لقمة القاضي


         وصفة : منى                 2008/09/22                 33 تعليقات
لقمة القاضي

·          يحضر القطر و يترك حتى يبرد تماماً و يمكن إعطائه أي نكهة تفضليها .

·          تخلط مقادير التخميرة الأولية في وعاء صغير و تغطى و تترك في مكان دافئ مدة ربع ساعة .

·          ينخل الطحين مع رشه الملح و النشاء و البيكنغ باودر ثم تضاف التخميرة الأولية .

·          يضاف الماء بالتدريج حتى تصبح لدينا عجينة طرية كثيراً و لكن ليست سائلة . قد لا نحتاج لكل الماء و قد نحتاج للمزيد من الماء و ذلك حسب نوعية الطحين مع ضرورة الانتباه أن العجينة إذا كانت سائلة أكثر مما يجب لن تأخذ الشكل المطلوب عند القلي .

·          تغطى العجينة بشكل محكم و تترك لتختمر مدة ساعتين أو ثلاث ساعات .

·          في هذه الأثناء تفرك حبة البطاطا و تنظف جيداً ثم تغمر بالماء و توضع على النار و تترك حتى تنضج جيداً , لا تقشر البطاطا قبل سلقها للاحتفاظ بالنشاء الموجود داخل الحبة .

·          تقشر البطاطا و تهرس حتى تصبح ناعمة جداً ثم تضاف للعجينة المخمرة و تعجن حتى تمتزج بباقي العجينة بشكل جيد .

·          توضع العجينة في كيس نايلون و يقص طرفه ثم تصب في الزيت الحامي , يضغط على الكيس على مهل للحصول على حبات متشابهة نوعاً ما , و يمكن صب العجينة بالملعقة لتسهيل العملية .

·          تترك اللقم في الزيت حتى تشقر من دون الوصول للون المطلوب ثم ترفع على ورق ماص و تترك حتى تبرد .

·          تقلى اللقم مرة ثانية حتى تأخذ اللون المطلوب ثم ترفع و توضع في القطر البارد و تقدم .

 

 




التخميرة الأولية :

ملعقة كبيرة سكر
ملعقة كبيرة طحين ( تؤخذ من كوب الطحين المذكور في المقادير )
ملعقة صغيرة خميرة حبيبات
3 ملعقة كبيرة ماء فاتر

بقية المقادير :

كوب طحين
ربع كوب نشا أو كورن فلاور
رشة ملح
نصف ملعقة صغيرة بيكنغ بودر
نصف كوب ماء فاتر
حبة صغيرة بطاطا

القطر :

كوب سكر
أقل من نصف كوب ماء
نقطة أو نقطتين من عصير الليمون
القليل من ماء الزهر الفاخر
و ممكن إضافة نكهات مختلفة متل الهال أو الزعفران أو القرفة أو حسب الرغبة





• يحضر القطر و يترك حتى يبرد تماماً و يمكن إعطائه أي نكهة تفضليها .

• تخلط مقادير التخميرة الأولية في وعاء صغير و تغطى و تترك في مكان دافئ مدة ربع ساعة .

• ينخل الطحين مع رشه الملح و النشاء و البيكنغ باودر ثم تضاف التخميرة الأولية .

• يضاف الماء بالتدريج حتى تصبح لدينا عجينة طرية كثيراً و لكن ليست سائلة . قد لا نحتاج لكل الماء و قد نحتاج للمزيد من الماء و ذلك حسب نوعية الطحين مع ضرورة الانتباه أن العجينة إذا كانت سائلة أكثر مما يجب لن تأخذ الشكل المطلوب عند القلي .

• تغطى العجينة بشكل محكم و تترك لتختمر مدة ساعتين أو ثلاث ساعات .

• في هذه الأثناء تفرك حبة البطاطا و تنظف جيداً ثم تغمر بالماء و توضع على النار و تترك حتى تنضج جيداً , لا تقشر البطاطا قبل سلقها للاحتفاظ بالنشاء الموجود داخل الحبة .

• تقشر البطاطا و تهرس حتى تصبح ناعمة جداً ثم تضاف للعجينة المخمرة و تعجن حتى تمتزج بباقي العجينة بشكل جيد .

• توضع العجينة في كيس نايلون و يقص طرفه ثم تصب في الزيت الحامي , يضغط على الكيس على مهل للحصول على حبات متشابهة نوعاً ما , و يمكن صب العجينة بالملعقة لتسهيل العملية .

• تترك اللقم في الزيت حتى تشقر من دون الوصول للون المطلوب ثم ترفع على ورق ماص و تترك حتى تبرد .

• تقلى اللقم مرة ثانية حتى تأخذ اللون المطلوب ثم ترفع و توضع في القطر البارد و تقدم .





  • وصفات تانية ممكن تعجبك


التعليقات

  1. ام نور 23 September 2008

    سلمون يا عسل شغل عاصولو ما في كلام رايحة دغري اعملا والمسا بقلك كيف

  2. غيث 23 September 2008

    ايه ها خليلي عينك على اكلاتك الظريفة متلك هلق بقى بجربها بالبيت كل هالايام ما قدرت جرب العوامة بالبيت رغم اني حصلت عدة وصفات لها من عدة مصادر بس خفت ما تنجح ولو عندي بطاطا كنت هلق قمت عجنتها لذلك ان شاء الله هاليومين بجربها خليلي قلبك يا منى بتعرفي جربت غير انواع حليب للبن ما نجح الا بالحليب البودرة نيدو او اي نوع متوفرطلع قوامه منيح وماله مطة كأنه جاهزبس بالحليب المبستر ما مشي حاله الا للعيران متل ما توقعت انت الله يعطيك العافية المعلمين غير شكل بحل المشاكل بس شغلة انه انا ما بحب حليب البودرة لذلك الكل اثنو عليه الاانا شعور نفسي باني حاطة حلييب بودرةما قدرت اكل منه الا بس ذقته والله هو طيب بس متل ما قلتلك شعور نفسي لاني اكره الحليب البودرة عموما الله يسلم ايديك ويجزيك الخير على نصائحك

  3. قمر2010 23 September 2008

    أختي منى
    تسلمي على الوصفه ان شاء الله بجربها وبقولك النتيجه
    ولي طلب عندك بحثت عنه في الموقع ولم أجده وانتم في سوريا مشهورين بيه كتير وهو المعمول بالفستق الحلبي
    تذوقت منه حبه واحده عند احدى قريباتي كانت جارتها سوريه وهي اخذت منها الوصفه وطلبت منها الوصفه ولم تعطني ايها
    فارجو منك ان تفيدينا بالوصفه قبل العيد لاني اريد تجربتها ومشتهيتها كتير
    كل عام وانت بالف خير وينعاد عليك

  4. ام دانية 23 September 2008

    هلا ست منى ان شاء الله الصحة تمام الله يعطيكي العافية وتسلم ايدك على اللقم لانو من اول رمضان وانا بعملا بس موكتير بتنجح معي انا ما بحطلو لا نشاء ولا بطاطا اليوم ان شاء الله رح جربا بس عم استنى زوجي يجبلي النشاء ويارب تنجح 8)وبصراحة الله يسامحك عم بتحطي هل الا كلات الطيبة وانا عم بشتهي كتير عليهن وخصوصا كنافة بين الناريين كل يوم لما بفتح الموقع بحط على صفحة الكنافة وبتفرج عليها بصراحة كتير عم تغريني هههههه :cry وعم بفكر منين بدي جيب كنافة حتى اعملا :( وعلى فكرة صرت من مدمنين الموقع هيك زوجي بقلي لازم كل يوم افتح واشوف شوفي جديد حتى ولو كان بوقت متاخر :zzz لانو موقعك مميز ومحترم والاهم من هيك انك سورية ومن حلب وانت تبتعملي كل الاكلات السورية الطيبة ممممممممممممممممم :)

  5. أم ساطور 23 September 2008

    تسلم ايدك اختي منى والف شكر على الوصفة , انا مافيني اعملها اليوم لاني مشغولة كتير بس ان شاء الله باقرب وقت رح جربها ويسلمو مرة تانية

  6. منى 23 September 2008

    هلا ام نور حبيبة قلبي , انا بانتظار النتيجة بس وين نجي نحنا جنب المعلميين و اولادهم , كنت أتمنى أعرف طريقة باباتك الله يحفظه لحتى جربها ;) يلا بانتظار أخبار منك

  7. منى 23 September 2008

    هلا غيوثة :) بقى طلعت المشكلة من الحليب , هي يمكن ما الها حل و منيح عرفتي شو السبب , بتعرفي انا متلك ما بحب الحليب البورد أبدا و ما بستعمله الا قليل و لوصفات لا يمكن الاستغناء فيها عنه :roll ألف شكر ليك على النصيحة هلأ رايحة عدل الوصفة لحتى الأخوات الي مو متوفر عندهم غير الحليب المبستر ما يتورطوا :zzz

    غيوثة ان شاء الله تجربي العوامات و يضبطوا معك و بتعرفي شو , انا ممنونة ثقتك فيني و تواجدك المميز بالموقع و ردودك الي بتبل القلب

  8. منى 23 September 2008

    مية هلا قمر :) نورتي أختي , ان شاء الله تجربي الوصفة و تعجبك , هلا المعمول نفس وصفة الكرابيج تماماً من دون و لا تغيير بس منغير شكل القالب و الكرابيج تتقدم مع الناطف و المعمول مع السكر البودرة , فيك تشوفي الطريقة على هل [URL=http://www.l2ma.com/content/view/311/2/]الرابط[/URL] و على كل الأحوال رح حاول بإذن الله و إذا بقي معي وقت نزلها قبل العيد لأن الصراحة هلا وصفات الاسبوع كلها جاهزة بتعرفي العيد و عجقته ;)
    هي قريبتك الشريرة بعرف كتير من أمثالها بس و لا يهمك بكرة انتي بتجربيه و بتشوفي ما أطيبه

  9. منى 23 September 2008

    هلا أم دانية :) و الله الوصفة هي خصوصي نزلتها قبل العيد لان وعدتك فيها , ان شاء الله تجربيها و تظبط معك , و النشاء أساسي بالوصفة , حتى أهم من البطاطا هو الي رح يخليها مقرمشة و يمي , و لا تنسي تنتبهي على كمية المي لان إذا طلعت سائلة رح تتعزبي كتير لما تقليها , شو كمان , بدي تدعيلي كل ما عجبتك شي أكلة و لا تزعلي على الكنافة ان شاء الله بترجعي سالمة لسوريا و بتاكلي منها على كيف كيفك ;) ألف شكر ليك على الكلام الجميل و الادمان الذي لا أتمنى أن تشفي منه :grin بتنوري على طول يا عسل و سلامي لبقية الشلة

  10. منى 23 September 2008

    هلا ام ساطور :) يلا هلا ام دانية بتعمل و بتسكبلك , مية هلا أختي

  11. muna.g.7 23 September 2008

    ماشاء الله اختي منى وصفك الدقيق واسرار الوصفة تخلي اللي ما يعرف يعرف وانا متاكدة انها ناجحه ميه ميه لانها من ايدك والقيمات من اطيب الحلويات المفضله عندي وبكرة انشاء الله على التطبيق

  12. منى 23 September 2008

    هلا منونة :) ردك عسل متل عوايدك, ان شاء الله تسويهم و يعجبوك و لا تنسي تخبريني

  13. susu 23 September 2008

    مرحبا
    انا عضوة جديدة و كنير معجية بالموقع
    ماشاء الله عليكي فنانة بالطيخ
    يابنتها هالوصفة ظريفة
    رح جربها اكيد :)

  14. منى 23 September 2008

    هلا سوسو :) نور الموقع و الله أختي و ان شاء الله تجربي شي وصفة و تكون على زووءك ;)

  15. أم علي 24 September 2008

    تسلم ايدك ست منى :) اليوم ان شاء الله رح جرب الطريقة وان شاء الله تنجح :zzz

  16. ام دانية 24 September 2008

    مرحبا ست منى كيفك ان شاء الله تمام انا حزينة كتير لانو جربت اللقم وماظبط معي :cry يمكن العحينة نحجت بس ماعرفت اقلي ما طلعت معي دوائر صار يطلع معي اشكال غريبة عجيبة :eek بس اكيد رح ارجع حاول اعملها :( الا ما تظبط وشو هل الاكلات الطيبة الي منزلتيا ماشاء الله شي بيفتح النفس والله واليلنجي ما شاء الله روعة انا كتير بحبوووووووووو :zzz رح اعملووووو بعد رمضان شو رايك تعزميني على شي طبخة من طبخاتك الطيبة :grin ههههههههههههههههههه لانو الصراحة شي بيغرف القلب والله منين اتعلمتي كل هاد يغزي العين عليكي شيف على اصولو والله 8)

  17. منى 24 September 2008

    مية هلا ام علي :) نورتي اختي , ان شاء الله تظبط معك و تكون متل ما بتحبي .

  18. منى 24 September 2008

    هلا ام دانية :) زعلت كتير على الي صار معك , و المشكلة سببها شغلتين , أول الشي المي زيادة بالعجينة و تاني شي ما عجنتيها منيح قبل ما تبدي بقليها لحتى تطلع فقاعات الهواء منها :roll , ان شاء الله بتعيديها و بتطلع تمام

    مية السلامة بتشرفي بأي وقت و الف شكر ليك على الكلام الحلو , اتعلمته من أمي و ستي و حماتي , و بعدها بقى رفقاتي و النت و كتب الطبخ و أخر الشي أفكار بتخطرلي بجربها يا اما بتطلع يممي يا اما بقول لعيلتي استروا ما شفتوا منا :grin

  19. muna.g.7 25 September 2008

    اختي منى باركيلي عملتها اليوم وطلعت من احلى اللقيمات اللي عملناها في بيتنا بس احنا بعد ماانتفخت في الزيت خففنا الحرارة وصرنا نقلب حتى اتحمرت وصارت تقرش واستغنينا عن قليها مرتين عشان ما كان فيه وقت لكن مره ثانية حاجرب اقليها مرتين واخبرك ايش صار

  20. منى 25 September 2008

    هنا و عوافي منونة :) هي كمان بيصير اذا الواحدة ما عندها وقت , المهم الفكرة وصلتك و نجحت معك الوصفة , ريتو مية الف صحة و هنا ;)

  21. رنا 4 October 2008

    والله يامنونة انا مازبطت معي بنوب :cry بس السبب مني انا لانه ماعرفت اقليها والنار كانت كتير كتير كتير حامية لذلك تحمروا واحترقوا واستوو وضلوا معجنين تعجين :upset وانحرقت ايدي كمان وبطلت اعيدها بالمرة :grin

  22. منى 5 October 2008

    شو قصتها هل الوصفة :roll يلى خيرها بغيرها . زكرتيني بحالي , كنت كل ما اعملهن تلتدع اصابيعي و قول ما بقى عيدها , يلا ازرعيها بدقني و ان شاء الله اذا غيرتي رايك شي مرة ترجعي تعيدها و تزبط معك :zzz

  23. noha 11 November 2008

    الاخت منى ما شاء الله على هذه الوصغات اللي بتاخد العقل .تسلم ايدك ودائما بانتظار المزيد وخصوصي كاتو المارنغا :

  24. منى 17 November 2008

    من عيوني التنتين اختي اطيب مارينغا

  25. soma 16 February 2009

    أنا هلق قمت ساويتها و عنجد يسلموا اديكي أخت منى على هالوصفة عنجد روووووووووووووعة طلعت عم تقرش و أطيب من تبع السوق بس اتعذبت شوي بقليها لأن العجينة طلعت عم تمط شوي شو حليها هي
    يعطيكي ألف عافية

  26. منى 16 February 2009

    هلا سوما :)
    ريتو عافية و هنا و صحة يا رب بكل لقمة و الصراحة هو قليها بيعزب شوي , و خصوصا اول مرة لوقت ما تتعود ايدك :zzz

  27. gsm 5 September 2009

    سلام عليكم منونة انا هلق من شوي خلص قلي هل اللقمات وحابة اخبرك عن النتائج اول شي الطعمة عن جد طيبة كتيير وفكرة إضافة ماء الزهر للقطر عطته نكهة ولا اروع بس انا يا ستي صار معي مشكلة وحدة وقت التشكيل صار يطلع إلن إيدين وإجرين يعني بكل حبة بيطلع شكلها شكل وحدة قطة والتانية فيل والتالتة ما باعرف شو يعني اشكالن بتضحك كتيير بس هنن إنقلوا معي منيح انا اول شي حميت الزيت وولما اشوف بلش الزيت يحمى زيادة اخفف النار وكانت النتيجة حلوة كتيير ما عدا الشكل :sigh يعني كنت محضرة حالي اصورهن وابعتلك الصور بس بصراحة ما خرج ابدا يعني مناظر اكتر من مضحكة :grin يا ترى السبب إنو العجينة مرقتها زيادةولا لأنو انا ما عندي خبرة بالقلي بإعتبار اول مرة ؟؟
    ما تواخذيني منونة إيه صحيح اليوم جربت الباطرش الحموي كانت ماما تعملنا ياه هو زبط وطلع طيب بس الباشا قللي هيك ضيعت طعمة المتبل مع إنو انا حسيتا زابطة وطعمتها متل ما كانت ماما تعملنا ياها على كل هي شغلة ذوق بس عن جد يعطيك ألف عافية يا حق يا احلى منوشة بالدنيا كلها

  28. منى 6 September 2009

    اذا هيك ممكن تقللي كمية السوائل بالعجينة لحتى تطلع معك دوائر مو حديقة حيوانات :grin القلي ما اله علاقة ما دام عم تقولي ان طلعت مقرمشة معناها قليك تمام ;)

    شو دخل الباطرش بالمتيل :x هادا ابو شبابك هياته متل ابوة الشباب عندي , اذا أكلة مو معود عليها ما كتير بيحبها , متل ما قلتي شغلة زووء

    هنا و الف صحة و عافية و هنا يا حق

  29. سموره 17 September 2009

    السلام عليكم ورحمه الله وبركاته
    كيفك اخت منى
    كل عام وانتى بخير وصحه وسعاده
    ويارب دايما بالتوفيق
    بجد بشكرك ياعسل على هذه الوصفه
    جربتها بجد طلعت تحفه ما شاء الله جميله جدا
    وعجبت بابا اوى وعلى طول يقولى اعمليها
    بجد تسلم ايديكى

  30. منى 17 September 2009

    هلا سمور :)
    ان شاء الله انتي بخير انتي و كل الغاليين على البك فردا فردا و خصوصا البابا , سعيدة جدا انك جربتيها و انها زبطت معك ;)

  31. rela 31 October 2009

    بحب خبرك اني جربت الوصفة ، الطعم حلو بس اللقميات طلعت طرية ما مقرمشة ما بعرف شو السبب . أنا قليت اللقميات مرتين يا ترى شو السبب والزيت متل ما قريت هون بتكون النار قوية وبعدين من خففها . الرجاء توضحيلي السبب أنا بحب اللقميات وحابي اعملها يوم وتكون مقرمشة ولونها عسل . أرجو كمان تقليلي لو عندك طريقة المشبك رح كون شاكرة مع الشكر

  32. منى 5 December 2009

    هلا فيك اختي :)
    اسفة لان الوصفة ما طلعت معك متل ما بدك , ممكن يكون الزيت ما كان حامي كفاية لما لمية كلقليتي فيه اللقم ؟
    او ممكن تكوني كترتي الكمية في الوجبة الواحدة

    ان شاء الله تجربيها و تزبط معك متل ما بتحبي و بالنسبة للمشبك ما عندي طريقة ممتازة اله :roll

    ايا سؤال تاني من عيوني :)

  33. na3oom 17 August 2010

    كل عام وانت بخير منوش
    صارلي فترة غاطة لني كنت حامل بالتاسع وبعدين ولدت وقاعدة عند أهلي هون بكندا
    العيلة كلها مشتهية على لقمة القاضي وجبناها مرة جاهزة والعفو ماكانت تتاكل
    قلتهم الطريقة عندي طبعا ماما قالت أكيد راح تسألي منى خانم
    المهم العجينة كانت ناشفة لضاعفت كمية الماء يعني حطيت كوب للمقدار
    وقليتها مرتين وصارت بتقرش قرش أنا ضفت للعجينة شوية حبة بركة وصار شكلها مغري كتي الله يعطيك العافية
    ولما أدن المغرب صار هجوم على المطبخ يادوب والدتي أنقذت كم حبة لأخي
    حكيت قصة حياتي
    بس يسلمو هالديات وان شاء اتعرف عليك بس أنزل على حلب

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)