مسقعة اليقطين


         وصفة : منى                 2008/11/24                 13 تعليقات
مسقعة اليقطين

كيلو يقطين
نصف كيلو لحمة غنم مفرومة ناعماً
نصف ملعقة صغيرة بهار مشكل
باقة صغيرة بقدونس مفروم
ملعقة كبيرة سمنة
ملح





يقطع اليقطين لمكعبات بحجم متوسط ثم يقلى بالزيت أو السمنة حسب الرغبة حتى يشقر . يرفع على ورق ماص للتخلص من الزيوت الزائدة .

تقلى اللحمة مع البهار بالسمنة و تقلب و تفكك بالملعقة حتى تنضج و يجف مرقها . يضاف البقطين و تغمر بالماء أو المرق و تترك لتغلي , تهدى النار و تغطى الطنجرة و تترك حتى ينضج اليقطين .

يضاف البقدونس و يغلى لبضع دقائق ثم تقدم المسقعة فوراً مع الأرز المفلفل و اللبن المثوم و مع الفجل و الرشاد .
  • وصفات تانية ممكن تعجبك


التعليقات

  1. ام نور 24 November 2008

    منى الله بخليكي في مجال مرة تانية تنزلي مع الوصفة صورة لا نوع اليقطين الي مستعملتي مشكورة حيبيتي

  2. منى 24 November 2008

    من عيوني التنتين حبيبتي :) رح ساوي مربى و قبل ما حضره ببقى بصورلك اليقطينة :zzz

  3. muna.g.7 24 November 2008

    تعرفين اختي منى احنا بيتنا ما يخلى ابدا من اليقطين صيف وشتاء نسميه قرع اصفر ونعمل منه طبخات كثيرة حلوة ومالحةزوجي كان تعبان من القولون ووصفله اياه دكتور طب بديل بالهند عشان كذه يتواجد على سفرتنا كل يوم والحمد لله استفاد منه وترك الادويه وانا داخله اشكرك على هالوصفات الرائعه اللي اكيد باذن الله حاعملها كلها

  4. منى 24 November 2008

    ما شء الله الله يديم عليه الصحة و العافية أختي :)
    نحنا بيت اهلي بحياتي ما كنا نعمله , بس لما سمعت انه مذكور بالسنة صرنا ناكله .
    ان شاء الله تجربي الوصفات و تعجبك و لا تنسي تخبريني :zzz

  5. سلاف 24 November 2008

    يسلم ايديكي منى باين من الصوره انها طيبه كتير على قولة المتل العين بتاكل 8)
    اليوم اكلنا قرع00
    بعد يومين ان شاء الله بجربها بس ناطره تعملي المربى بدي اسألك منشان جهز حالي للمربى اذا كنتي بتنقعي القرع بالكلس بصير الكلس المطحون أولاء ؟؟؟؟؟ لأن هون مافي غير مطحون اذا مابصير منشان خلي ماما تبعتلي من سوريا كتير مشتهييه عليه هو من الذ انواع المربيات عندي
    بتعرفي منى اهلي كانو هون ومن 3 سنين تقريبا توفى بابا الله يرحمه وسافور سوريا نهائي بقى كنت مدلله شو مااشتهي فورا عند ماما وخصوصا الاكلات الصعبه بس هلا صرلي سنتين الا شوي زوجي هالكني بالمطبخ يعني 5 سنين تقريبا زواج بدك تقولي صرلي سنتين الا شوي بشتغل كل شيئ صعب وسهل بس للأسف شفت موقعك متاخره كنت كل مابدي وصفه فورا اتصل عسوريا واسأل ماما شلوون بتنطبخ
    :zzz الله يخليلي ياكي منى كتير ساعدتيني بأكلاتك ومطبخك عنجد كلمة شكرا قليله كتير عليكي 00 الله يجزاكي الجنه يارب ويسعدك دنيا واخره

  6. سمسمة 24 November 2008

    حبيبة البي منى بتعرفي هلأوقت الكستناء ياترى في أطباق بيستعمل فيها الكستناء غير طبعا الشوي يلي بناكله طوال الشتاء

  7. منى 25 November 2008

    هلا سلاف :)
    الله يسلمك حبيبتي هادا بس من زووءك ;)
    هنا و عافية على القرع الي اكلتوه اليوم
    المربى ما بيصير تستعملي الكلس البودرة , نوو
    خلي ماما تبعتلك شوي احسن ,

    لا متاخرة و لا شي المهم نورتي الموقع حبيبتي , و كتير انبسطت انك عم تستفيدي منه
    هي الدعوات الغالية بتسوى عندي الدنيا و ما فيها و الله , خليلي عينك ادعيلي كمان و ان شاء الله الك كمان بالمثل :)

    يلا هل الاسبوع رح نزل الوصفة بالتفصيل و رح حضرها انا و حماتي لان هي اشطر مني اكيد :zzz

  8. منى 25 November 2008

    هلا سمسومة :)
    في وصفات كتير عندي بس الصراحة انا مو مجربة منها شي , هلا اكتر الشي حابة جرب الكستنا على الطريقة التركية بيعملوه حلو و طيب ..
    ان شاء الله رح جرب وصفات لخاطر عيونك و اكيد ببقى بنزلها

  9. أم ساطور 27 November 2008

    تسلم ايدك ياست منى انا هالاكلة اكلتها مرة وحدة بحياتي عند بيت عمي وعجبتني كتير ومن فترا اتذكرتا وطلبتا من جوزي لانه هلق عنا بالمانيا موسم الهلوين الي بيستعملو فيو اليقتين للزينة وعمل اشكال منها لذلك لازم استغل الفرصة باقرب وقت واعملها :zzz

  10. منى 27 November 2008

    هلا ام ساطور :)
    ان شاء الله تجربيها و تطلع متل الي دقتيها عند بيت احماك أو أطيب و لا تنسي تخبريني رايك ;)

  11. laraye 29 October 2009

    يعني ما شاء الله ما اطيبا
    اليوم جربتا و حتى جوزي كتير حبها
    الله يسلم ايديك يا منى ويجزيكي كل خير

  12. Lost spoon 6 November 2011

    Salam Mona and kel sene w ente salmeh,
    I was checking this recipe because I have a big pumpkin that was used for Hallowwen and I hated to throw it aweay, soooooooooooo I came up with my own recipe and it was really really good. I did it as we do the egglplant “msaqa3a” but used pumkin instead, with onions, galric, tomatos, and bell peppers with some red pepper paste, it is just great. Ill send you a photo when I serve it for eid dinner tonight :zzz

  13. منى 6 November 2011

    مممم يا سلام , عندي شوية ببامكنات , رح جرب وصفتك بس يخلص العيد ;)

    شكرا كتير للفكرة :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)