براونيز بكريما الخمس دقايق السرية
كيلو لحمة غنم مفروم
نصف أو ملعقة صغيرة بهار مشكل
رشة قرفة
2 حبة كبيرة بصب مقطع جوانح
3 – 4 ملعقة كبيرة صلصة بندورة
ملعقة كبيرة سمنة
فنجان صغير دبس رمان , أو حسب الرغبة
ملح
• تدعك اللحمة مع البهار و القرفة و الملح ثم تشكل بهيئة كرات أو أصابع .
• تدوب السمنة على نار متوسطة ثم تقلب فيها كرات اللحمة حتى تنضج و يجف مرقها , ثم ترفع جانباً .
• بنفس السمنة تقلب جوانح البصل حتى تطرى و يصبح لونها شفافاً , تضاف صلصة البندورة و تقلب لبضع دقائق بالسمنة , هذه الخطوة سر لذيذ يجعل من طعمة الدبس قريب على البندورة الطازجة .
• يضاف الماء و دبس الرمان و القليل من الملح و يترك ليغلي 10 دقائق ثم تضاف الكفتة و تترك حتى تتعقد الصلصة .
• تقدم الكفتة مع الرز بالشعيرية أو مع المغربية .
مممممممممممم لذيذة ست منى اكيد رحربا تسلم ايدك يا ام الافكار 8)
هلا ام علي
ان شاء الله تجربيها و تكون متل ما بتحبي
شكرا منى اكله طيبه انا بعملها تقريبا نفس طريقتك بس مابضيف دبس رمان واحيانا بعملها بالبندوره بالخلاط وبعدها بصفيهامن البذور وبتركها تتسبك مع البصل اممممممم عن جد طيبه بس المره المقبله رح جربها باضافة دبس الرمان الله يعطيكي العافيه منى 00
يمي يمي شكرا الك منى هذه الوصفة انا بعملها كثير زاكية بس ما بحط لها دبس رمان لكن راح جربها بدبس الرمان
ههههههه عن جد ضحكتيني من زمان عبالي اسألك كم وزنك من كتر الاكلات الطيبة اللي عم تنزليها لانه كلله بيسمممممن واكيد زوجك واولادك سمان بس كنت اخجل من هالسؤال اليوم قدمتي لحالك اعتراف صريح انه مالك علاقة بالسمن :grin
ياستي بالنسبة للوصفة انا كتير بحبها ومتل ماقلتي اكتر شي مع المغربية يسلم ايديكي يارب
السلام عليكم و رحمة الله و بركاته
:cry :cry اختي منى هاي جموع الفرح الله يخليلي ياكي و ما يحرمني منك ابدا و يوفقك و يجازيك الجنة ان شا ءالله ما بتتصورو قديش فرحت
اكيد ان شاء الله راح طبقها
بالتوفيق
سلام
هلا سلاف
كمان طيبةكتير من دون دبس رمان ,كله مع العافية طيب .
ان شاء الله تجربيها و تكون على زووءك
هلا هيا
عن جد يمممي , ان شاء الله تجربيها بدبس الرمان و تكون متل ما بتحبي
هلا رنونة
ان شاء الله مبسوطة على طول ..
بيقول المثل never trust a slim chief بس هل المثل ما بينطبق علي :grin
و البنات عندي كمان كمال عظام , الله وكيلك بلحقهم باللقمة لحتى ياكلوا , بس الباقي عادي هنا و الف صحة على قلبهن
هلا سارونات
الله يحفظك على هل الدعوات الحلوة , الك متلهم و أغلى ان شاء الله , اذا جربتيها اكيد رح تعجبك , بالف هنا مقدما
هالاكلة لما كون محتارة شو اطبخ بساويا سريعة وطيبة وخصوصي مع كزبرة خضرا غبر طعمة ولا الذ اكيد لا لي بيحب الكزبرة خضرا
سلم هالديات يا احلى منى
وبهل حالة منستغني عن دبس الرمان لان كمان الدبس لا حالو الو نكهة لا يعلا عليا
شكرا كتير ست منى هي الأكلة طيبة كتير وبالشام بيقولو لها داوود باشا
كتير الوصفة طيبة يسلموا منى
بعدين ياجماعة انا بعرف منى نحيفة كتير اصلن نحنا الحلبيات كلنا سمباتيك(ستايل, موديل) كتير نحنا ظراف هههههههههه
:roll
يسلموا منى ماطرين العزيمة يييييي اصدي جديدك
يسلمو منى، جد وصفة حلوة وسهلة وجاي بوقتها تمام مع موسم الأضاحي. وحلوة فكرة الدبس هاي. بجربها ان شاء الله
السلام عليكم
اخت منى اليوم بجربها وبخبركم ان شاء الله تكون تمام
مرحبا
قريت الوصفة اليوم و أنا بالوظيفة
و لحسن حظي قبل ما أجي عالشغل طالعت لحمة
لأعملها كباب بالصينية(أكلة الموظفات المفضلة)
بس هلق قررت أتشاطر قدام جوزي و أعمل هالوصفة الشهية
لنشوف النتيجة :upset 8) :roll
السلام عليكم
انا جربتهاوطلعت كتيررر طيبة والله من غير مجاملة وسويت جنبها برغل بدل الرز :zzz
واكيد ماحد بيعرف البرغل غيرر السوريين هههههه 8) تسلم الايادي
سلاف
هلا ام نور
ممم كزبرة خضراء معناها نغم غير شكل
رح جربها على طريقتك و انا اكيدة انها طيبة لان الكزبرة الخضراء كممان تعطي طعمة بتجنن للاكل
هلا ميوسة
معك حق كتير قريبة على داود باشا بس في فرق صغير
شو ما كانت ان شاء الله تجربيها و تعجبك :zzz
هلا ضحى يا ستايل يا نحنا اه يا اااه :grin
و لا يهمك , انا قدها و قدود حضري حاالك
هلا منونة
ان شاء الله تجربيها و تعجبك و تستفيدي منها
كل سنة و انت سالمة اختي
هلا مغتربة
الف هنا والف عافية على قلبك و قلب كل العيلة
ممم مع البرغل , فكرة بتجنن
سلم دياتك عليها اختي
هلا كنودة
مية اهلا و سهلا فيك في الموقع أخت كريمة و غالية , بتورينا دايما اختي
يلا جربيها و خبريني شو صار معك و اذا عجبت سي السيد و الا نو :zzz
السلام عليكم و ر حمة الله وبركاته
اختي منى بدي اسالك هالكفتة ما بتتاكل لحالها يعني المرق مع اللحمة بيطلع ثقيل مو هيك يعني لازمها شي تاني متل الارز مشان نصب الصلصة فيها او شو
بالتوفيق
سلام
هلا اختي
اكيد بتقدم اما مع الرز بالشعيريبة او المغربية , و انا حاطة الروابط فوق بالوصفة باخر سطر اذا انتبهتي 8)
اهلي بقولولها داود باشامابعرف ازا صح بس هيك بقولولها وانا كتير بطبخها
اخت منى عجبتني كتير هالاكلة يسلم دياتك بس سؤال ازا ممكن
زوجي ما بياكل البصل المطبوخ ازا حطيت بصلة متل ما هي وشلتا بعد ما يستوي الاكل بياثر ع الطعمه ولا لاء .. اش رايك؟؟
هلا اذا حطيتي البصل رح يعطي النكهة لكل الصوص , بقى ما بعرف اذا رح يحب هل الطعمة و الا نو
السلام عليكم أختي منى:قبل امبارح كان زوجي عبقول لي اني في طبخة هي فيها بس لحمة وبتكون حامضة شوي طلعي عليها بالموقع يلي بتقولي عليه, وطبعا لاقيت الجواب عندك وأكيد جربتها امبارح كتير طيبة وسهلة تسلم ايديكي ورايحة أتعلم شي جديد من طبخاتك الطيبة