براونيز بكريما الخمس دقايق السرية
كيلو ورد
ملعقة كبيرة ملح ليمون
2 كيلو و نصف سكر
6 كوب ماء
• تنزع أوراق الورد بلطف و يتم التخلص من قلب الوردة , الجزء ذو اللون الأصفر .
• توضع الأوراق المنزوعة في مصفاة ذات ثقوب خشنة و تهز المصفاة حتى يتم التخلص من الحبوب الصغيرة ذات اللون الأصفر , تكرر العملية مرتان .
• يوضع الورد في صينية كبيرة مع ملح الليمون و يفرك بين أصابع اليد حتى يذبل و يشكل ما يشبه الكرة و يعصر حتى يستخرج منه العصير الوردي , يحفظ العصير الوردي جانباً .
• توضع الستة أكواب ماء على النار مع أوراق الورد المعصورة على نار هادئة و يترك ليغلي لمدة 10 دقائق .
• يضاف السكر و يحرك حتى يذوب السكر ثم يترك ليغلي لمدة 10 – 15 دقيقة .
• يبعد القدر عن النار و يصب الماء البارد على أطراف القدر الخارجية لخفض الحرارة مع ضرورة الانتباه أن لا تسقط و لا قطرة من الماء البارد على المربى .
• بعد بضع دقائق من صب الماء البارد على أطراف القدر , يسكب العصير الوردي فوق المربى و يحرك حتى يتجانس المربى .
• أصبح المربى جاهزاً يعبأ في مراطبين زجاجية و يحفظ في الفريزر حتى وقت الاستخدام .
(6 votes, average: 4.17 out of 5)
يا عيني عليك على هاللون والمنظر الرائع كاني شايفة طبق مربى من ديات ماميتي اللي بينجح معها كتير الله يسلم هالديات ودليل معلميتك فعلا هو اللون الزاهي اللي بيفتح النفس .حاكم في ناس بتعمله وبيكون لونه غامق ما كتير حلو يعني موكل النسوان معلمين بصنعه وفي ناسب تضيف له ملون يدعى بالقرمز ليكسب هذا اللون القرمزي بس ما شاء الله عليك الله يحميك لونه بيجنن يسلمو هالايدين يا حق وانا بحبه ايضا مع كعك العيد المالح والجبنة والخيار وبالمناسبة رح جرب كعك العيد اللي نزلتيه لنا بس عالعيد لاني هنا ما عبلاقي متل بحلب معجنات لذيذة والله يجزيك الخير على كل شيء
سلام عليكم منى
اتمنى ان تكوني بخير شو هالحلو هاد شي بيشهي :p انا اكلتو مرة عند حبيبة قلبي نداء كتير طيب اكيد رح جريو لما انزل على لبنان
هلا غيوثة:)
الله يخليلك ماماتك و يحفظكم لبعض بصحة و عافية يا حق
سر اللون الي اتعلمته من أم زوجي هو الكوب الي منحفظه من بعد ما نعصر الورد بين دياتنا , و هيك بيطلع اللون يممي من دون اضافات
ان شاء الله تجربي الكعكات و يكونوا على زووءك , نورتي غيوثة
هلا ام نور:)
الله يزكرها بالخير ندوشة , عم اسمع اخبارها من بعيد , بسال ضحى عنها دايما :zzz
ان شاء الله تجربيه و يعجبك نورتي ماجي
شكرا اخت منى على وصفة المربى اللي رجعتنى لأيام زمان وعن جد يسلموا هل ايدين.
ممكن تتكرمي و تحطيلنا وصفة شراب الورد؟؟؟
هلا فيك أخي قاسم مية هلا فيك بالموقع ..
أخي بالنسبة لشراب الورد , نحنا ما نعمله بحلب و لا مرة جربت حضره :roll لهيك ما عندي اله طريقة مضمونة و مجربة..
بس وعد رح حط هل الوصفة ببالي و ان شاء الله إذا جربت وصفة و عجبتني أكيد رح نزلها
ما هو الورد واي نوع الورد
ليش يا اخت منى ما بتردي عليي لاني ضيفة جديدة
له يا اخت حنان , اي انا الاخوات الجداد بحطهم بعيوني و على راسي , و الي صار ان انا ما فتت المسوية للنت , بس :roll
الورد المستعمل هو الورد البلدي , ان شاء الله تجربي الوصفة و اكيدة باذن الله رح تعجبك كتير
يا اخت منىانا من فلسطين مابعرف شو هو الورد البلدي هل هو ورد الجوري الذي نزرعه في البيت
هلا حنان
الورد البلدي هو نفسه الورد الجوري بس مو الي بينزرع بالأصيص , بيكون حجمه صغيره و لونه بين الوردي و الأحمر و باذن الله انا بعد اسبوعيين او تلاتة رح حضره لان قرب موسمه , رحصور الك الورد و كل الخطوات لحتى تكون الوصفة واضحة
يلا يا اخت منى خليتنا نحب من دون ما نشوفك الله يديم عليك بالصحة والعافيةيا رب يا منى تعملي شراب الورد الا طلبه االاخ قاسم وشكرا
تكرم هل العيون و انا طريقته صارت عندي و طلع ما بده ورد طلع بده ماء الورد , اذا ظبط معي ببقى بنزله و القلب على القلب أختي الغالية
شكراً جزيلاً أختي الكريمة على الوصفة. ومع أني أعرفها من زمان ولكني لم أتجرأ سابقاً على تحضيرها، الفضل لك ولموقعك بأني تشجعت وحضرتها مساء البارحة. ولكن حصل معي شيء أخشى أن يكون أفسد المربى!
قمت بتنفيذ الوصفة حرفياً حتى الخطوة الأخيرة أي بردت حواف الطنجرة بالماء البارد، ولكن الوقت تأخر ليلاً وكان المربى لم يبرد تماماً فخطر ببالي تأجيل تعبئته في المرطبانات إلى صباح اليوم فغطيت الطنجرة ووضعتها في البراد، وصباح اليوم رفعت الغطاء وإذ بقطرات كثيرة من الماء تسقط من الغطاء فوق المربى!!! لم يخطر ببالي البارحة أن البخار المتصاعد من المربى سيتكاثف ويتجمع على حواف الغطاء!! قمت بتحريك المربى (مع قطرات الماء الواقعة فيه) ثم غطيته مجدداً وأعدته للبراد. سؤالي هل فسد المربى؟
هلا فيك أخي الكريم أرام , لا شكر على واجب سعيدة جدا لتواجدك بيننا و لتجربتك كم وصفة من وصفاتي .
المشكلة الي ذكرتها ما اتوقعها تفسد المربى بشرط حفظ المرطبانات في الفريزر و على كل الأحوال رح أتأكد من فريق الدعم الفني و بعدها ان شاء الله رح رد عليك مرة تانية
السلام عليكم منى امممممممم شو هالمربى الحلو اليوم أنا لسه عملته بس بطريقة مختلفة شوي و طلع طيب كتير بس بتعرفي مشتهية اعمل جنبه كعك أو أوصي زوجي يجيب….أنا بحطله ملون مع انه لونه حلو بس بقولو اذا طول ممك لونه يتغير شوي مشان هيك بحط شوي صغيرة :zzz
انا اتعلمت طريقته من دون حمض و اذا كان الورد شغل الباب و منظوم , على قولة الحلبية , ما بده شي :zzz
أنا رح أعمل شراب الورد هاليومين رح أعمله أرسلك الطريقة يا منووووووووووووش ..من زمان كانوا أهلي يعملوا بعدها بطلوا بس كان كتير طيب آخر مرة شربت منه كان عمري6 سنين
و شو هو الحمض قصدك الملون يعني؟؟
و الله الورد منظوم و ريحته كتير طيبة
خربطت الله وكيلك , عواض ما قول لون قلت حمض
رح استنى الطريقة منك ان شاء الله
السلام عليكم و رحمة الله و بركاته
كتير عبالي ساوي هالمربى بس بدي اعرف هل فينا نستبدل ملح الليمون بالملح العادي و هل بيكون خشن او ناعم و كيف اوزن الورد لان ما عندي ميزان هل فيكي تخبريني بالتقريب كم وردة موجودة بالكيلو
سلام
هلا سارونات
بعد زمان عنك , ان شاء الله كله تمام
ملح الليمون ما فيك تستبدليه بالملح العادي , ممكن بعصير الليمون , اما كم وردة بيطلع بالكيلو فما بعرف نهائيا , ولي اكتر من مية ميتين تلاتميت وردة :roll
مربى الورد لذيذ جداً جداً
بس بعد اذنك هل مربى زهر الليمون بنفس الطريقة
مرحبا ست منى اليوم الصبح ساويت المربى وطلع لونه كتير حلو وطعمه بس قوامه مو متل المربى مع اني تقيدت بطريقتك تماما وكنت كتير مبسوطة بالريحة الحلوة وايدي الي صاروا كتير ناعمين حطيته في وعاءوطلعته على الشمس بركي قوامه بيصير افضل شو زايك خبريني ست منى
اهليين منال
غريبة ما سمك ، هلا ما في حل غير انك تغطيه بشاشة و تحطيه ع الشمس ليسمك ، و ان شا الله بيزبط
ست منى شو اليوم جمعه عطلة خبريني بسرعه والا خربوا عليي
لا و الله يا منال مو عطلة بس النت كان مقطوع عن حلب ، تاخير مو بالايد
الله يعطيك العافية يارب ويجعل تعبك كله بميزان حسناتك..
هلق انا عبجرب ساويه على طريقتك يارب ينجح..
بس شكله رح يبيض الوجه
شكرا كتير الك..
اهليين شهود
ان شا الله بيطلع تمام التمام , و رح استنى رايك حبيبتي
نورتي الموقع
تسلم ايديك يارب
عملته اليوم بكرا راح صوره ونزل الصورة صعب اوصف اللون اكتر من رائع الله يرحم يلي عطاكي هل السر
الله يسلمك و يخليك و يبارك بشغل ايديكي ، الف هنا و صحة و الي علمتني هل السر هي حماتي ، الله يبارك بعمرها
ست منى الله يجبر بخاطرك
بس إذا بدي ساوي المربى بورد يابس في مجال واالا مابيصير
يعني إذا رطبت الوردات شوي لحتى يصيرو شبه التازه شو رأيك بيصير
هلا ما بعرف بايا بلد بيعملوا مربى ورد بالورد اليابس ، بس انا للصراحة مو مجربته و ما بقدر فيدك .
مرحبا انا عملتو بس طلعت الطعمة مرة بش ما التزمت بكمية السكر يعني حطيت اقل شو ساوي خليه؟ انو بيظبط ولا كبو؟
لا مرة معناها نوعية الورد مو مزبوطة، ما اله علاقة السكر
كيفك يا منى وين هل الغيبة بتم بفتل على النت وبرجع لوصفاتك عن جد ارجعي ولو بالشهر صحن سلطة بعد آكلاتك ما في
اهلا وسهلا
ان شالله رجعت وبوصفات دسمة كمان ..شكرا