كوكتيل الأفوكادو


         وصفة : Mays                 2007/12/29                 16 تعليقات
كوكتيل الأفوكادو

الكوكتيل هاد كتير مغذي و طعم الأفوكادو فيه بيكون مميز كتير و أنا من أشد المعجبات و المشجعات إله.
ممكن استبدال العسل بالسكر و لكن نكهة االعسل مع الأفوكادو كتير مميزة.

المقادير تكفي 6كؤووس متل الصورة:

حساب الوحدات الحرارية من semo :

عدد الحصص : 6 كوب
عدد السعرات الحراريةفي الكوب في حال استخدام العسل : 250 كالوري
عدد السعرات الحرارية في حال استخدام السكر :243 كالوري
هذه المعلومات في حال التقيد بالمقادير المذكورة ومن دون القشطة






حبتان من الأفوكادو الناضج
أربع أكواب حليب مثلج
ثلاث ملاعق سكر أو عسل( وممكن الزيادة حسب الذوق)
ربع كوب لوز مقشر
• يوضع الحليب في البراد لمدة ربع إلى نصف ساعة حتى يبدأ بالتجمد دون أن يتجمد تماما
في خلاط العصير نضع اللوز مع السكر أو العسل و ربع كوب حليب و نخلط حتى يصبح اللوز ناعم

• يضاف الأفوكادو المقشر و و يضاف باقي الحليب و يخلط لمدة خمس دقائق حتى يصبح المزيج كريمي

• يزين بالقليل من القشطة و اللوز

ملاحظة :

يجب أن يقدم الكوكتيل فورا بعد التحضير حتى لا يتغير لون الأفوكادو





  • وصفات تانية ممكن تعجبك


التعليقات

  1. منى 5 July 2010

    هل الوصفة كتير شكلها مميز و طيب , صار دورت اكتر من مرة على افوكادو بس ما عم يكون متل ما بدي , شي مهتري على اد مو مستوي و شي ماكن كتير , ان شاء الله رح جربها كتير قريب

    الف شكر الك ميوسة على الوصفة المميزة , تسلم ايديكي :)

  2. AYAH 5 July 2010

    يا سلام بصراحة كتير طيب وأنا بعملو تقريبا بنفس طريقتك بس بضيف عليه شوية موز بس مو كتير
    أنا بستخدم عجينة المرزبان اللي بغلفو فيها الكيك وبخفقها مع الحليب ونص موزة والباقي متل ما قلتي
    وفعلا العسل مع الأفوكادو رائع
    أنا بموت عالأفوكادو وكل ما بنوي أترك للكوكتيل بلاقي حالي أكلتون كللون مع ملح وليمون ممممم بس ملاحظة انو لازم تكون الأفوكاداية كتير مستوية
    تسلم ايديكي :p

  3. AYAH 5 July 2010

    بتعرفي منى ازا جبتي الأفوكاداية ماكنة أحسن ما تكون مستوية وبتستوي عندك بس بدك تنسيا شي 10 ايام أو أكتر

  4. منى 5 July 2010

    صحتين و الف هنا ايوش , بعد ما قرات ردك اشتهيت ااقرط الصورة على اد ما اشتهيت على الافوكادو :grin

    انا اتربيت من هل القصة لان مرة جبت افوكادو و كان قاسي , و بعدها ما استوى مع اني تركته كتير و لما جربت افتحه طلع معي من جوى يابس كتير و كبيته لان ما بيتاكل .

    :roll لهيك ما بقى جيب افوكادو الا اذا بعرف اني رح استخدمهم اليوم او بكرة و يكون متل ما بدي فورا

  5. AYAH 5 July 2010

    والله يا منى بصراحة الأفوكادو بحلب صعب تلاقي نوع منيح
    مرة ابن احماي جابو واجا قللي شوفي فتحتا طلع قلبا طبقة رقيقة سودا يعني اللحمية كتييير قليلة والعجوة كبيرة حرام
    أناكتير بحب والأفوكادو وجربتو بكل أنواعو ومن تجربتي شفت النوع الأملس أحسن من المجعد وبكون أخضر فاقع ولما بيستوي القشرة بتميل للسواد
    أحسن شي تاخديون من محلات الكوكتيل المعروفة
    بس هالكوكتيل للكربجة هاهههههههههههههه

  6. هادينة 5 July 2010

    يسلمو ايديكي ميوس مممممممم كتير بحب الافوكادو مع الحليب انا بعمل نفس طريقتك تقريبا بس بضيف معها موزة :)

  7. منى 5 July 2010

    يمكن ايوش :roll , اصلا منيح صرنا نلاقي هيك اشيا هون

    شكرا كتير للنصائح , رح حطها ببالي المرة التانية ;)

  8. ام نور 5 July 2010

    سلم دياتك ميس على هالكوكتيل غير شكل خصوصي بهل شوبات سبحان الله طريقتك متل طريقتي بس الفرق انا بالاخير بعد ما اطحن الفواكه بضيف اللوز وببرم الخلاط برمة صغيرة بيطلع مجروش بس مع الاسف ولادي ما بيحبوا اللوز :cry فبسكبلون وبرجع بحط اللوز الي والصراحة اكتر الشي عم بعمل هالكوكتيل مع الموز وكم حبة فريز مجلد يا سلام غير شكل

  9. semo 5 July 2010

    ياعيني ياعيني شي ملوكي وبيشهي
    أنا ما بشرب الحليب هلأ صرت أشربه عن طريق الكابتشينو
    وهلأ الظاهر رح اشربه عن هالطريق

  10. Mays 6 July 2010

    صح و هنا على قلب الكل و إن شاء الله يعجبكن إذا جربتوه.
    منوش ، بالنسبة للأفوكادو فأفضل نوع هو الكيني و بتكون قشرته ملساء و انتبهي عند اختيار الثمرة إنه يكون الجزء البني مكان التقاؤ التمرة بالغصن موجود لأنه مجرد ما ينقام يتسود الثمرة من الداخل قبل ما تستوي مظبوط.
    و إذا بدك إياه يستوي بسرعة حطيه مع كام تفاحة بكيس ورق و خليه برا البراد . :)
    أية ، فكرة حلوة استخدام المارزبان ، راح أجربها إن شاء الله المرة الجاية.
    هادينة ، صحتين و عوافي ، أنا كمان بضيف موز لباقي العيلة بعد ما اسكب كاستي لإني بحب طعمة الأفوكادو بدون ما يطغى عليها شي تاني
    أم نور ، الله يسلمك و صحة و عوافي يا رب .

    سيمو ، أكيد راح تحبي الحليب بهالطريقة لإنه فعلا طعمته مميزة ، و شكرا ع المعلومات القيمة الخاصة بالسعرات الحرارية ، و على فكرة أنا باستعمل الحليب قليل الدسم بس نسيت أكتبها لما بعتت الوصفة لمنى و أكيد هيك راح تكون السعرات أقل 8)

  11. semo 6 July 2010

    ميس العفو حبيبتي طبعا بالحليب القليل الدسم رح تكون اقل بس مو بكتير رح احسبها وردلك خبر :)

  12. foforose 6 July 2010

    مرحبا يااحلا ستات بيوت والله يعطيكي العافيه يا ميسه انا كتير حبيت هالموقع وكل يوم بفوت عليه وعم جرب الاكلات وطعميها لزوجي والحمدلله عم تنال اعجابه بما اني جديده عالمطبخ نوعا ما وانا بالغربه محدا جنبي يعلمني اسرار الطبخ بس الحمدلله الله بعتلي احلا ست بيت (منى) انا كتير حبيتك وحابه شوفك بس نزلت ع سوريه وبتمنى كون من اسرة لقمة طيبه وتحياتي لكل الستات.
    فرح الحراكي

  13. فرفوشة 6 July 2010

    يسلمو إيديك ميس
    فعلا هو من المشروبات المميزة كتير
    وبيختلف عن أي كوكتيل تاني
    وع فكرة بيعتبر وجبة غذائية متكاملة من شان هيك كتير امهات بيفطموا ولادهم على الأفوكادو المهروس هاد عدا عن فوائد الأفوكادو للبشرة والشعر وووو وصحتين وعافية ع قلب الجميع :zzz

  14. منى 8 July 2010

    مية هلا فيك فرح :) احلى عروس
    ا شاء الله جازة الدهر و ربي يتمم عليك و اكيد انتي هلا صرتنا عروسة العيلة , نورتي و شرفتي و الف صحة على البك و الب الباشا ;)

  15. حماه 2 June 2011

    اااااااااه ذكرتيني بكوكتيل ابو ربيع الله يجزيكي الخير ياارب ويسلمو هالايدين

    • منى 12 March 2014

      الله يسلمك و يخليك , مية هلا

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)