براونيز بكريما الخمس دقايق السرية
2 كيلو خيار من النوع الرفيع
5 حبة ثوم مقشر ( أو أكثر حسب الذوق )
حبة فليلفة حمراء حرّة ( اختياري )
حفنة من حبات الحمص الجاف المغسول ( من دون نقع )
مزيج التخليل :
كوب خل التفاح
نصف كوب ملح خشن بحري
6 - 7 كوب ماء
ملعقة كبيرة سكر
نصف ملعقة كبيرة فليفلة حمراء ناعمة
ربع ملعقة صغيرة كزبرة مطحونة
• تجهز حبات الخيار و ذلك بغسلها جيداً من دون أن تقطع أطرافها .
• يعبأ الخيار في مرطبان كبير بالتناوب مع حبات الثوم االفلفل الحرّ .
• يحرك مزيج التخليل حتى يذوب الملح ثم يصب فوق الخضار بحيث يغمرها و يغطى الوجه بكيس صغير نايلون لمنع ظهور أي حبة من الخيار , و إذا لم تغمر حبات الخيار تماماً بمزيج التخليل تحضر كمية اضافية منه .
• يترك المخلل لمدة اسبوع في مكان دافئ حتى ينضج ثم يحفظ في البراد .
• يحضر مخلل المقتي و الفليفلة بنفس الطريقة و يمكن المزج بين عدة أنواع في المرطبان الواحد .
(10 votes, average: 4.30 out of 5)
السلام عليكم و رحمة الله و بركاته
اختي منى شو قصدك من النوع الرفيع يعني رقيق او قصدك من النوع الممتاز
انا ما فيني احصل على الخيار الرقيق فهل فيني ساويه بالخيار العادي يعني الكبير و السميك و ما نك كاتبه اننا منقطع الخيار و شايفتو بالصورة مقطع يا ريت لو تشرحيلي و ربنا يجازيك كل خير
ربنا يوفقك و يسهل دربك
سلام
و عليكم أفضل السلام و أتم التسليم أختي
قصدي من النوع الي بيكون حجمه صغير متل أصابع ايدك , فيك تعمليه بالخيار العادي بس رح يطلع بقلبه في بذر كتير , بالخيار الصغير اطيب بكتير
انا قطعته لحتى تطلع الصورة حلوة , اكيد ما منقطعه قبل ما نخلله
هي وصفة سهلة و كتير طيبة ان شاء الله بتجربيها و تعجبك
السلام عليكم عن جد يسلمودياتك جربتو من فترة اسبوع والنتائج روعةبس طول معي خمسة ايام فقط والماء لونها انخبط وفارت ايش السبب برايك وشكرا
لان موضوع بمكان مو بارد ,’ بعد ما يجهز المخلل على البراد فوراًَ و إذا ما عندك محل بتضيفي للمرطبان ملعقتين كبار روح الخل للحفاظ عليه برة البراد
والله يااخت منى خجلانة منك لانني عم اعذبك بس انا كان قصدي انوفترة التخليل اخذت معي خمسة ايام وانتي كاتبه اسبوع :sigh وبالنسبة للمخلل حطيتوبالبرادوكل ماعم ناكل منه ندعيلك واليوم عملت الشاورما قبل ما يخلص المخلل وكتيرطلعت طيبة وابني قلي هي خالة منى اكلاتها طيبين مثل اكلات المطاعم
لااا و لو يا قمر مية السلامة اختي
معناها اختي المرطبان بقي برة البراد و هو جاهز لهيك انخبطت ميته , انا بايام الصيف بياخد معي المخلل بالكتير 3 ايام و بيكون جاهز و بالبرودة بياخد اكتر
هنا و عوافي على المخللات والشاورما , الله يخليك ابنك يا حق و يحفظه و يباركلك فيه :zzz
اعذريني ياست منى من كتر اسئلتي.هون مافي عنا ملح خشن .بقى يعني اديش عيار الملح الناعم؟من فتره ساويت مخلل الملفوف وطلع مالح كتير
ز
و الله اختي ما عندي فكرة على الضبط , بس العيار الي استعملتيه خففيه شوي و فيكي تدوقي قبل ما تستعملي مزيج التخليل , لازم يكون أكتر من ملح الطبخة بشوي
السلام عليكم كيفك منى تحياتي
انا جربت المخلل وطلعواتمام من حيث القرمشه لكن حبات الخيار ذبلت وطولت حتى استوت مع انو عملت خمس اوست حبات انا عملتالملح على طوشت البيضه وغليت مزيج التخليل على النار شوي يمكن هدا السبب انو ذبلت حبات الخيار 
عذرا للازعاج منى طولت عليكي تحياتي الك
أكيد السبب هو المي المغلية , لو حابة تغلي المي فلازم تخليها تبرد على الخر قبل ما تستعمليها :zzz
خليلي عينك نور لا بقى تقولي ازعاج , انا دايما تحت الامر و بالخدمة ان شاء الله
ازيك اخت منى
كيفك عامله ايه
انا جربت هذه الطريقه
وماشاء الله طلعت حلوه اوى
انا على فكره فيا عيب انى اجرب الحاجه ومش باكل منها
بس بصراحه من وقت ما عملت وصفات من عندك وانا باكل منها
وتسلمى ياعسل على هذه الوصفات
هلا سمور
يا رب الف صحة و هنا , المخلل هادا من انواعي المفضلة تلاقيني قاعدة اوقات باكل فيه لوحدة واتمزمز كيف الواحدة بتتمزمز بفنجان القهوة :grin
الشكر الك لكلامك الحلو و لردك الحلو و ربي يديم المحبة و المعروف دوما
كيفك منى الله يسلم ايديك على هالمخللات
أنا بموت بالمخلل و حابه اعملو بس أنا بالامارات و ما لقيت ملح صخري جربت و عملتو بالملح اللي مضاف الو يود بس ما نجح معي يمكن لأني ما ضفتلو خل وهي طريقة ماما الله يخليلي ياها بتعملو بدون خل وبملح صخري وبيطلع بجنن
فشو رأيك؟
الخل لازم للحفظ و للنكهة , هو رح يزبط بالملح الموجود عندك اذا اضفتي الخل بس ما رح يطلع بيجنن , بس اكيدة اطيب من الجاهز :zzz
امم يا منى شهيتيني عالمخلل هلأ رح أقوم آكل منه أنا بعمله بنفس المواد بس بدون عيار و بيطلع طيب كتييييييير بس سؤالي أنا بكبس خيار و قتي و عقابية و خس و قرنبيط و فاصوليا و فليفلة و جزر بس ملفوف ما جربته و شهيتيني عليه ..شلون بيطلع طيب؟؟ و اذا بدي أكبس منه كل ورقة لوحدها و لا شلون؟
بفرمه خشن و بحطه معهن , و ممكن تقطعي لقطع كبيرة , كيف ما بتحبي
السلام عليكم
اخت منى بدي اسألك بالنسبة لمخلل الخيار انت كاتبة انو نستعمل ثوم طيب شو فائدة الثوم مع المخلل هل هو بس للطعم وفيني استغني عنه ولا لأ ؟؟ وشكرا لك
اي بس للطعم و هوبيخلي نكهة المخلل اطيب , بس فيك تستغني عنه اذا ما بتحبيه :roll
مسالخير عليكم انا عضوة جديدة معاكم الموقع عجبنييييييي بزاااااااااف يعطيك الصحة ختي منى
ماعليش تتحمليني عندي شوية اسئلة صغيريييييين
1-اذا انا استعملت نص كيلو خيار هل نحافظ دايما على نفس مقادير مزيج التخليل ونستعمل منها قد ما نحتاج حتى يتعمر البرطمان؟؟؟
2-هل نقدر نستعمل برطمان بلاسيكي في بلاصة البرطمان الزجاجي يعني نستعمل اي برطمان المهم يقفل بشكل مليح؟؟؟
ياربي نلقى جواب باسرع وقت حابة نجربو
ويسلمك حنونة على المجهود الرائع
مية هلا حبيبتي نورتي يا قمر الموقع و شرفتيه
مو مهم الكمية , المهم مزيج التخليل يغمر كل الخيار , ان شاء الله ربع كيلو أو 10 كيلو , المهم نسسبة الخل و الملح للمي
السؤال التاني بيصير تستخدمي مرطبان بلاستيك , بس للصحة مو منيح تحطي الحمض في البلاستيك و تتركيه لفترة طويلة
مية هلا حبيبتي وايا سؤال من عيوني
واااااااااو
عفكرة كنت مفكرة الموقع واقف من زمان
بس كنت دائما متتبعة للوصفات وماخطرلي إنتبه للتاريخ!!!!
بس ماشالله عليكي يا منى شيف عالأصوول هههه
بس كنت حابي اسأل ليش منسمع أوقات غنو بتنغلى المي للمخلل وبالذات الخيار؟!!!!
مرحبا ست منى
ما شاء الله وصفاتك رائعة وناجحة
حبيت اسألك لشو حبات الحمص