براونيز بكريما الخمس دقايق السرية
2 كيلو من حبات اللفت الصغير نوعاً ما
6 - 7 كوب ماء
نصف كوب ملح صخري خشن
ملعقة كبيرة ملح ليمون
حبة كبيرة شوندر ( اختياري )
• يغسل اللفت جيداً من دون أن يقشر ثم يقطع بشكل طولي لأربع أرباع إذا كانت الحبة صغيرة أو يقطع لشرحات إذا كانت الحبة كبيرة قليلاً و يصف في المرطبان .
• يذوب الملح بالماء حتى يذوب بشكل كامل ثم يضاف ملح الليمون , أصبح مزيج التخليل جاهزاً .
• تغمر حبات اللفت بمزيج التخليل بحيث تغمر بشكل كامل و لا يبقى أي جزء ظاهر و إذا لم يكفي المرق تجهز كمية أخرى منه ثم تغطى بكيس نايلون صغير منعاً لظهور الحبات فوق المرق و يغطى المرطبان بشكل محكم و توضع في مكان دافئ في المطبخ .
• يترك المرطبان في مكانه و لا يحرك و بعد مرور 10 – 15 يوم يصبح المخلل جاهزاً .
الله يبارك فيكي اخت منى هالمخلل هو اكتر نوع مفضل عندي ودائما بعملو بس انا بستبدل الملح الليمون بالخل هاك علمتني حماتي قال ميشان الحبة تقرط وكمان قالتلي بعبي جط ماء واضع بيضة فيه واضيف فوقهم ملح واحرك حتى تفوش البيضة على سطح الماء وهكذا دليل على ان كمية الملح مناسبة للمخلل وعندها اضيف الماء فوق المخلل وصرت هاك اعمل بس ماني مجربة الا اللفت ولا مرة جربت غيره
شو رأيك سامعة بهل طريقة شي قبل 
اخت منى بدي تشرحيلي عن مربى الجوز الاخت نداء قالتلي انو اهل حلب مشهورين في كتير وشهتني اعرف
اذا ما في ازعاج
هلا ام نور الغالية
مممم , أنا بحب المخلالات كتير , و دايما البراد الرف الأخير منه نصفه مراطبين مخلل :grin
سمعانة بهل الطريقة و كنت أعملها دايما , بس مرة جربت قيس الملح و طلع معي هل المقدار و صرت استعمله دايما
هل الطريقة حكيت عنها على [URL=http://www.l2ma.com/content/view/126/2/]على هل الرابط[/URL]
مربى الجوز ,مممممم يا عيني على مربى الجوز شو طيب ..
كنت حابة نزل طريقته بالتفصيل بالصيفية , نزلت للسوق لأشتري حبات جوز أخضر , بس كان خلص وقته :sigh
الطريقة باختصار بتقشريه الجوز الأخضر و بتثقبه و بتنقعيه بالمي لمدة اسبوع أو عشر ايام
بعدها بينغط بمية مغلية و بيرفع بسرعة
منعقد قطر و منحط فيهم الحبات و منتكرهم يغلوا كم دقيقة و بعدها منرفعه , و منكرر العملية على تلات أيام و بالمرة الاخيرة منحط قرنفل ليعطي نكهة ..
عن جد ما في أطيب منه , و إذا الله خلانا من الطيبين لوقته رح نزل طريقته بالخطوات المصورة
تسلمي الله يخليكي ما شالله شو بتعملو اشيا مميزة وفي مربى الباطنجان والقرع والورد معناها شي طيب بيطلع :p انا كتير بحب المربى يعني ما لازم ينقطع البيت من المربى غدا رايحة عسوء الخضرا وبدي اشتري سفرجل ورح اعملو مربى وبخبرك شو بيصير معي
مممم , و في مربى النارنج و الليمون و الكباد الرائع و هو نوعي المفضل
رح انتظر رايك , و ان شاء الله يكون على زووءك
شي كتير حلو . مربى الليمون البرتقال قصدك اذا البرتقال بيعملوا بفرنسا بس ولا مرة خطرلي دوقو هون كل شي فواكه بيعملوها مربى حتى الكستنا ما بعرف شو بتسموها انتو بيعملوها مربى حتى الخوخ الدراق الكرز الاجاص … انا بالبداية استغربت هالانواع لان ما متعودي الا عاكم نوع معين من الفواكه كنا نعملون
بس
منك اخت منى ومن فرنسا عرفت كتير انواع حتى اليقطين قال بيعملوا مربى حابة بس دوق :p لا شوف شو بيطلع طعمتو بس سمحيلي النارنج والكباد ما عرفت شو هني ممكن منسميون نحن غير
هلا ام نور
لا قصدي مربى الليمون , و هو مو كتير معروف هون , انا اتعلمته من صديقة تركية
و كمان الكستنا بتعملها صديقتي مربى و كتير كتير مشهور بتركيا , بس و لا مرة جربته ..
و انا متلك بحب دوق و جرب اشيا جديدة ,
النارنج بيشبه البرتقال و منعمل من قشوره مربى ..
والكباد كمان بيشبه الغريفون بس على اكبر و قشرته سميكة كتير و منعملها مربى ,, و هدا المربى اذا كان على أصوله ما في اطيب منه
و الله ما بعرف شو ممكن يكون اسمه التاني بس رح اسال و خبرك
هلا أختي ام نور
الظاهر ان ردك راح مع الهاكر :sigh
المهم أختي اني قرأته و كنت سألتك يا ترى انت قشرت اللفت قبل ما تكبسيه ؟
احنا اللفت عندنا لونه متل الفجل و هو الي رح يعطي اللون الزهري للمخلل..
بس انا شفت صور للفت في النت و بتكون قشرته كاشفة , إذا هدا اللفت الي عندك ممكن تضيفي الملفوف الاحمر أو كم حبة شوندر
نورتي أختي
شو قصة هالهاكر هيدا
ليش كان يسيطر عالموقع 
الصراحة في كتير انواع من اللفت في فرنسا الاصفر والطويل النوع الذي استعملت هو لفت ابيض قلبه والقشرة بيضا مع لون بنفسجي ميشان هاك اضطررت حط ملفوف احمر لا يتغير لونو
و الله أختي ام نور ما بعرف شو قصة هل الناس
معقول ان يكون الإذى هيك , مزاج بس
حسبي الله و نعم الوكيل ..
نرجع للمخلل:)
إذا هادا اللفت الموجود فأكيد لازم تستعملي شي تاني مع الكبيس لحتى يعطيه لون حلو
الحمدالله على سلامه الرجوع .. صج استانست
ومشكوووره عزيزتي الغاليه على هالةصفه . وهالمخلل اعتبره من المخللات المفضله عندي وان شاء الله بسويه خاثه ان موسمه الحين بالاسواق
اعتذر عن الاخطاء الاملائية
كنت كاتبه مشكوره غاليتي على الوصفه لات مخلل اللفت من المخلالات المفضله لدي وهنا بالكويت يطلقون عليه شلغم
وفعلا اشتريته وطبقته وان شاء الله بعد سواه اصوره لكم
و لا يهمك أختي , بتصير معانا كلنا
إن شاء الله استنى رايك و الصورة كمان و كتير انبسطت انك جربتيه ..
أظن كمان بالعراق يسمونه شلغم :roll
عدل كلامج غاليتي… اغلب دول الخليج يسمونه شلغم
وبالنسبه للكبيس طلع طييييييييييب واحلى من الجاهز
لدرجه ان صديقتي اخذت معها نصف البرطمان وهي مغادرة :cry
الله يوفقك ان شاء الله و ينولك كل اللي ببالك
واحب ان اشكرك على اللبنه.. كنت فخوره فيها جدا .. لاني اول مره اعمل فيها اللبنه ..
صحتين و هنا على قلبك و قلب رفيقتك , شو انبسطت انك جربتيه و عجبك
مممم جربت اللبنة , يا عيني عليك و ما بعتيلي منها مرطبان صغير
هنا يا رب و عوافي
ممممم , شي مرتب و منفنف تسلم دياتك كويتية يا عسل , لون المخلل بيجنن
أختي لو سمحت حولت الصور للأخت مس انجل لحتى تصغرها و تحط ختم الموقع عليها و أعادت تحميلها على الموقع من بعد اذنك
مشكووووره يا قلبي
وحبيبتي انا كلي تحت تصرفك مو بس الصور… تصرفي فيهم مثل ما بدك
وان شاء الله بحط صوره اللبنه .. جد لذيذه>>>> شو رايج فيني وانا تلميذه مثابره :grin
الله يجبر بخاطرك يا رب يا كوكو يا عسل , خليلي عيني شو مبسوطة فيك
أنتظر صورة اللبنة و ان شاء الله من ديات ما نعدمها
:grin يا بعد قلبي والغلا كله
ومثل ما وعدت
هذي صور المخلل :grin
هنافي اول المرحله اول ما سويته
[img]http://www.l2ma.com/images/stories/application/2.jpg[/img]
وهنا بعد النضج
[img]http://www.l2ma.com/images/stories/application/1.jpg[/img]
وهنا عند التقديم
[img]http://www.l2ma.com/images/stories/application/3.jpg[/img]
منى عفكرة ممكن وضع قطعة من الملفوف الاحمر مع اللفت بدل الشوندر بيعطي لون رهيب وكمان الملفوف المخلل كتير طيب انا ما بستعمل الا الملفوف الاحمر مع اللفت :p
مممم , يا عيني فكرة حلوة و اكيد رح يصير الملفوف كمان طيب كتير
خليلي ياكي ام نور , دايما افكارك حلوة و غنية , سلم دياتك
السلام عليكم
عزيزتي منى أنا جبت اللفت والشوندر وما عندي ملح صغري ،بمشي الحال ملح عادي؟؟ حبابة بدي أعرف مشان جهزه قبل ما تخرب المواد
لا ما بيمشي الحال , بدك ملح ما فيه يود و الا ما رح يطلع معك المخلل تمام :roll
آسفة كمان سؤال تاني .. ما عندي ملح الليمون شو أستخدم؟؟
خلص لا تحطي شي , هو رح يخلي لونه مشقرق :roll
يمممممممممممممم شو طيب المخلل
ربي يسعدك يا منمونة ويبارك فيكي
لو سمحتي حابة اعمل مخلل اللفت بس مو لازم نضيف خل للتخليل وقديش العيار لهل الكمية من اللفت,وشكرا الك والله يوفقك
لا هل المخلل بالذات ما بده خل , و بيتخلل بالملح و ملح الليمون بس
منورة نور
السلام عليكم منى، إن شاء الله تكوني انتي وأحبابك بخير. أخيراً حصلت على ليمون غير شكل، قطفته بيدي وبدي استغل كل شي فيه. مربى اليمون كيف بصير؟ و لو ملبك متل السلام عليكم منى، إن شاء الله تكوني انتي وأحبابك بخير. أخيراً حصلت على ليمون غير شكل، قطفته بيدي وبدي استغل كل شي فيه. مربى اليمون كيف بصير؟ و لو ملبك متل كباد والنارنرج لا تشهيني و توجعيلي قلبي لأنه ما عندي وقت طول بالي عليه
. الله يحميكن
اهلاااا رولا
ما كتير فهمت عليك معلش ترجعي توضحيلي