براونيز بكريما الخمس دقايق السرية· يقطع طرفا حبة البرتقال ثم يحزز قشر البرتقال إلى أربع أرباع و يقشر كل ربع و يبعد عن قلب البرتقالة , ثم تقطع الأرباع إلى عيدان بالحجم الظاهر بالصورة .
· ينقع قشر البرتقال بالماء البارد لمدة 24 ساعة مع تغيير الماء أربع أو خمس مرات للتخلص من المرارة الموجودة في قشور البرتقال , بعد مضي الوقت تذاق إحدى القطع للتأكد من التخلص من المرارة و إلا فتترك القشور لوقت أطول حتى تصبح جاهزة مع تغيير الماء . تغمر القشور بالماء البارد و تغلي لبضع دقائق , يرمى الماء و تغمر القشور بالماء البارد مجددا و تسلق لمدة دقيقة اخرى . تكرر العملية بضع مرات للتاكد من التخلص من المرار .
· يوضع السكر و الماء على النار و يترك المزيج حتى يغلي ثم تضاف قطع البرتقال و تترك حتى تغلي ثم تهدى النار و تترك لمدة 15 – 25 دقيقة تقريباً حتى تمتص القشور كل القطر و تصبح ناضجة .
· ترفع القشور و توضع على مشبك سلك حتى تبرد و يتم التخلص من القطر الزائد .
· تجهز صينية كبيرة و تغطى بورق الزبدة , تذوب الشوكولا على حمام مائي ثم يغمس فيها المربى المحضر بسرعة و يصف على الصينية و يترك حتى يبرد .
· تحفظ القطع المجهزة في وعاء محكم الإغلاق حتى وقت التقديم .
5 حبة كبيرة برتقال
كوب ماء
كوب سكر
500 غ شوكولا غامقة من نوعية فاخرة
• يقطع طرفا حبة البرتقال ثم يحزز قشر البرتقال إلى أربع أرباع و يقشر كل ربع و يبعد عن قلب البرتقالة , ثم تقطع الأرباع إلى عيدان بالحجم الظاهر بالصورة .
• ينقع قشر البرتقال بالماء البارد لمدة 24 ساعة مع تغيير الماء أربع أو خمس مرات للتخلص من المرارة الموجودة في قشور البرتقال , بعد مضي الوقت تذاق إحدى القطع للتأكد من التخلص من المرارة و إلا فتترك القشور لوقت أطول حتى تصبح جاهزة مع تغيير الماء . تغمر القشور بالماء البارد و تغلي لبضع دقائق , يرمى الماء و تغمر القشور بالماء البارد مجددا و تسلق لمدة دقيقة اخرى . تكرر العملية بضع مرات للتاكد من التخلص من المرار .
• يوضع السكر و الماء على النار و يترك المزيج حتى يغلي ثم تضاف قطع البرتقال و تترك حتى تغلي ثم تهدى النار و تترك لمدة 15 - 25 دقيقة تقريباً حتى تمتص القشور كل القطر و تصبح ناضجة .
• ترفع القشور و توضع على مشبك سلك حتى تبرد و يتم التخلص من القطر الزائد .
• تجهز صينية كبيرة و تغطى بورق الزبدة , تذوب الشوكولا على حمام مائي ثم يغمس فيها المربى المحضر بسرعة و يصف على الصينية و يترك حتى يبرد .
• تحفظ القطع المجهزة في وعاء محكم الإغلاق حتى وقت التقديم .
أنا لازم أجربها أنا بحب الشوكولاه مع الفواكهه
هلا قطة
لا تنسي إذا جربتيها تدوقيني منها
رح تعجبك كتير ان شاء الله
على فكرة اخت منى مرة جارتي الفرنسية قالتلي انو لما بتجيب البرتقال بتاكل القلب والقشر ما بتكبو بتقطعو رفيع وبتغطسو بالشوكولا وقالتلي انو كل الفرنسين الي ساكنين بالقرى الكبار بالسن هاك بيعملو لان هيدا اكل ولازم نحافظ علي فانا استغربت وقلتلا اسا القشر بدنا ناكلو اوف شي كتير وقلت بنفسي شو فاضين البال :grin فبصدفة انا وعم اتصفح قسم الحلويات شفت الوصفة ذاتها متل ما حكتلي جارتي 8) انا كنت مفكرة من بخلا جارتي ما بتكب القشر فطلعت وصفة مشهورة وظلمت المراة :upset حكيت كتير مهاك
هلا اختي ام نور
بالعكس معلومات استفدت منها ..
نحنا هون عم يحضروا هل الوصفة و بيبيعوها بمحلات الشوكولا بأسعار كبيرة مع ان طريقتها كتير سهلة
حبيت اسألك شو معنى الاورانجيتيه :roll
http://www.linternaute.com/femmes/cuisine/magazine/pratique/orangettes/1.shtml# اخت منى هيدي الوصفة اسما بفرنسا orangettes جارتي اكدتلي وشفتا على هالرابط في الاعلى ممكن تشوفي واذا بتحبي اي معلومة انا بالخدمة
يعطيك الف عافية ام نور
غلبتك معي ..
حلو كتير الموقع هاد , عم اتصفحه هلأ ,
بركي بشوف شي وصفة و جربها
ما شاء الله عليكي يا منى شئد صرلي بالموقع لهلأ في كتير شغلات لسا مو شايفتا ومميزة كتير
الله يئويكي ويسلم هالايدين يا رب
هلا بدور
كلك زووء أختي و الله يسلمك و لا يحرمني من هل الدعوات الحلوة
على فكرة جارتي عملت اورانجيت وبعتتلي ياي شو طيب ما بيخطر لا البال انو من قشور البرتقال ابدا نكهة البرتقال لذيذة وبتدوب بالتم :p وممكن يتغمس بشوكولا ابيض حسب الرغبة
مممممممم
صحتين و هنا حبيبتي ام نور
ما دامه من تحت ديات جارتك الفرنسية معناها شي غير شكل :zzz
أول مرة بعرف ان ممكن يتغمس بالشوكولا البيضاء
كمان فكرة حلوة للضيافة
السلام عليكم
كيفك منونة امبارحة بلشت بهالوصفة بس بكمية صغيرة للتجربة و إنشاء الله إذا نجحت بساويها ع كمية أكبر
سبحان الله بعد ما حطيت البرتقال تيحلى كنت عم استنى برنامج على قناة فتافيت للشيف جاك توريس و هو فرنسي الأصل فعمل نفس هالمربى بس هو غلى القشور ثلاث مرات لأنو هالعملية بتخلي القشر يطالع الحمض يلي فيه و هيك ما بدو تحلية و في المرة الرابعة حطلهن السكر و الماء وعم يذكر إنو أمه كانت تغليهم عدة ساعات
أنا سلقت القشر قبل التحلية على طلب إمي لأنو قالتلي إنو ما بيحلو بدون سلق قلت لحالي ما منها خسارة العملية كلو بينفد على بعضو و اليوم حطيتهم بالقطر و غليتهم شي ساعة و صار أجزاء منهم شفافة بقى بدي اسألك للازم إرجع أغليهم لحتى يختمو منيح و لا بيمشي الحال هيك و غطسهم بالشوكولا
الله يعينك ع قراءة التعليق كتبتلك جريدة
سلام :zzz
أتوقع لازم تغليه لحتى يختم , بس بتعرفي سهى هلا ما بقى يطلع المربى معك مقرمش :roll بس بيطلع طيب
متل ما قالت ماماتك , في كتير ناس بتحب تسلق البرتقال أو النانرج أو غيره قبل تحلايته , انا بحليه قبل و كله بينفد على بعضه بس هي شغلة ستايل بالطبخ
سبحان الله كممان انا شفت هل الحلقة بس مو هلا من زماان أول ما طلعت على فتافيت
يلا عم استنى رايك و ان شاء الله يعجبك
هلا منونة
يا فرحة ما تمت طلعت من البيت و قلتلها لأمي تغلي المربى لحتى يختم قام نسيتهم و نشغلت مع أخوي كان مرضان قام احترقو رجعت لاقيتهم بلون الموبيليا :upset
انشاء الله برد بجربهم وقت تاني
سلام
و لا يهمك ام السوس :roll خيرها بغيرها
ان شاء الله تجربيهم و يعجبوك
السلام عليكم
أخيرا رجعت عملت الوصفة و نجحت بس أنا ساويتهم بقشر الغريفون و طلعو طيبين إلهن مزة ظريفة بس غطستهن بشوكولا غامقة و حلوة لأنو ما عندي شوكولا شقرا و هي صورتهم
كيفك منونة
[url=http://www.0zz0.com/realpic.php?s=8&pic=2009/01/30/21/191038225.jpg][img]http://www8.0zz0.com/thumbs/2009/01/30/21/191038225.jpg[/img][/url]
سلام
الف هنا و الف عافية ام السوس على الغريفونيته
فكرة كمان ليش لا الواحد بيتعلم و بيجربها على طريقتك
منى بدي أسألك شو هو نوع الشوكولاتة اللي بتستعمليه؟؟؟ ووقت بتدوبيها ما بتضيفيلها شي؟؟؟
و آخر سؤال وقت غمس القشور نمسكهم بايدنا يعني و لا بطريقة تانية؟؟؟
لأني عندي برتقال و عبفكر أعملها هلأ
الشوكولا الي استعملها شوكولا لي و من دون اضافة
ممكن نمسكهن ايدناو ممكن بشوكة , الطريقة الي بتريحك
اممممممممممم والله بتعرفي طعمة تمك
رح أجربها قريبا جدا و أردلك خبر
هلا اكتشفتي :grin
عم استنى ردك
:grin
منى بدي أسألك معلش اذا حطينا القشور فترة النقع بالبراد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اكيد , هلا في في برادي شوية قشور منقوعة عم تستنى فرج ربها :grin
هههههههههههههههههههههههههههههههه :grin
منى أنا حطيت بس نص كاسة مي و نص سكر لأن القشور بس لبرتقالو وحدة يعني تجربة صغيرة و حطيتهم عالنار بس بعد ثلث ساعة جيت لاقيت القطر صاير سكر على وجه القشور و بديان يحترق ممكن أعرف و ين الغلط؟؟؟؟
الغلط ان الكمية قليلة فلازم تقللي الوقت و تكون الطنجرة كتير صغيرة
طيب أنا حطيت أصغر طنجرة
بس النار متوسطة
و كيف بعرف انو استواا؟؟
يعني انا ما طولوا غير تلت ساعة فصاروا ماكنين كتيييير
و آخر سؤال بعد النضج رح يكونوا مقرمشين و لا متل قطع مربى المشمش طريين؟؟؟؟
عبنتظر الرد حتى أرجع أعيدها :zzz
بتعرفيهن استوا لما بيصير لونهم شفاف
بعد النضج رح يكونوا بين بين , لا مقرمشين و لا طرايا على الاخير
منووش ما صاروا شو أساوي :cry
هلأ بدي أسأل كم سؤال و بدك تطولي بالك علي 8)
أولا وين بينباع من الأوراجيتيه و بنفس الشكل و لا لأ؟؟؟؟؟
و كمان سألتك هالسؤال من قبل بس بدي جواب مفصل أكتر المربي اللي بقلب الشوكولاتة بيكون قاسي و لا لين؟؟؟
أنا أول ما شفت الوصفة عجبتني كتييييييييير و قلت أكيد رح اجربها و رح اعتمدها عندي من وصفات الضيافة المميزة بس ما عبتنجح :upset
اسمعي يا ستي انا حطيت قشور برتقالة و حدة بركوة (مشان الكمية القليلة) و حطيت ثلاث أرباع كوب ماء و ثلاث أرباع سكر و اتبعت الطريقة بعد45 د ابتدوا يصير أجزاء منهن شفافة (بس أجزاء) و وقت صار ساعة كاملة الن على نااااار واطية جدا طفيت و تركتهن يصفو المهم انوا بعد ما بردوا ما بتشوفيهن شفافات كلون بس أجزاء و وقت بتاكليهن قاسيين كتييييييييييييييير واااااااء بتعرفي بدي تجي عن طريق النت و تجيبيلي معك شوي بدوقن و بعدها بتعملي الطريقة قدامي ههههههههههههههههههههههههههههههههههههههه
دوختك ما :sigh
ما عندي فكرة اذا متوفريين بحلب , الي بعرفهم شغل فرنسا و بنفس الشكل
المربى الي بقلب الشوكولا بيكون تماما متل مربى النا
متل أي مربى؟؟؟
كني مشاركتك طارت عالطريق ههههههه
طيب ممكن تساعديني لوقت ما تزبط معي ؟؟؟؟
:cry
يسلموا ايديك مبارح نقعت القشر انشاء الله يزبطو معي وراح اخبركم شو بصيير معي
ان شاء الله بيزبطوا و بيعجبوك
هلا ملك
قصدي متل مربى النانرج
تكرم عينك , ايا سؤال من عيوني
مرحبا صورة هالوصفة وعدة وصفات ماعم تطلع صورون عندي شوالسبب ياترى
اغلب الصور راحوا وقت تجديد الموقع , و انا عبحاول ارجع ضيفهن كلهن , بس بتاخد وقت كتير