (2 votes, average: 3.00 out of 5)