متبل الكوسا


         وصفة : منى                 2008/08/05                 10 تعليقات
متبل الكوسا

·          يقطع الكوسا لشرائح دائرية ثم يسلق في ماء مملح لمدة عشر دقائق أو حتى يطرى ثم يوضع على مصفاة و يترك حتى يجف .

·          يفرم الكوسا ناعماً بالسكين أو يفرم في فرامة البصل ثم يوضع على مصفاة ناعمة للتخلص من الماء الزائد , اليوم كنت مستعجلة فوضعته في شاش أبيض و عصرته بين إيدي لحتى حسيت أنه نشف .
·          يخلط الكوسا مع الطحينة و الليمون و الثوم و الملح و الكمون و تذاق الخلطة للتأكد من الحمض و الملح .

·          يرتب المتبل في طبق التقديم ثم ترش الفليلفة و الكمون و زيت الزيتون و يقدم .  





نصف كيلو كوسا ( تقريباً 5 أو ست حبات متوسطة الحجم )
4 ملعقة كبيرة طحينة
4 ملعقة كبيرة عصير ليمون حامض
فص ثوم
ملح و رشة كمون

للتزيين :

رشة فليفلة حمراء ناعمة
رشة كمون
زيت زيتون





• يقطع الكوسا لشرائح دائرية ثم يسلق في ماء مملح لمدة عشر دقائق أو حتى يطرى ثم يوضع على مصفاة و يترك حتى يجف .

• يفرم الكوسا ناعماً بالسكين أو يفرم في فرامة البصل ثم يوضع على مصفاة ناعمة للتخلص من الماء الزائد , اليوم كنت مستعجلة فوضعته في شاش أبيض و عصرته بين إيدي لحتى حسيت أنه نشف .
• يخلط الكوسا مع الطحينة و الليمون و الثوم و الملح و الكمون و تذاق الخلطة للتأكد من الحمض و الملح .

• يرتب المتبل في طبق التقديم ثم ترش الفليلفة و الكمون و زيت الزيتون و يقدم .
  • وصفات تانية ممكن تعجبك


التعليقات

  1. غيث 5 August 2008

    الله يسلم هالديات يارب عزيزتي انا كمان لما بعمل محشي كوسا بأخذ اللب اللي حفرته واسلقه واتبع نفس الخطوات وبيطلع تمام واذا مالي عاملة محشي بعمل متل طريقتك تمام وبيكون لذيذ جدا شكرا لك :grin

  2. منى 5 August 2008

    هلا غيوثة :)
    الله يسلمك و يخليك , انا هل المتبل بحبه كتير , و خصوصا بهل الايام الي الواحد مو طايق فيها حالو من الشوب :roll

    شكرا ليك على الردود الحلوة حبيبتي ;)

  3. سارونات 5 August 2008

    السلام عليكم و رحمة الله و بركاته
    جازاك الله خيرا اختي منى
    عجبتني الفكرة و ان شاء الله بجربا
    قوليلي اختي منى بينفع نفرمها بالفرامة الكهربائية وشو الفرق
    و ربنا يتقبل من زوجك صيامه وعبادته و يوفقكم يا رب
    سلام

  4. منى 6 August 2008

    هلا أختي :)
    فيك تفرميها بشو ما بدك , و الفرق هو اما حيكون الكوسا ناعم كتير او فيه شوية قطع ظاهرة

    شكرا ليك عبلى الدعوات و ان شاء الله بتجربيها و بتكون على زووءك ;)

  5. WAFAA 6 August 2008

    انا عملته الاسبوع الماضي مع اضافة معلقتين من الزبادي . :roll وفعلا زاكي كثيير

  6. منى 6 August 2008

    هنا وفا :) عوافي يا حق و انا امي بتحط اله زبادي عوض الحمض , بيصير لونه فاتح و بيشهي

  7. آرام 25 June 2009

    الأسبوع الماضي كان أسبوع الباذنجان العالمي عندي .. ويبدو أنو هالأسبوع رح يكون أسبوع الكوسا العالمي .. من يومين عملت هالمتبل .. وهي تاني مرة لأنه من أوائل الوصفات الي جربتها من الموقع .. سهل ولذيذ وخفيف .. كنت أحياناً أعمل متبل الكوسا بس بالكوسا المقلي بدل المسلوق وما كنت أهرسه (شفت وصفة بالموقع بتشبه المتبل الي كنت أعمله وكمان جربتها) .. طبعاً القلي بيطلع أطيب من السلق بس ما كنت أقدر أعمله دائماً لأن عندي مشكلة حموضة بالمعدة والمقالي ما بتناسبني أبداً رغم أني بحبها موت .. وكل ما أكلت منها بدي بعدها حبتين تلاتة مالوكس حتى أتحملها .. بهالطريقة صرت بقدر آكل متبل الكوسا كل ما خطر على بالي .. ألف شكر إلك أختي الكريمة على كل لقمة طيبة أكلتها بفضلك.

  8. منى 25 June 2009

    ممم , هي اول مرة اسمع بمتبل على طريقتك , بس شكله بيشهي , عجبتني كتير فكرته و ان شاء الله بطبقه و بنزل تطبيقي ..

    الف صحة و هنا على المتبل الخفيف . أما حرقة المعدة ما في ابشع منها و انا كنت ما فيني نام من دون قرص مالكوس و اذا انقطعت منه ما عود ااقدر نام و لا يغمضلي جفن من الالم بس بعدها استبدلته بالكمون و كتير لقيت منه فايدة و بيكفي ان شي طبيعي :)

  9. بشرى 30 August 2009

    يا الله يا منوشة شو ذكرتيني بأيام حلوة .. رجعتيني للحادي عشر .. مرة كنت عند رفيقتي مروة الله يذكرها بالخير وطعمتني منو قلتلا كتير طيب هالمتبل قال متبل كوسا وأنا :eek ,. كوسساا :grin قال إيه .. بوقتا ما عرفت طريقتو ولا عدت عرفت عن رفيقتي شي .. بقى مشان هيك يخليلي ياكي ويسلم إيديكي يارب :)

  10. منى 30 August 2009

    هلا بشورة :)
    ان شاء الله ايامك كلها حلوة و قشطة و عسل يا حق
    ان شاء الله تجربيه و يعجبك و يكون متل الي دجقتيه و اطيب , احلى ايام ايام المدرسة لما كان اكبر همنا كيف بدنا نلاقي افكار جديدة لتطفيش استاذ القومية :grin

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)