· تغسل حبات الفليفلة و تجفف و تقطع طوليا و تنظف من البذور و الخيوط البيضاء ثم يحمى الفرن ( الشواية ) و توضع حبات الفليفلة على صينية فرن الجزء المقطوع للأسفل و تشوى مدة 15 دقيقة تقريبا .
· تقشر حبات الفليفلة ما أمكن ذالك ثم تقطع إلى شرائط بعرض 2.5 سم و تترك جانبا .
· تخلط مكونات الحشوة مع بعضها البعض ثم توزع بالتساوي على أطراف الفليفلة و تلف .
· ترتب اللفافات في طبق التقديم و تزين بالبقدونس و حبات العطون .
3 حبة فليفلة حمراء من النوع الكبير
الحشوة :
100 غ جبنة فيتا
1 حبة بصل أخضر ( يمكن استعمال البصل العادي )
1 ملعقة كبيرة زيت زيتون
2 ملعقة كبيرة جوز مفروم ناعم
½ ملعقة صغيرة أوريغانو
½ ملعقة صغيرة فليفلة حمراء ( بودرة )
• تغسل حبات الفليفلة و تجفف و تقطع طوليا و تنظف من البذور و الخيوط البيضاء ثم يحمى الفرن ( الشواية ) و توضع حبات الفليفلة على صينية فرن الجزء المقطوع للأسفل و تشوى مدة 15 دقيقة تقريبا .
• تقشر حبات الفليفلة ما أمكن ذالك ثم تقطع إلى شرائط بعرض 2.5 سم و تترك جانبا .
• تخلط مكونات الحشوة مع بعضها البعض ثم توزع بالتساوي على أطراف الفليفلة و تلف .
• ترتب اللفافات في طبق التقديم و تزين بالبقدونس و حبات العطون .
شفت هل الطبق عند واحدة تركية من معارفي , بس بعا لفروقات اللغة كان بس فيني شوف و ما ااقدر اسال
الله يعطيكي الف عافية سهى على الوصفة اليمممي , الوان حلوة و التركيبة كلها على بعضها مميزة
بيشهيييييييييي يمممممم خطرلي انو فينا نستعمل 3 الوان من الفليفلة احمر واخضر واصفر وهيك بيصير عنا بالصحن الوان رهيبة شو رايك اخت سهى
يا سلام يا ام نور , أفكارك ما في احلى منها كالعادة و اله فكرة حلوة كتير و على السفرة بيطلع شكلها بيشهي , يا ترى بينفع ام السوس او نو :roll
السلام عليكم
منونة فعلا هلأكلة من المقبلات التركية بس الطعمة قريبة كتيير للمطبخ الحلبي لأنو المكونات متشابهة انشاء الله تجربيها و تعجبك
السلام عليكم
كل عام و أنت بخير أخت أم النور مباركة طاعتك
يا ستي الوصفة بلأساس بتنعمل بالفلفلة الحمرا بس هادا ما بيمنع إنو الوحدة تغير و تبدل و فعلا فكرتك حلوة رح يصير عنا ألوان بتفتح النفس الله يعطيك العافية
يا سلام شي طيب كتير وبتنفع للبوفيهات كتير ..
مرة دقت الفيلفلة بهالطريقة بس محشية تونة كمان طيبة بس هي شكلهاأطيب ورح جربها قريباً
يسلمو ايديكي سهى 8)
السلام عليكم و رحمة الله و بركاته
حلوة كتير الفكرة و بدي قول ملاحظة بالنسبة لتقضير الفلفل اذا بدكم تقشروه بسهولة بعد ما تشووه حطوه مباشرة بكيش نايلون تحتى يعرق )) مسكين الفلفل :grin اذا بدو فيه ياخذ دوش بعدين )) و بعدها راح يصير التقشير سهل كتير متل ما بتقول منوش متل الصلاة على النبي عليه الصلاة و السلام
اختي سهى هل لازم جبنة فيتا او فيني استعمل جبنة عادية لان ما بتتوفر عندي الفيتا
بالتوفيق
سلام
هلا سارونات
شكرا على الملاحظة الحلوة ورح جربها إنشاء الله لما بعمل شي أكلة فيها فليفلة مشوية بالنسبة للجبنة لازم فيتا أولا من ناحية الطعمة و ثانيا الفيتا فيها شوية رطوبة و رح تمسك المكونات مع بعضها
سلام
يعطيكي العافية اخت سهى يممممممم انا كتير بحب هل الاكلة وخصوصا مع كاسة شاي بالعادة بشتريها جاهزة من السوبر ماركت الالماني بس هلا رح اجرب اعملها بنفسي :grin
الله الله يا اخت سهى شو هالتفنن هذا وشو هالزوء ما شاءالله عنك شكلها كثير طيب وخاصة انو الواحد صايم وبيشتهي كل شئ تسلم ايدك يارب وان شاءالله راح جربها عن قريب لأنه شكلها بيفتح النفس
اخت منى لو سمحت سألت سؤال بخصوص وصفة الستيك على الطريقة المكسيكية ياريت تقدري تجاوبيني عليه وراح اكون شاكرة الك
عنجد تحفة فنية الله يعطيكي ألف عافية أخت سهى و اتخيلت الطعمة بتمي شكلها كتير طيبة انشالله رح جربها
كيفكن يا صبايا إنشاء الله خير
يعني إذا عدا النهار و ما شربت شاي بحس حالي ضايعة :grin
هلا أم دانية ريتو صحة و هنا على قلبك و خاصة مع كاسة شاي أنا من عشاق الشاي
هلا هيا الله يبارك فيكي ويتقبل صيامك إنشاء الله تجربيها عن قريب و تعجبك
هلا soma تسلميلي حبيبتي إنشاء الله تجربيها و ألف صحة على قلبك و قلب العيلة
يسلموا ايديك سهى
حبيبة قلبي بقدر أشوي الفليفلة وقشرها وحطها بالبرطمان وأغمرها بالزيت وقت بدي ساوي السلطة بتكون جاهزة
هلا سمسة
حبيبتي أنا مو مجربة أشويها و أكبسها بالزيت بخاف قلك عمليها تقوم تحمض و تصير متل المكدوس ما بعرف بس إذا جربتي لا تخاطري بكميات كبيرة أضمن
سلام
[img]http://arb-up.com/n6fdn9wrk071/IMG_4258.JPG.html[/img]
سلام هالطبق ييجنن جربته برمضان ونال اعجاب اهلي كتير وهادا كان تطبيقي للوصفة يسلموووووووو كتير