مربى الفريز


         وصفة : منى                 2008/05/19                 43 تعليقات
مربى الفريز

·          ينزع الجزء الأخضر من كل حبة فراولة ثم تقطع بالنصف إذا كانت من الحجم الكبير و تترك من دون تقطيع إذا كان حجمها مناسباً .

·          يمزج الفريز مع السكر و يترك لبضع دقائق حتى يبدأ الفريز بإخراج عصيره .

·          يوضع الوعاء على نار متوسطة و يحرك بشكل لطيف من الاسفل الي الاعلى و يترك حتى يغلي ثم يترك لمدة ربع ساعة و لا تزاد الفترة كي يبقى لون المربى مشرقاً و شهياً .

·          يضاف عصير الليمون و يغلى المربى لمدة دقيقة اضافية ثم يعباً بمرطبان بلوري و يمكن أن يحفظ المربى في الفريزر حتى سنة كاملة  .

·          إذا كنت تفضلين المربى أسمك من ما حصلت عليه في وصفتك , يوضع في وعاء مسطح و يغطى بشاش أبيض نظيف و يترك في الشمس حتى الوصول للقوام المطلوب .

 فكرة سريعة :

لقياس المقادير من دون ميزان يوضع السكر في وعاء , كل مقداريين من الفراولة يقابله مقدار من السكر .

سر الطبخة :

عند مزج السكر و الفريز يترك فقط حتى يبدأ بإخراج عصير و ليس لوقت أطول للحصول على القوام المناسب للمربى .

فكرة لذيذة للتقديم :

يقطع خبز باغيت لشرائح ثم يدهن بملعقة من جبنة كريم أو زبدة طرية و يسكب فوقه ملعقة من مربى الفريز .

   



كيلو فريز ( فراولة )
كيلو سكر
ملعقة كبيرة عصير ليمون





• ينزع الجزء الأخضر من كل حبة فراولة ثم تقطع بالنصف إذا كانت من الحجم الكبير و تترك من دون تقطيع إذا كان حجمها مناسباً .

• يمزج الفريز مع السكر و يترك لبضع دقائق حتى يبدأ الفريز بإخراج عصيره .

• يوضع الوعاء على نار متوسطة و يحرك بشكل لطيف من الاسفل الي الاعلى و يترك حتى يغلي ثم يترك لمدة ربع ساعة و لا تزاد الفترة كي يبقى لون المربى مشرقاً و شهياً .

• يضاف عصير الليمون و يغلى المربى لمدة دقيقة اضافية ثم يعباً بمرطبان بلوري و يمكن أن يحفظ المربى في الفريزر حتى سنة كاملة .

• إذا كنت تفضلين المربى أسمك من ما حصلت عليه في وصفتك , يوضع في وعاء مسطح و يغطى بشاش أبيض نظيف و يترك في الشمس حتى الوصول للقوام المطلوب .


فكرة سريعة :

لقياس المقادير من دون ميزان يوضع السكر في وعاء , كل مقداريين من الفراولة يقابله مقدار من السكر .

سر الطبخة :

عند مزج السكر و الفريز يترك فقط حتى يبدأ بإخراج عصير و ليس لوقت أطول للحصول على القوام المناسب للمربى .

فكرة لذيذة للتقديم :

يقطع خبز باغيت لشرائح ثم يدهن بملعقة من جبنة كريم أو زبدة طرية و يسكب فوقه ملعقة من مربى الفريز .

  • وصفات تانية ممكن تعجبك


التعليقات

  1. WAFAA 19 May 2008

    الله عليك يامنى خانم

    شو هالوصفات الحلوة

    يعطيكي الف عافية يارب

  2. منى 19 May 2008

    مية اهلا وسهلا فيك وفا , نورت و الله يخليك على الكلام الحلو و المزوء ;)

  3. منى 19 May 2008

    صباح الخير ام الهدى :)

    اختي ما عندي فكرة عن الفريز المجمد , ما جربته لهيك ما فيني فيدك :roll

    تسلم دياتك على الوصفة الي بعتيها , جعت من عل الصبح , رح نزلهاشي كم يوم ان شاء الله ;)

  4. أم الهدى 19 May 2008

    امممممممم شكله بشهي تسلم ايديك بس يا ترى بصير أستعمل الفريز المجمد لأنو في السعودية ما منشوف الفريز إلا نادرا

  5. ام نور 20 May 2008

    سبحان الله كنت ناطرة هالمربى وحابي جربو مع انو المربى مليان هون ورخيص ولكن تغير شكل بس شكل طريقتك كتير سهلة انشالله رح جربا بهل يومين وخبرك وما بدها ماء والحلو انو الفريز بيضل قطع وهيدا المطلوب 2بس اكيد لما يوضع عالنار ما لازم نحركو مهاك

  6. منى 20 May 2008

    انا ستي كانت هيك تعمل كل العصاير , من عيوني رح اسالها و برد الك خبر , ان شاء الله بكرة ;)

  7. ام عمر44 22 May 2008

    الحمد لله انا كمان من عشاق الفراولة.. ومبسوطة كتيييير اني اكتشفت هالموقع الرائع.. بحب اتشكرك اختي منى على الوصفات الروعة.. وراح اجرب ساوي هالمربي اليوم ان شاء الله.. شكرا حبيبتي

  8. منى 22 May 2008

    هلا ام عمر :) ان شاء الله بيعجبك و يكون على زووءك ;)

    كلك زووء ام عمر و انا انبسطت كتير بمعرفتك , مية اهلا و سهلا

  9. ام عمر44 23 May 2008

    حبيبتي منى.. كنت بدي اسألك.. نقدر نخلي المرطبان برا التلاجة بهاي المربى.. والا لازم يكون بالفريزر على طول؟؟؟ يعني بيخرب برا؟؟ انا امس رحت اشتريت السكر والفراولة.. وقلت أسألك هالسؤال قبل ما ساويها.. شكرا كتير حبيبتي

  10. منى 24 May 2008

    هلا ام عمر :)

    انا بحفظها دايما بالفريزر ,مع ان فريزري رح ينفجر :roll

    ان شاء الله تجربيها و يكون سهل و لذيذ ;) و لا تنسي اذا بتحبيه اسمك شوية تعرضيه للشمس :)

  11. ام محمد 26 May 2008

    السلام عليكم
    الله يعطيك ألف عافيه جربت وصفاتك وكلها طيبة واذا ممكن تعطيني طريقة كاتو المارينغ
    وشكرا كتير
    وياريت يحصل تعارف لأنو أنا من حلب

  12. منى 26 May 2008

    هلا ام محمد, نور الموقع باحلى حلبية أختي , منتشرف و الله :)

    ان شاء الله بحط الطريقة قريب إذا الله راد و يبا ريت تخبريني شو جربتي من وصفات :zzz

  13. ام محمد 26 May 2008

    والله انابتشرف وبالنسبةللاكلات كرات جوز الهند والبريوش ولحم العحبن كنت مشتهية عليه لانوكنت خارج حلب بس ان شاء الله بالصيف نازلة ودجاج بالزعتروايتش والكثبرويسلمو ابديكي و طولت عليكي :)

  14. منى 26 May 2008

    هلا ام محمد :)

    هنا و عوافي يا رب , و ان شاء الله بترجعي سالمة و غانمة , بالعكس اختي لا طولتي و لا شي مية اهلا و سهلا ;)

  15. بدور 2 June 2008

    يم يم يم يم يم يميييييييييي :p

    هاد المربى لا يقاوم ابدا ابدا..

    كتير بحب مربى الفريز و شكلو هون بجنن و أد ما كنتي شبعانة و شفتي هالصورة ما بتئدري ما تئومي تاكليلك شي لقمة اذا عندك مربى والله ستر انو عندي مربى فريز هلأ :grin

    لونو و شكلو عنجد كتير حلو الله يسلم ايديكي الحلوين كتير يا رب

    شكرا ميمو :zzz

  16. منى 2 June 2008

    و انا بموووت عليه , خلص انا ملكة الفريز و انت ملكة الفراولة :grin

    كلك زووء بدورة , الله يسلمك و يخليك يا عسل و لا انحرم هل الطلة الحلوة

  17. ام حسن 12 March 2009

    سلام عليكم
    انا من السعودية
    هذه اول مشاركة لي
    كان عندي فراولة وخايفة عليه يخرب قبل ماحد ياكلو قلت خليني اعمل مربى فراولة
    عملتو وابسطت بالنتيجة
    والأحلى من كذا
    انه لما قارنته بالمربى الأمريكي سماكرز الي انا احبه طلع الفرق كبير
    على راي دعاية شفتها في التلفزيون مافيش احلى من المربى البيتي
    تسلم ايدك يا منى وانا مبسوطة من هالموقع وايد

  18. منى 12 March 2009

    هلا فيك اختي ام حسن :)
    شرفتينا و نورتينا و الله , انبسطت كتير ان المبرى عجبك و متل ما قلتي , يا اختي هادا مربى نعرف شو فيه ;)

    الف هنا و عافية و صحة على قلبك و قلب كل العيلة

  19. أم الهدى 25 April 2009

    حبيبتي منى تسلم دياتك على هيك وصفة كتييييييييييير طيبة
    بس عندي سؤال المربى عم يطلع معي شوي سايب يعني بحب مرقتو تكون أسمك شوي والمشكلة ماعندي في بيتي شمس قوية لحتى أخليه يسمك على حرارتها متل ما انت قلت
    شو أعمل أزود السكر شوي ولا أخليه على النار مدة أطول

  20. منى 25 April 2009

    ممكن تكتري السكر شوي أما تتركيه علىالنار نو لان رح يتغير لونه و تنهمس حبة الفريز , ممكن كمان تحطي معه جيلو , في كتير ناس عم يعملو هيك مع انا انا ما بفضلها بس هي فكرة و بتساعد ;)

  21. marim 26 April 2010

    كيفك مدام منى بس بدي اسالك سؤال منشان المربى دغري عبيه وهو ساخن بالقطرميز وسكرو ولا اتركو يبرد بعدين بعبيه وازا حطيناه بالفريزة وقت نطالعو مابسكر وبينتزع مابصير حطو بالبراد :upset

  22. منى 28 April 2010

    لا استنى عليه ليبرد و بعدها مليه بالمراطبين و ما دامك حاطة عصرة الليمونة بحياته ما رح يسكر .
    اذا الاستهلاك عندك سريع فيك تحفظيه بالبراد اما اذا رح يطول فالافضل تحفظيه بالفريزر ;)

  23. محبةالمصطفى ملك 4 May 2010

    السلام عليكم
    شلونك منى؟؟؟
    يسلمو كتير عالوصفات اللذيذة..
    أنا عملت مربى الفريز و طلع طيب و سماكته كويسة يعني ما احتاج للشمس بس في مشكلة صغيرة انو فرم الفريز بالمربى وقت بتاكليها بتدوب بالتم ما بتكون هيك متل الراحة بتعلك(والمفروض انوا انو المربايات تكون متل الراحة تقريبا)
    انت عندك كيف طلع؟؟؟
    بس شكيت انو طلع هيك لأني صغرت الفرم يعني حتى حبة الفريز الصغرة قطعتها نصفين (هيك غلط ما؟؟)
    آسفة كتير لأني عبعذبك معي
    و اذا ممكن تردي علي في صفحة اللحم بعجين و كاتو شوكولا بثلاث خطوات و كاتو السفن أب بالليمون

  24. محبةالمصطفى ملك 4 May 2010

    السلام عليكم شلونك منى؟؟
    يسلمو كتير عالوصفات اللذيذة
    منى أنا عملت المربى و طلع طيب بس و سماكته كويسة يعني ما في لزوم للشمس بس بدي أسألك عن فرم المربى طلعوا وقت بتاكلي منن بدوبوا بالتم يعني ما بتحسي بأنو بيعلكوا متل الراحة ، انت عند هيك و لا لأ؟؟
    هلأ يمكن المشكلة انوا انا صغرت القطع يعني حتى حبة الفريز الصغيرة قطعتها نصفين و هيك غلط ما؟؟؟؟

    طيب و بدي كمان تردي علي في صفحة اللحم بعجين و كاتو السفن أب بالليمون و كاتو شوكولا بثلاث خطوات و شكرا كتيييييييير و آسفة لأني عبعذبك معي بس ما بتعرفي شأد أنا فرحانة بالموقع و خصوصي انوا صاحبه من بلدي و محافظتي صحيح هلأ نت من حلب ما؟ وين ساكنة؟؟؟؟؟

  25. منى 6 May 2010

    ما كتير فهمت شو مشكلة الحبات :roll

    بس بصورة عامة مو هلا وقت تحضير مربى الفريز , أحسن الشي انك تحضيره بالمربى البلدي الي بينزل اخر ايا و اول حزيران ;)

    انا بقطع القطع الكبيرة بس , و الصغيرة بتركها على حالها

    مية هلا فيك اختي نور الموقع و ان شاء الله تبقي معنا دوما

  26. محبةالمصطفى ملك 6 May 2010

    امممممم
    شكرا عالرد منى
    بس أنا بعرف انوا الفريز البلدي نزل هلأ ما؟
    و ما قلتيلي و لا طنشتيني؟؟ :cry
    مو انت من حلب ام المحاشي و الكبب :p

  27. منى 7 May 2010

    لسا الفريز البلدي ما نزل كتير , ممكن تلاقيه بمحل او اتنين .

    اكيد انا من حلب , ام المعالي و الرتب ;)

  28. محبةالمصطفى ملك 11 May 2010

    منى بدي أسألك نفس السؤال اللي سألتك ياه قبل بمرة بس بغير صيغة :roll
    لأني المرة الماضية عملت المربى بس كمية صغيرة و هلأ رح أعمل مونة السنة و السؤال هو انو في طريقتك ذكرتي انو نترك المربى كاملا(قصدي الشيرة و الفرم)على النار مدة ربع ساعة انا عملت متل ما قلتي بس حسيت انو قطع الفريز دابوا كتير و سألتك من قبل انوا يا ترى هل السبب انوا انا صفرت القطع؟؟؟؟؟

    لأن طريقة ماما اللي عملتها من زمان كانت انو منترك المربى عالنار و بعد ما يبدا غلي بشوي صغيرة منشيل قطع الفريز و منترك الفرم :roll

    فشو رأيك انت صار معك نفس الشي و دابو و لا نو؟؟
    لأني ما بدي أشيل القطع و بدي أمشي عطريقتك

    و آسفة كتيييييييير أكيد دوختك معي :p

  29. منى 12 May 2010

    شوفي انا حضرت كمية صغيرة من فترة و تركتو على النار بس عشر دقايق و بنفس الطريقة تمام , طلع بياخد العقل . الفريز الحبة الصغيرة تركتها من دون تقطيع و الكبيرة قطعتها لنصفين ..

    بقى ان شاء الله كون جاوبتك لان ما فهمت شو قصدك بالفرم ؟

  30. محبةالمصطفى ملك 12 May 2010

    يااااااااي يا منى
    وقت بكتبلك بكون مستعجلة وما برجع بدقق الكتابة :p
    أنا غلطت(أخطاء مطبعية) قصدي ماما بتسحب قطع الفريز و بتترك الشيرة

  31. منى 12 May 2010

    لا و لا يهمك :)

    كنا من زمان نعمل هيك , هلا هي طريقة مستحدثة و ميزتها ان لون المربى بيطلع كتير حلو :zzz

  32. منال 17 May 2010

    السلام عليكم كيفك يا ست منى اشتقنالكم من يومين جربت الفريز على طريقتك ورجعت حطيته بالشمس طلع اكتر من رائع اليوم نزلته من السطح لونه رائع وقوامه بسبب الشمس بس في مشكلة صغيرة طلع حلو كتير ممكن نخفف السكر انا بساويه عادة علوة واحة على النار وبحطه بعدين بالشمس بيطلع رائع وعم يعلك بالتم وما بحط حمض ابدا وكل عيار فريز نصفه سكر واضيف كوب ماء للكل كيلو بسبب وضعه بالشمس حتى ينضج جربي طريقتي وادعيلي وخبريني شو بيصير معك بما انه هلق وقت الفريز بعدين وين وصفاتك وعزايمك والله اشتقنا

  33. منى 18 May 2010

    مممم , طريقتك شكلها بيشهي , رح جربيلي شوي اذا ربنا راد :zzz

    يعني انتي ما بتحطيه على النار ابدا :)

    ما في عزايم , حرااام انا :roll

  34. منال 18 May 2010

    السلام عليكم منمونة بلى بحطه على النار غلوة واحدة حتى يدوب السكر منيح ويتعقم الفريز وبعدين بحطه بالشمس بعد ان اغطيه بالشاش النظيف وبحركه صباحا ومساء هتى يستوي القطر وما بيطول تقريبا شي لربعة خمسة ايام اذا الشمس قويةخبريني شو بيصير معك :zzz

  35. منى 18 May 2010

    بجربها ان شاء الله على طريقتك , اسمه هلا الشمس منيحة كتير , شكرا كتير للاضافة

  36. سندس 15 December 2010

    السلام عليكم ورحمة الله وبركاته

    كيف حالك اخت منى ؟

    ماشاء الله عليك موقعك جدا جميل وانبسطت كثير وانا اتصفحه من اكله لاكله خصوصا اني مثلك احب اجرب كل شي .. عندي فضول ولي مزاج على هالشغلات واحب اسوي اكلي من اشياء اعرف ايش فيها :zzz

    تقريبا نفس طريقتي بالمربى بس انا اضيف الليمون مع السكر للفراوله واضيف ملعقة زبده حتى لايطلع رغوة كثير

    تسلم ايديك والله يحفظك
    اختك سندس من السعوديه

  37. منى 16 December 2010

    هلا فيك سندس )
    نورتي احتي وشرفتي , هوانا واحد معناها ان شاء الله تنبسطي هون

    ممم , زبدة مع المربى , يا ترى بيضيف شي للنكهة و الا بس للرغوة ؟

    شكرا للاضافة و الرد الطيب و مية هلا فيك اختي مرة تانية

  38. سندس 21 December 2010

    هلا اختي منى .. اعتذر عن التاخير واشكر لك تواصلك وترحيبك اللذي يدل على كرمك ..

    بالنسبه لملعقة الزبده فهي لا تضيف اي شيء للنكهه هي فقط تخفف من الرغوه الناتجه

  39. منى 22 December 2010

    شكرا سندس للاضافة :)

    نورتي حبيبتي

  40. koko 7 June 2012

    كيفكون يا صبايا انا بحط معو قبل ما ارفعو عن النار ظرف جيلو فريز بيعطي سماكه ظريفهe

  41. Mona 9 June 2012

    شكرا للفكرة حبيبتي :)

  42. راضية 13 July 2013

    مرحبا مدام منى ،أنا راضية من الجزائر بدي اتشكرك على هذا الموقع لقمة طيبة بارك الله فيك … أنا ساويت مربى البرتقال وطلع كتير طيب وهالمرة رح أعمل مربى الفريز وأكيد رح يكون طيب لأني عم أتبع وصفتك… جزاك الله خيرا

    • منى 14 July 2013

      هلا راضية ,
      الله يبارك فيك يا قمر و الف صحة و هنا و عافية ع قلبك ع مربى البرتقال , ان شاء الله يعجبك مربى الفريز كمان
      نورتينا

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)