براونيز بكريما الخمس دقايق السرية
قالب كيك اسفنجي
نصف باكيت كريما بيضاء
نصف كوب حليب سائل بارد جداً
توفي كريم ( نصف الوصفة )
ثلث كوب ماء أو حليب لتسقية الكيك
للتزيين :
كورن فليكس
• يحضر الكيك الاسفنجي و يفضل اعداده قبل بيوم لتسهيل تقطيعه .
• تحضر وصفة التوفي كريم و يترك حتى يبرد , الوصفة تحتاج نصف الكمية أي ما يعادل تلاتة أرباع الكوب من وصفتي للتوفي كريم . و يمكن اعدادها بطريقتي أو بطريقة هيا السهلة .
• تخفق الكريما مع الحليب البارد جداً حتى تنتفخ و تسمك .
• يضاف مقدار نصف كوب من التوفي كريم للكريما و تقلب حتى تمتزج المقادير و يصبح لون الكريما من لون الكراميل الجميل ثم توضع في البراد لمدة ساعة .
• تؤخذ ثلاثة ملاعق من التوفي كريم و تذوب في ثلت كوب ماء أو حليب .
• يقطع الكيك لشرحتان ثم توضع أول شرحة على طبق مسطح , يسقى بنصف مزيج التوفي المذوب .
يدهن الكيك بنصف الكريما ثم يسقى النصف الأخر بباقي مزيج التوفي و يوضع فوق الكريما .
• يدهن الكيك بباقي الكريما و يسوى الوجه جيداً .
• يزين وجه الكيك بباقي التوفي كريم و ينثر الكورن فليكس على الأطراف ثم يقدم .
ممممممممممممممم
فعلا بيشهي وسهل كتير
وشكله حلو وببيض الوش
ماشاء الله عليكي
تسلم الايادي
هلا سمسومة
الله يسلمك أختي و ان شاء الله تجربيه بنفسك و تشوفي شو سهل و حلو
السلام عليكم و رحمة الله و بركاته
اختي منى فرحت كتير لان حطيتي الوصفة ما كنت متوقعتها هالقد سهلة
ان شاء الله برجع ساوي التوفي و يضبط معي لحتى ساوي هالوصفة بعتقد الطعمة راح تطلع كتير مختلفة مشان ذوق الكراميل
انا كتير فرحانة لان عم تحطي وصفات نستعمل فيها الكيك الاسفنجي و ناطرة منك الفوريه نوار لما بتقدري
بالتوفيق
سلام
مممم ما شاء الله يا منى من يوم عزومتك و انا بستنى هالكيكه تنزل. بتجنن فكره التوفي مع الكريمه و ايضا استعمال الكورنفليكس. يمممم كاني دقته. حطي على اول صفحه حبيبتي لياخذ حقه. كيكه محرزه هاي. تسلم ايديكي حبيبتي و يعطيكي الصحه يا رب.
يمي والله شكله كتيير ظريف بس ما خرج ريجيم :sigh هلق كا بدي اسالك اخت منى هلق هون عندنا عم لاقي كتيير صعوبة لالاقي الكريمة الخفق بشو استعيض عنا مرة جبت الكريمة الفريش بس ما زبطت معي الظاهر اخترت نوع غلط بقى اذا فيك تساعديني بكون ممنونة لأنو في كتيير حلى بتكون الكريمة بمقاديره وما عم اقدر جربها لأنو ما عم لاقيها :cry
يعني دائما بتبهريناشوهاالكاتوالرائع
منمون بدي اعرف كيف امسدالكريماعلى الكيك
مثل الصورة لانو دائما بتلذق معي وكمان سؤال كيف فيني اكتب بالتوفي على الكيك :roll
بتعرفي يامنى انا دائمابطلع الموقع عندي بالغة غريبة وبعمل مثل ماقلتي بس كنت مفكرة انو المشكلةبس عندي واخيرا شكرا كتيرعلى فكرة الاحاديث النبوية الشريفةوالله يجعلنا مما يسمعون القول فيتبعون احسنه
هلا سارونات
ان شاء الله تعمليه و تجربيه و تشوفي شو سهل و طيب و تحبه كل العيلة عندك , واحد واحد
بانتظار اخبارك
هلا امونة
ان شاء الله تجربيه و يكون على زووءك , امونة مع ان انا ما كتير بحب الكورن فليكس بس بهل الكيكة كان يممي
الصفحة الرئيسية بس لوصفات الغوالي , مو لوصفاتي :zzz
بانتظار رايك حبيبتي
هلا اختي gsm
اختي بالكريم فريش رح يطلع اطيب اذا متوفر عندك و السربس بالتبريد , قصدي حطي الوعاء الي رح تخفقي فيه مع الكريم في البراد او الفريزر لحتى يبرد كتير بس من دون ما يجمد و بعدها خفقيه لمدة نصف دقيقة تقريباً و بعدها ضيفي السكر البودرة و خفقيه كمان لحتى تجمد شوي و رح تصير اطيب كريم شانتيه من دون مشاكل باذن الله و الكمية لهون حوالي كوبين و نصف كريم فريش
اي سؤال تاني انا تحت امرك و بالخدمة اختي
هلا ام محمد
ان شاء الله تجربيه و يعجبك أختي , و انا بمسد الكيك بسكين خاص لوجه الكيك , كتير قطعة مفيدة و عملية في المطبخ .
التوفي حطيته بكيس صغير و قصيت طرفه و مررته على اطراف الكيك
ااامين اختي , ان شاء الله نستفيد من هل الفكرة كلنا و هي فكرة بعتتها الي واحدة من الاخوات في الموقع , بس طلبت مني ما اذكر اسمها :zzz
اسفة للمشكلة الي كانت بتصير عك و ان شاء الله هلا بتنحل و لا بقى تنعاد
السلام عليكم…كيف حالك أختي منى….شو هيي الكريما البيضاء .يعني في إسم معين ..وفين بلائيها بالتلاجات ولا وين ..وهل بينفع الدريم ويب….مشكوره عزيزتي..
هلا اختي قهوة
اكيد الكريما البيضاء هيا نفسها الدريم ويب , بتخفقيها مع الحليب أو الميا الباردة
يا سلام على هالكاتو شكلو كتير مشهي, جعت :roll
الله يخليلك مروان وكل الاولاد يارب ونشالله بتكون نتائج الامتحانات بترفع الراس وما بضيع تعب حدا ابدا
الكيك فعلا بيجنن وشتهيت كتير جربو.
الله يسلم دياتك الحلوين يارب و تزيد ابتكاراتك العظيمة اكتر و اكتر و نتعلم منك
:zzz
هلا بدورة
خسى الجوع و الله , ان شاء الله تجربيه و يطلع يمي
اامين يا حق و كل الشهادات و الي تعبوا و درسوا و سهروا , الله لا يضيع الهم تعب
ماشاء الله عنك منك فنانة والله يسلمووو دياتك وبارك الله فيكي علي الوصفة اللزيزة…
منى في عندي وصفة كيكة ألمانية لزيزة كثير للحفلات وبالذات للأطفال وهي لزيزة في الطعم وحابة انزلها هون في امكانية والالاء وانا نزلتها قبل هيك في منتدي وحابة انزلها عندك للافادة لانه ما اعتقد كل الناس بتعرفها هي بتشبه التورتات بس علي شكل مميز بدي افاجئك فيها….
هلا جوجو
ان شاء الله تجربي الوصفة و تعجبك , و انا بانتظار وصفتك الي قلتي عليها , اكيد ممكن تنزليها هون , دا انا اتمنى
تسلم ايديكي يارب رح نطلع ستات بيوت غير شكل بس في عندي سؤال عن وصغة كاتو الغريبة الاسطنبولية بتعرفي كيق بتسير (غريبة يتتقطع نصفين وتلت بالحليب وفوقها صوص الشوكولا على طبقات ممكن تعطيني ياها بالتفصيل
منى وانا عم اكتب التعليق عم اكول كاتو بيجنننننننننن جد
عندي فكرة بقالب الكيت كات نحنا ضفنا ظرف بودرة الكريم كراميل ليه ما بيستعمل توفي ورح تصير متل هي ومنكل الاضافات جد هي اطيب
رح ابعتلك صورة قالبي
هلا لوليا
الصراحة ما بعرفها للوصفة الي قلتيها :roll , حبيت ساعد ان شاء الله خيرها بغيرها
هلا ضحى
الف صحة و هنا و عافية يا رب , رح احكي معك و خبرك عن الحشوة الجديدة الي عملتها , ان شاء الله رح تعجبك :zzz
فكرة حلوةة كتير , و الله انك خطيرة , ان شاء الله مرة تانية رح جرب اعملها بفكرتك
هنا و مية صحة يا حلو
اي اي خبرييني :zzz
مرحبا انا جديدة بالموقع
الحقيقة انا من فترة صغيرة تزوجت,يعني اخدت البكلوريا و اتزوجن و ما كنت اعرف اساوي اي شي او اطبخ اي شي و بالصدفة تعرفت على هالموقع الرائع و كتير استفدت منو و ساويت كتير حلويات و طبخات و كتير حبيت المشتركين و حبيت اكون وحدة منكون
اتمنى الرد.
شرفتينا و نورتينا اختي و الف صحة و هنا على كل شي جربتيه
ان شاء الله جازة الدهر
اليوم عملته وماشاء الله شو نجح وشو طلع طيب
وكان شكله رهييييييييييب
وخاصة اني عملته على شكل وردة
الله يسلم ايديك ويجزيكي الخير
ويبيض وجهك دنبا وآخرة
[img]http://lh6.ggpht.com/_RBM1bmyTzvM/S5ghNfF0C1I/AAAAAAAAAGo/6o74frChBiY/s800/%D8%B5%D9%88%D8%B1%D8%A9233.jpg[/img]
صورة تانية للقالب اذا الاولى مانجحت
اممين و ان كمان ان شاء الله وجهك ابيض على طول شفا :zzz
منظره تحفة , سلم ايديكي شي بيشهي
هاي منى كيفك انشالله تمام يسلموووو جربت الوصفة كتير طيبة بس انا عملت الكيك على شوكولا الله لا يحرمنا من وصفاتك
هنا و الف صحة يا ر و لا يحرمني من هل الطلة الحلوة