براونيز بكريما الخمس دقايق السرية
· يغسل الكوسا ثم يقطع إلى دوائر رقيقة و يقلى بالسمنة على الطرفين حتى يشقر . يرفع الكوسا على ورق ماص للتخلص من السمنة الزائدة .
· توضع ملعقة من السمنة على النار و تحمى ثم تضاف اللحمة المفرومة و تقلب حتى تنضج اللحمة و يجف مرقها .
· يُضاف الثوم المهروس و النعناع الجاف و رشة البهار المشكل و يقلب الكل لبضعة دقائق .
· يضاف الكوسا المقلي ثم يغمر بالماء و يضاف دبس الرمان و الملح و يترك ليغلي لمدة 20 دقيقة .
· يؤخذ القليل من مرق المطبق ما يقارب الثلاث أرباع كوب و تذوب به الطحينة بالتدريج في وعاء أخر و تقلب حتى تتجانس .
· تضاف الطحينة للكوسا و يترك المطبق ليغلي لمدة ربع ساعة أخرى أو حتى ينضج .
· يقدم المطبق فوراً في الرز الأبيض المفلفل .
كيلو كوسا
2 - 3 ملعقة كبيرة مليئة سمنة لقلي الكوسا
نصف ملعقة كبيرة سمنة للحشوة
ربع كيلو لحمة غنم مفرومة
ملعقة صغيرة و نصف نعناع مجفف
5 فص ثوم مهروس
2 – 3 معلقة كبيرة دبس الرمان
ربع كوب طحينة
ملح و رشة بهار مشكل
• يغسل الكوسا ثم يقطع إلى دوائر رقيقة و يقلى بالسمنة على الطرفين حتى يشقر . يرفع الكوسا على ورق ماص للتخلص من السمنة الزائدة .
• توضع ملعقة من السمنة على النار و تحمى ثم تضاف اللحمة المفرومة و تقلب حتى تنضج اللحمة و يجف مرقها .
• يُضاف الثوم المهروس و النعناع الجاف و رشة البهار المشكل و يقلب الكل لبضعة دقائق .
• يضاف الكوسا المقلي ثم يغمر بالماء و يضاف دبس الرمان و الملح و يترك ليغلي لمدة 20 دقيقة .
• يؤخذ القليل من مرق المطبق ما يقارب الثلاث أرباع كوب و تذوب به الطحينة بالتدريج في وعاء أخر و تقلب حتى تتجانس .
• تضاف الطحينة للكوسا و يترك المطبق ليغلي لمدة ربع ساعة أخرى أو حتى ينضج .
• يقدم المطبق فوراً في الرز الأبيض المفلفل .
(1 votes, average: 4.00 out of 5)
سلمون يا منى وصفة مميزة خصوصي موسم الكوسا والوحدة بتحتار كل مرة شو تعمل بالكوسا
مرحبا منى
صحة وهنا، انبسطت لأنك حطيتي الوصفة عالسريع، أنا بطيئة كثير لحتى حط وصفات على المدونة.
طالع معك بيشهي بس اسمحيلي بملاحظة
حسيتك قللتي سمنة القلي، هو عادة لازم ينقلى بكمية معتبرة مثل الكوسا المقلي العادي.
ماما قالت لي أنه اكيد السمنة البقرية أحسن، لكن لما عملنا الوصفة حطينا السمنة النباتية مشان سهلها على اللي بيزوروا المدونة من دول من خارج سوريا (المدونة العربية والانجليزية لأن الاجانب من وين بدهم يلاقوا سمنة بقرية).
وسلم دياتك، سعيدة جداً بزيارتك للمدونة!
Dimah
مدونة ماء زهر البرتقال – Orange Blossom Water
هلا ام نور
الله يسلمك حبيبتي و ان شاء الله تجربيها و تكون على زووءك :zzz
هلا دمدومة
مية اهلا و سهلا فيك في الموقع , شرفتي موضوعك أختي و الف الف شكر الك للمدونة الي ااقل ما بقول فيها انها رائعة و انا بانتظار وصفاتك , الله يخليليك ماماتك و يسلم ايدك و ايديها , يعني لازم تشدي الهمة و بدنا وصفات اكتر من هل الوصفات المميزة
السمنة كميتها كانت متل لمن منقلي الكوسا العادي و الكمية الي فوق غلط مطبعي , هلا رح عدل الوصفة .
اما عن استعمال السمن النباتية معك حق بهل النقطة , لان مو كل المقادير متوفر و خصوصا في اوربا و اميركا
انا الي سعيدة لاكتشافي مدنتك و اخر شغلة برافوا عليك لان مدونتك باللغتين , و هي بدها جهد و تعب اضافي , كتير انا فخورة فيك يا بنت بلدي :zzz
الله يسلم اديكي واديها يا ريت يكون عندي الجرءة جرب اكلات جديدة بس رح اوي قلبي لاني بعرف انو انتي اروع واشطر شيف
منى
حاج رح شوف حالي من كثر ما عم تمدحيني… إحم إحم!ماعدت أعرف شو لازم قول، خجلتيني!
عن جد سلم دياتك وصحة وعوافي.
Dimah
مدونة ماء زهر البرتقال – Orange Blossom Water
يسلمو يا منى مشكورة عالوصفة بكرة عالتجربة بإذن الله لأن أنا بس شفت أكلة فيها دبس رمان أو طحينة ما بقدر قاومها أبدا فكيف الحال إذا اجتمعوا الا ثنين سوا يمممممممممي يخليلي ياكي ويوفقك ويرزقك ويرزق زوجك و يفرح قلبك بأولادك ومية ألف بوسة يا قمر
الله يسلم ايديكم منى وديما ويجزيكم الخير انا البنات الحمويات اعطوني انطباع ولا اروع عن اهل حماه لما كانو معي بالجامعة فعلا كلهم لذيذات ورائعات والاكلة هي على التجريب بس لاجيب كوسا قريبا ان شاء الله وما شاء الله منى رح يكون موقعك مو بس مليئ باللذائذ كمان بالفوائد فانا قرأت عن انك رح تستعيني ب؟أخصائية تغذية برافو خطوة جيدة وجديدةوانا ممكن اقدم لك رأي من الناحية الصحية والطبيةاذا عندي ملاحظات وهيك بيكون مطبخك فريد من نوعه
السلام عليكم..
شكلها ظريفة هالوصفة.. بس للأسف مالي نصيب بهي الوصفة ولا بشيخ المحشي مع إني بمون عالكوسا والباذنجان.. بس يالله خيرها بغيرها.. وانشالله رح جربها للعيلة.
تسلمي منوش
يسلموو الايادي وصفة جميلة جدا وسهلة التحضير
والله ما عم جاملك you are superهونتي علي كتير وزوجي بحب الاكل الطيب لان حماتي شاطرة وماما ماكدرت تعلمني لان دراسة—وتزوجت وانا بل جامعة—-وسافرت لهيك الك الفضل بعد الله وانا ممنونتك لانك بتعطي من قلبك شكرا
تسلم ايدك ياست منى منظرها شهي ان شاءالله رح جربها واكيد رح ادعيلك :zzz على فكرة انا بتشكرك كتير على طريقة صنع كريم الثوم انا بحبو كتير مع الدجاج المشوي وعنا بالمانيا غير متوفر جربتو مرة على طريقتك طلعت ناجحة كتير وجوزي حبو كتير :grin وانا ان شاءالله عازمة اختي ام علي وجوزها واخي جوعان بكرا على فروج مشوي ورح اعمل الثوم ومرة تانية بتشكرك :roll
مرحبا منمون
والله اشتقتلك كتير كان تلفوني معطل وصار لي اسبوع مضايقة لانو ماعم احسن اشوف الموقع ووقت دخلت
فرحت كتير على هاالاكلات الصيفية الخفيفة والطيبة
الله يسلم هاالديات ولايحرمنا منك :zzz
هلا لنلونة
الله يسلمك يا زووء انت , عن جد لازم تجربي شغلات جديدة , بس ضروري تحسي انها بتناسب الرأي العام عندك و رح تنبسطي كتير بالتجديد
انا الي ممنوة ردودك و لطفك الظاهر فيها و بتنوري دايما لنلونة
ميوسة لو تعرفي شو غالية هل الدعوةالي قلتيها , ربي انت كمان و كل حبابك و الغاليين على قلبك :zzz
ان شاء الله تجربيها و تعجبك و تكون على زووءك و متل ما بدك
هلا غيوثة
و الله بنت حلال اليوم كنت رح ابعت لك ايميل و اسال عنك , صار الك زمان مو مبينة و انا بقيان بالي عنك :roll
انا ما رح استعين باخصائية تغذية بشكل دائم , بس للوصفات الخفيفة
انا كتير ممنونة الك و بانتظار كل نصايحك الطبية و دايما بانتظارها 8)
هلا دالو
يلا خيرها بغيرها و ان شاء الله تجربيها لعيلتك و تعجبهم واكيد رح تخبريني
هلا جوجو
الف شكر الك , ان شاء الله تجربيها وتكون على زووءك
هلا دمدومة
شوفي حالك و اتدللي بس لا تنسي تنزلي كمان وصفات اصيلة :zzz
هلا نور
ان شاء الله تجربيها بهل الكوسايات الي عندك و يا رب تعجبك .
بانتظار رايك بعد التجربة
هلا سمورة
الف صحة و هنا على قلبك و قلب كل العيلة , بقى اخوك جوعان :grin و الله شو ضحكت لمن قرات اسمه
الف صحة و هنا و ان شاء الله تمشي امور عزيمتك بشكل ميسر
هلا ام محمد
تشتاق الك العافية و تكون بسعادة و هنا دوما
الله يسلمك و ان شاء الله تجربي شي وصفة منهم و يكونوا على زووءك
ما شاء الله. عم قول لحالي وين منى كنو ما شافت الايميل?? اتاريكي هون و نزلتي وصفه منو و صرتي صحاب مع صاحبتو هههههه و انا مثل اهل الكهف ههههه. شايفه شو اكلاتا طيبين?? انا حطيت موقع ديما على المفضله عندي لاني حبيت اكلاتا و حبيت اسم الموقع. ببعتلا تحيه من هون و اليوم للصدفه تركت عندا تعليق على احدى الوصفات. و بالنهايه بقول تسلم ايديكي يا ديما يا حلوه على هالبلوغ و هالوصفات الطيبين. و تسلم ايدين الغاليه منى على هالتطبيق الحلو والبيشهي.
امونه :zzz
هلا امونة
ايه صباح الخيرات و الليرات و الكوسايات و المرقات :grin
هيدا النت عندي شكله انجن رسمي ,امبارحة بعتت الك ايميل , بس الظاهر و من ما فهمت عليك ان ما وصلك شي :sigh اليوم رح ارجع رد
الله يخليلي ياكي على هل الاكتشاف و بالفعل موقع مميز , انا كمان جربت منه سلطة البطاطا و رح نزلها هل اليوميين :zzz
و لبقية الوصفات الي حاطة عيني عليها رح اعطيكي الحلوان اذا زبطت متل ما بدي
ياستي يسلمو هالايدين
انا حموية وهي الاكلةالاكلة المفضلة عندي وخصوصا اذا كان جنبا بصل ابيض
مممممممممممممممممممممم
بتجنن
وانا بحبا بدون رز بحبا تغميس بالخبزة
شهيتيني عندي كوسا وقايمةاعملها
هلا سيمو
حصللتلنا البركة يا ستي و كل اهل حماة على راسي .
ان شاء الله تحضريها و تاكليها بالهنا و الصحة , بالنسبة الي صارت من وصفات العيلة المغتمدة
يمي يمي باينتها اكلة كتيير طيبة وانا كتيير بحب دبس الرمان بالاكل بس المشكلة حاسة انو كمية السمنة كتيرة شوي يعني رح تطلع طيبة بس دسمة بس رح اجرب اعملها واخفف السمنة شوي من شان الريجيم بتعرفي على فكرة كنت حابة اضيف شغلة ,السمنة النباتية مانها صحية ابدا وتحتوي على مواد مسرطنة يعني إذا الواحد بده يستمل سمنة يا بقرية او زبدة بس يتجنب الزيوت المهدرجةلأنو متل ما قلت تحتوي على مواد مسرطنة انا قرأت تقرير عن الموضوع وحبيت افيدالجميع
هلا اختي gsm:)
عن جد طيبة كتير و انت ممكن تعدلي كمية السمنة على مزاجك , بس من الاخر بتستاهل التجربة .
سمعت انا كمان عن المواد المسرطنة بالسمنة النباتية , لهيك ما بقى استعملها للطبخ نهائيا , حتى في دكتور مرة حكى ان الدهنة الي بتجي مع اللحمة صحية اكتر من هل السمون المهدرجة :eek
مرحبا منى
انا اليوم عملت هالطبق وطلع طيب لكن؟طلع شديد شوي والكوسه غطست بالصوص انا حسيت انو كترت طحينه يعني ما طلع نفس الصوره :cry
هلا نور
اكيد السبب ان كانت كمية الطحينة شوي زيادة , كان ممكن تزيدي شوية مرق .
المهم يا ستي الف صحة و هنا و يا رب اذا اتشجتي و جربتيها مرة تانية تطلع متل الصورة و احلى و اطيب :zzz
السلام عليكم اختي منى انا عضوه جديده لكن من فتره عم اتصفح موقعك وكتير حبيته واستفدت من نصائحك لاني جديده بالمطبخ نوعاما.
على سيرة الكوسه مطبق انا حمويه وكتير بحبه لهالطبق بس مامي بتحط مع الدبس الرمان والطحينه معلقة لبن لان متل مابتعرفي الطحينه تقيله شوي وبيعطيه طعمه كتير طيبه. :zzz
مدام منى من قلبي بشكرك عالوصفه الطيبه صرت عاملتا فوق الاربع مرات وبعزيمتين الله يخليلنا ياك يا احلى شيف وانا بتابع هالموقع الحلو من 2012 وعنجد بدعيلك من كل قلبي بالتوفيق وبكل خير بتتمنيه
الف الف هنا وصحة على قلبك ، شكرا كتير على كلامك ، والك متل هل الدعوات واكتر ياارب