براونيز بكريما الخمس دقايق السريةتحضير اللبن بالبيت شغلة مو صعبة , و بالنسبة الي شفت فيها متعة , خصوصي لما تفتحي الوعا و تشوفي الحليب اتختر و سمك و صار لبن , شي متل السحر .
اللبن رح يطلع شوي امرق من لبن الجاهز لان بالعادة الحليب الي منشتريه بيكون مغشوش , بس ممكن نحل هل القصة بتنشيف اللبن شوي بعد ما يجهز .
ممكن تتحضر الوصفة بالحليب الجاف أما الحليب المبستر فما بيزبط معنا لان الخماير الي حتساعد الحليب يتحول للبن بتكون كلها عطتك عمرها بعملية البسترة
بالصحة و الهنا
ليتر حليب كامل الدسم طازج
2 - 3 ملعقة كبيرة لبن
1 - يغلى الحليب في قدر لمدة خمس دقائق ثم يترك ليبرد حتى يصبح بالإمكان ادخال اصبع اليد فيه و تحملها لمدة عشر ثواني أي أن تكون ساخنة من دون أن تحرق اصبعك .
2 - يذوب اللبن بالقليل الحليب الساخن ثم يضاف لباقي الحليب بلطف , لا يحرك الحليب . يغطى وعاء الحليب بشكل جيد .
3 - يلف الوعاء بحرام صوفي سميك و يوضع في مكان معتدل الحرارة لإتمام عملية التخمير و يترك لمدة ست إلى ثمان ساعات , يراعى أن لا يحرك الوعاء الذي يحفظ فيه اللبن في هذه المرحلة أو أن يفتح عليه الغطاء و الحرام , و هذا الوقت يقل في فصل الصيف حيث تكفي أربع ساعات لتخمير الحليب و تحويله للبن .
4 - أصبح اللبن جاهزاً بعد ذلك يوضع في البراد حتى يبرد تماماً قبل استعماله , و يستعمل حسب الرغبة أو يمكن تحضير كرات اللبنة منه .
فكرة مفيدة :
أخر مرة حضرت اللبن خمرته في وعاء بلاستيكي ( tupperware ) لسهولة لفه و إحكام إغلاقه .
(3 votes, average: 3.33 out of 5)
روعة الوصفة والاروع تفاصيلها عمري مجربتها بس نفسي اجربها لاني نفسي اعمل لبنة بيتية كمان لو بتعرفيها اخت منى ياريت تنزليها الله يرضى عليك وجزاك الله كل الخير يارب
هلا ام ياسمين , جربيا و حتشوفي بنفسك قديه سهلة
أما وصفة اللبنة بتشوفيها[URL=http://www.l2ma.com/content/view/87/2/]على هل الرابط[/URL], بس الفرق انك ما تخلي اللبن ينشف كتير كتير
جوعتوني موت شفت وصفة اللبنة كمان يا سلام على اكلاتنا ما اطيبها
بدي اعملها خلص صممت لا تحاولو تقنعوني
بتعرفي منى و انا صغيرة امي كانت على طول تعمل اللبن بالبيت و تبعتني مرات اشتري ((روبة)) يعني شوية اللبن يلي منحطون فوق الحليب
صقالله هديك الايام
هلئ ازا بدي ضيف وصفة مع الصور كيف اعمل
هلا ليندا
ان شاء الله صحة و هنا على قلبك و قلوب الحلويين الصغار مقدما , يا اختي شو نقنعك ما نقنعك .. انت كلمتك واااحدة :grin
ليندا يا عسل ازا بدك تضيفي وصفة بتبعتيها برد عادي و الصور لازم تحمليهم على شي موقع تحميل و كمان بتبعتيهم مع الوصفة
الله يعطيك مية عافية و ألف صحة لولو و انا عم استنى طباخاتك
مرحبا يا اخت منى والله معك حق انو ستات البيوت عم يستسهلوا شراء اللبن الجاهز انا بعمله مثلك ونفس الطريقة وتسلم دياتك على يارب
هلا هيا
هو احيانا الواحد بيشتريه , بس مع ذلك تجهيزه بالبيت أمتع , بالنسبة الي
الله يسلمك أختي و نورتي الوصفة
:zzz مشكورة أخت منى وززكرتيني بالماما نفس طريقتها :zzz
هلا يا اختي نورتي و نور الموقع فيك و بتواجدك , ربي يخليلك الماما بصحة و عافية و على قلب واحد
السلام عليكم
أنا كل يوم عم حاول جرب وصفة و عنجد و لا وصفة بتخيب كلهم عم ينجحوا
مبارح ساويت لبن بالحليب البودرة و نجح كتير و بعدين صفيته و ساويته لبنة المهم انه عجب جوزي كتير يسلموااديكي على هالوصفات الرائعة
هلا سوما
الف هنا و عافية يا رب على قلبك و قلب زوجك , كتيررر انبسطت ان الوصفة نجحت معك و عجبتك
و ان شاء الله كمان بقية الوصفات تكون على زووءك :zzz
ماشاء الله وصفة رائعة كثير وانا باحبه للبن كثير ان شاء الله هاجربها في اقرب وقت
ان شاء الله جوجو تجربيها وتعجبك و بانتظار رايك
يسلمواناملك غاليتي منى
وصفاتك جدا رائعه وسهلة
واتمنى ان تقبلوني اخت لكم في هذا الموقع الرائع
الله يسلمك يا شوق , ترحيب خاص فيك و كبير , نور الموقع فيك و اتمنى تجربي شي وصفة و تكون على زووءك
مرحبا كيفك مني انا سجلت جديد هون هلأ لسة بس بدي ائلك انا عملت اللبن وخليتو 5 ساعات بس ضل سائل ما جمد وريحتو مش ريحة لبن ريحة حليب عادي
هلا فيك اختي بالموقع , نورتي و شرفتي
أتوقع أن درجة حرارةالحليب ما كانت مناسبة لان ما صار لبن , ممكن يكون الحليب بارد زيادة او ساخن زيادة لهيك اما ما اشتغلت الخميرة او بطلت من السخونة .
شو صار معك ؟
السلام عليكم ورحمة الله وبركاته ، يسلمو إيديك منى على الوصفة
من كم يوم جربت اللبن بس بطريقة مختلفة شوي ، غليت 4 لتر حليب بعدين تركته ليدفي مثل ما قلت ، وطبقت نفس طريقتك بس أضفت كاسة لبن مروبة بنفس الحليب للأربعة ألتار، وبعدين تركته 24 ساعة بالخزانة (مو كتير دافي المكان) بس اختمر وصار كثيف وبعدين تركته كم ساعة في البراد وصار لبن جامد وطيب ، للأخوات اللي ما جمد معهم ممكن يزيدوا اللبن المضاف للحليب أكتر شوي ويتركوه يختمر أكتر ، بجوز لأن اللبن عنا بقري ومبستر بده وقت أكتر ، بس بغض النظر عن نوعه ، هالطريقة استخدمتها للحليب البقري والمبستر ونجحت.
في أمان الله
شكرا كتير ايمان على الاضافة رح جربها ان شاء الله
صحتين و عافية على اللبن
يعطيكي الف عافية على كل شي ,أنا بحضر اللبن نفس طريقتك,بس ليش قلتي مانحرك اللبن مع الحليب انا بحركه ومابياثر عالنتيجة ,شوالسبب من عدم تحريكه احسن يعني
أهلين نور
الفكرة لحتى يطلع على الوج قشرة سميكة , طبعا اذا حركتيه ما في مشكلة بيزبط , بس ما بيطلع وج للبن متل مو متعوديين
اتمنى قبول انضمامي وشكراً
اهلا و سهلا شرفتينا
يسعد مساكم انا عندي مشكله كيف اصلح لبن طلع معي سائل جامد خفيف وشكرا
اهلا وسهلا
ما فهمت المشكلة والله