براونيز بكريما الخمس دقايق السرية
· يقطع رأس الباذنجان الأخضر ثم يغسل و يسلق لمدة من 8 – 15 دقيقة أو حتى يطرى عند مسكه بين إصبعي اليد مع ضرورة الانتباه أن لا يسلق زيادة حتى لا يهترئ . أثناء السلق يوضع طبق على وجه الباذنجان كي لا تطفو بعض الحبات منه .
· يرفع على مصفاة و يغسل بالماء البارد مدة دقيقة كي تتوقف عملية السلق و لا يهترئ الباذنجان , ثم يترك حتى يبرد .
· تخلط مقادير الحشوة مع بعضها . يذوب الملح في الماءو يترك مزيج التخليل جانباً .
· تشق كل حبة باذنجان مثل الجيب مع الحفاظ على اول الحبة واخرها دون شق ثم تحشى بالقليل من حشوة الفليلفة و الثوم .
· ترتب الحبات في مرطبان ثم تغمر بمزيج التخليل و يترك الباذنجان لبضع أيام قبل التقديم .
2 كيلو باذنجان من النوع الصغير ذو اللون الأرجواني
الحشوة :
5 ملعقة كبيرة فليفلة حمراء تاعمة
نصف ملعقة كبيرة كزبرة ناشفة
4 – 5 فص ثوم مهروس
مزيج التخليل:
نصف كوب من الملح الصخري أو البحري
6 كوب ماء
• يقطع رأس الباذنجان الأخضر ثم يغسل و يسلق لمدة من 8 – 15 دقيقة أو حتى يطرى عند مسكه بين إصبعي اليد مع ضرورة الانتباه أن لا يسلق زيادة حتى لا يهترئ . أثناء السلق يوضع طبق على وجه الباذنجان كي لا تطفو بعض الحبات منه .
• يرفع على مصفاة و يغسل بالماء البارد مدة دقيقة كي تتوقف عملية السلق و لا يهترئ الباذنجان , ثم يترك حتى يبرد .
• تخلط مقادير الحشوة مع بعضها . يذوب الملح في الماءو يترك مزيج التخليل جانباً .
• تشق كل حبة باذنجان مثل الجيب مع الحفاظ على اول الحبة واخرها دون شق ثم تحشى بالقليل من حشوة الفليلفة و الثوم .
• ترتب الحبات في مرطبان ثم تغمر بمزيج التخليل و يترك الباذنجان لبضع أيام قبل التقديم .
صباح الخير يااحلى ام اميم
شو هالمقدمة الحلوة من عند الصبح الحلو واليوم عندي الجو مغيم والدنيا ابرد شوي من باقي الايام بس قد ماكان الجو حلو اكيد مو متل جونا بسوريا
ذكرتيني بايام حلب وفنجان القهوة عالبرندا ونحنا عم ندرس ياسلام الله يهنيكي بهالجو
الي اكتر من سنة عم فيق بكير وماعم اقدر نام وفعلا حياتي كلها تغيرت
كانوا يقولولي نامي ماعندك ولاد ومافي وراكي شي
بس لما صرت قوم بكير صرت حس بنشاط مو عادي فعلا رب العالمين مبارك بهالفترة من اليوم
وهلأ بنجي للمخلل اللي بيجنن لو تعرفي انا قديش بحب المخللات يعني ممكن اكل عالوجبة خبزة ومخلل كل اليوم من دون ما اشبع
واطيب المخللات البيتنجان وبعدين الفليفلة والخيار واللفت وبعدين باقي المخللات
بس في سؤال صغير بعد ما يستوي هالمخلل مباشرة عالبراد متل باقي المخللات؟؟
شو هالمخلل هيدا يا سلام على شي وحدة سلم دياتك يا احلى منى بالعالم بتذكر كانت امي تكبس قسم بملح وقسم بجوز يا ريت الاقي منه هون كنت كبست
السلام عليكم بصراحه هي اول مره بشوف هالمخلل لما شفت الاسم مخلل البيتنجان بلاول ما استحسنتو :roll لكن لما قرات الوصفه كتير عجبني وحبيت انشاء الله اجربو الانو هون ما بلاقي بيتنجان صغير بس لاقي رح جربو ويسلمو دياتك لان كل يوم عم اتعلم شي جديد منك الله يجزيك كل الخير
حرام عليك يا منوش ليه الظلم ده كله يعني انا حامل وعم اشتهي المخلللات بطريقة مو طبيعية وهلق لما شفت الصورة خلص ما بقى اتحمل بس المشكلة هون ما بيجي الباتنجان التادفي كله حجم عائلي ما خرجه مخلل اطلاقا طيب انا هلق شو اعمل :sigh :cry :cry :cry :cry
صباح الخير أخت منى
ألف شكر إلك .. الباذنجانات صاروا بالمرطبان البارحة المسا .. عملت 5 كيلو وحطيت ضعف الحشوة المذكورة وكانت كافية .. إضافة الكزبرة جديدة علي وأعتقد أنها رح تخلي المخلل متميز متل كل وصفاتك ..
على فكرة عملت كمية تانية من مكدوس الباذنجان بدون ما أنتظر نتائج الوجبة الأولى لأني متأكد سلفاً من النتيجة وبعرف أنه رح يطلع بياخد العقل .. والدليل أن المكدوسات آخدين عقلك أنك كتبت في السطر التاني من طريقة التحضير (يوضع طبق على وجه المكدوس) بدل (الباذنجان) :grin
أالله يسلم ايديك على هالمخلل الرائع و آه يا امي على مخللك البانجان ما اطيبه حسستيني بالحنين لبيت اهلي والصباح الحلو متل هالوفت برودات حلوة مع فجان القهوة اللي ما بنستغني عنو وصوت فيروز عالراديو عم يعطي غير طعمة للصباح بس الان كل الامور اختلفت علي وما عاد في شي من هاد مع الغربة وما في هنا بلاكين والحر اشد من سورية الان الجو اعتدل هنا بس القعدة بسورية بين الاهل غير الحمد لله على كل شي انا بحبذ النوم باكرا بفصل الخريف بالذات الصباح كتير حلو شوفي بالصيف بحب السهر شوي بس الان متل ماقلتي بدأالنظام غير والله الله يديم الصحة و العافية :roll متل ما قلتي الخريف والشتا مضبضب بيتركن الواحد ببيته اما الصيف مالو هيئة فلتة وفوضى ستي كلو بوقتو حلو باخر الشتا بنمل وبنستنى الصيف والسهرو الان بالعكس شعرت بنظام واستقرار سبحان الله الانسان مجبول على الملل :zzz
هلا سمسومة
اشتهيتك معي بقهوة الصبح , الجو بياخد العقل هلا , الله يديمها نعمة و الله يبعت الخير يا رب .
فيقة بكيرر غير شكل , بتحسي اليوم صار اطول و قضيتي مية الف شغلة للساعة 11 , بس امهات الاولاد الصغار هدولة حالة استثنائية , اوقاتهن كلها بيتقى مكركبة حسب جدول مواعيد رضعات القطط :grin
انا هل المخلل اتعلمته من حماتي , اهلي ما بيعملوه و لما دقته صاار غرام , ما في اطيب منه , اليوم عاملة مجدرة علة شرف المخلل .
بس ما استوى المخلل على البراد فوراً و الا بينتزع :roll
هلا ام نور
الله يخليليك الماما و يديمها بصحتها , نحنا عنا المخلل من دون جوز و المكدوس بده جوز , يممم :zzz
هلا نور
ايه بصير ان ما تتقبلي الفكرة بس لو دقتيه انا رح اضمن الك انه رح يعجبك كتير :zzz
الله يسلمك يا عسل و اذا لاقيتي بانجانات صغار فاتمنى انك تجربيه و يعجبك
هلا ارام
شو هل السرعة , ان شاء الله يطلع طيب و تمام و على زووءك , هو و المكدوس , و الله اخدينلي عقلي , بروح و بجي و بشقشق عليهم و هنن لسا ما حمضوا , بقى الله اعلم الله اعلم رح يخلص اول مرطبان و المكدوسات لسا ما جهزوا :grin
هلا gsm
كان لازم اكتب ممنوع الدخول للحوامل و اصحاب امراض القلب و الضغط :grin
هلا ما في حل غير ابعتلك مرطبان على السريع و لو كان فيني و الله من عيوني :roll
هلا غيوثة
سبحان الله هل حب التغير في الانسان في مقابله تغير بكتير اشيا من حوالينا و مع الانسان بحب الجديد , بس بتلاقي دوما عنده حنين و ما بيعرف لمين :roll
انا بحب الفيقة بكير بكل وقت , بس احيااانا و خصوصا بالشتي بتكون مفارقة التخت صعبة علي , و انا دفيانة و مكمكرة :grin . كل شي اله شي
الله يخليلك المام و تعيشوا بالف صحة و ترجعي لسوريا ستالمة و غانمة و اذا جربتي المخلل ان شاء الله يطلع طيب
اهلين منى والكل. كيفك والله اشتقتلك كتير. شو هالمخلل الي بيجنن. من زمان وزوجي عم يطلبو منى و بقللي لازم يطلع لونو زهري بدون ما تستعملي شمندر. بس ما عرفت كيف الا بهالزياره لاهلي كانت امي عاملته و سالتها قالت هذا بيكون لونه موف مو اسود. هممم هلاء عرفت. طريقتك طبعا كتير مميزه باستعمال الفلفل الاحمر الناعم يعني تبقصدي البودره? وكمان استعمال الكزبره الخضره. ان شاء الله راح اعمله بهاليومين و باذن الله الاقي نفس نوع الباذنجان. بالنسبه للمقدمه اوافقك على كل كلمه. بحس انو يا حرام الناس يللي ما بيشوفو كيف الشمس عم تطلع و كيف عم بيبلش اليوم الجديد و بيشموا ريحه الصبح الناديه. عم بكتب لك هلاء و الدنيا لسه عتمه عم استني طلوع الصبح ككل صباح. سبحان الله ربنا بيبارك باليوم يلي بنشوف شمسه عم تطلع. منى زياره الشام كانت كتير مميزه طبعا رجعت بكميه من البهارات و علبه سمنه حمويه حبيت اسالك هون لحتى الكل يستفيد. هلاء انا اتفاجئت بريحتها لما فتحتا امبارح. ريحتها مثل الجبنه القشقوان? مزبوط هيل? والا فيها شي غلط? قال لي البائع عند عمل الكعك حطي ملعقتان مع الحشوه و مثلهم مع العجينه كمساعده فقط. هل اضيف لها شيء خايف تخرب الطعمه. والله كنت متوقعه انو تكون ريحتها غير يعني معطره هههه. افيديني ارجوكي.
ياعيني شو بتتغزلي بالاكل …..على فكرة اطيب شي ممكن اكله صحن مجدرة البرغل مع مخللل البيتنجان شي طيب كتير
بس بتقول حماتي انه لازم ينحشى وهو لسه شوي سخن حتى يضل لونه كاشف من جوا …بقا العلم عند الله في صحة هذه المعلومات لانه عطول وقت بحشيه معها بحرق ايدي :grin
مقدمة رائعة كالعادة …ادعيلي عندي بكرا تحدي الشيشبرك :zzz
ممممممممممممممممم شكلو شي ظريف انا كتير كتير بحبو بس بتعرفي الغربه و ظروفها حاليا انا صرت باميركا لانو انتقلت من بريطانيا فقط لمدة 8 شهور بتعرفي لازم تعلميلنا جزء من الموقع لتعارف المغتربين على بعض ههه
سؤال؟؟الوصفه الي بعتلك ياها برمضان موجودة عندك؟؟ لانو لهلق مانزلت ؟؟ قلت بس اتاكد منك .. مشكورة
تسلملي عيونك منونة اليوم رحنا على المحل العربي ولاقينا مخلل باتنجان شغل الشام هو اكيد مو متل شغل البيت بس يعني يعتبر حل لحالتي :sigh :cry :cry :cry يسلموا كتيير حبيبتي
سلام عليكم انا ضيفه جديده اكلاتك روعه تسلم ايديكي
يا سلاممممممممم يعني بعد هل الغيبة عن الموقع وارجع ولاقي مخلل البانجان والله شكلو مغري جدا اول ما شفتو حسيت بالجوع مباشرة ان شاءالله رح جربو
يسلمو دياتك يا رب
يا سلام يا منونة عهالحكي الحلو والوصفات الأحلى
فعلاً مافي أحلى من الفيقة الصبح بتحسي النهار كلو نشاط وحيوية ونهارك طويل مو مأطوش أطش
بالنسبة للمخلل ذكريتيني فيه لانو عندي منو ونسيانتو :grin بقى بكرا على شرف هالمخلل احلى صحن مجدرة :p يسلمن يا عسل ..
هلا امون
الحمد لله على السلامة يا حلو مع ان حلب و اهلها عاتبين عليك , بس معلش خيرها بغيرها 
الفليلفة الي استعملها هي فليلفة حمراء عادية اجففها على الشمس و بعدها اطحنها على المولينكس حتى تصير ناعمة , هلا طريقتها سهلة كتير بس عملية الطحن مكن تدايق شوي لان ممكن تدايق النفس :roll :
امونة الكزبرة مو كزبرة خضراء , كبرة ناشفة و هيك منعملها بحلب , الكزبرة الخضراء هي الطريقة المصرية
ان شاء الله عقبال السنة الجايو و نروح انا و انت للمدينة و تاخدي كم بهار شغل حلب على كيف كيفك , السمنة هيا ريحتها مميزة ما بتشبه ايا سمنة تانية , يمكن ااقرب وصف لريحتها متل ما قلتي انها بتشبه ريحة القشقوان.
و هي نستعملها متل ما قالك البياع , ممكن تطلعي على وصفة الاقراص بعجوة مثلا , انا استخدمها بس للحشوة لحتى تعطي زكاوة من غير ما تكون نكهتها طاغية , ممكن كمان تستعملي منها معلقة صغيرةلفلفلة الرز , شي بياخد العقل :zzz
هلا رنونة
اطيب الشي , امبارحة كان غداي مجدرة و مخلل البانجان و صحن ست كليلية , الله وكيلك سحبوني سحب من ادام الصحن :grin
هي اول مرة اسمع ان لازم ينحشى و هو سخن , ما بعرف يا ترى بيطلع لونه غير الي بالصورة لان انا هادا حاشيته بعد ما حطيته بالبراد شوي
شو صار بالشيشبرك :roll
يسلم ايديك على كل صنف موجود بهالموقع المميز,صراحة شي بياخد العقل خاصة اليلنجي مع انو جوزي ما بحبو ولا بيحطو بتمو ولما عملتو طار عقلو فيو وحبو كتير والحمدلله كل شي بساويه من وصفاتك بيزبط معي وبينجح تمام التمام.كنت بحلب ولسا الاسبوع الماضي رجعت لهون بأبو ظبي وجبت معي عجور عملتن هون محشي العجور وشأد انبسط فين جوزي وطبعا قريت الفاتحة على روح والدك الله يرحمه ويخليلك كل حبابك,وبس عندي سؤال عن احسن طريقة لغسل الخضرة خاصة اذا بيكون فيها تراب يعني بيمشي الحال ننقعها بخل بس…ويسلمو دياتك على كل شي
لاء ياخيتو مخللاتك لونن حلو …بس مابعرف بيطلع معها ابيض من جوا او ع اشقر فاتح …بس بتعرفي يمكن بتعمل هيك لانه هون مافي بانجان تادفي كله اسود …بقا بركي هي بتحشيه سخن لانه هاد ممكن يسود …مابعرف ياعزيزتي
اما بالنسبة للشيشبرك …ياعيني علي .,..ماصدقت انه انا طبخته عن جد كتير طيب وشغل معلمين ..احم احم ..حاسة كبر راسي :grin
اليوم محشي …مابعرف حشيته مبارح حسب مابتحكي امي وستي وحماتي وبنت خالة سلفة جارتنا يعني مع شوية ملاحظات منك كمان …مابعرف كيف رح يطلع …بس انا شفته بنومي انه طلع مخبوص بقا بخبرك شو بيصير
هلا ندوش
ان شاء الله ترجعي سالمة و غانمة انت و الباشا و هي فترة و بتعدي
الوصفة وصلت اكيد , ان شاء الله بحطها هل اليومين :zzz
كيفك منونة,سدقي كل ما بعمل اكلة من اكلاتك بدعيلك,ما شاء الله عليك يتهنى ابو الشباب على هالكنز اللي عندولأنك متل الزبدية الصيني من وين ما رنيتيها بترن ان كان بأكلاتك وان كان بحكياتك وان كان بزوقك وتعاملك مع العالم…على اساس عم بعمل ريجيم على قولك ما خارج لأنو كل يوم بتشهون على اكلة وبعملها,بس عزيزتي ما جاوبتيني على طريقة غسل الخضرة اذا ما فيها سقلة ويخليلنا ياك يا عسل
المحشي رائع منى ….باركيلي مفلفل وحامض وع اصله ..باركيلي ..صرت طباخة …لأ .مو طباخة نص طباخة :grin
هلا فيك كارمن:) شرفتي بيتك و مطرحك و نورتينا , كلك زووء اختي , اتمنى تبقي معنا على طول
هلا رنونة
يا ستي معك حق الشيشبرك مو سهل و اذا نجح معك من اول مرة معناها انك خطيرة , برافو عليك
ممكن اجرب اني احشي المخلل و هو لسا سخن و شوفا ذا رح يتغير لون المخلل , يمكن هي واحدة من الاسرار الي لسا ما حدا قلي عليها , رح جربها المرة التانية ان شاء الله .
الحمد لله زبط معك المحشي متل ما بدك ان شاء لله ما تكوني نسيتي تاكلي عني كم محشية , ممم فرط ريقي على سيرة الحمض :grin
هلا gsm
اي منيح الي لاقيتي و لو تمشاية حال احلى ما تطلع بعين البي بي , بقى هنا و الف صحة و ان شاء الله اذا شي مرة صحلك تجربيه و يطلع يمممي
هلا سوزان
هادا بس من زووءك يا عسل , الف الف صحة و هنا على اليالنجي , معقول في حدا ما بيحبه , اكيد الي كان ابو الشباب دايقه مو على اصوله , بقى كتير انبسطت انه زبط معك و عجب الباشا
ان شاء الله تعيشي و تترحمي و تتزكري احبابك , خليلي عينك :cry
الخضرة الي فيها تراب و صوصا الخضرة الورقية متل الخس أو الكبوس أو الكرات , أنصحك تورقيهاو تغسليها تحت الحنفية بمية باردة لحتى يروح التراب و بعدها تنقعيها بمي و خل أو مي مع ملح ليمون و بتخليها شي 5 دقايق مو اكتر و بعدها تصفيها و تستعمليها , و في في الصيدليات ادوية خصوصي لغسل الخضرة , اذا حابة تكون النضافة مية بالمية
ليش الريجيم , ما في اطيب من الاكل بس يكون على اصوله و معه شوية رياضة, ان شاء الله بتنزلي هل كم كيلو بسرعة و بسهولة , قلبي معك :roll
هلا بشورة
سبحان الله متل ما قلتي الي بيفيق متاخر بينقطش نهاره قطش , هلا لا مانع من بعض ايام الاسترخاء و الفيقة المتاخرة , بس يكون مرة كل فترة مو عادة
مممم , هنا و الف عافية على المجدرة و المخلل بس كيف هي نسيانتيه , اعصابك قوية , الله وكيلك ما بقيان عندي الا شووي من المخلل الي حضرته على اد مو فاقس كيفنا عليه 8)
هلا ام دانية
ان شاء الله تجربيه و يعجبك , من وقت ما عملته و نحنا كل يوم في صحن كبير ست كليلة على الغدا منه , شي بياخد العقل و حمض بيشهي الي مو مشتهي :zzz
سلام عليكم ياست منى ان شاءالله الصحة تمام بدي اسئلك اذا المخلل بصير بالبانجان الاسود لانو هون مافي بانجان ارجواني لاني حابة كتير اني جربووووووووووو :zzz
هلا انا مو مجربته , بس بالشام كلهن بيعملوه بالبانجان الاسود بس يكون حجمه صغير
انا كل ما اعمل البادنجان مش بيفلح معايا مش عارفة ليه انا ح اعملوا بطرقيتك بس كنت عاوزة اعرف احفظة بعد التخليل فى التلاجة ويقعد كام يوم والبادنجان الارجوانى دة اللى هو داخل على بنفسجى يعنى ابيض فى بنفسجى ولا اسود ويارب الطريقة تفلح معايا وتسلم ايديكى :zzz
تسلم الأيادي على هالمكدوس جربته وطلع روعة, بس بدي إسأل وين بحط المكدوس بس يصير الجو حار خصوصا إني أقيم في الكويت ودمتي سالمة.
هلا نورا
ان شاء الله هل المرة بيزبط معاكي و يكون على زووءك , البانجان الي استعمله ممكن تشوفي صورته في وصفة المكدوس بيكون لونه على بنفسجي
اتمنى اسمع منك و الف هنا مقدما
هلا وفاء
الف صحة و هنا اختي , و هل المخلل لازم تحفظيه باليراد بعد ما يحمض لحتى يبقى محافظ على طعمته الطيبة
أنا عملت المخلل متل ما كتبتي بالضبط ، لما حطيت الباتنجانات بالمطربان طلع كبير عليهن و فاشوا لفوق قمت ما لقيت عندي بالبرادا خضرة غير ملفوف قمت حطيت فوقهن شوي.
مابتعرفي إنو هيك بنتزعي طعمة التنين .
و تاني يوم ما إجت لعندي و شافتهم ، قالتلي شو هاد :eek ليش حاطة المفوف مع الباتنجان
طبعا أنا صرت
و شالت أمي الملفوف وحطته لحاله و فضت الباتنجان على مرطبان تاني أصغر.
يمكن الدنيا اتخبصت بس رح إستنى شوف شو ح يصير بعد اسبوع
طبعا أكلت بهدلة تانية لإنو هون ما في باتنجان تيدفي بس الأسود الصغير و ماما قالتلي هاد ما بينفع لإنو قشرته بتضل قاسية و ما بتستوي.
و الله اتشرشحت منشان هل المخلل. :sigh
وووواخ شو هل الافلام الي صارت معك , منيح الي اجت امك و الا كانت لاصت الدنيا لان شو جاب المغربي على الشامي :grin
يا ترى هلا شو صار معك ؟
سلام منى
أنا اليوم اتذكرت إني كتبت تعليق هون ، و بتعرفي ليش اتذكرت؟؟؟
لإنو اليوم خلصوا بالتنجانات ( يعني قضينا عليهن)و طلعوا كتير طيبين بغض النظر عن الأفلام اللي صارت.
هي بس مشكلة القشرة اللي ما بتستوي منيح ، بس ما كانت كتير مشكلة لإنها رقيقة و بتنقام من المخللاية بسهولة.
الخلاصة إنو يعاد بس رح جرب بالباتنجان الطويل و الرفيع حتى لو كان شكله مو حلو ،بس الحكي ع الطعمة.
و الملفوف كمان طلع ماشي حاله على اعتبار كان ضحية الباتنجان بس أنقذناه بالوقت المناسب. :roll
اي الحمد الله الي انقضت القصة و الف هنا و صحة يا رب , ستي الواحد دايما بيتعلم من أخطائه :zzz
مممم , انا جوعانة هلا و اشتهيت ااقرطلي شي مخللاية , و الا قلك اسمنا الصبح خليني ااقرط جزرة احسن :grin
كتير كتير بيشهي و أنا بعرفومن لما كانت ماما تساويه
و هلق مرة عمي يعني حماتي حياتي ما بتعرفو مشان هيك بدي اساويلها ياه :grin
بس المشكلة انو البانجانات عنا سود و كتير كبار يعني كل بانجانة بتساوي 3 صغار :sigh
فهل من الممكن اني اقسم البانجان قسمين او 3 قبل السلق لحتى يستوي و أحسن احطو بالمطربان؟
شكرا
هلا رورو
حبيبتي ما بيصير الا بالصغار , هلا ممكن يطلع طيب , بس انا مو مجربته لحتى قلك على المضمون
[B]null[/B]رووووعه
تسلم ايديكى
الله يسلمك اختي
تسلم الايادي الي ردت و شاركت كلك زووء