كيك أمي


         وصفة : لارا مينا                 2010/05/18                 26 تعليقات
كيك أمي


1ونصف كوب دقيق
4 ملاعق كبيرة حليب بودرة
1ونصف ملعقة صغيرة بيكنغ باودر
2 بيض
ملعقة صغيرة فانيلا
3/4 كوب سكر حبيبات
3/4 كوب زيت
3/4 كوب ماء





• في خلاط الكوكتيل نضع البيض ثم الفانيلا ثم السكر ثم الزيت ثم الماء تباعا والجهاز يكون على وضع التشغيل يعني يخلط بعد كل إضافة ونتركه قليلا حتى يصبح لون المزيج أبيض .

• في وعاء آخر نخلط الدقيق والخميرة والحليب جيدا ثم نصب عليه المزيج ونخلطه بلطف في اتجاه واحد بملعقة خشب ونتوقف عن التحريك بمجرد ان تمتزج المكونات .

• نصب المزيج في صينية مدهونة ومرشوشة بالطحين ونخبزه في فرن تكون درجة حرارته أقل من الوسط بقليل على الرف الوسط من أسفل اولا ثم نطفئه ونشعل الفرن مباشرة من أعلى او حسب فرنك.

• نخرجه من الفرن ونتركه في الصينية حتى يفتر ثم نقطعه ويقدم .

إضافات :• أم زميلتي ترش حبة سوداء على وجه الكيك قبل خبزه أو ترشه بجوز هند بعد إخراجه من الفرن مباشرة .

• دائما أضع حشوة التارت الجاهزة ( بالفراولة او الكرز ) على وجه الكيك وهو لا يزال ساخن ثم أرشه بجوز هند مما يضفي عليه شكل وطعم لايقاوم لدرجة أن الكثيرين يحسبونه جاهز .

• هذه المرة دهنت الكيك بمربى البطيخ ورشيت عليه جوز الهند لأنه لم يتوفر لدي حشوة التارت .

• الأفضل حفظ الكيك بعدما يبرد في وعاء محكم الإغلاق لأنه من النوع الذي ينشف بسرعة .




  • وصفات تانية ممكن تعجبك


التعليقات

  1. منى 18 May 2010

    ووواوو لارا , مو معقولة الصورة شو بتشهي .

    الله يسلمك و يخليك و الله يبعد عنا كل ماضي اسود و يستر علينا يا حق :grin

    رح جربها للاولاد لان غرف قلبهن على الصورة

    يممممم

  2. semo 18 May 2010

    فعلا واو شو هالصورة اللي بتجنن

    أو ما شفتها عالفيس بوك مباشرة اجيت لهون شوف الموقع

    الله يسلم هالايدين وعالتجربة مباشرة

  3. لارا مينا 20 May 2010

    آمين يارب العالمين وللجميع .. زعلت كثير لما قلتي الأولاد غرف قلبهن عالكيك ,, لو إنتي مش مشكلة بتتحملي بس كل شيء إلا الصغار الحلوين , يله اعمليه ولا يضل ببالهم ,, وكمان هو بالأساس يتاكل من دون شي عالوجه غير الحبة السوداء أو جوز الهند حاف ,, لأن إضافة حشوة التارت جربتها صدفة وزبطت معي. وبالصحة والعافية على قلبكم.

    أهلين سيمو تسلمي, وأهم شيء خبرينا بالنتايج . وألف عافية وصحة للجميع .

  4. ام خليل 23 May 2010

    السلام عليكم…..ياالله شو سهلة وصفاتك والله عما ادعيلك كتير لانه انا بحب جرب كلشي بشوفه بس والله عظيم انه انت موقعك حلو وفيه توفير من ناحية وقت ومن ناحية اغراض شكرا كتير كتير
    والله عما ادعيلك كتير
    حتى مشتركين كتير ظراف سلامي للجميع صديقتكن ام خليل
    في امان الله

  5. منى 24 May 2010

    اهلا و سهلا فيك اختي ام خليل و الشكر الك للرد الحلو و التواجد و المرور :zzz

    الف هنا و عافية على كل شي جربتيه , كتير انبسطت انه عجبك , صحتين يا رب

  6. لارا مينا 27 May 2010

    تسلمي يا أم خليل على مرورك الطيب وهذا المميز في الموقع فيه البسيط جدا وفيه يلي بياخذ شغل وكل واحد واختياره ويلي يناسبه وظروفه ووقته :) :)
    وخليكي معنا على طول .
    تحياتي .

  7. ام خليل 25 June 2010

    اهلا فيكم ياغالين وانانبسطت بردكن علي شكرا لاراميناوان شاء الله حكون معكن دائماوانا كتيرمبسوطةباموقع ردي اجامتاخركنتمسافرة ومافي نت مكان هل جالسة فيه فكنت عمااعطي اختي مقاديرفشفت تعليق الله يجزاكن الجنةبعتزر طولت في امان الله
    :) :) :)

  8. لارا مينا 1 July 2010

    أهلين فيكي أم خليل وكمان أنا مبسوطة بردودك وإن شاء الله تجربي الكيك ويطلع على ذوقك . ;)

  9. حمودي 12 January 2011

    تسلم ايديك لارامينا ع الكيكه
    وان شاء الله هوا بيكون محطتي التاليه
    بس منتظر الحليب البودر يجيبه ماي داد صب الخليط ع الدقيق او الدقيق ع الخليط ؟
    ………………
    مع خااااااااالص تحياتي
    Ahmed

  10. حمودي 19 January 2011

    والله طلعت تجننننننننن وطعم الحليب فيها حلو كتير
    ……………
    تسلم يدك ويد الي علمتك اياها يارب 8)
    ……………
    مع خاااااااااالص حبي واحترامي :zzz
    AHMED

  11. رغد غسان علاء الدين 27 January 2011

    yessssss

    وأخيرا..وصفة موجودة كل غراضها بالمطبخ الآن..رح جرب واحكيلكن..وإنتي ميمو..بتشوفي صورتها انشالله بألبوم الاكل تبعي بالفيس بوك :zzz 8)

  12. رغد غسان علاء الدين 27 January 2011

    جربتها..طلعت مممممممممم خطيرة ما أطيبها..ونزلت صورتها عندي يا منى بألبوم اسمو ماي سويت كيتشن..وطبعا حطيت إنو الوصفة من موقعك الحلو يا حلو :)

  13. منى 27 January 2011

    عوافي و الف الف صحة رغودة :)
    اليوم الفيس بوك مطالع عقله , بلكي بكره بشوفها :zzz

    صحتين و هنااا

  14. لارا مينا 13 February 2011

    أهلين أخ أحمد هنا وصحة وعوافي وقبال ماتجرب وصفات ثانية :)

    وكمان صحتين وألف عافية للأخت رغد أنا كنت متشوقة أشوف الصورة وعقبال صور باقي الوصفات :zzz

  15. حمودي 16 February 2011

    عاش من شافك لارا طولتي عليناوالله
    8)
    ……………….
    كان بدي اسئلك سؤال ع الكيكه
    احنا نصب الخليط فوق الطحين صح :x بس دائماً اواجه هذي المشكله انه يتكتل معي الدقيق ويصير دوئر صغار ؟ ياترى معك حل
    وكمان اقدر استبدل الحليب البودر بالحليب السائل يعني احذف الحليب البودر واعمل بدل المي حليب ؟!!! شو رايك 8) ؟ :?
    ……………
    مع خالص شكري وتقديري
    AHMED :roll :)

  16. لارا مينا 22 February 2011

    أهلين أخ أحمد, قبل ماأكتب ردي على سؤالك , عملت اليوم الكيك بعد مارجعت من الشغل ,
    حتى تكون إجابتي دقيقة أكثر ,

    واليوم ماحطيت لا حليب باودر ولا ماء حطيت حليب سائل بس حسب سؤالك .. وطلعت الكيكة بتجنن

    مع إن الحليب البودرة بيفرق بس بدرجة بسيطة . ومنها بيكون سهلنا الوصفة أكثر للي ماعندهم حليب بودرة , فاتوكل على الله واعملها, وبالصحة والهنا.

    وأكيد نصب الخليط على الدقيق,

    واليوم جربت اخلطها بالمضرب اليدوي , صبيت الخليط بالتدريج على 3 مرات ورا بعض على طول وحركت بالمضرب لحتى امتزجت المكونات وباتجاه واحدومااتكلت , فجربها بالمضرب ممكن تكون أسهل, وعموما المشكلة هذه تروح مع كثرة التجارب . وبإذن الله تزبط معك وأي سؤال أنا حاضرة , وخبرنا عن تجربتك الثانية :)

  17. حمودي 1 March 2011

    انا كنت مصمم اجربها بالحليب السائل
    فسبقتيني
    هههههههههههههههههههههه :grin :)
    امما بالنسبه للخليط انتي تقصدي انك خلطتي الخليط بالخلاط واضفتيه ع الدقيق المنخول ع ثلاث دفعات يعني تكوني عجينه وتخففيها بالخليط حتى يخلص المقدار؟صح
    ……………………..
    يلسو والله عن جد بتشكرك كتير
    :)

    مع خااااااااااااااااااااالص حبي وتقديري

    AHMED

  18. محبةالمصطفى ملك 21 March 2011

    يسلم إيديك لارا مينا…
    شكله كتيير طيب ;)

  19. لارا مينا 27 March 2011

    مزبوط أخ أحمد الخليط بالخلاط أصبه على الطحين على 3 دفعات بس ورا بعض مايكون بينهم وقت كبير
    وهو سهل مش محتاج تشيل هم كثير :)

    ويسلم يديكي أخت ملك
    :zzz

  20. محبةالمصطفى ملك 30 March 2011

    لفيت لفيت و رجعت لصفحتك حبيبتي لارا…
    فعلا شكله رائع يعني بسيط و لذيذاممممم
    جاي على بالي قطعة :p
    بدي أسألك لارا أول شي انت ما بتحطي بشر ليمون مشان الزنخة يعني الفانيليا بتكفي بهالوصفة؟؟؟؟
    و السؤال التاني برأيك أعمله كب كيك و لا بالقالب العادي؟؟
    لأني لما بعمل كب كيك بعد ما ينفش بيرجع بيهبط من الوسط :roll
    آسفة لأني حكيت كتير بس أنا كتير بفرح لما أشوف صاحبة الأكلة بترد على الاستفسارات لأني من النوع الجبان في الأكلات الجديدة :)
    بانتظار ردك :zzz

  21. لارا مينا 31 March 2011

    أهلين أخت ملك, ياليت نوصل في التطورإن تبادل الأكل عن طريق النت أو البريد :grin :grin

    عادة كل الكيك مابحط بشر إلا إذا صاحبة الوصفة كاتبته والفانيليا بتقوم بدورها على أكمل وجه لأن عدد البيض قليل جدا , وإذا حابه تضيفيه مافيه مشكلة ومابيأثر على نجاحه.

    وأفضل القالب العادي أحسن .

    واطلعي على أسباب فشل الكاتو من الأخت سهى الله يجزيها ألف خير في قسم أسئلة وأجوبه في القائمة الرئيسية

    وبالنسبة لي طريقة خبزي المعتمدة بتلاقيها في وصفةالتوفية, بس أكيد كل وحدة وفرنها المتعودة عليه

    وماتخافي هالكيكة بالذات مارح تخيبك بإذن الله ,وشوي شوي بتصير عندك الخبرة ومابتعودي تغلطي مع كثرة التجارب والأخطاء لأن كلنا مرينا بهذه المرحلة لحتى وصلنا, والحمد لله صارت الأخطاء أقل بكثير من قبل .

    تحياتي وأي سؤال أنا حاضرة وبيهمني رأيك بعد التجربة أكيد :zzz :zzz

  22. محبةالمصطفى ملك 31 March 2011

    هلا لارا.. :)
    فعلا يا ريت نتطور و يصير عنا هالخدمة :grin :grin
    طيب ليش بتفضلي القالب عن الكب؟؟؟
    و انت عملتيه بصينية ما؟؟
    أكيد كترة التجارب بتعلم..
    و أنا بعرف أعمل كاتو السفن أب (بس غير اللي موجود بالموقع)و اتو البرتقال
    والاتنين بينجحوا كتييير..يعني ماشي حالي مو بالمرة :roll
    بس أنا بحب أعمل شي جديد و بمل من الروتين و المشكلة انو كل ما بختار وصفة جديدة ما بتنجح هههه..
    على كل آسفة عالإطالة و أكيد رح أجربه و أردلك خبر :)
    وصحيح تذكرت شغلى الزيت مو كتير؟؟؟
    كونه البيض قليل يعني؟
    على كل حال رح أجربها متل ما هي :zzz

  23. محبةالمصطفى ملك 1 April 2011

    الحمد لله أنا جربت الكيك و طلع
    يمي يمي..
    يسلم هالإيدين يا لارا..
    بس وااااء يمكن النار كانت عالية شوي و أنا متعودة أخبز بقالب بس حبيت هالمرة أغير شكل فخبزته بصينية و متل ما بتعرفي الصينية بتكون أكبر و أرق من القالب أنا نسيت هالنقطة….
    و تركت النار متل كل مرة بس مع ذلك طلع طيب و سهل و مضمون :zzz

  24. محبةالمصطفى ملك 3 April 2011

    وينك لارا؟؟؟
    طيب بدي أسألك اذا حطينا ورق زبدة بقاع الصينية بدو دهن و لا لأ؟؟
    و سؤال تاني ما عندك طريقة للكريمة لأن هالكيك طيب كتير و خصوصي إذا حطينا له كريمة :zzz

  25. na3oom 23 November 2011

    يسلموا ايديك لارا طلع طيب كتير وكنت دائما طلع على وصفات كيك مابدها خلاط الكيك لأني ملاشتريته
    طلع هادا الكيك على كيف كيفي أولا طعمته طيبه بنفس المقادير تانيااذا حطيتي بشر برتقال وعصير برتقال بتطلع نكهة تانية كتير طيبة
    تالتاكميته صغيرة وحلوة على عيلتي الصغيرة يعني كل واحد بياخد قصعة وبيخلص ومابزيد وباكلها أنا
    يسلمو يسلمو يسلمو

  26. نزيهة 21 July 2012

    والله عندي ماضي اسود مع الكيك لدرجة اني قررت ما راح اجرب ولا وصفة بس راح اجرب وصفتك :cry

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)