مربى البلح


         وصفة : منى                 2014/01/10                 12 تعليقات
مربى البلح

من أأقدم الذكريات الي في راسي صورة مغبشة الي و لماما و نحنا بلبنان , كان حدى عازمنا ع الغدا و العزيمة كانت بالجبل و بالليل و كانت سفرة ممدودة كبيررررررة و كنت عبفكر انو انا نقطة و هل السفرة عاموووود طويل مرمي ع الأرض , و كان في غنية لملحم بركات مدري شو هي بس كانت اول مرة بسمعها , من كل هل السفرة ما بتذكر الا نوع مربى قالولي انو هادا مربى البلح , بوقتها ما كنت اعرف شو بيفرق البلح عن التمر . و مع اني كنت و لا زلت ما بحب الحلو , بس منظره لفتني و دقته , اي و بعدها تركت السفرة كلها و قعت جنبه و لقمشت الصحن كله تقريباً .

لهلأ ما بحب من الحلو الا التمر و البلح , و هل المربى لازم كل سنة حضره بموسم البلح , طري و معطر بالقرنفل و القرفة , محشي باللوز , أو بالقشطة , وصفة بتااخد العقل , خرج تحضريها و تقدميها لضيوفك , كتير رح يحبوها , و الطريقة سهلة كتير و بنص ساعة بيكون المربى جاهز .

بالصحة و الهنا

شو لازمنا ؟



1 كيلو بلح

2 كوب سكر

3 كوب ماء

ملعقة صغيرة قرنفل حب

عصرة ليمون

للحشوة :

قشطة طازجة

أو لوز مقشر

للتقديم :

قرفة مطحونة

طريقة التحضير




1 - يستخرج النوى من حبات البلح بلطف كي تحافظ الحبة على شكلها .


2 - يوضع الماء و السكر و القرنفل قي قدر كبير على نار متوسطة و يترك حتى يغلي , يترك على نار هادئة مدة 5 دقائق .


3 - يضاف البلح على القطر و يترك ليغلي على نار هادئة لمدة 15 إلى 20 دقيقة أو حتى يسمك القطر قليلاً . يقلب بلطف مرتان أو ثلاث مرات .


4 - تضاف عصرة الليمون و يغلى المربى لمدة دقيقة اضافية . يترك حتى يبرد في القطر .


5 - ترفع حبات البلح على مصفاة ناعمة للتخلص من القطر الزائد , تحشى باللوز أو القشطة .


6 - ترتب في طبق للتقديم و ترش بالقرفة و تقدم .

التعليقات

  1. نور من قبرص 10 January 2014

    الله يعطيكي العافية انا من عشاق البلح ,بس البلح مويلي بيجي طازة وطري ولونه اسود وبينتزع فورا وبحمض ويمكن موسمه بالصيف ,اكلته مرة بمصر.ياريت تخبريني اذاهونفسه وايمت موسمه.شكراالك مدام منى على الموقع الرائع من وقت ماتعرفت عليه كل يوم بفتحه

    • منى 10 January 2014

      هلا نور :)
      هو البلح موسمي و اله كتير انواع , لهل الوصفة رح نستعمل البلح الطري الي لونه بني , بس ايا نوع بيصير المهم يكون طري , و إذا كلن مو طري فبيلزمنا نسلقه شوي قبل ما نحطه بالقطر .

      شكرا كتير الك , ممنونة ثقتك في الموقع و زيارتك , و ان شا الله تجربي من الوصفات و يكونوا يمممي

  2. نور من قبرص 10 January 2014

    قديش فينا نحتفظ فيه بعدمانحضرالمربى

    • منى 10 January 2014

      اذا بدك تحفظيه لفترة طويلة فكتري كمية القطر لحتى يغمره كله بشكل منيح و بهل الحالة فيك تحفظيه لشهور في البراد

  3. سلمى 11 January 2014

    كثير شهيتيني عليها ست منى بأول فرصة رح جربها ومتاكدة من الطعم الله يسعدك

    • منى 11 January 2014

      ان شا الله تجربيها سلمى و تكون يم يم , الله يخلك يا رب :)

  4. نور من قبرص 11 January 2014

    شكراعلى ردك لالي وعفوا انا غلطت فكرت الرطب هوالبلح ,بس عفوا مااعرف فرق بين التمر والبلح لوتحطيلنا صورته قبل مانحضره.يمكن هولونه عصفارغامق اولأ.شكرا الك على صدرك الرحب للرد على اسئلتنا

    • منى 11 January 2014

      تكرم عيونك نور , هو كتير اله انواع , انا استخدمت النوع الي لونه و شكله متل التمر بس على طري
      بحاول اذا اتوفر عندي مرة تانية صروره
      تكرم عينك هلا و ايمتى ما بدك ايا سؤال من عيوني :)

  5. أم نوران 13 January 2014

    ريحة القرنفل و القرفة و القهوة العربية المعطرة وصلت لعندي،طريقة التقديم روووعة و مناسبة كتير لموضوعنا :)
    انا كمان مو كتير صحبة مع الحلو (بس كتير بحب الشوكولا ) و هالوصفة مبينتا طيبة بس خايفة تطلع زيادة حلوة مع القطر ،ولا شلون؟

    • منى 17 January 2014

      مممممم , غير شكل مع القفة و القرنفل , رح تعطر الجو كله :)

      اي هي لحالها بتطلع حلوة , بس مو في بقلبها مكسرات او قشطة , بتصير كتير معقولة , جربيها و ما بتندمي ان شا الله

  6. فرح 22 January 2014

    من كتر مو الوصفة شهية خايفة اشوفا بنومي و ان شاء الله رح جربا باقرب وقت بس عندي استفسار كل مابدي اعمل تقييم بتنقص النجوم بدال ماتزيد‎:’(‎ شو عم اعمل غلط ما عم اعرف

    • منى 23 January 2014

      اهلين فرح :)
      يا رب تجربيها و تطلع مستاهلة المنامات و رح استنى رايك

      بالنسبة للتقييم , معناها عبتكبسي بالعكس , اعلى تقييم هو اخر نجمة ع اليسار

تقييم الوصفة
عاديةقد أحضرهاجيدةممتازةأكثر من رائعة (10 votes, average: 3.60 out of 5)