كوسا مطبق


         وصفة : منى                 2009/06/11                 34 تعليقات
كوسا مطبق

·          يغسل الكوسا ثم يقطع إلى دوائر رقيقة و يقلى بالسمنة على الطرفين حتى يشقر . يرفع الكوسا على ورق ماص للتخلص من السمنة الزائدة .

·          توضع ملعقة من السمنة على النار و تحمى ثم تضاف اللحمة المفرومة و تقلب حتى تنضج اللحمة و يجف مرقها .

·          يُضاف الثوم المهروس و النعناع الجاف و رشة البهار المشكل و يقلب الكل لبضعة دقائق .

·          يضاف الكوسا المقلي ثم يغمر بالماء و يضاف دبس الرمان و الملح و يترك ليغلي لمدة 20 دقيقة .

·          يؤخذ القليل من مرق المطبق ما يقارب الثلاث أرباع كوب و تذوب به الطحينة بالتدريج في وعاء أخر و تقلب حتى تتجانس .

·          تضاف الطحينة للكوسا و يترك المطبق ليغلي لمدة ربع ساعة أخرى أو حتى ينضج .

·          يقدم المطبق فوراً في الرز الأبيض المفلفل . 




كيلو كوسا
2 - 3 ملعقة كبيرة مليئة سمنة لقلي الكوسا
نصف ملعقة كبيرة سمنة للحشوة
ربع كيلو لحمة غنم مفرومة
ملعقة صغيرة و نصف نعناع مجفف
5 فص ثوم مهروس
2 – 3 معلقة كبيرة دبس الرمان
ربع كوب طحينة
ملح و رشة بهار مشكل





• يغسل الكوسا ثم يقطع إلى دوائر رقيقة و يقلى بالسمنة على الطرفين حتى يشقر . يرفع الكوسا على ورق ماص للتخلص من السمنة الزائدة .

• توضع ملعقة من السمنة على النار و تحمى ثم تضاف اللحمة المفرومة و تقلب حتى تنضج اللحمة و يجف مرقها .

• يُضاف الثوم المهروس و النعناع الجاف و رشة البهار المشكل و يقلب الكل لبضعة دقائق .

• يضاف الكوسا المقلي ثم يغمر بالماء و يضاف دبس الرمان و الملح و يترك ليغلي لمدة 20 دقيقة .

• يؤخذ القليل من مرق المطبق ما يقارب الثلاث أرباع كوب و تذوب به الطحينة بالتدريج في وعاء أخر و تقلب حتى تتجانس .

• تضاف الطحينة للكوسا و يترك المطبق ليغلي لمدة ربع ساعة أخرى أو حتى ينضج .

• يقدم المطبق فوراً في الرز الأبيض المفلفل .
  • وصفات تانية ممكن تعجبك


التعليقات

  1. ام نور 11 June 2009

    سلمون يا منى وصفة مميزة خصوصي موسم الكوسا والوحدة بتحتار كل مرة شو تعمل بالكوسا

  2. Dimah 11 June 2009

    مرحبا منى
    صحة وهنا، انبسطت لأنك حطيتي الوصفة عالسريع، أنا بطيئة كثير لحتى حط وصفات على المدونة.
    طالع معك بيشهي بس اسمحيلي بملاحظة
    حسيتك قللتي سمنة القلي، هو عادة لازم ينقلى بكمية معتبرة مثل الكوسا المقلي العادي.
    ماما قالت لي أنه اكيد السمنة البقرية أحسن، لكن لما عملنا الوصفة حطينا السمنة النباتية مشان سهلها على اللي بيزوروا المدونة من دول من خارج سوريا (المدونة العربية والانجليزية لأن الاجانب من وين بدهم يلاقوا سمنة بقرية).
    وسلم دياتك، سعيدة جداً بزيارتك للمدونة!
    Dimah
    مدونة ماء زهر البرتقال – Orange Blossom Water

  3. منى 11 June 2009

    هلا ام نور :)
    الله يسلمك حبيبتي و ان شاء الله تجربيها و تكون على زووءك :zzz

  4. منى 11 June 2009

    هلا دمدومة :)
    مية اهلا و سهلا فيك في الموقع , شرفتي موضوعك أختي و الف الف شكر الك للمدونة الي ااقل ما بقول فيها انها رائعة و انا بانتظار وصفاتك , الله يخليليك ماماتك و يسلم ايدك و ايديها , يعني لازم تشدي الهمة و بدنا وصفات اكتر من هل الوصفات المميزة ;)

    السمنة كميتها كانت متل لمن منقلي الكوسا العادي و الكمية الي فوق غلط مطبعي , هلا رح عدل الوصفة .
    اما عن استعمال السمن النباتية معك حق بهل النقطة , لان مو كل المقادير متوفر و خصوصا في اوربا و اميركا

    انا الي سعيدة لاكتشافي مدنتك و اخر شغلة برافوا عليك لان مدونتك باللغتين , و هي بدها جهد و تعب اضافي , كتير انا فخورة فيك يا بنت بلدي :zzz

  5. لين 11 June 2009

    الله يسلم اديكي واديها يا ريت يكون عندي الجرءة جرب اكلات جديدة بس رح اوي قلبي لاني بعرف انو انتي اروع واشطر شيف

  6. Dimah 11 June 2009

    منى
    حاج رح شوف حالي من كثر ما عم تمدحيني… إحم إحم!ماعدت أعرف شو لازم قول، خجلتيني!
    عن جد سلم دياتك وصحة وعوافي.

    Dimah
    مدونة ماء زهر البرتقال – Orange Blossom Water

  7. ميساء 11 June 2009

    يسلمو يا منى مشكورة عالوصفة بكرة عالتجربة بإذن الله لأن أنا بس شفت أكلة فيها دبس رمان أو طحينة ما بقدر قاومها أبدا فكيف الحال إذا اجتمعوا الا ثنين سوا يمممممممممي يخليلي ياكي ويوفقك ويرزقك ويرزق زوجك و يفرح قلبك بأولادك ومية ألف بوسة يا قمر :)

  8. غيث 11 June 2009

    الله يسلم ايديكم منى وديما ويجزيكم الخير انا البنات الحمويات اعطوني انطباع ولا اروع عن اهل حماه لما كانو معي بالجامعة فعلا كلهم لذيذات ورائعات والاكلة هي على التجريب بس لاجيب كوسا قريبا ان شاء الله وما شاء الله منى رح يكون موقعك مو بس مليئ باللذائذ كمان بالفوائد فانا قرأت عن انك رح تستعيني ب؟أخصائية تغذية برافو خطوة جيدة وجديدةوانا ممكن اقدم لك رأي من الناحية الصحية والطبيةاذا عندي ملاحظات وهيك بيكون مطبخك فريد من نوعه

  9. dado 12 June 2009

    السلام عليكم..
    شكلها ظريفة هالوصفة.. بس للأسف مالي نصيب بهي الوصفة ولا بشيخ المحشي مع إني بمون عالكوسا والباذنجان.. بس يالله خيرها بغيرها.. وانشالله رح جربها للعيلة.
    تسلمي منوش

  10. JoJo 12 June 2009

    يسلموو الايادي وصفة جميلة جدا وسهلة التحضير :)

  11. لين 12 June 2009

    والله ما عم جاملك you are superهونتي علي كتير وزوجي بحب الاكل الطيب لان حماتي شاطرة وماما ماكدرت تعلمني لان دراسة—وتزوجت وانا بل جامعة—-وسافرت لهيك الك الفضل بعد الله وانا ممنونتك لانك بتعطي من قلبك شكرا

  12. نور الأسلام 12 June 2009

    :) السلام عليكم كيفك منى وكيفكم صبايا تحياتي للجميع ;) الطبق كتير حلو وبشهي الله يسلم هالديات هدا الاسبوع عندي كوسا كتير الوصفه اجت بوقتها على التجربه انشاء الله ;)

  13. سمر 12 June 2009

    تسلم ايدك ياست منى منظرها شهي ان شاءالله رح جربها واكيد رح ادعيلك :zzz على فكرة انا بتشكرك كتير على طريقة صنع كريم الثوم انا بحبو كتير مع الدجاج المشوي وعنا بالمانيا غير متوفر جربتو مرة على طريقتك طلعت ناجحة كتير وجوزي حبو كتير :grin وانا ان شاءالله عازمة اختي ام علي وجوزها واخي جوعان بكرا على فروج مشوي ورح اعمل الثوم ومرة تانية بتشكرك :roll

  14. ام محمد 13 June 2009

    مرحبا منمون :)
    والله اشتقتلك كتير كان تلفوني معطل وصار لي اسبوع مضايقة لانو ماعم احسن اشوف الموقع ووقت دخلت
    فرحت كتير على هاالاكلات الصيفية الخفيفة والطيبة
    الله يسلم هاالديات ولايحرمنا منك :zzz

  15. منى 13 June 2009

    هلا لنلونة :)
    الله يسلمك يا زووء انت , عن جد لازم تجربي شغلات جديدة , بس ضروري تحسي انها بتناسب الرأي العام عندك و رح تنبسطي كتير بالتجديد ;)
    انا الي ممنوة ردودك و لطفك الظاهر فيها و بتنوري دايما لنلونة

  16. منى 13 June 2009

    ميوسة لو تعرفي شو غالية هل الدعوةالي قلتيها , ربي انت كمان و كل حبابك و الغاليين على قلبك :zzz
    ان شاء الله تجربيها و تعجبك و تكون على زووءك و متل ما بدك

  17. منى 13 June 2009

    هلا غيوثة :)
    و الله بنت حلال اليوم كنت رح ابعت لك ايميل و اسال عنك , صار الك زمان مو مبينة و انا بقيان بالي عنك :roll
    انا ما رح استعين باخصائية تغذية بشكل دائم , بس للوصفات الخفيفة
    انا كتير ممنونة الك و بانتظار كل نصايحك الطبية و دايما بانتظارها 8)

  18. منى 13 June 2009

    هلا دالو :)
    يلا خيرها بغيرها و ان شاء الله تجربيها لعيلتك و تعجبهم واكيد رح تخبريني

  19. منى 13 June 2009

    هلا جوجو :)
    الف شكر الك , ان شاء الله تجربيها وتكون على زووءك

  20. منى 13 June 2009

    هلا دمدومة :)
    شوفي حالك و اتدللي بس لا تنسي تنزلي كمان وصفات اصيلة :zzz

  21. منى 13 June 2009

    هلا نور :)
    ان شاء الله تجربيها بهل الكوسايات الي عندك و يا رب تعجبك .
    بانتظار رايك بعد التجربة ;)

  22. منى 13 June 2009

    هلا سمورة :)
    الف صحة و هنا على قلبك و قلب كل العيلة , بقى اخوك جوعان :grin و الله شو ضحكت لمن قرات اسمه
    الف صحة و هنا و ان شاء الله تمشي امور عزيمتك بشكل ميسر

  23. منى 13 June 2009

    هلا ام محمد :)
    تشتاق الك العافية و تكون بسعادة و هنا دوما
    الله يسلمك و ان شاء الله تجربي شي وصفة منهم و يكونوا على زووءك

  24. Iman 15 June 2009

    ما شاء الله. عم قول لحالي وين منى كنو ما شافت الايميل?? اتاريكي هون و نزلتي وصفه منو و صرتي صحاب مع صاحبتو هههههه و انا مثل اهل الكهف ههههه. شايفه شو اكلاتا طيبين?? انا حطيت موقع ديما على المفضله عندي لاني حبيت اكلاتا و حبيت اسم الموقع. ببعتلا تحيه من هون و اليوم للصدفه تركت عندا تعليق على احدى الوصفات. و بالنهايه بقول تسلم ايديكي يا ديما يا حلوه على هالبلوغ و هالوصفات الطيبين. و تسلم ايدين الغاليه منى على هالتطبيق الحلو والبيشهي.

    امونه :zzz

  25. منى 16 June 2009

    هلا امونة :)
    ايه صباح الخيرات و الليرات و الكوسايات و المرقات :grin

    هيدا النت عندي شكله انجن رسمي ,امبارحة بعتت الك ايميل , بس الظاهر و من ما فهمت عليك ان ما وصلك شي :sigh اليوم رح ارجع رد

    الله يخليلي ياكي على هل الاكتشاف و بالفعل موقع مميز , انا كمان جربت منه سلطة البطاطا و رح نزلها هل اليوميين :zzz

    و لبقية الوصفات الي حاطة عيني عليها رح اعطيكي الحلوان اذا زبطت متل ما بدي ;)

  26. semo 16 June 2009

    ياستي يسلمو هالايدين
    انا حموية وهي الاكلةالاكلة المفضلة عندي وخصوصا اذا كان جنبا بصل ابيض
    مممممممممممممممممممممم
    بتجنن
    وانا بحبا بدون رز بحبا تغميس بالخبزة
    شهيتيني عندي كوسا وقايمةاعملها

  27. منى 16 June 2009

    هلا سيمو :)
    حصللتلنا البركة يا ستي و كل اهل حماة على راسي .

    ان شاء الله تحضريها و تاكليها بالهنا و الصحة , بالنسبة الي صارت من وصفات العيلة المغتمدة :)

  28. gsm 16 June 2009

    يمي يمي باينتها اكلة كتيير طيبة وانا كتيير بحب دبس الرمان بالاكل بس المشكلة حاسة انو كمية السمنة كتيرة شوي يعني رح تطلع طيبة بس دسمة بس رح اجرب اعملها واخفف السمنة شوي من شان الريجيم بتعرفي على فكرة كنت حابة اضيف شغلة ,السمنة النباتية مانها صحية ابدا وتحتوي على مواد مسرطنة يعني إذا الواحد بده يستمل سمنة يا بقرية او زبدة بس يتجنب الزيوت المهدرجةلأنو متل ما قلت تحتوي على مواد مسرطنة انا قرأت تقرير عن الموضوع وحبيت افيدالجميع

  29. منى 16 June 2009

    هلا اختي gsm:)

    عن جد طيبة كتير و انت ممكن تعدلي كمية السمنة على مزاجك , بس من الاخر بتستاهل التجربة .

    سمعت انا كمان عن المواد المسرطنة بالسمنة النباتية , لهيك ما بقى استعملها للطبخ نهائيا , حتى في دكتور مرة حكى ان الدهنة الي بتجي مع اللحمة صحية اكتر من هل السمون المهدرجة :eek

  30. نور الأسلام 16 June 2009

    مرحبا منى :) انا اليوم عملت هالطبق وطلع طيب لكن؟طلع شديد شوي والكوسه غطست بالصوص انا حسيت انو كترت طحينه يعني ما طلع نفس الصوره :cry

  31. منى 16 June 2009

    هلا نور :)
    اكيد السبب ان كانت كمية الطحينة شوي زيادة , كان ممكن تزيدي شوية مرق .

    المهم يا ستي الف صحة و هنا و يا رب اذا اتشجتي و جربتيها مرة تانية تطلع متل الصورة و احلى و اطيب :zzz

  32. foforose 21 June 2010

    السلام عليكم اختي منى انا عضوه جديده لكن من فتره عم اتصفح موقعك وكتير حبيته واستفدت من نصائحك لاني جديده بالمطبخ نوعاما.
    على سيرة الكوسه مطبق انا حمويه وكتير بحبه لهالطبق بس مامي بتحط مع الدبس الرمان والطحينه معلقة لبن لان متل مابتعرفي الطحينه تقيله شوي وبيعطيه طعمه كتير طيبه. :zzz

  33. Yoshi 3 March 2016

    مدام منى من قلبي بشكرك عالوصفه الطيبه صرت عاملتا فوق الاربع مرات وبعزيمتين الله يخليلنا ياك يا احلى شيف وانا بتابع هالموقع الحلو من 2012 وعنجد بدعيلك من كل قلبي بالتوفيق وبكل خير بتتمنيه

    • منى 12 March 2016

      الف الف هنا وصحة على قلبك ، شكرا كتير على كلامك ، والك متل هل الدعوات واكتر ياارب

تقييم الوصفة
عاديةقد أحضرهاجيدةممتازةأكثر من رائعة (1 votes, average: 4.00 out of 5)