براونيز بكريما الخمس دقايق السرية
1كوب دقيق 3/4كوب سكر ناعم 1/2كوب زيت علبة زبادي بوزن 170 غم 1بيضة ملعقة صغيرة فانيلا ملعقة صغيرة بيكنغ باودر للوجه:مغلف دريم ويب علبة قشطةمغلف بودرة الكريم كراميل
.جميع المكونات تكون بدرجة حرارة الغرفة. .الصينية المستخدمة تكون وسط أو صغيرة وممكن استخدام قوالب الكب كيك. .يحمى الفرن على درجة حرارة 180 درجة مئوية. .تدهن صينية الكيك بالزيت وترش بالطحين وننثر الزائد منه. .ينخل الطحين والخميرة ويوضع جانبا. .في خلاط الكوكتيل يمزج البيض والفانيلا ثم يضاف السكر ثم الزيت ثم الزبادي ويخلط مدة 4 دقائق. .يضاف المزيج للطحين وتخلط المكونات جيدا مدة دقيقتان. .يخبز الكيك في الفرن حتى ينضج ثم يخرج من الفرن ويترك في القالب حتى يبرد. .تخلط مكونات الكريمة جيدا بمضرب سلك وتوضع بالثلاجة قليلا لتتماسك ثم تصب على وجه الكيك وتغلف الصينية بورق سلوفان وتترك قبل تقطيعها حوالي نصف ساعة وتقطع حسب الرغبة .
ينعاد عليك بالخير والصحة ان شاء الله
وعليك الف عافية وما على قلبك شر
والله شكل الوصفة كتير شهي الله يسلم ايديك يارب
وبالفعل انا وحدة من اللي ما لحقت تعمل كعك العيد مع اني كنت حاطة ببالي بس ما في وقت
بس للأسف آخدة اجازة من الحلويات وحاليا عبجرب مقبلات وسلطات لأني هي الشغلات اللي يميل لها زوجي ولما بعمل حلو بضل اسبوع عباكله لحالي
بس ان شاء الله بس ارجع للحلو رح اجربو وخصوصا انه مكوناته متوفرة والكمية مناسبة الي
الله يعطيك العافية وكل عام وانت بخير مرة تانية
الف الحمد لله على السلامة لاروش , بقيان بالي عندك و كنت رح ابعت الك ايميل اشوف وين غاطة
صار الك زمان مو مبينة , اكتر من شهر و نص , نورت برجوعك
هلا لاتحملت الصورة انو :eek , الوانها بتفرفح القلب ,و الوردات حلويين كتير , هيك حلويين كتير ذكروني بفروحة قلبي
تسلم ايديكي الحلوة و تعيشي و تعملي لارا
كل سنة و انت بالف الف خير و مرة تانية الحمد لله على السلامة
كل عام وأنت بألف خير أخت لارا .. والحمد لله على سلامتك يا رب.
والله كل ما عملت الباتون ساليه بتذكرك وبدعيلك بالخير.
ألف شكر على الوصفة الجديدة، شكلها كتير حلو. إن شاء الله بجربها يوماً ما ولو أني ما جربت أعمل كيك من قبل.
وكل عام والجميع بألف خير.
كل عام وانتو بألف خير جميعابصراحة وصفة حلوة كتير ولونها بيفرفح القلب وحتى لو كنت عاملة كعك العيد عم بفكر اني اعملها كصنف تاني لان لونها كتير بيشد
يسلمو ايديك
كل عام وانتو بخير انا كتير سعيدة بها الموقع تقريبا جربت كتير من الوصفات وكلها ناجحةبتشكرك يامنى لاني كتير طورت حالي في الطبخ بفضل هالموقع وعندي وصفات بحب اقدمها للموقع بس بدي اعرف الطريقة
شكرا على الوصفة يالارا بس عندي سؤال وانا اسئلتي كتيرة مغلف دريم ويب يعني نفس كمية ظرف الكريما شانتيه اللي عنا في حلب متل دانياوشكرا الك
انشاء الله عيدكم مبارك شكل الوصفة كتير طيبة راح جربها وخبرك انشاء الله وسلم ايديك مرة ثانية
أهلين بأختي أم نبيل
وكل عام وإنتي بخير إن شاء الله ,الوصفة جدا
بسيطة جربيها, وخبريني.. وصحة وعافية سلفا :zzz
أهلين بالأخت العزيزة منى :zzz
كنت مشتاقة للموقع والأعضاء كثير , والله يعطيكي العافية على تعبك وكل الوصفات الجديدة .. والله يخليلك فروحة وأخواتهاوالموقع كمان :zzz
ويصير بشهرة الفايس بوك وتويتر, ومن أحسن لأحسن وكل عام وحبايبك بخير
كل عام وإنت بخير اخ أرام
وألف صحة وعافية على الباتون ساليه, وعقبال ماتجرب وصفة الكيك وتدخل قاموس ( أول مرة ) يلي موجود عند كل واحد فينا, وألف شكر لمشاعرك الطيبة, تحياتي :zzz
مساء الورد ام إسلام
وكل أحبابك بخير إن شاء الله, وألف صحة وعافية مقدما , جربيها وعلى ضمانتي :zzz
تحياتي.
ينعاد عليكي أخت منور(إن شاء الله الإسم صح), وكل كلامك مزبوط عن الموقع , وبدونه نحس إن حن ضايعين :sigh
وأي سؤال أنا حاضرة ولا يهمك , لأن كلنابنمر بنفس الشيء ,, وياما سئلنا واستفسرنا ,
وبالنسبة لباكيت الدريم ويب يكون فيه مغلفين وأحيانا أربعة ,, استخدمي واحد بس بوزن 36 غم, وعلى فكرة ممكن تستخدمي الوبينغ كريم(الكريما الطازجة ) بدله , بس ذوقي الخليط قبل إذا كان محتاج تضيفي سكر بودرة ,, لأن مافيها سكر .
تحياتي :zzz
كل عام وإنتي بخير أخت مسك الإيمان , جربيها وبانتظار رأيك , وألف صحة وهنا مقدما
تحياتي :zzz
كل عام وانت بخير اخت لارا وعليكي ألف عافية وما تشوفي شر وهو مثل ما تفضلتي كل شي بصير بفضل رب العالمين الكيكة جنان غير شكل طيبة كثير جربتها ونالت الاعجاب تسلم اديكي وعليك العافية مرة تانية
الله يسلمك ويعافيك اخت عبير :zzz
هنا وعوافي على الوصفة,, انبسطت كثيرلأن
جربتيهاوانبسطت أكثرلأنك أول وحدة رديتي بعد التجر بة..ألف عافية :zzz
اهلين لارا. الف الف الحمدلله عل سلامتك اختي. ما تشوفي شر ا شاء الله. من زمان ما دخلت للموقع. وصفه شهيه للتطبيق قريبا باذن الله. سلامي للجميع و خاصه للحبيبه منى. :zzz
اهلين لارا. الف الف الحمدلله عل سلامتك اختي. ما تشوفي شر ا شاء الله. من زمان ما دخلت للموقع. وصفه شهيه للتطبيق قريبا باذن الله. سلامي للجميع و خاصه للحبيبه منى. :zzz
امونة كتير مشتقتلك , و ما عاد بينتي ابدا , ان شاء الله بخير انت و كل عيلتك الحلوة , طمنيني