براونيز بكريما الخمس دقايق السرية
· تقشر البندورة و يتم التخلص من بذورها ثم تفرم ناعماً جداً , تفرم الفليلفة و البصل ناعماً جداً و يمكن استعمال فليلفة حرّة أو عادية حسب الرغبة .
· تدعك اللحمة و البهارات و الملح و البندورة و الفليلفة و البصلة و البقدونس و النعناع و دبس الرمان , و يفضل تركها لبضع ساعات لتمتزج النكهات ببعضها البعض .
· يدهن الخبز بالقليل من الزبدة ثم تمد فوقه الحشوة و يدهن الوجه بزيت الزيتون .
· تشوى السندويشات على الفحم لأطيب نكهة و يمكن شويها على طواية تيفال و تقليبها على الوجههين حتى تنضج و يمكن أن تشوى في الفرن حتى تنضج اللحمة و يتحمر الخبز .
نصف كيلو لحمة غنم مفرومة مرتين
نصف ملعقة صغيرة بهار مشكل
بهارات مشكلة حسب الرغبة ( أنا أستعمل رشة قرفة و زنجبيل و فليلفة حمراء ناعمة )
2 حبة بندورة
حبة فليلفة خضراء
حبة بصل
3 ملعقة كبيرة بقدونس مفروم
ملعقة كبيرة نعناع مفروم
2 ملعقة كبيرة دبس رمان
4 رغيف خبز عربي
زبدة و زيت زيتون لدهن السندويش
• تقشر البندورة و يتم التخلص من بذورها ثم تفرم ناعماً جداً , تفرم الفليلفة و البصل ناعماً جداً و يمكن استعمال فليلفة حرّة أو عادية حسب الرغبة .
• تدعك اللحمة و البهارات و الملح و البندورة و الفليلفة و البصلة و البقدونس و النعناع و دبس الرمان , و يفضل تركها لبضع ساعات لتمتزج النكهات ببعضها البعض .
• يدهن الخبز بالقليل من الزبدة ثم تمد فوقه الحشوة و يدهن الوجه بزيت الزيتون .
• تشوى السندويشات على الفحم لأطيب نكهة و يمكن شويها على طواية تيفال و تقليبها على الوجههين حتى تنضج و يمكن أن تشوى في الفرن حتى تنضج اللحمة و يتحمر الخبز .
بتعرفي نحنا بحماة بنسميها مارينا
الظاهر معلم السندويش عنا بحماة جارتو اسما مارينا خخخخخخخخخخخخخخخخ
بس انا بتخيلها طويلة وشقرا وبيضا وعيونا خضر
بتدبح دبح
المهم الاختلاف في الاسم لا يفسد في الطعم شهية
يسلمو هالايدين يارب
يا سبحان الله شو هالاسماء بكل منطقة بيسموها اسم كتير منعملا بلبنان ومنسميا كفتة بالخبز او لحمة بالخبز وانا شخصيا بعملا كتير احيان لما كون مستعجلة ومحتارة شو اعمل بس بشويا بالمكبس او التيفال كتير طيبة سلم دياتك منى
طيبه هل اكله حتى بالاردن بيعملوهاومعروفه للجميع اهم شي نوع اللحمه وآآآآآآآه على ايام الطفوله ليه في أحلى منها صدقيني انا انسانه مازلت احتفظ بداخلي بطفله تحب وتلهو وكتير بعمل حركات وشقاوه طفوليه الله يعطيك العافيه عوصفاتك يلي بتذكرنا بكل جميل وشي اسبوعين انشالله نازله سوريا وكم يوم لحلب بدي اروح المحلات يلي نصحتيني فيهامشكوره يامنمون
:grin و لا فرق الخيال بيخلي هل الصبية مو حلوة
بقى اسمها مارينا بحماة , مم . بس بتبقى طيبة شو ما كان اسمها هل الضرسانة
ان شاء الله بتشوفوا الخير على الشغل الجديد و لا تاكلي هم , نحنا هون كلنا رفقاتك و صاحباتك
نورتي سيمو
لو كنت شب … عفوا لو كنت باكل لحمة كنت دبت بغرام هالـ ماريا 8)
بصراحة أول مرة بسمع فيها.. بعرف التوشكا وبعرف المسقسقة “أكلتها بمطعم قبال القلعة بحلب” 8) .. بس شكلها ظريفة كتير هالسندويشة.
يا ستي شو ضحكت على التفسير.. بس قبلها فرطت من الضحك على كلمة “نصوبن إيدينا” :grin من شي خمسطعشر سنة ما سمعتها
تسلم إيدك منى
ههههههه شو ظريفة هالاكلة عن جد ذكرتيني بطاعم سوريا واكلاتها الطيبة ..واحلى شي بحثك المنظم عن اصل وفصل الاكلة :grin بس اكيد تفسيرك بمحله لكان شو ممكن يكون ؟؟لانه اسمها ماريا يعني مبين اسم صبية وحلوة كمان
وبالنسبة لكلمة( نصوبن ) شو كانو يضحكو علينا ولاد خالي الشوام وقت نروح لعندن ومع انه ماما شامية بس بحكم شغلها وقعدتها بحلب صار حكيها حلبي وكل مانقوم من السفرة تقول يلا يارنا وري روحوا صوبنو …انا اتطلع على امي بعدين عليهن ولاقيهن عم يتكركروا :upset شو كنت اخجل لاني حلبية بس بعد ماكبرت صار معي العكس تمام
ييييييي لك ريتا ما تبلا هالماريا. هيا حاطه شكله خضرا على شعرها و مبين طرف الفستان الاحمر. اي شو هاااااد???? شو هالنزاكه و الالاطه هاي?? بس قوليلي منى ما بتشبه العرايس شوي من عند الوش او البروفيل?? تسلم ايديكي شكلا كتيييير طيب. هلاء وقعتي حالك وقعه كبيره معانا. من الالالالان فصاعدااا مش ممكن نقبل وصفه بدون قصه قبلها. علشان بس يخلص كتاب الطبخ يكون معاه مجلد من الذكريات و القصص و الخيالات. هههه. تسلمي.
تسلم ايدك ياست منى انا بصراحة بحب هي الاكلات الجاهزة وشقد بتمنى انزل على حلب حتى اكلها :grin بس للاسف هالسنة نازلة برمضان واول مرة بعد جازتي فاكيد رح اخجل واطلب هيك اكلات من بيت حماي :cry وخصوصي اهل جوزي مابحبو المطاعم
وانا بالعادة كنت انزل كل سنة مدلله طلبي واتمني ياسوسو من مطعم لمطعم اخواتي بس بدون يدللوني لاني كنت اخر وحد عذابية بس هلق مافيني غير قول هاد كان :sigh وبكل الاحوال تسلم ايدك ياميمو
ياسلام شوطيبة انا بعملهابس بدون زنجبيل
الله يعطيكي العافية ويخلينا ياكي
يااحلى صبية حلبية
السلام عليكم جميعا تسلم اديك منى شي بابن انو طيب ولذيذ انا لما قرات اسم الوصفه قبل مافوت على التفاصيل خطر على بالي انو تكون وصفه الاخوانا المسيحيه
ليش عم يضحكو البنات على كلمة نصوبن نحنا عنا كمان منقولا تسلميلي وتحياتي للجمبع
الله يسلم ايديك ميمو ذكرتينا باطيب صندويشات ببلدنا الغالي واحلى شي فيك لهجتك الماصلة بدون تصنع وتقليد للاخرين انا لما كنت بالعمرة ركضت لعندي واحدة وقالتلي انت حلبية قلت لها ايه قالتلي ياي بموت بلهجتكم اكتر لهجة سورية ما فيها مط حنك قلتلها بس عالعريض قالتلي احلى ياي قال هيه بتموت بالمسلسلات الحلبيةولهجتهم قلت لها بس بيتخنوها شوية زيادة عن اللزوم بالتمثيل قالتلي مظبوط انت حكيك مختلف شوية قلت لها انا حلبية ولهجتي هي اللهجة الحلبية بس بالمسلسلات بيزودوها منشان يبسطو الناس المهم كل الناس خير وبركة ومالنا باللهجة بس بدي اسال الاخت اللي اقربائها شاميات دخلك اذا بدهم يصوبنو ايديهم ششوووووووو بيقولو بس لاتنوريعني ليش عم يضحكو مو منشان شي ها
هلا ام نور
يا ستي و انا متلك كتير احيانا بعملها على الكباسة أو بالتيفال , بس غذا كان في فحم و كش و شوي بيطلعوا و لا أطيب شي نغم
هلا لموسة
يا رب توصلي بالسلامة و تعجبك المحلات الي قلتلك عليها و تكون على زووءك :zzz
أحلى الشي هو الطفل الي نايم جوى كل واحدة مننا هو الي بيجدد الحيوية لمن بيطلع
هلا دالو :grin
خليلي قلبك , هيك بتاكليها و من دون ما تعزميني و انت بتعرفي المسقسقة مع كاسة شاي كبيرة سخنة قديه غالية علي :roll
اكيد نصوبين و لازم بصابون غار , هدولة بيت الصابوني بيموتوا على الصابون و بعرف واحدة عز المعرفة كانت تاكل رغوة الصابون بحملها على أثر الوحام , يعني صابوني قلبا و قالبا :grin
عرفتي مين
هلا رنونة
شايفة شو بياخد هل البحث من وقت و جهد , الله يعطيني العافية و يلبسها الي تلبيس :grin
لشو الخجل , احلى الشي الواحد هو بطبيعته و من دون تصنع , نحنا هيك و الي ما عجبوا اما يكب حالوا او يسد داناته
هلا أمونة
بتعرفي بعد ما قرات ردك انتبهت على اللون الاحمر الي حواليها و الي عن جد بيشبه الفستان , هادا اكيد العقل الباطن اه خيو اشتغل شغلو قبل التصوير :grin
يمكن هي نفسها العرايس , بس انا مو متاكدة , انتي ادرى حبيبتي
على فكرة انا دايما عندي حكي و كل وصفة الها حكاية , بس ان شاء الله انتو ما تملوا
هلا سمورة
ليش تخجلي , اسمعي بنتي اذا ما اتددلتي و انتي عروس عند بيت احماكي معناها راحت عليكي , سمعيها كلمة من ختيارة 8)
الله يسلمك و توصلي بالسلامة ان شاء الله
هلا نور
ان شاء الله تجربيها و تعجبك كتير.
هلا هنن عم يضحكوا لان شافوا الكلمة مكتوبة و أكيد لما بتقرايها بتكون بتضحك اكتر من لمن بتقوليها , يا ترى انت من وين :roll
هلا غيوثة
ابوس الحلبيات لما بيتحاموا لحلبيتهم يا خيتو :grin
سبحان الله رفيقتي نفس الشي تمام صار معها , بس بالمسلسلات بيزودوها كتير و بيفز عصبي الصراحة , بكرة حضرت وصفة و المقدمة كلها على اللقش الحلبي و كلامك كله انا ذاكرته فيها , يعني توارد افكار غير شكل :zzz
هههههههه دخيل عينك غيوثة شو اشتغلت الحمية على اللقش الحلبي …منيح الي كنت حلبية لانه حسيت بكلامك قديش معصبة من قرايبيني :grin ياستي بشكل عام الشوام بيضحكو على حكينا بس بيحبوه اكيد …بعدين بالنسبة لسؤالك شو بتقلهن امهن لما يصوبنوا بتقلهن قوموا اغسلوا ايديكن هي صوبنووو حصريا ل اهل حلب يلي هنن عالراس اكيد
هلا مى تسلم ايديك على الوصفة انا بعملها مثلك تماما وكثير زاكية وانا لما وعيت على الدنيا سمعتهم بيقولولها عرايس ليش ما بعرف هي عندكم بسوريا وخاصة حلب بيقولولها ماريا وعنا بيسموها عرايس بس هي فعلا كثير طيبة
والله يا منوش حقك عليي.. بس أكيد لو كنت بعرفك ما كنتي فلتي من عزيمتي عالسندويشة بنوب
يا ستي أنا بعرف وحدة يمكن هاه.. يعني مو متاكدة من عيلة الصابوني.. وبتحب تصوبن.. وفيها مواصفات صابونية متعددة وأهمها:
- بياض القلب كالصابون
- نظافة السريرة كالصابون
- خفة الدم كرغوة الصابون..
واسمها تلاتة بواحد.. قصدي تلت حروف.. وأنا بحبها كتير..
عم نحكي عن نفس الشخصاية شي؟
هلا هيا
عرايس بتنفد على ماريا لان ايد ماريا صارت بعدها عروسة :grin
الف صحة و هنا على قلبك و كل ما اكلتي العرايس اتذكريني بشي لقمتين تلاتة
هلا دالو
يلا خيرها بغيرها و العزيمة علي و ادام القلعة بس من دون اراكيل لان بتدايق من ريحتهم
كاني عرفتها هل الشخصاية , يمو أديشك بنت حلال و من شوي كنا بسيرتك انا و اياها و قالتلي انها كمان بتحبك كتير و معزتك عندها انتي بتعرفيها :zzz
هلا ام محمد
و من دون زنجبيل بتطلع طيبة كتير , هي بقى انتي شو بتحبي بهارات و شو بتحبي تستعملي
هادا بس من زووءك يا قمر , شرفتي الموقع و الله
اليوم جربتا مممممممممممممم بتجنن
شويتا بالفرن وبع ما استوت حطيتا بيصينية وحطيت فيها صحن فيه نقطة زيت وشغلت فحمة وحطيتا بقلب الزيت وسكرتا فورا بقصدير
ممممممممممممم طلعت كأنها مشوية عالفحم
الله يعطيكي ليرضيكي وييسر لك أمورك يارب
خليلي عينك سمسومة على هل الدعوة الغالية , ان شاء الله انت و كل مين اله معزة عندك
الف الف صحة و هنا على البك حبيبتي , فكرة الفحمة حلوة كتير
تسلم إيديكي على هذا الموقع الرائع جداً جداً جداً..
الصراحة أنا ما عرفت وين لازم إكتبلك هالشكر.. لإنو كل وصفة بهالموقع أطيب وأحلى من التانية..
تسلم إيديكي مرة تانية….
وشكراً جزيلاً… :zzz
مية هلا فيك , منورة اختي و انا مبسوطة كتير ان الموقع عجبك و انك انضميتي لعيلتنا
ان شاء الله بتبقي منورة على طول 8)
الله يخليلي هالعيلة الحلوة.. ويخلي كل اللي فيها..
شكراً إلك.. والموقع منور بوجودك..
السلام عليكم أخت منى
اليوم عملت هالوصفة وطلع المذاق طيب كتير …لكن الشكل :roll
بدي اسألك اخت منى لما بتمدي اللحمة بتكوني مقطعة رغيف الخبزوللا بتقطعيه اول وبعدين بتحشيه ؟؟
طلعت معي مقمرة وشكلها مو مرتب وفي منن انبلت الخبزة من تحت وتشتشت…يمكن لازم استعمل نوع خبز اخشن؟؟وللا لأن حمرتها بالفرن والافضل اني اعملها بمقلاية تيفال؟؟
لبنى الي حكيتيه معناها انك ما نشفتي البندورة منيح قبل ما تضيفيها للحمة, ممكن تفرمي الخضرة و ترشيها بشوية ملح و تخليها على مصفاة شي ربع ساعة و بعدها خلطيها مع اللحمة , بتطلع معك تمام ان شاء الله