براونيز بكريما الخمس دقايق السرية
250 – 300 غ من شرائح معكرونة اللازانيا
جبنه موزاريلا أو بارمزان مبشورة
زبدة لدهن الصينية
تمقادير صلصة الخضار و اللحمة :
4 ملعقة كبيرة زيت زيتون
حبة بصل
2 فص ثوم
حبة فليفله خضراء
حبة فليفله حمراء
حبة كبيرة جزر
نصف كوب فطر شرحات
ثلث كيلو لحمة مفرومة
4 حبة بندورة كبيرة ناضجة
ملعقة صغيرة بهارات مشكلة
نصف ملعقة صغيرة قرفة
2 ملعقة كبيرة معجون الطماطم
نصف ملعقة صغيرة دبس فليفلة ( اختياري )
ملعقة صغيرة أوريغانو
مقادير البيشاميل :
6 كوب حليب
6 ملعقة كبيرة طحين أبيض
رشة فلفل أبيض
ربشة جوزة الطيب
4 - 5 ملاعق زبدة
3 ملعقة كبيرة جبنة كريما
جبنه موزاريلا أو بارمزان مبشورة
زبدة لدهن الصينية
تمقادير صلصة الخضار و اللحمة :
4 ملعقة كبيرة زيت زيتون
حبة بصل
2 فص ثوم
حبة فليفله خضراء
حبة فليفله حمراء
حبة كبيرة جزر
نصف كوب فطر شرحات
ثلث كيلو لحمة مفرومة
4 حبة بندورة كبيرة ناضجة
ملعقة صغيرة بهارات مشكلة
نصف ملعقة صغيرة قرفة
2 ملعقة كبيرة معجون الطماطم
نصف ملعقة صغيرة دبس فليفلة ( اختياري )
ملعقة صغيرة أوريغانو
مقادير البيشاميل :
6 كوب حليب
6 ملعقة كبيرة طحين أبيض
رشة فلفل أبيض
ربشة جوزة الطيب
4 - 5 ملاعق زبدة
3 ملعقة كبيرة جبنة كريما
تحضير صلصة الخضار و اللحمة :
• يفرم البصل و الفليفلة الحمراء و الخضراء ناعماً , يبشر الجزر , تقشر البندورة و تفرم ناعماً مع الاحتفاظ بعصيرها , يفرم الثوم ناعماً أو يهرس .
• يقلب البصل بالزيت حتى يطرى ثم يضاف الجزر و الفليفلة الحمراء و الخضراء و الفطر و تقلب الخضار لمدة 5 – 10 دقائق تقريباً ً ثم ترفع عن النار و توضع في وعاء جانباَ .
• تقلى اللحمة في مقلاة بالقليل من الزيت و تقلب حتى تنضج و يجف مرقها تماماً ثم يضاف الثوم و البهارات و يقلب الكل لمدة دقيقة .
• تضاف الخضار و البندورة و دبس الفليفلة و القليل من الماء للحمة و تترك الصلصة على نار هادئة مدة ربع إلى نصف ساعة حتى تتسبك , يجب أن تكون الصلصة متوسطة الكثافة و إذا أصبحت سميكة كثيراً يضاف القليل من الماء , ترفع الصلصة عن النار و يضاف الأوريغانو , أصبحت الصلصة جاهزة .
تحضير صلصة البيشاميل :
• تحضر صلصة البشاميل عندما تكون صلصة اللحمة على النار , تذوب الزبدة على نار هادئة ثم يضاف الطحين و يقلب الكل حتى تظهر رائحة الطحين من دون أن يتغير لون الطحين .
• تبشر ربع حبة جوزة الطيب أو أكثر حسب الذوق , المهم استعمال بشر طازج .
• يضاف مقدار من الحليب مع مكعبات المرق و البهارات و يحرك , يضاف باقي الحليب بالتدريج مع التحريك المستمر و السريع و يقلب حتى يغلي الصوص و يبدأ البيشاميل بالتماسك , يترك على نار هادئة مدة خمس دقائق .
• تضاف الجبنة و يحرك البيشاميل حتى تختفي و بعدها أصبح البيشاميل جاهزاَ .
تطبيق الوصفة :
• يجب اختيار معكرونة اللازانيا المصنوعة من سميد القمح القاسي , العلبة الكاملة وزنها 500 غ , سيلزمنا نصفها أو أكثر قليلاً و يمكن الاحتفاظ بباقي العلبة مغلفة بنايلون في الثلاجة لمرة ثانية , تستخدم أوراق اللازانيا بدون سلق .
• تدهن صينية بيركس ذات حرف مرتفع و أكبر مقاس بالزبدة , يغطى القاع بطبقة خفيفة من البيشاميل وتصف فوقه طبقة من شرائح اللازانيا بحيث يترك بين كل ورقة و الثانية مقدار اصبع تقريباً لأن الشرائح ستكبر بعد النضج .
• تغطى أخر طبقة من البشاميل بشرائح اللازانيا ثم يوضع كل الباقي من صلصة البشاميل و يرش الوجه بالجبنة المبشورة .
• الخطوة التالية هي أهم خطوة للحصول على لازانيا لذيذة , تترك صينية اللازانيا لمدة أربع ساعات على الأقل في الثلاجة قبل خبزها في الفرن و يفضل تحضير اللازانيا قبل يوم من وقت التقديم لأن ورق اللازانيا سيشرب من الصلصة و ستكون النكهة رائعة .
• تخبز اللازانيا في فرن على درجة حرارة 180 في الطبقة الوسطى من الفرن مدة 45 – 60 دقيقة حتى تنضج ثم تترك لتهدأ مدة 10 دقائق قبل تقديمها .
تنويعات :
• ممكن دهن الصينية بالزبدة و الثوم المدقوق لإضفاء نكهة لذيذة .
• إذا أردت تخفيف الدسم في الوصفة يمكن أن تستغني عن الزبدة في صلصة البيشاميل, و يمكن أيضاً الإستغناء عن الجبنة المبشورة بين الطبقات .
• ممكن أن ترشي على وجه الصينية كعك مطحون ( بقسماط ) لإضافة القرمشة على اللازانيا .
• يمكن تحضير صينية اللازانيا و الاحتفاظ بها في قسم التجليد في الثلاجة حتى وقت الحاجة .
• يفرم البصل و الفليفلة الحمراء و الخضراء ناعماً , يبشر الجزر , تقشر البندورة و تفرم ناعماً مع الاحتفاظ بعصيرها , يفرم الثوم ناعماً أو يهرس .
• يقلب البصل بالزيت حتى يطرى ثم يضاف الجزر و الفليفلة الحمراء و الخضراء و الفطر و تقلب الخضار لمدة 5 – 10 دقائق تقريباً ً ثم ترفع عن النار و توضع في وعاء جانباَ .
• تقلى اللحمة في مقلاة بالقليل من الزيت و تقلب حتى تنضج و يجف مرقها تماماً ثم يضاف الثوم و البهارات و يقلب الكل لمدة دقيقة .
• تضاف الخضار و البندورة و دبس الفليفلة و القليل من الماء للحمة و تترك الصلصة على نار هادئة مدة ربع إلى نصف ساعة حتى تتسبك , يجب أن تكون الصلصة متوسطة الكثافة و إذا أصبحت سميكة كثيراً يضاف القليل من الماء , ترفع الصلصة عن النار و يضاف الأوريغانو , أصبحت الصلصة جاهزة .
تحضير صلصة البيشاميل :
• تحضر صلصة البشاميل عندما تكون صلصة اللحمة على النار , تذوب الزبدة على نار هادئة ثم يضاف الطحين و يقلب الكل حتى تظهر رائحة الطحين من دون أن يتغير لون الطحين .
• تبشر ربع حبة جوزة الطيب أو أكثر حسب الذوق , المهم استعمال بشر طازج .
• يضاف مقدار من الحليب مع مكعبات المرق و البهارات و يحرك , يضاف باقي الحليب بالتدريج مع التحريك المستمر و السريع و يقلب حتى يغلي الصوص و يبدأ البيشاميل بالتماسك , يترك على نار هادئة مدة خمس دقائق .
• تضاف الجبنة و يحرك البيشاميل حتى تختفي و بعدها أصبح البيشاميل جاهزاَ .
تطبيق الوصفة :
• يجب اختيار معكرونة اللازانيا المصنوعة من سميد القمح القاسي , العلبة الكاملة وزنها 500 غ , سيلزمنا نصفها أو أكثر قليلاً و يمكن الاحتفاظ بباقي العلبة مغلفة بنايلون في الثلاجة لمرة ثانية , تستخدم أوراق اللازانيا بدون سلق .
• تدهن صينية بيركس ذات حرف مرتفع و أكبر مقاس بالزبدة , يغطى القاع بطبقة خفيفة من البيشاميل وتصف فوقه طبقة من شرائح اللازانيا بحيث يترك بين كل ورقة و الثانية مقدار اصبع تقريباً لأن الشرائح ستكبر بعد النضج .
• تغطى أخر طبقة من البشاميل بشرائح اللازانيا ثم يوضع كل الباقي من صلصة البشاميل و يرش الوجه بالجبنة المبشورة .
• الخطوة التالية هي أهم خطوة للحصول على لازانيا لذيذة , تترك صينية اللازانيا لمدة أربع ساعات على الأقل في الثلاجة قبل خبزها في الفرن و يفضل تحضير اللازانيا قبل يوم من وقت التقديم لأن ورق اللازانيا سيشرب من الصلصة و ستكون النكهة رائعة .
• تخبز اللازانيا في فرن على درجة حرارة 180 في الطبقة الوسطى من الفرن مدة 45 – 60 دقيقة حتى تنضج ثم تترك لتهدأ مدة 10 دقائق قبل تقديمها .
تنويعات :
• ممكن دهن الصينية بالزبدة و الثوم المدقوق لإضفاء نكهة لذيذة .
• إذا أردت تخفيف الدسم في الوصفة يمكن أن تستغني عن الزبدة في صلصة البيشاميل, و يمكن أيضاً الإستغناء عن الجبنة المبشورة بين الطبقات .
• ممكن أن ترشي على وجه الصينية كعك مطحون ( بقسماط ) لإضافة القرمشة على اللازانيا .
• يمكن تحضير صينية اللازانيا و الاحتفاظ بها في قسم التجليد في الثلاجة حتى وقت الحاجة .
الف شكر انا كتير بعمل لازانيا بس بعطل هم لانها بتاخود وقت بس الان عرفت انو ممكن تعمل وتوضع في البراد وهاك ممكن الست تعملا قبل بوقت ومنكم نستفيد
هلا فيك أختي ام نور
الازانيا فيها تقعد معك بالفريزر لحتى شهر تقريباً ..
و فيك كمان تعملي حشوة اللحمة و تعبيها و تحطيها بالفريز لوقت اللزوم
نورتي أختي
السلام عليكم و رحمة الله و بركاته
— الله يعينك — اولا هل جربتي تساوي عجينة المعكرونة و اللازانيا بالبيت لان لقيت وصفات لتحضيرها على النت و كمان بهالفترة ما فيني استعمل لحمة مفرومة هل بقدرقطع اللحمه شقف زغار و استعملا او بنطر لتصير عندي لحمة مفرومة و كتير فرحت لما قلتي انو فينا نحطا بالفريزر يعني قصدك نحضرا كلا و نحط كل المكونات و بعدين نحطا بالفريزر او في اشياء ما بينفع نحطى
جازاك الله خيرا اختي منى على الوصفةمن زمان عبالي ساوي لازانيا و هلأ بتبلشالاسئلة كالعادة استعدي
بالتوفيق
سلام
هلا أختي
جربت اعمل العجينة بالبيت و ان شاء الله الوصفة رح نزلها قريب في الموقع , و انا قصدي انك بتجهزي الصينية كلها و بتحطيها في الفريز و لما حابة تقدميها بتطالعيها و بتستني يفك عنها التلج شوي و بعدها بتخبزيها في الفرن ,
اللحمة ممكن تفرميها على ماكينة فرم اللحمة ليصير عندك لحمة مفرومة , هل الوصفة ما فيك تحضريها باللحمة الشقف
السلام عليكم و رحمة الله و بركاته
جازاك الله خيرا اختي منى و حلو كتير انك جربتي العجينة ان شاء الله بتحطي الوصفة باسرع وقت :zzz مشان ساويها
بالتوفيق
سلام
ان شاء الله أختي
و ان شاء الله تجربي اللازانيا و تعجبك
السلام عليكم و رحمة الله و بركاته
انا ما اشتريت لازانيا من قبل بس شايفتا و دقتا مرة المهم متل ما قلتلك بدي ساوي العجينة بالبيت و راح حاول انطر تحطي الطريقة بس ازا ما قدرت راح ساويها حسب ما لقيت بالنت و ازا بتقدري يا ريت تكتبيلي الطريقة و النصائح المهمة هون لان اكيد ما راح تقدري تساويها قريباو راح كون كتير ممنونة
كمان هل فينا نستغني عن الجبن الكريمي و نحط جبن عادي يعني لافاش كيري مثلا
رمضان كريم و ربنا يتقبل منا و منكم الصيام و الطاعة
بالتوفيق
سلام
هلا أختي , الطريقة و النصائح كتير بدها شغل , افضل ان تكون في وصفة مستقلة
الجبنة الكريم الي انا بقصدهاهي نفسها جبنة متل كيري أو لافاش كيري و غيره , هذا اذا قصدك عن الجبنة الي منستعملها في البيشاميل
ااامين أختي و ان شاء الله من عتقائه يا حق
اللازانيا لما نخليهابالفريزر منخليها متل ما هي او منغطيها بنايلون و هل بتفرق ازا تركناها بس لاربع ساعات و ازا خليناها لايام
كمان شو بالنسبة لشرائح اللازانيا المحضرة بالبيت كمان ما منسلقها
بالتوفيق
سلام
هلا أختي , منغطيها أكيد إذا كنا ناوينن نحتفظ فيها لأكتر من 4 5 ساعات , و ممكن نحتفظ فيها بالفريزر لمدة شهر , الازانيا بالعجينة البيتية بدها سلق
السلام عليكم و رحمة الله و بركاته
اختي منى انا مصرة ساوي لازانيا يا انا يا هي انا لقيت ان العجينة فيها زيت بالاضافة للبيض و الملح و الطحين بكل الوصفات بالنت بس في كتاب لقيتها من دون زيت بقى شو قولك بزيت او منه دون زيت :upset و هل العجينة بدا عجن او بيكفي بس نجمعها تحتى تصير عجينة كمان هالعجينة لازم تسلق و تستعمل بنفس اليوم او يمكن الاحتفاظ بها و كيف بقصها يعني 10*4 سم متل ماانقال في الكتاب او اقل او اكتر او حسب حجم الصينية تتصير كل طبقة مكونة من ورقة واحدة
بعرف تقلت عليك سامحيني
:cry
بالتوفيق
سلام
والله يامنونة هلأ خلصت منها وحطيتها بالبراد لبكرا قولتك رح تزبط معي
ولا رح يصير وجه زوجي هيك :eek ياستي انا كل شي ساويت متل ماقلتي بس صوص البشاميل ماطلع مريق وانتي بالصورة مبين انه طالع معك مريق انا طلع معي لاسميك ولا مريق كتير يعني اسمك من الحليب بس اللي حاطتيه انتي كأنه متل الحليب
تاني شي الاازانيا بعد ماطبقتها وحطيتها بالبراد حسيت انه عم يطلع منها ماء البندورة ياترى اوراق الازانيا رح تفشفش ولا شو ؟؟
ادعيلي تطلع ظريفة والله اشتغلت فيها كتير :cry :cry
بكرا بخبرك شو بيصير معي
بتعرفي شو بعد ماخلصت رجعت قريت الوصفة قام لقيت انه اخر طبقة لازم تكون لازانيا وبعدين يشاميل بعدين جبنة
انا حطيت اخر طبقة عادية يعني لازانيا لحمة بشاميل كتيلا بعدين جبنة وخلص
يعني حط بكرا فوق الازانيا جبنة مرة تانية ولا بيمشي الحال؟
هلا سارونات
اختي العجينة من دون زيت اكيد, بتخفقي البيض شوية و بتحطيه بنصف الطحين و بتفركيهم بروس صابيعك لحتى تتجمع العجينة على بعضها بعدها بتعجني الكل كتير منيح لمدة عشر دقائق و بتقطعيها لمستطيلات متل ما قال كتابك لتسهيل عملية السلق , لا تنسي تخليها ترتاح شغلة ربع ساعة قبل السلق لحتى تنشف شوي, ما أظن بينفع معها التفريز و الافضل انك تحضريها بنفس اليوم , بعرف اختي مقصرة معك بس سامحيني الوصفات الي عم تطلبيها كلها من العيار الثقيل الي بده تحضيررر كتير :zzz
هلا رنونة
أنا البيشاميل طلع معي وسط , ما بعرف كيف بين بالصورة هيك , المهم هلأ أن السماكة تبعة بيشاميلك هي التمام و المظبوطة ..
اذا استعلتي كمية الازانيا تبعة الوصفة ما انصحك تضيفي كمان ورق لازانيا لأن بعدها رح تصير الازانيا ناااشفة و مو كتير طيبة , هلأ اليوم بيمشي الحال و ان شاء الله المرة التانية بتبقي تحطي لازانيا على أخر طبقة , أهم الشي تكوني استعملتي لازانيا مصنوعة من سميد القمح القاسي و الا الازانيا رح تفشفش معك , الله لا يقدر , يلا بانتظار رأيك بعد الفطور و ان شاء الله بتعجبكم 8)
الله يسلم ايديكي على هالطريقة اللي بتبيض الوش
ايه شو لازانيا يعني عن جد كتير ناجحة وكله بفضل نصائحك وتوجيهاتك الله يخليلنا ياكي يااشطر ست بيت بالعالم وعلى فكرة مااثرت اخر طبقة ابدا بالعكس طلعت طبقات وعلى اصلها بس مو خرج ريجيم ابدا خصوصي اني حطيت بقلب البشاميل جبنة ودهنت الصواني زبدة وحطيت فوقها كمان شوية زبدة بس شو عن جد تحفة يسلمو هالايديييييييين 
وهي صورتها
[img]http://up5.m5zn.com/photos/00245/5pwd8ywyfrjg.jpg[/img]
[img]http://up5.m5zn.com/photos/00245/vieooggpljif.jpg[/img]
رنونة ألف ألف ألف صحة يا رب , كتير انبسطت انها عجبتك و كمان فرحت أكتر بصورة اللازانيا , حرام عليك من على الصبح شي بيشهي و غيررر شكل و خصوصا الصورة التانية :eek
أكيدة الازانيا ما الها علاقة بالريجيم , بدها واحد قلبه قوووي و ميت من جوعه :grin , ان شاء الله هنا مرة تانية و الف شكر ليك على الصور
السلام عليكم و رحمة الله و بركاته
الله يخليلي ياكي اختي منى لا و الله مو مقصرة انا بعرف انك عم تساوي اللي عم تقدري عليه و يادوب تلحقي بين البيت و الموقع و الاسئلة :upset و انا عم اتعبك كمان و انت عطول جنبي
و هلأ قربت اللحظة المهمة و راح جربا قريبا جدا بس بدي اعرف شي تحتى اتأكد و هو السؤال المشهور عن قياس الصينية تحتى شوف ازا بساويهابالصينية لصغيرة كتير او اللي اكتر منهالان راح ما راح ساوي كمية صغيرة
انا حسبتها حسب شرائح اللازانيا بس بدي اتأكد من خلال قياس الصينية تحتى يكون كل شي مضبوط و دقيق
بتعرفي اختي منى شو اللي مخوفني هو انها ما تنضج منيح و تطلع معجنة بس ان شاء الله لا و كل شي بيكون تمام
اختي رنا مبروك نجاح الوصفة و من نجاح لنجاح ان شاء الله
بالتوفيق
سلام
هلا أختي
الصينية البايركس أكبر قياس و يكون حوافه عالية لحتى يسع لكل المقادير , لا تاكلي هم الاستواء لان رح تظبط اكيد ان شاء الله , بشرط مهم كتير و هو استعمال الازانيا المصنوعة من القمح القاسي , هيك اسمه :zzz
السلام عليكم و رحمة الله و بركاته
يخليلي ياكي اختي منى
راح ازعجك كمان شوي لا تواخزيني بعرف انها صينية بايركس حجم كبير بس انا ما عندي حجم كبير فما بعرف قديش حجمها فهمتي علي لهيك بدي ياكي ازا فيكي تقيسيها لان راح اقسم المقادير تحتى يطلع كل شي مضبوط
و اخر شي بدي اعرف ازا شريحة اللازانيا كانت اطول من انها تجي بالصينية فيني اقسمها ما هيك
بالتوفيق
سلام
هلا منى كيفك صرلي أكثر من اسبوع عم قول بدي أعمل لازانيا و ما عم يصحلي و لما قريت الوصفة حبيتها لكن لفت نظري كمية جوزة الطيب لأنو جوزة الطيب سامة و أنا حذرة باستخدامها و هل المعلومة وجدتها في كتاب الغذاء لا الدواء و كان مكتوب فيه إنو حبة جوزة الطيب تقتل شخص وزنه 70 كيلو و قبل ما أكتب هالتعليق حبيت أتأكد أكتر من المعلومةعن طريق الإنترنت لكن فوجئت بأنها نبات مهلوس أبضاإذا أخذت بجرعة 15-20 غ ممكن تعملي بحث في google عن جوزة الطيب و تتأكدي بنفسك ,آسفة طولت عليكي
:eek لا بالعكس سهى معلومة مهمة كتير , انا سمعت هيك شي بس مو متاكدة , و التأثير كله بقشرة الحبة على ما اعتقد , الف شكر ليك على المعلومة و رح عدل الوصفة ان شاء الله
سؤال : هلأانا كان معي بالصف واحدة الها نفس اسمك الكامل , يس مو متزكرة اذا بالاعدادي او الثانوي , انا كنت بفوزي الجسري و بعدها بنابلس
تسلمي يامنى
أنا كمان كنت بفوزي الجسري و بعدها بنابلس و كان معنا حلا صفاف و رزان طاووز إذا بتذكري شي من هالأسماء معناها كنا سوى :zzz
شو منى ما رديتي ع التعليق :zzz شو طلعنا معارف من أيام الدراسة
و الله رديت بس ما بعرف ويين طار الرد :roll
اكيد بذكرهم و حتى انت متذكرتك بس خيال , سبحان الله انا ما بحفظ اسماء ابداً بس انت كنيتك باقية ببالي
يا ستي بعد زمان , شو مشتهية اعمل رابطة طلاب فوزي الجسري و نابلس و نشوف بعضنا كلنا مرة تانية :grin
فعلاً بعد زمان
صرنا اتنين أنا كمان ما بحفظ أسماء إن شاء الله بيحالفنا الحظ و منتلاقا :zzz
ان شاء الله
السلام عليكم و رحمةالله و بركاته
اختي منى شوفي اللي صار معي اناكنت راح ساويها و حضرت كل شي بس ما اجت فرصة المهم قمت قلت بساوي صلصة اللحمة و حطها بالفريزر فساويتها بس للاسف كل الصلصة تبخرت يعني صارت متل الحشوة مع اني ضفتلها شوية مرق دجاج بالاخير بس مو كافي لان غصير الطماطم تبخر المهم انا فرزتها بس ازا كانت ما بتنفع ساوي فيها لازانيا قوليلي لان مابدي يضيع كل شي و ما تضبط اللازانيالانك قلتي انها راح تتشرب الصوص تتصير طيبة و انا الصلصة صارت متل الحشوة
بعتقد بقدر ساوي فيها موساكا بطاطا و عيد حضر صلصة اللازانيا من جديد و خلي فيها الصوص
انا اصلا ساويت ثلث الوصفة
ناطرة اجابتك
و كمان لما بطالع الحشوة من الفريزر بنطرها تحتى تدوب تماما او ب ستحتى يفك عنها الثلج شوي
بالتوفيق
سلام
سلام
هلا أختي
لا تعمليها مرة تانية بس ضيفي كمان مرق و خليها تغلي مع الصلصة مدة 5 دقايق قبل استعمالها
السلام عليكم و رحمة الله و بركاته
و اخيراااا ساويتها اليوم و طلعت كتير طيبة
جازاك الله خيرا اختي منى و جعله في ميزان حسناتك
بالتوفيق
سلام
السلام عليكم و رحمة الله و بركاته
اختي منى عندي طلب لو سمحتي و هو حشوات مختلفة للازانيا و بالخصوص حشوة بالدجاج و حشوة السبانخ بلا لحمة و اهم شي بدي حشوة تكون بالخضر و من دون لحمة او دجاج انا عم دور بس لهلا ما لقيت اخر واحدة يا ترى في عندك الهم صفات
بالتوفيق
سلام
هلا سارونات
عافية و صحة و الف هنا ياحق .
عندي وصففات كتير , بس من وين بدي جيب الوقت لرتبهم كلهم و نزلهم :roll , رح اوعدك فيهم بس اذا اتاخرت لا تزعلي
االسلام عليكم و رحمة الله و بركاته
يخليلي ياكي اختي منى طيب انا ناطرتك و انت و ظروفك :zzz
ربنا يوفقك و يسهل دربك
سلام
يمممممي شكلها بيغرف القلب..هللئ انا عملتها من فترة ونزلت الصورة بألبومي..بس بصراحة أضفتي كم نقطة كتير لفتو نظري..أول شي إنو ما نحطها بالفرن فورا..تاني شغلة الدهن بالزبدة..تالت شغلة..التوم كان رايح عن بالي ..الكعك المحطون.زكتير فكرة لذيذة..يا ستي يعطيكي ألف عافية يارب..ويما يحرمنا منك أبداااا..
خليلي عينك رغودة
ان شاء الله تجربيها و تكون متل ما بتحبي او اطيببب
و هي شفتلك شخص ما بيحب اللازانيا و الذي هو أنا بذاتي.
بحسها كتير دسمة و ما بتفرق كتير عن معكرونة عادية بتحطيلها نفس الشغلات. يمكن ماني آكلة لازانيا مزبوطة لهلا أو ما بعرف شو القصة. لأنو أكتر الناس بيحبوها كتير، يمكن الغلط مني.
فعلا وصفة لاتفوت
ما عاد عملت اللزانيا إلا بطريقتك وبجهزها قبل بيوم او من بكير وبعدين عالفرن
بتطلع لذييييييذة كان عندي عزومة والكل سألني عن طريقتها ودعيتلك بكل الخير
ياسلااااااااااام
عملت هالوصفة من شي سنة أكثر من مرة بأكثر من عزيمة
بيضت الوجه الله يبيض وجهك بالدارين
دمت بخير
ان شا الله الهي وجهك ابيض دوما , ابوس روحك على هل الدعوة , الله يكرمك دنيا و اخرة
هلأ هيه طيبة يسلمو ايديكي بس مشكلتي مع صوص البشاميل بحسه كتير تقيل لايحتمل ونفس الشي بخصوص الجبنة مابعرف ليش
رح اجربها هالمرة بصوص البشاميل بس بمي
في صوص بيشاميل خفيف السعرات الحرارية , فيكي تحضريه بكمية قليلة من الزبدة , و بهيك بتكون الاكلة معقولة
سلم ايديكي ست منى على هالوصفة عن جد بتعقد و اليوم أول يوم رمضان من الصبح فتحت الموقع و عم دورلي على طبخة من طبخاتك الحلوة مع انو معزومة عند اهلي بس قلت لا يمنع هههههههه، بس عندي كم سؤال و ان شاء الله ما تقل عليكي، أولا : فيني استعمل معكرونة بيني بدل اللزانيا لأنو بناتي بيحبو البيني أكتر، و تانيا: ممكن استغني عن مكعب مرق الدجاج بصوص البندورة لأنو ما بستخدمو أبداً، و ثالثاً: من شان صوص البشاميل أنا بحسو بيطلع معي الو شوية زنخة فممكن استعمل بهارات كنور الي بيجو جاهزين و لا بتتغير الطعمة تماماً، و على فكرة انا سمعت انو جوزة الطيب حرام استخدامها في الاسلام لأنو تدخل ضمن ما يسمى بالمخدر و هي أصلا تسبب الهلوسة و الله أعلم فحتى هيك ما عدت استخدمتها أبداً
و كل عام و انت بخير و رمضان كريم عليك و على كل عيلتك الحلوة
اهيين هلا
منورة و مشرفة الموقع , و ان شا الله تجربي من الوصفات و يكونوا ع زوءك ..
هلا اذا جربي بالبيني بتطلع طيبة كتيررر , بس مو لازانيا , و بالنسبة لمكعب المرق , شكرا للتنبيه , لاني كمان من سنين ما عدت استخدمهبكل طبخي و هلا عدلت الوصفة , بالنسبة للبيشاميل ما بعرف بهارات كنور , انت لشو بتستخدميهن و كيف بتصير الطعمة فيهن ؟
سألت عن جوزة الطيب المفتي و قال انها مو حرا , و لهيك عت استعملها و الله أعلم ..
كل سنة و انت بالف الف خير و ينعاد عليك و ع كل هلك بالبركة و رياحة البال