براونيز بكريما الخمس دقايق السرية
مرحبا
يومكم جميل أصدقاء اللقمة الغاليين ..
اليوم مافي وصفة .. اليوم حديث صغير بس من القلب ، عبكتب فورا من دون مسودة .. وهي مو عادتي
المتابع للموقع من أول بداياته بيعرف أن النشاط واقف فيه من زمان ، في كتير أسباب ، بس واحدة من أهم الاسباب أن صرت أشعر أن الشغل كله من دون نتيجة حقيقة، ..
وصفاتي لاقيها هون وهون من دون ذكر للمصدر( هاد طبيعي في النت العربي)
كتير من الزوار يجربوا الوصفات من دون ما يتركوا أثر أو ملاحظة أو تعليق على الوصفة.
إضافة للظروف المستحيلة للنت عنا بحلب .
كل هاد خلاني أضيع الحماس
بس لسه شغفي وحبي للطبخ موجود (وباقي ويتمدد )
هلق رح أطلب طلب ..اعتبروها كرت تعريف بحضرتكم.
يا ريت إذا كنت متابع الموقع وبيهمك استمراره تحط تعليق هون لحتى أعرف وين أنا على الظبط.
ممنونة وقتكم وبانتظاركم
اليوم مافي وصفة .. اليوم حديث صغير بس من القلب ، عبكتب فورا من دون مسودة .. وهي مو عادتي
المتابع للموقع من أول بداياته بيعرف أن النشاط واقف فيه من زمان ، في كتير أسباب ، بس واحدة من أهم الاسباب أن صرت أشعر أن الشغل كله من دون نتيجة حقيقة، ..
وصفاتي لاقيها هون وهون من دون ذكر للمصدر( هاد طبيعي في النت العربي)
كتير من الزوار يجربوا الوصفات من دون ما يتركوا أثر أو ملاحظة أو تعليق على الوصفة.
إضافة للظروف المستحيلة للنت عنا بحلب .
كل هاد خلاني أضيع الحماس
بس لسه شغفي وحبي للطبخ موجود (وباقي ويتمدد )
هلق رح أطلب طلب ..اعتبروها كرت تعريف بحضرتكم.
يا ريت إذا كنت متابع الموقع وبيهمك استمراره تحط تعليق هون لحتى أعرف وين أنا على الظبط.
ممنونة وقتكم وبانتظاركم
(17 votes, average: 3.29 out of 5)
حقك بكل كلمة قلتيها. وحقك علينا ان نعتذر منك وقد ما اتشكرناكي ما بنوفيكي. انا بعرف الموقع تقريبا من العام 2010 . ومن هداك الوقت وانا متابع لئله وبستفيد منه.
يمكن بعمري ما كتبتلك تعليق مباشر ، بس الله بيعلم شوفي بالقلب وطول الوقت بتذكرك وبدعيلك بالخير
بتمنالك كل النوفيق مدام منى.
وماتزعلي كتير عالوصفات اللي بتنسرق من عندك لانو صدقيني لو سرقو منك حرف بحرف ما بعمرن رح يصيرو انتي ولا بعمرا الناس رح تلخبط بينكم . بتضلي انتي فوق وبيضلوا هنن تحت .
وشكرا
أهليين يا عبد اللطيف
أول الشي ممنونة كل كلمة كتبتها، والي الشرف انك من متابعين الموقع من 2011.
تاني شي الف هنا على كل وصفة جربتها ، وبصراحة لما شب بيطبخ بحب ، كتير بيكبر بعيوني
أخر شي شكرا لاستجابتك لطلبي و شكرا لردك
بدي قلك كلمتين من زمان واجت الفرصة هلأ : اول مرة عرفتك من رفيقتي كانت عاملة شير لبوست عم تحكي لما سالني استاذ الفرنسي عن احلامي ؟! اكتر انسانة لمست قلبي بكلامها اكتر انسانة فتحت عيوني بعد ماكنت مغمية وضايعة بعجلة هالحياة
لما قراءته كنت بالمشفى عم صارع الموت ومستنيني علاج طويل صدقيني كنتي بصيص الامل من بين كتير اشعة امل وقتهة اخدت بايدي ظع اني مابعرفك . فتت عموقعك مع اني مو من هواة الطبخ كتير جربت معروكك وسلطة الخس بالدجاج والكاري اللي عاملتيها لعزيمة خالك تقي اللي ببجي من فرنسا
هالعزيمة يمكن قريتها لحفظتها نغنشتي قلبي بحكيك الي سنين انا مغتربة من قبل هالاوضاع
ربي يحميكي انتي وعيلتك واستمري بعطاءك حبيتك في الله ودعيتلك من قلبي
تقريبا أكتر رد أثر فيني هو ردك.
هاد فضل رب العالمين وحسن حظي الي وصل كلامي الك وكان اله هل الاثر.
ما على قلبك شر ابدا ، وان شالله أخر مرة بتدخلي فيها مستشفى .
هنا و الف صحة على كل شي جربتيه .. وبحب قلك انك عطيتيني دفعة كتير قوية لادام.
ممننونة ردك شكرا
أنااا متابعتك من حلب وبشدة وما في وصفة حلبية الا برجع فيها لهالموقع
بتمنى استمراره وبانتظار وصفات جديدة
أهلا وسهلا راما ، منورة حلب فيك
ان شالله الجاي حلو ، ووجودك بركة الموقع وحياته
شكرا لردك
لا تضيعي الحماس…وصفاتك محل ثقة
من زوقك يا صبا ، شكرا لردك
اتمنى لك كل التوفيق
شكرا يا منار
وانت كمان بالتوفيق بكل خطوة
مرحبتين ست منى
أنا من معجبينك من زمان بالطبخ والحلويات
ويتمنى ترجعي تشغلي موقع لقمة طيبة لأنه موقع رائع
وخاصة انه منحس مطبخك مننا وفينا يعني بجرب وصفتك من
دون تردد ابدا لانه بعرف انه رح تكون ناجحا من نفسك الطيب وسهولة التنسيق والطرح..
بتمنى تكوني متذكرتيني
أهليين يا هلا
اي طبعا اتذكرتك بس ما كنت بعرف انك بتعرفي لقمة طيبة
شكرا جزيلا لردك ، وممنونة ثقتك ، ومية هنا وصحة على قلبك بكل شي جربتيه
مرحبا منى
هاد الموقع هو مرجعي لما بيجي عبالي اطبخ اكلة ما بعرف اعملا بفتح هلجوجل و بكتب لقمة بدون تفكير لأن عندي ثقة فيكي إنو اي وصفة حطتيا بتكون على أصولا . بتمنى تستمري و ما تفقدي هلحماس لأن في ناس كتير متلي بتحب تستفيد من هيك ابداعات
أهليين يا ميس
الحمد لله رب العالمين على هي الثقة
ان شالله مستمرة ووجودكم هة اساس الحياة في الموقع.
شكرا جزيلا لردك
الله يعطيكي العافية وانا من المتابعين من زمان وياريت يضل الموقع ويرجع بريقه من اول وجديد
الله يجزيكي الخير
اهليين يا ماسة
الله يعافيك يااارب، ان شالله بيرجع بوجودكم وحسكم الي بيخلي الموقع فيه حياة
متابعة وبشدة
يا أهلا وسهلا ناهد
متابع بمحبة
شكرا من القلب
حرام توقفي… انا في كاير وصفات من عندك وموقعك كسب الثقة يعني صرت جرب الوصفة من دون ماخاف
طول ما انتو معي أنا رح اتشجع على طول باذن الله
صحتين والف هنا على كل شي جربيته، وممنونة ثقتك وكمان ممنونة ردك
تعلمت التفنن بالطبخ وعشق المطبخ من لقمة طيبة
الله يجبر بحاطرك ويكرمك ..من حظي
انا متابعاك من ايام منتدى لك
هيدا الموقع مرجع لإلي و بعتقد لكتير متلي كمان… يا ريت تضلك محافظة عهالموقع
باذن الله رح ابقى محافظة عليه
تحية صغيره مني لالك يا منى لانك انسانه نادرة في هاد الزمن
https://chefindisguise.com/2017/10/10/chicken-a-la-king/
بس تشوفي الرابط فيكي تحذفي التعليق..
غمرتيني بلطفك وكلماتك وكل هل الثقة ..الله يكرمك متل مااكرمتيني ..شكراااا
ارجوك استمري لأن موقعك لايمكن الاستغناء عنه في كتير طبخات بعملها عطريقتك وماممكن ابدلها بغير طريقة ابداً الله يوفقك ويقويك يارب
شكرا يا جود الله يكرمك ويخليك ويارب الك متل هل الدعوات واكتر
Many many thanks for taking the time to share your good recipes. I wish you a luck in your life!!!
thanks petra
you are so kink to leave such a comment
هالموقع بعتبره كنز مافيني استغني عنه …مرجعي الاول من وقت ماتغربت
بارك الله فيك …اني احبك في الله …
شكرا يارا .. الله يبل قلبك
انا بتابعك من حلب و موقعك كتير حلو حتى كل ما بدي اطبخ طبخة جديدة او بيلزمني اي شغلة فورا بدور عليه بهالموقع ما بحتاج اني دور بغير موقع لانه بلاقي طلبي هون ….الله يعطيك العافية . بتمنالك التوفيق و النجاح
منورة يارشا
متابعة ويستمر .. من أيام خالو تقي 2008 وخالو تقي 2009
الله يرحم هديك الايام
منورة
وصرنا 2018 وسبحان الدايم
متى موقعك هاد رااائع و مميز جدا جدااا بالرغم من كل شي طلع بعده ..أنا فاشلة بالمدح جدا ..بس بحب قللك ..انا و من زمااان و من لما عثرت على موقعك من قبل انتشار الفيس و الوتس..ع زمان المنتديات الجميلة
و لحتى الآن لما بدي اعمل اكلة ما بعرفها اول شغلة بعمل فنجان قهوة و بفتح ع موقعك هاد و بقرا الوصفة و بكتبا ع ورقة و بقرا كللل التعليقات تحتا و الأسئلة و ردودك عليها و بتنقلني هل التعليقات و بالأخص القديم منها لعالم ساحر مليء بالشجن و الحنين و الحياة و الحماس ..عالم دافئ مترع بالسلام .. رائحته رائحة حلب العريقة و شجونها بكل معانيها
ياسلاام يارحاب هاد نفس احساسي لما اتصفح القديم ، كانو لقطة منسية من عالم جميل ..
شكرا من قلبي
مرحبا ست منى
أنا متابعتك من بدايات الموقع وعندي دفتر خاص بأسمك لكل أطباقك ودائماً بحاول أعرف أخبارك وأطمن عليك وفرحت كتير بعودتك مالنا غنى عنك أرجو منك الاستمرار بالموقع ونحنا معك
هاد بيعنيلي يا سمسمة كتيرررر ….ان شالله رجعت وبانتظار ردود منك على طول ..
شكرا
الله يجزاكي الخير ع هالموقع الرائع
انا بتابعك من 2009 ولحد هلق وبحاول في كل مرة اشترك مابيمشي الحال
الله يكرمك وصال
الحمد لله هلق مسشي الحال ، ان شالله بتبقي منورة بردودك على طول
شكرا
وكل طبخة بعملها بفتح صفحة لقمة طيبة لأتاكد من الطريقة اكتر موقع طبخ بحبه وبثق بوصفاته
شكرآ الك حبيبتي منى
وربي يجعله إن شاء الله في ميزان حسناتك
اللهم اامين ياارب ..هي الثقة هو عطاء من رب العالمين ..ممنونتك:)
متابعتك من ال 2013 تقريبا ومازلت
وصفاتك المميزة ونفسك وروحك الحلوة بتشدنا لموقعك
ظننت انقطاعك بسبب ظروف البلد
كل التوفيق منى.. حتى لو ماحطيتي وصفات جديدة بيضل الوصفات اللي بالموقع مرجع إلنا
شكرا الك
الله يكرمك يالبنى انا ممنونة كل كلمة كنبتيها ..شكرا
100 السلامة .. بالتوفيق
الله يسلمك يااارب:)
متابعتك من اوووووووول المشوار
بثقة كبيرة بكلشي بتكتبيه
بحب للتفاصيل الصغيرة
بشوق كبييييييير كنت استناكي فيه لما بعدتي عن الموقع
وبفرحة كبيرة انو شفت هلا انك رجعتي
لو سمحتي لاتوقفي
اهلييين ياهيام
وهي الثقة هي دافعي الاول والاخير للمتابعة ..ممنونة كلماتك الي طلعوا من القلب ووصلوا على القلب فورا ..شكرا
وعليكم السلام ورحمة الله مدام منى
الله يمدك بالعافية انا بتمنى تستمري كتير لانو وصفاتك ناجحة ومميزة كنت من قبل جرب وصفة كل فترة كبيرة اما هلق بعد ماتزوجت كل يومين ببحث عندك عالوصفة الي بدي ياها حتى لو تعلمتها من غير حدا او بعرفها بس عندك بطمن اكتر
شكرا كتير لجهودك
وبالنسبة للسرقة هاد الكل بيتعرض اله حسبنا الله ونعم الوكيل
الله يقويك على كل حال.. ماشاء الله عنك .
بالتوفيق ..دمتم بخير.
اهليين يا نور وعليكم افضل السلام واتم التسليم:)
اللهم امين وانت كمان الله يقويك ويبارك بوقتك
انا الي بشكرك على هي الثقة لانو هي اهم واحلى شي بهل الموقع
ممنونة ردك وتواجدك
ياريت اذا في شي جربتيه تخبريني
نورتي